فزاعية للزهراء عليها السلام


ريض يشيال النعش
نتوادع اويالوالدة



ريض اولاتمشي بعجل
امي الحنينه خل تضل
وفراكهه ماينحمل
والروح ابد ماهايدة



واني احن عليهه
اويلحملت تاليهه
جاوين بعد الكيهه
الجانت علية سادة


يحبيبه ياضي عيني
ليش ابعجل عفتيني
يايمه لا تنسيني
علية بعد ماناشدة



يايمه ردي علينة
وبساع فاركتينه
وانتي علينه حنينه
راحت بعد مارادة



ماردت امنه اوحملت
وبساع الحبيبة مشت
وعيونهه عنه غفت
ويكلف افراك الوالدة



تكلف ييمه فركتج
وشلون اطب الحجرتج
تبطي ييمه غيبتج
كلش الروحي ماردة



هاي ام حسن ممنونه
ومنج تريد العونه
وخادامج ايسمونه
وذكراج تبقى خالدة


بقلم الشاعرة الملة ام حسن

مساعدة وتنضيد جنات
https://www.tg-me.com/dchhtg

لطمية للزهراء علية السلام



عندي اوياج يمه حجاية اسمعيهه
بعد ماطب الدار المو انتي بيهه



عندي وياج جلمه ريضي شويه
واسمعيهه ولو لحضة للبنيه
بعد ماطب الدارج وانتي ماهيه
مااكدر اطبهه وانتي عفتيهه



الدار الامي عافتهه فلا اطبهه
من اوصلهه لعد روحي تصوبهه
عزيزة الوالدة وارواحنه اتحبهه
ومن صاحت ييمه ماتحاجيهه



عندي امباصر وي امي ارد اباصرهه
وبهموم البكلبي ارد اخبرهه
تدري للغريبة ابهمي ما سرهه
وياي اهموم البكلبي تحمليهه



ردي للنزل يالشايلة اهمومي
كبل يومج ييمه ريت حل يومي
علة اغيابج ييمه امغيرة ارسومي
محتاجة الشخصج ردي عليهه



محتاجة الشخصج يالحلو ملكاج
كلبي احتاملج والدارج اتعناج
عونه الشاف شخصج والكعد وياج
مشتاكة علة شوفج روحي هديهه



عندي اوياج جلمه اوماتنيتيني
تمنيتج يالحبيبة تسمعيني
اكلج ما اطب دارج واعذريني
لا مااجت الدارج يمه عذريهه



ممنونه ام حسن ودكول لام حسين
زينب من تطب دارج تهل العين
هاي الخادمه ممنونه الج تدرين
وتسترين علة هالشيعه اوتحاميهه



