تجدون التكملة في ديوان مجالس الزهراء عليها السلام

تجدون التكملة في ديوان مجالس الزهراء عليها السلام

مربوعه للزهراء عليها السلام


بعدني الوالده ماشابعه منهه
مشتاكه عليهه وأرد أشوفنهه


مشتاكه عليهه أم كعدت الحلوه
وأخذاهه الدهر مني الوالده كوه
أوخله أخلافهه الكلب يتجوه
أوماأكدر عليهه أمي أحبنهه


آه أعله الحنينه المادرت بيه
وكلشي ماردت بس ترجع أعليه
أطب الدارهه وأذكرهه يوميه
أويشتاك الكلب الها وأريدنهه


وأخلاف الحنينه ماأطب للدور
ضلمه أوموحشه أوبعد ماظل نور
شيصبر الكلب على أم ضلع مكسور
وغفت أعيونهه أمي وأنكطع ونهه


غفت أعيونهه أووسدوا خدهه
أوحيدر خفاه الكبر ماعدهه
وأيكول النبي وصاني والدهه
وعن أعيونهه العدوان أبعدنهه


آه يانارهه أمي أشيطفيهه
شالت للكبر أوين الأكيهه
بعد شيجيبهه الحلوه معانيهه
وحجايتهه الزينه ماأسمعنهه


راحت بعد شيرد التشكيني
طول الليل أبجي أوماغفت عيني
أحن الهه وأصيحن لاتخليني
وبعد دارج تراني ماأطبنهه


ماطبن الدارج بعد يالسلوه
وفراكج كتلني أوبالكلب جوه
أنهدم حيلي وأجرن بالجدم كوه
أوشلي بالديار الشايله عنهه


بقلم الشاعره جنان الحسناوي صاحبه ديوان زينب والمصائب والفاجعه الحسينيه مشكولة الذمة كلمن ياخذا كلماتي وينسبها لةبالعباس وامير المؤمنين عليهم السلام

https://www.tg-me.com/dchhtg

فزاعيه للزهراء عليها السلام
على طور آه واويلاه ماتت فاطمه


آه وأويـــــلاه عـــــصروا فـــــاطمه
آه وأويـــــلاه عـــــصروا فـــــاطمه

=======÷÷÷=======

مـــاتت الـــزهره أوحـــزينه اللــــــــــيله
أو زيــنب أعلــه أمــهه الــدمع أســـــيله
أدكـــــلهه ردي الـــغيبه خاف أطــــويله
بــــعد مـــنهوا أخــلافج أنـــه أشـــكيله
صـــــعب يمـــه أهـــــواي هاي الشـــيله
وحـــــيل روحي أعليـــــج يمه أمهدمـه
آه وأويـــــلاه عـــــصروا فـــــاطمه

=======÷÷÷=======

يـــمه الـــــبيتج بــــعد أشـــــلون أطب
صـــار يحـــــبيبه على عــــيوني صعب
أظـــــلم أخـــــلافج أويـــــرهب الكلب
مـــــن أصـــــدن ليـــه الــــمدمع يصب
عـــــيوني تتـــربه تـــجيهه أعله الدرب
ويـــوم رحـــــتي وأنـــه أبــــد مانايمه
آه وأويـــــلاه عـــــصروا فـــــاطمه

=======÷÷÷=======

أشـــــلون أطـــبن بـــعد أنـــي لبــيتج
وأنتـــــي خيـــمه أعليـــه أمخــــليتج
حـــــبيبه يـــــمه هـــــسه أحـــتازيتج
هــواي مهـــــضومه أنـــه أونـــــاديتج
أجـــــيتي لو مـــــره ييمـــــه ريــــتج
أوبيـــــدي أشــد أمـــــتونج المهـشمه
آه وأويـــــلاه عـــــصروا فـــــاطمه

=======÷÷÷=======

الله لايـــــنطي العـــــده الهـــــظموهه
أشـــــسوت أمــي أوهـــيج مارحموهه
أبـــــلاذنـــــب الـــــزاجيه ضـــــلموهه
مــــنهه أشـــــبع شـــوف مـاخـــــلوهه
الـــــباب والحـــايط أثــر عـــــصروهه
وعيــــنهه ســـــطروهه أوضلت وارمه
آه وأويـــــلاه عـــــصروا فـــــاطمه

=======÷÷÷=======

بقلم الشاعره جنان الحسناوي صاحبه ديوان زينب والمصائب والفاجعه الحسينيه مشكولة الذمة كلمن ياخذا كلماتي وينسبها لةبالعباس وامير المؤمنين عليهم السلام

https://www.tg-me.com/dchhtg

مربوعه للزهراء عليها السلام


لأم حسن من جيت ماهي أبيتهه
وزغارهه تنعه وتون سمعيتهه
✍✍🧿✍✍
لأم حسن من جيت ماهي بدارهه
ماكوا أحد بس تون أزغارهه
وكالوا أمنه أمضيعين أخبارهه
أسمعتهم وعيني دم هليتهه
✍✍🧿✍✍
رحت وحدي الدارهه أويجري الدمع
أمي فركتهه تصوب بالضلع
بعد أنه أوياهه ماضن ننجمع
الف ياوسفه أم حسن فكديتهه
✍✍🧿✍✍
الف ياوسفه أفكدت أم الحسن
راحت أوخلتني بالهم والحزن
من البواجي عيوني أحسنهن عمن
ميته ويه الغاليه أتمنيتهه
✍✍🧿✍✍
ميته ريت أوياهه أمي الطاهره
ومشي وسكنهه هذيج المكبره
ولا وحدهه أتنام أمي أعله الثره
أه يحبيبتي الماجازيتهه
✍✍🧿✍✍
من مشت ماطبكت أنه أجفوني
وضلت عليهه تهل أعيوني
أرسوم وجهي أتغيرت أولوني
وخلاف أمي دارهه ماجيتهه
✍✍🧿✍✍

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

فزاعيه للزهراء عليها السلام


أذكر أم حسن وحسين
وأبجي أنه أعله قصتها
✍✍🧿✍✍
أذكر أم حسن هيه
من جانت تمر بيه
أوتنشد دومها عليه
أمي أوهاي حالتها
✍✍🧿✍✍
أمي كاعده أبفيهه
نور العبن وأصبيهه
أترد الروح الضيهه
لون طاريها ذكرتها
✍✍🧿✍✍
وهسه ماشيه عني
أمي التسامرني
جنها أتعذرت مني
أوصعبه عليه فركتها
✍✍🧿✍✍
مدري وين أمحمله
وأنه أخلافها أبذله
دلالي أنمرد كله
من طولت غيبتها
✍✍🧿✍✍
أم الكرم والعفه
أديها دوه أوتشفه
نامت بالكبر وسفه
الأبد ماكو أبمحنتها
✍✍🧿✍✍
بطه أوماجت أم حسين
نامت بالكبر والطين
حكي لو عميت العين
عالزهره أو مصيبتها
✍✍🧿✍✍
مدري أشلون أجازيها
وأنه معلمه أعليها
ردت أمي أباريها
العليه الروح هدمتها
✍✍🧿✍✍

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

حماسيه للزهراء عليها السلام


صاحت أبساع صاحت أبساع
صاحت أبساع صاحت أبساع
يازينب . يازينب . يازينب . يازينب
✍✍🧿✍✍
صاحت أبساع العقيله يم حسن
أتعاي ليه عيوني لفراكج بجن
أوروحي لو شفتيهه الضلت تون
من مشيتي وعفتي كلبي للمحن
حمليتي أبليل أوسار الضعن
أبلايه أوداع أبلايه أوداع
أبلايه أوداع أبلايه أوداع
يازينب . يازينب . يازينب . يازينب
✍✍🧿✍✍
كون يمي أي وحك رب السمه
طولج أشبكه ييمه فاطمه
وصدرج أشتمه العليه أمعلمه
بعد أشوفه يجري من عنده الدمه
وعينج الحمره ييمه الوارمه
وأنتي عالكاع وأنتي عالكاع
وأنتي عالكاع وأنتي عالكاع
يازينب . يازينب . يازينب . يازينب
✍✍🧿✍✍
الله لا ينطي العدوا الماهابج
يوم من جاج أوحركهه بابج
أوصلج للموت ذاك أصوابج
أبقيت أنه ماأحمله أغيابج
وهسه ضلت عندي بس أثيابج
العمر ضاع العمر ضاع
العمر ضاع العمر ضاع
يازينب . يازينب . يازينب . يازينب
✍✍🧿✍✍
من البجي يالوالده عيوني عمت
وروحي من كثر الأحزان أتمرمرت
أخلاف عينج يالحنينه أتهدمت
رحتي أبليل أبضعونج شاهدت
ريت أنه أوياج يحبيبه متت
وعمري ينباع وعمري ينباع
وعمري ينباع وعمري ينباع
يازينب . يازينب . يازينب . يازينب
✍✍🧿✍✍
كون طولج هسه يمي أشتمه
وصدرج أوحضنج عليه متعلمه
مادريتي أشصار بيه يمه
من طلع نعشج بقيت أتغمه
أصيح طفله أنه وعليه زحمه
ماكوا فزاع ماكوا فزاع
ماكوا فزاع ماكوا فزاع
يازينب . يازينب . يازينب . يازينب
✍✍🧿✍✍
شلون يمه عليج أبطله النوح
وأنه أخلافج أضل أبلايه روح
ضلت أبدلالي وبكلبي الجروح
بعد الطولج أوشخصج ماألوح
أنتي رحتي وين بعدج أنه أروح
رحتي أبساع رحتي أبساع
رحتي أبساع رحتي أبساع
يازينب . يازينب . يازينب . يازينب
✍✍🧿✍✍

