"Скрыпка і збан". 1909-10 г. Жорж Брак.
Карціна з якой пачаўся аналітычны кубізм. Не ў традыцыі тыповага нацюрморта: абрысы прадметаў носяць вельмі абстрактны і манахромны характар. Гэты стыль характэрны для стадыі аналітычнага кубізму, росквіт якога прыпадае на 1910-12 г.
Для Брака была характэрная праца з ілюзіянісцкімі прыёмамі, таму тут мастак звяртаецца да прыёму трамплёй (падманка) у выкананні цвіка, які "прыбіты" да сцяны і на якім "вісіць" намаляваны на палатне нацюрморт, тым самым падкрэсліваючы знарочыстую двухмернасць прасторы. Гэтым палатном Брак пастулюе і актуалізуе галоўную ідэю аналітычнага кубізму: "Пад аналітычным поглядам кубіста прадмет расчляняецца на мноства асобных геаметрычных элементаў, ракурсаў, граняў, якія затым пэўным чынам кампануюцца на плоскасці палатна, утвараючы полуабстрактныя кампазіцыі".
#жывапіс #Брак #кубізм #нацюрморт
Карціна з якой пачаўся аналітычны кубізм. Не ў традыцыі тыповага нацюрморта: абрысы прадметаў носяць вельмі абстрактны і манахромны характар. Гэты стыль характэрны для стадыі аналітычнага кубізму, росквіт якога прыпадае на 1910-12 г.
Для Брака была характэрная праца з ілюзіянісцкімі прыёмамі, таму тут мастак звяртаецца да прыёму трамплёй (падманка) у выкананні цвіка, які "прыбіты" да сцяны і на якім "вісіць" намаляваны на палатне нацюрморт, тым самым падкрэсліваючы знарочыстую двухмернасць прасторы. Гэтым палатном Брак пастулюе і актуалізуе галоўную ідэю аналітычнага кубізму: "Пад аналітычным поглядам кубіста прадмет расчляняецца на мноства асобных геаметрычных элементаў, ракурсаў, граняў, якія затым пэўным чынам кампануюцца на плоскасці палатна, утвараючы полуабстрактныя кампазіцыі".
#жывапіс #Брак #кубізм #нацюрморт
Забыўся🙃
12 траўня каналу споўнілася 2 гады✌️🎉
Дзякуй Вам усім вялікі за тое, што чытаеце, цікавіцеся і рэагуеце🤗 Прыемна бачыць, што я не адзін, а нас такіх шмат🥲
Лепшым падарункам будзе Ваш рэпост, рэтвіт, шэр, рэакцыя, падабайка і ўсё вось такое-гэткае😉
Працягваем далей паглыбляцца ў сусвет жывапісу🎨 Люблю Вас🫶
#жывапіс #Беларусь
12 траўня каналу споўнілася 2 гады✌️🎉
Дзякуй Вам усім вялікі за тое, што чытаеце, цікавіцеся і рэагуеце🤗 Прыемна бачыць, што я не адзін, а нас такіх шмат🥲
Лепшым падарункам будзе Ваш рэпост, рэтвіт, шэр, рэакцыя, падабайка і ўсё вось такое-гэткае😉
Працягваем далей паглыбляцца ў сусвет жывапісу🎨 Люблю Вас🫶
#жывапіс #Беларусь
"Музыканткі". Каля 1530 г. Майстар жаночых паўфігур.
У XVI ст. у Нідэрландах працаваў мастак (або цэлая майстэрня, або група мастакоў), які пісаў бытавыя сцэны з жаночымі вобразамі. У XIX ст. для гэтага невядомага аўтара прапанавалі апісальнае "імя" - Майстар жаночых паўфігур.
"Музыканткі" з самых вядомых палотнаў у гэтага аўтара. Тры дзяўчыны даюць хатні канцэрт. Перад флейтысткай раскрыты нотны сшытак, а ў ім запісаны фрагмент французскай арыі.
Гэтая арыя была ўпершыню апублікаваная ў 1529-м, што дапамагло часткова датаваць палатно. Акрамя таго, твораў майстра жаночых паўфігур пазней сярэдзіны XVI ст. не сустракаецца, што дало верхнюю мяжу даты напісання.