تمت بقلم خادمه اهل البيت
الشاعرة ام حسن الطفيلي
تنضيد ومساعدة جنات

مشكولة الذمه ولايجوز اخذ القصيدة اويحذف الرابط
اوينسب القصيدة لة




https://www.tg-me.com/dchhtg

لطميه للزهراء عليها السلام


من اجذوع جانت بابهه الزهرة

اودفعاه العدوا اوبانت العصرة

✍✍✍✍✍✍✍✍✍

من اجذوع جانت باب بت طاهه

ودفعهه العدو عليهه اومحد اوياهه

صاحت ياعلي من عمر اذاهه

والبسمار صاب الزاجية الحرة

✍✍✍✍✍✍✍✍✍✍

نبت بسمار من كد مادفعهه الباب

ثكيلة اوصابت ام حسين جم اصواب

النفس منهه انكطع بس الدمع سجاب

ينزف دم متنهه اوتجر بالحسرة

✍✍✍✍✍✍✍✍✍✍

هيسهه العدوا صارت بأخير انفاس

عاف الباب اوطبلهه ماكو احساس

كام ابسوطه يضربهه العدو على الراس

وعلة العين طكهه اوصايرة حمرة

✍✍✍✍✍✍✍✍✍✍

حمرة عينهه من شدت الطكه

وصارت فاطمه مهضومه وبخنكه

طب عليهه الضالم ابيا ملكه

يسطر بيهه كام اوتوجع السطرة

✍✍✍✍✍✍✍✍✍✍

يسطر بيهه كام اوحرك باب الدار

ضلت خايفة واصيح يا كرار

عليه الحك هجمت العدة الاشرار

وبضلوعي الالم حسيت والكسرة

✍✍✍✍✍✍✍✍✍✍




تمت بقلم خادمة العترة الطاهرة

الشاعرة الملة جنان الحسناوي

غير مبري الذمه كلمن يحذف

الاسم اوياخذ الكلمات وينسبهه https://www.tg-me.com/dchhtg

لطمية ثكيلة للزهراء عليه السلام
وصية الزهراء للسيدة زينب علية السلام





يمه زينب. لو رحت ذكريني
يمه زينب أوصيه مو تنسيني

كرب يمه اوداعي
وتغيرت اوضاعي

أو صيه مو تنسيني



لورحت ذكريني يازينب ييمه
بالوصية على الحسن لو شرب سمه
اريدج اتكعدين وتونين يمه
صبروا انتي او اخيج ابو اليمه

وانه يمه اونيني
أوصيه مو تنسيني
يمه زينب يمه زينب




الثانية اوصيتي على حسين اوعليج
ابليلة العاشر انه اوحيدر نجيج
حيدر ايحاميج وانه الاعزيج
حفضي اعيالج يزينب ارد اوصيج

اجيج وتهل عيني
أو صيه مو تنسيني
يمه زينب يمه زينب



لو اخوج انذبح اوضل على الثره
وعلى راس الرمح شالوا منحره
لمي كل اعيالج يالطاهره
وحسين يبقه اضلوعه كلهه امكسره

اوياه انه تلكيني
اوصيه مو تنسيني

يمه زينب يمه زينب




يمه هاي اوصيتي اذكريهه
كربلة اذا يوم يمه رحتي ليهه
وشفتي كل هاي المصايب تمر بيهه
جم هضم روحج يزينب يجي عليهه
اوياج اشوفيني
اوصية مو تنسيني

يمه زينب يمه زينب




هسه زينب خل اسولفلج عليه
بعد اشوية وتجي يمي المنيه
اوينفجع كلبج يالحبيبة خطيه
واللة اعوفنج ييمه مو بديه

اتعالي او ودعيني
اوصيه مو تنسيني

يمه زينب يمه زينب




تمت بقلم خادمة العترة الطاهرة
خطيبة المنبر الشاعرة ام حسين
الحسناوي صاحبة ديوان
المصيبه الزينبيه

مشكوله الذمه اليغير الكلمات
اوينتسبها له https://www.tg-me.com/um_H_u_s_s_e_i_n

فزاعية للزهراء عليهه السلام



ليش استعجلت علة الموت
امي الما اوافيهه



ليش استعجلت سرعه
امي اوحجت بالطلعه
اتريد اسافر البضعه
للمكبرة اوذاريهه




شلون اكدر انه انساهه
عليه صعب فركاهه
جنت امعلمه اوياهه
وكلساعه اجي ليهه




وهسة ابجي اضل بالليل
اريدنهه ودموعي اسيل
ماضل بعد يمه الحيل
اوماجت ليه اشبيهه




خذاج الموت بالكوة
وخلة الروح تتجوة
كتلة عوفهه فدوة
اومايرضه يخليهه




بعد ماضن اشوفنهه
بعداني الزمن عنهه
روحي ايست منهه
ونار البلكلب شنهوا اليطفيهه




كلبي توجعه الونه
اوراحت كل سوالفنه
بعد اويامن اتهنه
اوياهي اسمع محاجيهه




وسفة امي تضيعني
وضل الهضم يكتلني
منهه الدنية حرمتني
اوبس العين اجريهه





تمت بقلم خادمة العترة الشاعرة
الملة جنان الحسناوي صاحبة
ديوان زينب والمصائب

مشكولة الذمه وغير مبري كلمن يغير الكلمات اوينسبها له
https://www.tg-me.com/dchhtg

نواعي للزهراء عليهه السلام




جنت ابحلم اومن الحلم فزيت
بأمي احلمت لن ماهي بالبيت
بالليل شالت وانه گعديت


🌺🌺🌺🌺🌺🌺🌺

هذا الحلم ثاري صدك صار
شالت الحبيبه اوعافت الدار
اوخلت بزرهه ازغار وايتام


🌺🌺🌺🌺🌺🌺🌺

عافت الحبيبه بزرهه
اوخان ام حسن بيهه دهرهه
وسفة علة للي ازغير عمرهه

🌺🌺🌺🌺🌺🌺🌺

شالت اوگطعت فرد گطعه
اوفرگاهه خلة ابكلبي وجعه
مهضومه اواهمل الدمعه

🌺🌺🌺🌺🌺🌺🌺

بعد الوالدة لية اشيردهه
اوروحي الهضم كلش مردهه
طاحت خيمتي الايذة ابسدهه

🌺🌺🌺🌺🌺🌺🌺

طاحت خيمتي وانعمت عيني
اوراحت بعد ماضن تجيني
اوزاد عليهه كلش ونيني

🌺🌺🌺🌺🌺🌺🌺

شالت ابليل ام المحنه
اوضل الكلب بس يجر ونه
بعد طولهه ما اشوفنه

🌺🌺🌺🌺🌺🌺🌺







تمت بقلم الشاعرة خطيبة المنبر
الملة
ام حسين الحسناوي صاحبة
ديوان
المصيبة الزينبية

غير مبري الذمه كلمن ياخذ الكلمات
وينسبها لة https://www.tg-me.com/um_H_u_s_s_e_i_n

لطميه للزهراء عليها السلام


وين شلتي يم حسن ريضي اليه
ماشبعت اوداع منج يالزجيه
افراكج الياذيني....يم حسن تانيني
يمه مااحمل هظم واحمل اذيه
@@@@@@@@@@
يمه مااحمل هظم وامعلمه اعليج
يمه ريضي بالظعن خليني احاجيج
يمه لو رحتي وبعدتي وين الاكيج
فركتج تعميني.......يمه لتخليني
بليه ام شنهي يضل حال البنيه

تمت بقلم الشاعره والمله ام حسين العامري
@@@@@@@@@@@
ابليه ام ابقه تره مهظوم حالي
اوبيتج اشلون اطبه صبح خالي
فدوه يايمه على ابنيتج تعالي
ضلمه بيتج يم هله....والهظم مااحمله
مادريتي اخلافج اشصار بيه


تمت بقلم الشاعره والمله جنان الحسناوي
@@@@@@@@@@@
مادريتي اخلاف عينج حيل ذليت
يمه من نسمة حنانج خالي البيت
يمه بالهم والحزن يايمه ضليت
بس اجر بحزاني....والهظم غطاني
يمه شلتي ابعيد شيردج عليه


تمت بقلم الشاعره والمله ام حسين العامري
@@@@@@@@@@@@
بعد شيردج عليه يالمشيتي
ليش بيه يم حسن ماحسبيتي
اتيتميني من زغر جنج رضيتي
غفت عني عيونج.....اومااعيش ابدونج
انتي مو تدرين يمه يالزجيه


تمت بقلم الشاعره والمله جنان الحسناوي
@@@@@@@@@@@
يمه مو تدرين ماارهم بلياج
عمري ماريده ييمه اخلاف عيناج
يلي رحتي للكبر حمليني وياج
والعمر ماريده....عني صرتي ابعيده
نمتي يمه بالكبر ماالج جيه


تمت بقلم الشاعره والمله ام حسين العامري
@@@@@@@@@@@
نمتي يمه بالكبر يم المحنه
وانه اجر اعليج ونه ابأثر ونه
ولله مشتاكه اعله طولج اشوفنه
ضاع مني بالعجل....ونكطع مني الامل
اوروحي حزنانه اودمعاتي جريه


تمت بقلم الشاعره والمله جنان الحسناوي



تمت بفضل الله وعونه بقلم شاعرات الزهراء ام حسين العامري وجنان الحسناوي وفقنا الله وإياكم لخدمة الزهراء غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء عليها السلام https://www.tg-me.com/dchhtg

