فزاعيه للأمام زين العابدين عليه السلام


مات أبن الغريب حسين
وسفه وغمض عيونه
📚📚📚📚📚📚📚📚📚📚
مات أبن الكضه مظلوم
الشايل بالكلب الهموم
كضه نحبه الولي مسموم
صاح الباقر أو مهظوم
كوموا خل نشيعه اليوم
أو ودعوه من تغسلونه
📚📚📚📚📚📚📚📚📚📚
صاح أبساع يمحبين
أنشيع ضنوت الطيبين
هذا أبن الغريب حسين
اللي ون أوعماهه العين
لا من يوم لا يومين
أو روحه دوم محزونه
📚📚📚📚📚📚📚📚📚📚
دوم العين هماله
على جدي حسين وعياله
المصيبه دومهه أكباله
صعبه على الولي الحاله
أبوه محد تدناله
الخيل الداست أمتونه
📚📚📚📚📚📚📚📚📚📚
على الوالي أجر ونه
بعد أبيش أعوضنه
مالي عين أشوفنه
شالوه وأيست منه
كلبي أبيش أهيدنه
وخابت كلش أضنونه
📚📚📚📚📚📚📚📚📚📚
أبو الباقر صعب فكده
الجنت أشكي الهظم عنده
سموه العده وحده
أويلي ونمرد جبده
راح أو بعد شيرده
بالمكبره أيدفنونه
📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله أم حسين الحسناوي*
*صاحبه ديوان📚المصيبة الزينبية*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/um_H_u_s_s_e_i_n

مربعه للسيده رقيه عليها السلام


مردتي الروح يالطفله الزغيرونه
أتريدين أبوج النايم أبكونه
📚📚📚📚📚📚📚📚📚📚
مردتي الروح يوم النمتي عالغبره
أو دلالي على أفراكج صبح جمره
أشلون الكلب يحبيبه أنه أصبره
ومن كثر المصايب منخطف لونه
📚📚📚📚📚📚📚📚📚📚
رحتي ليش أو عفتيني مهظومه
مالي قابليه الروح مهدومه
وأبوج حسين نايم ضال بالحومه
وراسه على الرمح ويدير بعيونه
📚📚📚📚📚📚📚📚📚📚
فجعتيني يعمه والكلب خلصان
ومن يوم الغريب اللي كضه عطشان
شلج يالزغيره أبنومت التربان
وأيستي الكلب أو كاطع أضنونه
📚📚📚📚📚📚📚📚📚📚
أيس الكلب يالما ألج رجعه
نمتي على الثره وبعيونج الدمعه
أزغيرونه أوجبيره فجعتج فجعه
رحتي أوعفتي عمتج حيل محزونه
📚📚📚📚📚📚📚📚📚📚
محزونه عليج أنه يالبنيه
أفراكج صعب ماحيل ضل بيه
هدمني يعمه وأني مسبيه
آه عليج يالبالشام مدفونه
📚📚📚📚📚📚📚📚📚📚
آه عليج يالمدفونه بالغربه
أو مره فركتج ماتنحمل صعبه
شكل لحسين لو رديتله الحربه
وسألني وينهه أبنيتي الزغيرونه
📚📚📚📚📚📚📚📚📚📚
شكلله اليحبج كلش أهوايه
والله أستحي ياعمه من هايه
جوابي شنهو اله والصاحب الرايه
من هسه الكلب أيون صاير شلونه
📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

📣 الى اهالي محافظة ديالى الكرام

سيشارك سماحة الشيخ الحسناوي باحياء ليالي العشرة الثالثة من شهر محرم الحرام في مسجد وحسينية الامامين الجوادين(ع)

🗓من ليلة ٢١ محرم ولغاية ليلة ٣٠ محرم

🕗 في تمام الساعة ٨:٠٠ مساءً

📍 محافظة ديالي- بلدروز - قبيلة عتبة - مسجد وحسينية الامامين الجوادين(ع)

📡 سينقل المجلس مباشرة عبر قناة الانوار الفضائية والقناة الرسمية لسماحة الشيخ على اليوتيوب
👇⬇️👇⬇️
https://bit.ly/3i23sYh

#زمان_الحسناوي
#محرم_١٤٤٣
#zaman_alhasanwi

لطميه وحماسيه وتقرء بطور الشور


الهاشميه .. الهاشميه .. الهاشميه .. هاي
الهاشميه .. الهاشميه .. الهاشميه .. هاي
📚📚📚📚📚📚📚📚📚📚
طفله او غريبه او بالشام
من دون كل الأيتام
ظربوهه حيل الضلام
جا تبجي ودك عله الهام
كلبهه كلش محتام
لحسين ابن الأكرام
الهاشميه .. الهاشميه .. الهاشميه .. هاي
الهاشميه .. الهاشميه .. الهاشميه .. هاي
📚📚📚📚📚📚📚📚📚📚
حكهه رقيه اتعاتب
وحسين عنهه غايب
مهظومه بالخرايب
كعدت عله الترايب
ذل شايفه او مصايب
من العده الغرايب
الهاشميه .. الهاشميه .. الهاشميه .. هاي
الهاشميه .. الهاشميه .. الهاشميه .. هاي
📚📚📚📚📚📚📚📚📚📚
نامت ام كلب الحساس
او شافت ابوهه وعباس
ابلا ادين عمهه النوماس
وحسين ابوهه بلا راس
فزت او صاحت ياناس
وألتمت عليهه الحراس
الهاشميه .. الهاشميه .. الهاشميه .. هاي
الهاشميه .. الهاشميه .. الهاشميه .. هاي
📚📚📚📚📚📚📚📚📚📚
صاحت وأجت عليهه
الحراس تنظر ليهه
كالوا الطفله اشبيهه
ادموعهه تجريهه
انوبه سمع طاغيهه
كال اخذولهه واليهه
الهاشميه .. الهاشميه .. الهاشميه .. هاي
الهاشميه .. الهاشميه .. الهاشميه .. هاي
📚📚📚📚📚📚📚📚📚📚
جابوا الراس ابهمه
من شافته المتعلمه
على حسين والي اليمه
شبكته او صاحت يمه
وتخضبت من دمه
وبنحره حيل اشمع
الهاشميه .. الهاشميه .. الهاشميه .. هاي
الهاشميه .. الهاشميه .. الهاشميه .. هاي
📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله أم حسين الحسناوي*
*صاحبه ديوان📚المصيبة الزينبية*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/um_H_u_s_s_e_i_n

نواعي للسيده رقيه عليها السلام


ازغيره رقيه او عذبوهه
العدوان كاموا يطكوهه
لو بجت على حسين أبوهه
📚📚📚📚📚📚📚📚📚📚
رقيه اصيح يابويه ولوني
العدوان أو بجوا اعيوني
أو طكوني يبويه على أمتوني
📚📚📚📚📚📚📚📚📚📚
العدوان يابويه أهظمتني
من يوم السافرت عني وعفتني
تعال وخل أراويلك سوط متني
📚📚📚📚📚📚📚📚📚📚
تعال أو خل أراويلك عذابه
اليسر والسوط يبابه
وكعدت ابلا سكف ابذيج الخرابه
📚📚📚📚📚📚📚📚📚📚
اتمنيت بويه هنانه الكاك
واكعد يوالي انه وياك
مشتهيه روحي اشوف ملكاك
📚📚📚📚📚📚📚📚📚📚
عوف السفر وتعال اريدك
مشتاكه الحضنك أوبوست وريدك
متعلمه انه اغفه اعلى ايدك
📚📚📚📚📚📚📚📚📚📚
من يوم الفكدتك ماشفت راحه
وتعلمت روحي على المناحه
شهر ماشفتك ابليله او صباحه
📚📚📚📚📚📚📚📚📚📚
ضل الكلب عليك مجروح
او مابطلت يلوالي النوح
تدريني زغيره اوماالي روح
📚📚📚📚📚📚📚📚📚📚
بويه افجعتني طبت الشام
وكعدنه بالخرابه ازغار وايتام
وضلينه بيهه الليال وايام
📚📚📚📚📚📚📚📚📚📚
ضلمه الخرابه او بس التراب
لاسكف بيهه النه ولا باب
خفنه او دمعنه صار سجاب
📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله أم حسين الحسناوي*
*صاحبه ديوان📚المصيبة الزينبية*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/um_H_u_s_s_e_i_n