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

فزاعيه للزهراء عليها السلام


عن بيتها أمي شالت
وما خذتني أوياها
✍✍🧿✍✍
شالت عن أديارهه
أوعافت تون أزغارهه
أويبجي عليهه جارهه
شلون الزجيه الطاهره ننساها
✍✍🧿✍✍
أشعدهه الحنينه أستعجلت
أوبولادهه ماحسبت
طال الغياب أو ماأجت
أوزينب تون عالوالده أوفركاها
✍✍🧿✍✍
ودكلهه ماخذتيني
أوليش بهظم عفتيني
أفراكج البجه عيني
والموت ريت أوياج روحي أخذاها
✍✍🧿✍✍
أتنطر بقيت أبابهه
يأذيني أمي أغيابهه
أوبالكلب ضل أصوابهه
بحسين أبنهه الطاهره أترجاها
✍✍🧿✍✍
أترجاهه بس ليه تطب
أفراكج أكللهه صعب
وعيوني مانشفت تصب
أوروحي الهظم يالغاليه أذاها
✍✍🧿✍✍
أذتهه كلش غيبتج
وأتنطر أنه الجيتج
بالكبر شنهي نومتج
ورسومج الحلوه الثره طماها
✍✍🧿✍✍
وأرسومج المدفونه
ياوسفه يالمحزونه
وحسين تجري عيونه
أيكول الحنينه أبيتها ردناها
✍✍🧿✍✍

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

مربوعه لأم البنين عليها السلام


وأفتها المنيه الطاهره الحره
الوفت باأربعه لجل أبن الزهره
✍✍🧿✍✍
وأفتها المنيه أوكضت حزنانه
على مصاب الشهيد حسين مولانه
الظل أبلا دفن مطروح بمكانه
أورضن بالمتن خياله العشره
✍✍🧿✍✍
أم عباس جانت روحها ألحسين
يوم الما تشوفه أيضل كلبها أحزين
أو تلزم الدرب أو تجري دمع العين
مهمومه تضل أو تجر بالحسره
✍✍🧿✍✍
ومن سافر حسين البقت مهمومه
تتنطر خبر منهم المهظومه
من أولادهه زينب أو جلثومه
أو تدعيله أبو السجاد وأذكره
✍✍🧿✍✍
لن صوت أبن حذلم أجه أينادي
راحت ليه ونادت وين ويلادي
أو خبرني تكله بمهجت الهادي
يكلها أبعونج الله أو كلبج أيصبره
✍✍🧿✍✍
الله يعينها والله اليجويها
بجت أعليهم الما أجوا ليها
والعباس أبنها الجان واليها
ونام أعله الترب أو يلمنكطع نحره
✍✍🧿✍✍
اليوم بعازت العباس يحضرها
أمه الربته هايه يتذكرها
يوسدها ويهيل أتراب كبرها
ويبجي اعليها ويدك على صدره
✍✍🧿✍✍
بس ياحيف ماجو ليها الوليان
وبكربله ضلو نومه عالتربان
أو ماشيع جنازتها كمر عدنان
عينه غافيه أعله ترابها الغبره
✍✍🧿✍✍

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

هوسات لأم البنين عليها السلام


يالعندج مرض وهموم وحزينه
عند أم البنين أدواج تلكينه
بس مشي عليها حسين أبو سكينه
كليلهه هالمرض أريدنج تطيبينه
(( يالشافيتي الناس أهوايه ))
✍✍🧿✍✍
بس نصبي عزه لحسين وياهه
عدهه عزيز أوعنهه راح ماجاهه
بجت عليه أشكثر أوعمت عيناهه
حوائج هسه تقضي للي ينخاهه
(( وفايه الشيعه أيسموهه ))
✍✍🧿✍✍
للمجلس أجيت والكلب مني صفه
اليوم أريدن منج حاجتي يم الوفه
يم البدور الأربعه عليج أمكلفه
حاجتي أريدن تقضيهه وأريدن الشفه
(( زينب وياج أرد أنخاهه ))
✍✍🧿✍✍
من مجلسج أرجع كون مسروره
وفاجئ كل طبيب أنه أودكتوره
أحلفج بالمشت للشام ميسوره
وعافت الولي أضلوعه مكسوره
(( العله أبجفج طيبيهه ))
✍✍🧿✍✍

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg