واكلة فلان وفلان سارقين قصائدي او قصائد غيري اشكو الذمه علة الياخذ مستهل اويغير اويلعب بلقصائد الانزلها للقنوات والتنزل بالمكاتب

لطمية لعلي الاكبر عليه السلام


شالوه النعش اوبيه الولد غافي
شفته اوذهل عقلي اوبدل اوصافي
✍✍✍✍✍✍✍✍✍✍

شالوه النعش واصرخ واصيح ابصوت
هنا يالماخذه نزلي التابوت
ارد اكلة اوليدي مووكته هسة الموت
يبني أتعال نام ابحضني الدافي

✍✍✍✍✍✍✍✍✍✍



يبني اتعال لية اوعوفهه الخنگه
يحلو الطول يبني ويا حلو الملگه
يون عليك گلبي ياعلي حگه
يلولي اوياي وانه امغيرة اوصافي

✍✍✍✍✍✍✍✍✍



راح امك تعبهه ذاك وارباهه
الشالتك تسع اشهور بحشاهه
اوكل طلگه التجيهه الموت راواهه
اوشفت الموت يبني اويبست اشفافي

✍✍✍✍✍✍✍✍✍✍



وسفه شالتك ربعك يغسلونك
وبماي البارد ذبوا علة عيونك
اوجفن ابيض يالمدلل يلبسونك
ردت انه اموت وانته اخلافي

✍✍✍✍✍✍✍✍✍✍



تعال ابساع لية الحيل هديته
اطيت العمر لو ردته اطيته
واحسب الربه والتعب جازيته
بس خليني اشوفنك بعد كافي

✍✍✍✍✍✍✍✍✍✍




تمت بقلم الشاعرة جنان الحسناوي
لايجوز شرعا وغير مبري الذمه
كل من يحذفاسم الشاعرة اوينسب القصيدة لة
https://www.tg-me.com/dchhtg

لطميه للرضيع عليه السلام


الرباب ادكول اجيت حسين انشدنه
بيدك ليش ابني ما اشوفنه
📚📚📚📚📚📚📚📚📚📚
الرباب ادكول اجيت اودمعتي بالعين
عبدالله اوليدي ماهو نايم وين
ماهو أبأيدك انشد وكل لحسين
اخاف عليه الزغير اريدنه
📚📚📚📚📚📚📚📚📚📚
اخاف عليه كلي حسين وين ابني
متعلم اوليدي يغفه ابحضني
يكلهه حسين ابنج حيل صوبني
سهم ابركبته والسهم عذبني
اوكطع حتى الونين اوما اسمعنه
📚📚📚📚📚📚📚📚📚📚
يكلهه حسين مات ابنج عزيز الروح
مو مجروح حسبالج اجه مجروح
من ركبته عبدالله الطفل مذبوح
لطمي عليه اوكثري الحزن والنوح
اوليدج راح منج كطعي الضنه
📚📚📚📚📚📚📚📚📚📚
من سمعيته ادكول الرباب اني
هلت دمعتي وتخورس اللساني
اوزادت ونتي اوكثرت احزاني
عبدالله فجعني اوحيل صاباني
بعد شلون مهده اوليدي اهزنه
📚📚📚📚📚📚📚📚📚📚
شفت اوليدي دمه من النحر صبه
ومكسور السهم ومصوب الركبه
كاطع النفس مابيه نبض كلبه
والله روحته اشكد زحمه اوصعبه
ومن شافته روحي ايست منه
📚📚📚📚📚📚📚📚📚📚
من شفت الولد ابخيمت الوالي
اصوب ونمرد حسيت دلالي
واهزن بالمهد ومهدك صبح خالي
يمه مصيبتك بهذلت كل حالي
شفت دم النحر وبيش امسحنه
📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله أم حسين الحسناوي*
*صاحبه ديوان📚المصيبة الزينبية*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/um_H_u_s_s_e_i_n

فزاعيه للرضيع (ع)