لطميه للسيده رقيه عليها السلام


رقيه اتون عله الوالي او تبجيني
دكلي افراك ابوي حسين كاضيني
📚📚📚📚📚📚📚📚📚📚
رقيه تون لبوهه وتهمل الدمعه
اريده ادكلي عمه وكلبي اصدعه
مو بس الكلب دلالي اتشلعه
راح حسين مني اوبعد شيرجعه
ابوج ابسفر عمه او لا تسأليني
📚📚📚📚📚📚📚📚📚📚
سألتني رقيه عن أبو سكينه
ادكلي الأكبر او عمي البطل وينه
يعمه اليا كتر شالوا اهالينه
ابوي شلون يرضاهه يخلينه
اويالعدوان وانه اجر بونيني
📚📚📚📚📚📚📚📚📚📚
احتاريت ابرقيه شلون احاجيهه
ابوهه اتريده او عمهه واهاليهه
تبجي ماتنام اتريد واليهه
متعلمه حسين بأحضانه يخليهه
نامي عمه اكلهه او لا تعذبيني
📚📚📚📚📚📚📚📚📚📚
تبجي او ماتنام امتانيه الوالي
ياعمه ادكلي اهناه تراوالي
اصيحله او يجيني عمه حسبالي
خل امتوني اراويله اوضعف حالي
مو يدري ما اكدر اتفاركه عيني
📚📚📚📚📚📚📚📚📚📚
بجيت عله اليتيمه وصحت ياعمه
نامي اشويه هيدي اوبلكي ابو اليمه
يجي من السفر ويحضنج ابهمه
ويشوفج يبعد الروح منهضمه
بس نامي يعمه او لا تأذيني
📚📚📚📚📚📚📚📚📚📚
نامي يالعزيزه اوريحي بالج
باجر عكبه يرجع ابو علي كبالج
هوه ابسفر هسه ومادره بحالج
يجيج ان شاء الله ويحقق امالج
اخوي الواعداني والموصيني
📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

مربوعه للأربعين


اجت زينب واهلهه ابذيج الضعون
للحومه اجوا وتهل العيون
📚📚📚📚📚📚📚📚📚📚
اجت زينب اوياهه الحرم كلهه
والاطفال العابد كان نزلهه
ولينه وين عمه كلهه تسألهه
زينب حايره ودموعهه اتهلهه
تخاف على الزغار اللي يونون
📚📚📚📚📚📚📚📚📚📚
اتخاف على الزغار او تهل عيناهه
اوماجاها الكفلها اولا تلكاهه
نومه على الثره مادروا ولياهه
او كعدت على الكبر هيه او يتاماهه
ودكل لحسين اكعد شوف المتون
📚📚📚📚📚📚📚📚📚📚
دكل لحسين اكعد انته والكفال
من الشام اجيت ابلا حمه او رجال
شوفوا عيالكم والحرم ابيا حال
كعدوا على الترابه والدمع همال
واحشم بيكم انه او ماتسمعون
📚📚📚📚📚📚📚📚📚📚
حشمنه يخوتي اوماتسمعونه
خطار او اجيناكم تلكونه
اكعدوا وشوفوا اختكم حاله شلونه
من الشام اجت والروح محزونه
جابت رؤسكم من العدوا الملعون
📚📚📚📚📚📚📚📚📚📚
جبت الروؤس اومن دم جريت العين
وبالحومه ادور وين كبره حسين
ملفوف ابعباتي الراس اله يومين
كلبي من الصبر خلص واجر اونين
اكعدوا ياهلي بسكم تنامون
📚📚📚📚📚📚📚📚📚📚
اكعدوا ياهلي من اليسر رديت
زاد الحزن بيه او صحت يا ريت
اجاني الموت ياخذني ولا ضليت
بعد شلون اطب الدوركم والبيت
وأيس كلبي منكم كاطع اضنونه
📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله أم حسين الحسناوي*
*صاحبه ديوان📚المصيبة الزينبية*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/um_H_u_s_s_e_i_n

لطميه للأربعين


كعدت يم الكبر والعين سجابه
اصيحن يالحنين ابروح لهابه
📚📚📚📚📚📚📚📚📚📚
كعدت يم الكبر وعيوني عميانه
اصيحن يالحنين اوروحي نحلانه
كوم حسين وتلكاني تعبانه
الكبرك جايه وكعدت يم بابه
📚📚📚📚📚📚📚📚📚📚
الكبرك جيت خويه وكعدت يمه
ومشتاكه اشوفنك يبو اليمه
الحرم وايتام صارت على الكبر لمه
كوم اسألني خويه الضعن من جابه
📚📚📚📚📚📚📚📚📚📚
كوم اسألني خويه من اليسر رديت
اجيت الكربله او للخوه اشتاكيت
لا صيوان لا خيمه عليك الكيت
بعدهه الشمس او كبرك اترابه
📚📚📚📚📚📚📚📚📚📚
بعدهه الشمس عليك حراكه
وانه عليك خويه اهواي مشتاكه
اوصعب ماينحمل الغالي افراكه
هاك اسمع دليلي اوكلبي اعتابه
📚📚📚📚📚📚📚📚📚📚
هاك اسمع دليلي ايعاتبك مهظوم
خويه حسين بسك من مجانك كوم
جبت خويه الحرم وياي يالمظلوم
عليه طال نومك شنهوا اسبابه
📚📚📚📚📚📚📚📚📚📚
اكعد يالولي الكوم ردوني
ارد اسولفلك يخويه واهمل اعيوني
شوف شلون صارت سوده امتوني
وخزن جرح كلبي اوزايد اصوابه
📚📚📚📚📚📚📚📚📚📚
خزن جرح كلبي اوحيل كاتلني
من شخصك يخويه حسين فاركني
بعد مابيه روح انه يخال ابني
عليك وعلى الكفيل اليوجع امصابه
📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

لطمية للزهراء عليه السلام
على طور المايلطم علة حسين


دفعو فاطمه العدوان والمحسن وكع منهه


دفعوهة ابعجل. ماعدهم خجل
مدمعهه همل. من طاح الطفل
محسن على الترايب طاح والزهرة كثر ونهه

✍✍✍✍✍✍✍✍✍✍


محسن من وكع. كلب امه انشلع
اصيح ابكل وجع. الحيدر ماسمع
الحك للمصيبه هاي ماأكدر احملنهه

✍✍✍✍✍✍✍✍✍✍

ادكلة ياعلي. كوم الحك الي
اريدك يلولي. حركو منزلي
ومحسن من وكع علة الكاع ابهيدة الونه اسمعنهه

✍✍✍✍✍✍✍✍✍


اونابت بالضلع. بسمار وبيه وجع
ابد ماينشلع. ويهمل الدمع
وعليه المنية اتحوم ياحيدر اشوفنهه
✍✍✍✍✍✍✍✍✍✍


اوطحت علة الثرة. اضلوعي مكسرة
وينك حيدرة. انه امحيرة
مابين العده ضليت او روحي بضيم احسنهه

✍✍✍✍✍✍✍✍




تمت بقلم خادمة الزهراء الملة الشاعرة ام حسين الحسناوي
https://www.tg-me.com/um_H_u_s_s_e_i_n

لطميه للأمام الحسن العسكري عليه السلام


ونه ونه......اعله الأمام ابهالمسيه
ونه ونه......راح وسفه من أديه
العسكري ياحيف مسموم
أيلوج ومغير الأرسوم
ونه ونه ونه ونه


ونه أون للعسكري أوتتهامل العين
وأنجرح كلبي عليه أوصار نصين
آه يمصيبته البجت هالملايين
بالكلب ضلت مأثره ونت حسين
ونه ونه.......العسكري أجته المنيه
ونه ونه.......راح وسفه من أديه


أشلون حاله المهدي أبهاي الليالي
من مصيبه جده انوبه الوالي
أيكول ماضل حيل بيه وضعف حالي
باجر أمن الصبح بيتي يصير خالي
ونه ونه.......أبجي ودموعي جريه
ونه ونه.......راح وسفه من أديه


باجر أمن الصبح ضعن الوالي يسري
أيروح للمكبره ويبقه دمعي يجري
بويه يالكلك حنان بحالي تدري
لاتخليني بهظم يابعد عمري
ونه ونه.......بالكلب تبقه بس هيه
ونه ونه.......راح وسفه من أديه


بويه ماريد الحيات انه البدونك
فدوه رد أعليه اوكلي اشلونك
حيل اشتاكيت انه اعله عيونك
أوجنت أغفه بويه وعله امتونك
ونه ونه.......أثرت يالوالي بيه
ونه ونه.......راح وسفه من أديه


بويه لاتمشي اوتخلي الحمل طاح
واني كلبي ينملي بس ظيم وجراح
أخلافك أنه يالولي ماضني ارتاح
أوبيدي كمت اصفك واكولن كلشي الراح
ونه ونه.......حيلي مايرجع اليه
ونه ونه.......راح وسفه من أديه


*تمت*
*بقلم✍🏻الشاعره المله جنان الحسناوي*
*مشكول الذمه بالعباس كلمن بغير اويتلاعب بالطميه اوينسبه اله*

https://www.tg-me.com/dchhtg