لطميه للزهراء عليها السلام
احن وشتاك يايمه الحنانج...يايمه الحنانج
شلون انظر واصد خالي مكانج...يايمه الحنانج
@@@@@@@@@@@
احن وشتاك يمه الذيج الايام
ماترجع بعد صارت بالاحلام
عيني مساهره ماتقبل تنام
اريد امي الحنينه.. شالت ماتجينه
كلبي احتام يايمه الحنانج...يايمه الحنانج
@@@@@@@@@@@@
كلبي اشتاكلج يحبيبه يمه
كلبي ينوح زودتلي همه
وروحي بغيبتج تشبع مغمه
شيردج عليه....يالرحتي من اديه
وين الكه بعد يمه حنانج..يايمه الحنانج
@@@@@@@@@@@
شيردج بعد يمه علينه
شلتي بعيد عنه يالحنينه
كلبي اعليج ضل زايد ونينه
كلبي اعليج مجروح....يمه راحت الروح
ضيعناج وفكدنه حنانج...يايمه الحنانج
@@@@@@@@@@@
يمه اذكر الكعده الحلوه وياج
اذكر كعدتج ذيج وحجاياج
الف ياحيف يمه ضيعيناج
يمه الروح ونت....ولكعدتج حنت
يمه الروح مشتاكه الحنانج...يايمه الحنانج
@@@@@@@@@@@@
ناديت وصحت يالشلتي ردي
غيرج يالحنينه اشبعد عدي
بس النوح والدمعه اعله خدي
يمه اخذيني وياج...مااصبر بلياج
اجيب امنين يايمه حنانج...يايمه الحنانج
تمت ✍️ الشاعره والمله ام حسين العامري من ديوان زينب ولطفوف الجزء الاول وفقنا الله وإياكم لخدمة
سيد الشهداء والقبول عند الزهراء ان شاء الله غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء

لطميه للزهراء عليها السلام
احا يونت فاطمه
بالباب من عصروهه
##########
اليوم الزجيه تالمت
وضلوع منهه تكسرت
والعين منهه ورمت
بالباب من دفعوهه
###########
هجمو عليهه اهل الغدر
خلو ضلعهه منكسر
عالوجه سطروهه سطر
ام الحسن اذوهه
############
ام الحسن مهظومه
ضلت تون مالومه
احا يالضلع يايومه
منه تون خلوهه
#############
منه تون وتنادي
لحك يبويه الهادي
بالبضعه شوف سادي
ضلوع ام حسن كسروهه
################
ضلوع ام حسن متالمه
اكعد وشاهد فاطمه
روح الزجيه مهدمه
روح ام حسن مردوهه
#############
مسمار نبتوا بالضلع
حال الزجيه منفجع
من عدهه محسن من وكع
بلا رحم رفسوهه
###########
ياحال حال ام الحسن
ما فاركت دمع الحزن
من ضلت تلوج وتون
اخلاف النبي هظموهه
مكسرينه....ياضلع الزهره
دوم نون اعليه....احا يالضلع وكسره
تمت ✍️ الشاعره والمله ام حسين العامري من ديوان زينب ولطفوف الجزء الاول وفقنا الله وإياكم لخدمة سيد الشهداء والقبول عند الزهراء ان شاء الله غير مبري الذمه من يحذف الاسم اويغير كلمات القصيده اوينسبها له

هوسات للزهراء عليها السلام
مصيوب الضلع ضل الضلع مصيوب
منه ام الحسن ضلت تون وتلوب
امصابج يالزجيه ذوب النه كلوب
للضلعين المكسوره....اليوم نون ونلطم
@@@@@@@@@@@
ونت وانتجت عالباب يوم النذل عصراهه
ورفست حقد هالظالم لام حسين رفساهه
من العصره تون وتلوج وروح ام حسن مرداهه
بين الحايط والمسمار. شلون الزهره انعصرت
@@@@@@@@@@
شلون اجاسر الظالم يالزهره وسطر خدج
من السطره تسيل ادموم ضلت يم حسن عينج
من الرفسه الرفسهه حيل يزهره افكدتي اجنينج
هاي الزهره المهيوبه....الظالم يسطر خدهه
يايابه....رفساهه وصاحت
@@@@@@@@@@
نشيل اعلام سوده نشيع ام حسين
نلطم عالجنازه وللطم صوبين
نصير اصفوف خل نوكف ميادين
كله اعله الهامه....نشيع الزهره ونلطم
تمت بقلم الشاعره والمله ام حسين العامري من ديوان الام وحزن الجزء الرابع وفقنا الله وإياكم لخدمة الزهراء غير مبري الذمه من يحذف الاسم اويغير الكلمات وينسبها له