نشديت مهدك يالولد
شو ضلمه صرت وخالي
📚📚📚📚📚📚📚📚📚📚
المهد من نشديته
وين أبني الهزيته
شو بيك مالاكيته
حيلي تره هديته
عبدالله يمك ريته
وأشوفه أنه الغالي
📚📚📚📚📚📚📚📚📚📚
أشوفه ماخلوني
بيه العده فجعوني
وياه ما ذبحوني
اللطم وأدك أمتوني
وعميهه حتى عيوني
للما أشوفه أكبالي
📚📚📚📚📚📚📚📚📚📚
للما أشوفنه بعد
عبدالله الجنه ورد
خالي صبح منه المهد
والجبد من عندي أنمرد
أوخاب ضني من الولد
أغيابه مرد دلالي
📚📚📚📚📚📚📚📚📚📚
ضليت أبحسره وألم
والكلب من عندي ورم
ومن الحزن حيل أنهظم
من شفته مصيوب بسهم
أبنحره أوليدي أنفطم
أو خيب جميع أمالي
📚📚📚📚📚📚📚📚📚📚
مايرجع عليه أو أضن
يكعد أوليدي بالحضن
ما أنسه من شفته يون
وكلبي على أمصابه حزن
كثرن جروحه أو ماشفن
أو مارحم دهري حالي
📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

هوسات لعلي الأكبر (ع)


ليله أدكول من جاني المهر خالي
أركض ليه أجيت أو منشده بالي
وين أبني أكله ماهو أكبالي
جاوبني تره كلش ضعف حالي
((( شليت الروح أو دلالي )))
📚📚📚📚📚📚📚📚📚📚
مايحجي المهر بس الدموع أسيل
كتله وين أبني الهدم مني الحيل
شويه ولن أجه ليه أبن حامي أدخيل
محني الظهر وينادي يليله الويل
((( راح اللي جنتي أتنطرينه )))
📚📚📚📚📚📚📚📚📚📚
راح الجنتي أتحسبيله عمره
لكيته يليله يون أبنج على الغبره
أو شفت العده عليه ملتمه أبكثره
شخبرنج شسولف بيه جم طبره
((( أو تنزف كل أصواباته )))
📚📚📚📚📚📚📚📚📚📚
راد الماي أبنج أنمرد جبده
من كثر العطش ماضل صبر عنده
جفت دمعته التنزل على خده
أو من شفته أوليدي الأكبر أبوحده
((( وبجتله العسكر فرحانه )))
📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

لطميه للعباس عليه السلام على طور شيعوا نعش الطاهره المظلومه


ليش يا عباس متحاجيني
أنه أخوك حسين مو تدريني
أنه اخوك حسين مو تدريني

📚📚📚📚📚📚📚📚📚📚

ليش يا عباس نايم ما تكوم
لا تضل على المشرعه أمداير الكوم
أوعينك أمصوبه أو تجري أدموم
أمتانيه زينب أو ماخذهه اللوم
أدكول ريت أنه العدوا أمأذيني
ادكول ريت انه العدوا اماذيني

📚📚📚📚📚📚📚📚📚📚

جاوبه العباس أو دمه يرووف
أشلون أكومن خويه أو مابيه أشوف
الهامه مهشومه أو مكطوعه الجفوف
خلني أضل أهنانه مابين الألوف
بعد ياخويه شنوا تمكيني
بعد ياخويه شنو تمكيني

📚📚📚📚📚📚📚📚📚📚

كله أريد أوصيك خويه ياحسين
على زينب أختي أم كلب الحنين
شلون تصبر لو درت أمفاركين
أني وياهه بعد هاي السنين
والسهم يبقى يأذي أبعيني
والسهم يبقى يأذي ابعيني

📚📚📚📚📚📚📚📚📚📚

كاله الوالي يبن داحي الباب
أوياي كوم أو لا تضل على التراب
بيه هسه أشمتت كل الأجناب
أتلوج أو مأذيك خويه ياصواب
عليه ياأبن والدي دليني
عليه ياأبن والدي دليني

📚📚📚📚📚📚📚📚📚📚

كله خويه حسين مابيه رجه
راسي امطبر أو عيني أمزجه
بيه ماينفع دوه ومعالجه
مستحي منك ضل خالي السجه
طاح من كطعوا مني أيميني
طاح من گطعوا مني أيميني

📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله أم حسين الحسناوي*
*صاحبه ديوان📚المصيبة الزينبية*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/um_H_u_s_s_e_i_n

مو جوده بديوان المصيبه الزينبية

لطميه لليله الوحشه


يعمه الليل اجه عليكم يعمه
يتامه اوياطفل منكم اظمه

📚📚📚📚📚📚📚📚📚📚

يتامه اوياطفل بكتاري اخليه
محتاره يعمه اودمعي اجريه
اوخدر الحرم ياهو اليحاميه
وليهن عالترابه اومارحت ليه
وبعيده الحومه البيهه ابو اليمه

📚📚📚📚📚📚📚📚📚📚

بعيده الحومه واعيالي يبجون
مرعوبين ازغار او يخافون
العدوان خلتهم يونون
الخيم حركوهه او بيمن ينامون
او محتاره بليريد ابوه لو امه

📚📚📚📚📚📚📚📚📚📚

محتاره شسوي الروح نحلانه
او بالميدان ناموا سوه وليانه
راحت الزلم الجانت اويانه
وضل بس الشمر وشكثر اذانه
واجاني الليل واني وحدي حرمه

📚📚📚📚📚📚📚📚📚📚

اجانه الليل او موحش علينه
اوماكوا زلم اللي تحامينه
بالحومه بقه حسين ابو سكينه
وكفيلي على النهر غمضت عينه
او مطبوره هامته او نزف دمه

📚📚📚📚📚📚📚📚📚📚

كفيلي على الشريعه غمض اونام
اجفوفه امكطعه اومظروبه الهام
وانه حايره بالحرم وايتام
لا وليان عندي وبعد وخيام
وعلى المره هاي الحاله زحمه

📚📚📚📚📚📚📚📚📚📚

وحشه الليل ماهو حسين يمي
والعدوان حركتهن اخيمي
تعبانه واجرن كوه جدمي
ويبجون الاطفال اوزاد همي
من السهر عيني راح تعمه

📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

موشح للوحشه


الليله وحشه على العقيله الليله
بعد ماعدهه ولي أو تشكيله
📚📚📚📚📚📚📚📚📚📚
الليله وحشه شلون زينب حالهه
حايره بأيتامهه وأعيالهه
أخيامهه حركوهه كلهه أنذالهه
والغريب أتون اله أو تبجيله
📚📚📚📚📚📚📚📚📚📚
تبجي لبن أمهه الغريب أم الخدر
من أجه أيحز منحره ذاك الشمر
أو سلب كل أهدومه ماخله ستر
ورفس أبن أمي الشمر كل حيله
📚📚📚📚📚📚📚📚📚📚
والعده حاطتهه كلهه الحومه
منين أروحن للسليبه أهدومه
وعله جسم حسين دارت كومه
بخيلهم رضوهن أمفاصيله
📚📚📚📚📚📚📚📚📚📚
رضوا أمفاصيله والدنيه الظهر
أو راسه شالوا على الرمح أهل الغدر
أبد ماعدهم حميه هالكفر
بالشمس ضل محد أيفييله
📚📚📚📚📚📚📚📚📚📚
بالشمس ضل والجروح أهوايه
تنزف أوكل جثته أمدمايه
وأني محتاره بعيالي أويايه
شلون أروحن للولي وحجيله
📚📚📚📚📚📚📚📚📚📚
شلون أروحن للخيول السحكته
كطعت جسمه ومسلبه جثته
والشمر كاطع أبأيده ركبته
وراسه فوك الرمح راد أيشيله
📚📚📚📚📚📚📚📚📚📚
آه يبن أمي أشكثر طعناته
ومحد الشدهن اله أصواباته
فوك سحك الخيل المكسراته
مات أو ماكاموا أبتغسيله
📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله أم حسين الحسناوي*
*صاحبه ديوان📚المصيبة الزينبية*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/um_H_u_s_s_e_i_n