π=3.14

السيرة الذاتية ( curriculum vitea)

هي من أهم الشروط المطلوبة للتقديم على أي وظيفة أو فرصة مهنية، تعتبر مثل هويتك وعلى أساسها يتم تقييم خبراتك وأهتماماتك من أصحاب العمل و تُتخذ كمعيار بالقبول أو الرفض. أنواعها هية (سيرة ذاتية ورقية، إلكترونية، على شكل فيديو)

ماكو نمط خاص تتحدد بيه، تكتب حسب خبراتك ومعلوماتك الشخصية، لكن توجد أساسيات عليك أتباعها لتلقى القبول من أي جهة تريدها. وهذي الأساسيات هية الشكل العام للسيرة والمضمون.

-بالشكل العام ضروري:
-ما تتجاوز السيرة الذاتية صفحتين.
-التركيز على نوع وحجم الخط ووحدته (يعني استخدام نمط الخط ذاته وقياسه في كافة أجزاء السيرة)
-تقسيم مضمون السيرة لعدة نقاط وأجزاء رئيسية حتى تكون مفهومة.
-الوضوح التام و ترتيب الشهادات والخبرات بطريقة واضحة من اقدم لأحدث وحدة.
-خلوها من الأخطاء الأملائية مهما كانت بسيطة
-التأكد من الحروف ال capital اذا كانت بالأنكليزي.
-ممكن يطلبون تاريخ كتابة السيرة الذاتية ف اكتبه.

•المضمون
هنا تكتب كل الأشياء اللي اكتسبتها بحياتك وخبراتك تذكرهم كلهم مثل:

-المعلومات الشخصية (اسم،عنوان، طرق تواصل، جنسية.. الخ.)
-المؤهلات العلمية من شهادات أكاديمية ودورات تدريبية وغيرها
-الخبرة الوظيفية من الشركات او الجهات السابقة عملت معهم وتاريخ التحاقك وشنو المجال اشتغلت بيه(شرح بسيط عن انجازاتك بالمجال)
-أعمال تطوعية والمنظمات اللي عملت معها والجوائز اللي كسبتها وغيرها ورش التحقت بيها ونشاطات وبحوث علمية واي شي ثانوي اكتسبته كلغات أو هواية.

•من الأشياء المهمة بكتابة السيرة الذاتية تركز عليها همات هية:

-أمتلاك اكثر من CV اذا كانت عندك خبرات عديدة ودا تقدم على specific field حتى تكدر تركز بشكل أساسي على ذكر هالخبرة بالتفصيل (طبعا تذكر كل خبراتك لكن بدون تفاصيل عميقة، التركيز الاكبر يكون على اللي حتفيدك بهالوظيفة)

-لتذكر المستوى اللي واصله لما تذكر اللغات اللي تعرفها، أكتفي بس ب fluent, medium, native.
- إنشاء مجلد أونلاين (درايف أو دروب بوكس) وتخلون بيه كل ملفاتكم الهامة بصيغة PDF كالشهادة الجامعية. والشهادات المهنية والخبرات وأي أوراق هامة، وراها رابط قصير للمجلد ضمن السيرة الذاتية HyperLink.

-لا تستخدمون عبارات مكررة من الانترنيت مثل القدرة على العمل تحت الضغط Working Under Pressure
ونماذج وقوالب جداً شائعة
أو ايميل غير رسمي الصيغة.
همات لا تحطون
صورة، إلا إذا طُلب ذلك أو كان المنصب يحتاج لشكل مقبول كالاستقبال والمبيعات

تكدر تكتب CV مالتك بعدة طرق
أما من LINKEDIN من البروفايل تختار انشاء سيرة ذاتية وهذي اسرع طريقة واسهلها.

أو تختار templet cv من برنامج canvas وتكتب عليه وايضا ممكن تستخدم وورد بريس وتنشأ موقع الك تخلي بيه سيرتك الذاتية ومعلوماتك بطريقة مرتبة وهيج حتتميز عن البقية

وهذي همات عدة مصادر:
1. Resume
2. Seirah
3. Ma3arif

1.9K viewsZa;nab, 17:13