لطميه للزهراء
ماناسينه...ماناسينه...يوم امصابج ما ناسينه
اثر بينه...اثر بينه...الضلع مكسر واثر بينه
اثر بينه وزاد الونه...يوم امصابج يامضلومه
انتي البضعه وروح الهادي... شلون اضلوعج مهشومه
ضلت تنزف ليش اجروحج....وروحج صارت مهدومه
شل ايمينه...شل ايمينه...ريت الصابج شل ايمينه
** * ***
شل ايمينه الصوب عينج...ضلت تنزف مدميه
وبالباب انعصرت يضلوعج....وخله اضلوعج محنيه
ماننسه امصابج يالزهره....ننحب ونون يوميه
نلطم جينه..نلطم جينه....لاجل امصابج نلطم جينه
* ** **
نلطم وندك عالهامه...وخل نلطم فوك الراس
كسرو ضلع المهيوبه....وضلت كوه اجر انفاس
هاي الزهره ياشيعه...ابجو اعليهه ياهالناس
تهمل عينه...تهمل عينه...خل كل شيعي تهمل عينه
* * *
لاعدهم رحمه ولاغيره...يوم الهجمو هالكفره
اذوج وحركو بابج...وضلت دارج مستعره
رفسوج واذو حالج...اه يامسمار العصره
ياهادينه...ياهادينه...ريتك حاضر ياهادينه
* ** ***
ريتك حاضر ياطه...وشفت اشصار وماصار
اخلافك حيل اتولاهه....الحاقد شب باب الدار
اتون والضلع مكسر...ونابت بيهه ضل مسمار
الله يعينه...الله يعينه....داحي الباب الله يعينه
* ** ****
الله يعينه من شافاهه...ضلت تهمل يدموعه
شاف الزهره بياحاله....اه ياروحه المصدوعه
اليوم تون وتنادي...وكل الشيعه مفجوعه
ياوالينه...ياوالينه.....وياك نون ياوالينه
* ** ***
وياك نون ياحيدر...ومن عدنه الكلب انصاب
ننشد وندور ضلينه...خبرنه ياداحي الباب
كبر الزهره نريد انزوره.. تبجي وتنشد هالاحباب
مالاكينه...مالاكينه... كبر الزهره مالاكينه

تمت بقلم الشاعره والمله ام حسين العامري من ديوان الام وحزن الجزء الرابع وفقنا الله وإياكم لخدمة سيد الشهداء والقبول عند الزهراء ان شاء الله غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء

سلام عليكم ورحمة الله وبركاته
اشلونكم احبتي الكرام
عظم الله لكم الاجر بستشهاد الصديقه الطاهرة فاطمه الزهراء عليها السلام
اني اعتذر منك احبتي الكرام
ماكاعد انزل قصائد ابكثرة
الان اشوية فراغة ماكوا
اوعندي ضرف او هاي قصائد صديقتي اوحبيبتي واختي العزيزة
الشاعرة والملة المبدعه اللة ايوفقة
ام حسين العامري واسال الله لي والكم حسن العاقبة اقول قولي هذا واستغر اللة لي ولكم واخر دعونا الحمد الله رب العالمين
اختكم الشاعرة والملة جنان الحسناوي

لطميه تنقره بالطور الموشح للزهراء
علكو رايات الحزن علكوهه
اعلام لاجل ام الحسن شيلوهه
@@@@@@@@#@@
اعلام شيلو اليوم لاجل الطاهره
اليوم شالاهه الصميده حيدره
شال نعش الغاليه للمكبره
لاصياح وهوسه من زتوهه
@@@@@@@@@@
لااصوات النايحه اعليهه علت
لابيارغ لااعلام اللي ارفعت
ليش سكته ام الحسن لمن مشت
بهدوة الليل ام حسن دفنوهه
@@@@@@@@@@
بهدوة الليل ام حسن من رايحه
لاعراضه ولااصوات النايحه
جادر المنصوب لامن فاتحه
اليوم اعلام الحزن رفعوهه
@@@@@@@@@@
اعلام سوده نشيل لاجل ام الحسن
ننصب بكل دار ماتم للحزن
اه ينعش الطاهره بليل اندفن
اليوم زينب بالجره عازوهه
@@@@@@@@@@@
اليوم زينب فاره وتهمل دموع
راحت ام حسين مكسورت ضلوع
كلب زينب عالزجيه ضل يلوع
تصيح يالشلتو النعش رجعوهه
@##@@@@@@@@
تصيح زينب والدمع منهه جره
يالخذيت ام الحسن للمكبره
تدري بالضلعين منهه مكسره
للكبر بهداي شو نزلوهه
شيلوهه.....بهداي الزهره
للشالوهه بنص الليل....اليوم نعلي الونه
تمت✍️ الشاعره والمله ام حسين العامري من ديوان زينب ولطفوف وفقنا الله وإياكم لخدمة الزهراء غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء