#Bilasizmi #Sud #Malaka #Attestat

📃Sud boshqaruvchisi malaka attestatini berish

🔹Malaka sertifikatining nomi:
Sud boshqaruvchisi malaka attestati

👫So‘rovnoma beruvchilar toifasi:
O‘zbekiston Respublikasi fuqarosi bo‘lgan jismoniy shaxs

🏢Malaka sertifikatini beruvchi vakolatli organ(lar):
Davlat aktivlarini boshqarish agentligi

🗂Malaka sertifikatini olish uchun talab etiladigan ma’lumotlar:
a) So‘rovnoma;
so‘rovnomada quyidagi ma’lumotlar ko‘rsatiladi:
➖familiyasi, ismi va otasining ismi (o‘zgargan bo‘lsa, u haqda ma’lumotlar ko‘rsatiladi);
➖pasport ma’lumotlari (seriyasi, raqami, identifikatsiyalovchi ID-karta seriyasi, raqami, agar mavjud bo‘lsa);
➖jismoniy shaxsning shaxsiy identifikatsiya raqami (JShShIR);
➖yashash manzili;
➖elektron pochta manzili (mavjud bo‘lsa) va telefon raqami;
➖davlat xizmatidan foydalanish sababi (attestat olish, attestatni qayta rasmiylashtirish, attestat toifasini oshirish yoki amal qilish muddatini uzaytirish);
b) quyidagi hujjatlar ilova qilinadi:
➖xorijiy ta’lim muassasasida olingan oliy ma’lumot to‘g‘risidagi hujjatni nostrifikatsiyalash (ekvivalentligini qayd etish) to‘g‘risida vakolatli davlat organi guvohnomasining nusxasi (mavjud bo‘lsa), sud boshqaruvchisini tayyorlash bo‘yicha o‘quv kursini o‘taganligi to‘g‘risida guvohnomaning nusxasini va fuqarolik va iqtisodiy sud ishlarini yuritishga ixtisoslashuvi bo‘yicha advokat litsenziyasini (mavjud bo‘lsa) ilova qiladi;
v) ikkinchi toifadagi attestatni olish uchun rahbarlik lavozimida kamida ikki yillik ish stajga ega bo‘lmagan taqdirda, ushbu bandning “b” kichik bandida ko‘rsatilgan hujjatlardan tashqari Agentlikka iqtisodiy sudning:
➖sud boshqaruvchisi sifatida avvalgi tayinlanishlar to‘g‘risidagi;
➖uchinchi toifadagi sud boshqaruvchisi sifatida kamida o‘n ikki oy vazifalarni ijro etganligini tasdiqlovchi to‘lovga qobiliyatsizlik tartib-taomillarini amalga oshirilgani haqida sud boshqaruvchisining hisobotlarini tasdiqlash to‘g‘risidagi ajrimlari nusxalari taqdim etiladi;
g) Talabgorning o‘rta bo‘g‘in rahbari sifatida va rahbarlik lavozimida kamida besh yillik mehnat staji, shundan rahbarlik lavozimida kamida uch yillik mehnat staji mavjud bo‘lmaganda, birinchi toifadagi attestatni olish uchun ushbu bandning “b” kichik bandida ko‘rsatilgan hujjatlardan tashqari Agentlikka iqtisodiy sudning:
➖sud boshqaruvchisi sifatida avvalgi tayinlanishlar to‘g‘risidagi;
➖sud boshqaruvchisining hisobotlarini tasdiqlash haqida, ikkinchi toifadagi sud boshqaruvchisi sifatida ishlagan davrda kamida ikkita sud sanatsiyasi va (yoki) tugatish ishlari tartibotlari yakunlangani to‘g‘risidagi ajrimlarining nusxalari taqdim etiladi.
Uchinchi shaxslar manfaati uchun harakat qilayotganda so‘rovnomaga notarial tasdiqlangan ishonchnoma ilova qilinadi.
Quyidagi hujjatlar Agentlik tomonidan “Elektron hukumat” tizimi idoralararo integratsiyalashuv platformasi orqali mustaqil ravishda so‘rab oladi:
➖oliy ma’lumot to‘g‘risidagi diplom ma’lumotlari;
➖mehnat faoliyati to‘g‘risidagi ma’lumotlar;
➖sudlanganligi bekor bo‘lganligi yoki olib tashlanganligi to‘g‘risidagi ma’lumot;
➖ariza ko‘rib chiqilganligi uchun to‘lov to‘langanligini tasdiqlovchi ma’lumot;
➖talabgorning pasport (identifikatsiyalovchi ID-karta) ma’lumotlari.

💰Malaka sertifikatini berganlik uchun undiriladigan to‘lov miqdori:
Bazaviy hisoblash miqdorining 1 baravari.
Attestatining toifasini oshirganlik uchun ham Bazaviy hisoblash miqdorining 1 baravari miqdorida to‘lov undiriladi.

📆 So‘rovnomalarni ko‘rib chiqish muddati:
3 ish kuni

📆Malaka sertifikatining amal qilish muddati:
5 yil

Asos: O‘zbekiston Respublikasi Vazirlar Mahkamasining 30.11.2023 yildagi 635-son qarori

😄Kanalga ulanish👇👇👇
https://www.tg-me.com/davxizmat

#Adliya_xabari

Yoʻl qoʻyilgan qonunbuzilish uchun jazo muqarrarligi taʼminlandi

Vazirlar Mahkamasining 2018-yil 31-martdagi 256-son qarori bilan tasdiqlangan Yuridik va jismoniy shaxslarni gaz tarmoqlariga ulash boʻyicha davlat xizmatlari koʻrsatishning maʼmuriy reglamentiga asosan gaz tarmoqlariga ulanish uchun texnik shartlarni berish hududiy gaz taʼminoti tashkiloti tomonidan amalga oshiriladi.

Adliya vazirligi tomonidan davlat xizmatini koʻrsatuvchi vakolatli organlar vakillari bilan oʻtkazilgan davra suhbatida “Hududgaztaʼminot” AJ tomonidan reglamentga zid ravishda hududiy gaz taʼminoti tashkilotlari tomonidan ishlab chiqilgan texnik shartlarni Jamiyatning markaziy apparati bilan kelishish amaliyoti joriy etilganligi aniqlandi.

Shuningdek, Adliya vazirligi tomonidan oʻtkazilgan monitoringlarda hududiy gaz taʼminoti filiallari tomonidan davlat xizmatlari koʻrsatilishida yoʻl qoʻyilgan qonunbuzilish holatlarini oldini olish boʻyicha qonuniy talab qoʻyilgan taqdimnoma kiritilgan boʻlsa-da, mazkur qonunbuzilish holatlari bugungi kunga qadar davom etib kelmoqda.

Shunga koʻra, kelgusida yuqoridagi qonunbuzilish holatlarini oldini olish maqsadida “Hududgaztaʼminot” AJ boshqaruv raisi oʻrinbosari Maʼmuriy javobgarlik toʻgʻrisidagi kodeksining 215-5-moddasiga asosan maʼmuriy javobgarlikka tortildi.

😄Kanalga ulanish👇👇👇
https://www.tg-me.com/davxizmat