На жаль, падказак мала. І карціна, і яе аўтар застаюцца загадкай для гісторыкаў жывапісу.
#жывапіс #майстар #загадка
У XVI ст. у Нідэрландах працаваў мастак (або цэлая майстэрня, або група мастакоў), які пісаў бытавыя сцэны з жаночымі вобразамі. У XIX ст. для гэтага невядомага аўтара прапанавалі апісальнае "імя" - Майстар жаночых паўфігур.
"Музыканткі" з самых вядомых палотнаў у гэтага аўтара. Тры дзяўчыны даюць хатні канцэрт. Перад флейтысткай раскрыты нотны сшытак, а ў ім запісаны фрагмент французскай арыі.
Гэтая арыя была ўпершыню апублікаваная ў 1529-м, што дапамагло часткова датаваць палатно. Акрамя таго, твораў майстра жаночых паўфігур пазней сярэдзіны XVI ст. не сустракаецца, што дало верхнюю мяжу даты напісання.
На жаль, падказак мала. І карціна, і яе аўтар застаюцца загадкай для гісторыкаў жывапісу.
#жывапіс #майстар #загадка
Сяргей Кавальчук🎨🖼
Мастак нарадзіўся не ў Беларусі, але пасля распаду СССР перабраўся ў Мінск і з 1996 г. пачаў працаваць, як прафесійны мастак. Мастак-самавук. Майстар пейзажу. Піша алеем. За сваю кар'еру мастак напісаў ужо больш за 1000 карцін. Творы Кавальчука знаходзяцца ў прыватных галерэях і калекцыях жывапісу па ўсім свеце.
#жывапіс #Кавальчук #пейзаж #Беларусь
Мастак нарадзіўся не ў Беларусі, але пасля распаду СССР перабраўся ў Мінск і з 1996 г. пачаў працаваць, як прафесійны мастак. Мастак-самавук. Майстар пейзажу. Піша алеем. За сваю кар'еру мастак напісаў ужо больш за 1000 карцін. Творы Кавальчука знаходзяцца ў прыватных галерэях і калекцыях жывапісу па ўсім свеце.
#жывапіс #Кавальчук #пейзаж #Беларусь
"Нацюрморт са скатам". 1924 г. Хаім Суцін.
Брутальна. Суцін, магчыма, больш за ўсё вядомы сваімі нацюрмортамі тушаў жывёл. Натхнёны Рэмбрандтаўскай "Тушай быка", Суцін стварыў серыю з 10 работ з тушамі жывёл.
Хоць нам пашанцавала сёння любавацца гэтымі палотнамі, суседзі Суціна ў той час былі не вельмі задаволеныя, і ў выніку выклікалі паліцыю з-за жудаснага смуроду ад гнілых туш жывёлін, якія знаходзіліся ў студыі Суціна.
#жывапіс #Суцін #экспрэсіянізм #нацюрморт
Брутальна. Суцін, магчыма, больш за ўсё вядомы сваімі нацюрмортамі тушаў жывёл. Натхнёны Рэмбрандтаўскай "Тушай быка", Суцін стварыў серыю з 10 работ з тушамі жывёл.
Хоць нам пашанцавала сёння любавацца гэтымі палотнамі, суседзі Суціна ў той час былі не вельмі задаволеныя, і ў выніку выклікалі паліцыю з-за жудаснага смуроду ад гнілых туш жывёлін, якія знаходзіліся ў студыі Суціна.
#жывапіс #Суцін #экспрэсіянізм #нацюрморт
"Індыкі" ("Белыя індыкі"). 1876 г. Клод Манэ.
Карціна ўпершыню экспанавалася на выставе імпрэсіяністаў ў 1877 г. Тут Манэ паўстае не толькі пейзажыстам, але і анімалістам(!).
Эрнэст Гашэдэ, уладальнік гандлёвых дамоў, зрабіўся прыхільнікам і збіральнікам жывапісу імпрэсіяністаў. Загарадны дом Гашэдэ стаў месцам, дзе ахвотна прымалі мастакоў. Там у 1876 г. гасцяваў і Манэ. Па замове гаспадара Манэ напісаў для дома тры дэкаратыўныя пано, у тым ліку і "Індыкоў".
Птушкі дзівяць сваім белым апярэннем, якое выразна кантрастуе з кветкава-травяным покрывам розных адценняў. А як грае на сонцы хвост індыка! І мастак адлюстраваў не адну птушку, а больш за дзясятак. Думаецца, што прыйшлося яму доўга назіраць за індыкамі і старанна вывучаць іх звычкі. Паўстаюць яны на гэтым палатне як жывыя.
#жывапіс #Манэ #імпрэсіянізм #анімалізм #пейзаж
Карціна ўпершыню экспанавалася на выставе імпрэсіяністаў ў 1877 г. Тут Манэ паўстае не толькі пейзажыстам, але і анімалістам(!).
Эрнэст Гашэдэ, уладальнік гандлёвых дамоў, зрабіўся прыхільнікам і збіральнікам жывапісу імпрэсіяністаў. Загарадны дом Гашэдэ стаў месцам, дзе ахвотна прымалі мастакоў. Там у 1876 г. гасцяваў і Манэ. Па замове гаспадара Манэ напісаў для дома тры дэкаратыўныя пано, у тым ліку і "Індыкоў".
Птушкі дзівяць сваім белым апярэннем, якое выразна кантрастуе з кветкава-травяным покрывам розных адценняў. А як грае на сонцы хвост індыка! І мастак адлюстраваў не адну птушку, а больш за дзясятак. Думаецца, што прыйшлося яму доўга назіраць за індыкамі і старанна вывучаць іх звычкі. Паўстаюць яны на гэтым палатне як жывыя.
#жывапіс #Манэ #імпрэсіянізм #анімалізм #пейзаж
"Падмануты". Брайтан Рыўер.
Рыўер уваходзіць у лік лепшых анімалістаў свету ўсіх часоў. На яго палотнах пераважаюць сабакі, якія з'яўляюцца сімвалам вернасці, паўстаўшы перад гледачом нямымі, але разумеючымі сябрамі.
З назвы твора можна зрабіць выснову, што ў лісце змяшчаецца інфармацыя, якая выкрывае чыюсьці хлусню. Хутчэй за ўсё, каханую героя. Верагодна, хлопец перахапіў любоўнае пасланне, якое яго дама сэрца даслала іншаму. Герой карціны аглушаны здрадай. Аднак побач знаходзіцца верны сябар - сабака. Яго пастава і погляд на гаспадара кажа аб бясконцай любові і адданасці.
Вернасць і здрада на адной карціне.
#жывапіс #Рыўер #анімалізм
Рыўер уваходзіць у лік лепшых анімалістаў свету ўсіх часоў. На яго палотнах пераважаюць сабакі, якія з'яўляюцца сімвалам вернасці, паўстаўшы перад гледачом нямымі, але разумеючымі сябрамі.
З назвы твора можна зрабіць выснову, што ў лісце змяшчаецца інфармацыя, якая выкрывае чыюсьці хлусню. Хутчэй за ўсё, каханую героя. Верагодна, хлопец перахапіў любоўнае пасланне, якое яго дама сэрца даслала іншаму. Герой карціны аглушаны здрадай. Аднак побач знаходзіцца верны сябар - сабака. Яго пастава і погляд на гаспадара кажа аб бясконцай любові і адданасці.
Вернасць і здрада на адной карціне.
#жывапіс #Рыўер #анімалізм
"Лодка". 1953 г. Анры Маціс.
Карціна складзена з кавалачкаў паперы, выразаных з лістоў, размаляваных гуашшу, і была створана ў апошнія гады жыцця мастака.
Твор быў выстаўлены ў Нью-Ёркскім Музеі сучаснага мастацтва ў 1961 г. Толькі праз 47 дзён хтосьці звярнуў увагу на тое, што карціна вісіць дагары нагамі. На палатне намаляваныя 10 фіялетавых ліній і два блакітных ветразі на белым фоне. Два ветразі мастак намаляваў не проста так, другі ветразь - гэта адлюстраванне першага на роўнядзі вады.
Каб не памыліцца ў тым, як павінна вісець карціна, трэба звярнуць увагу на дэталі. Большы ветразь павінен быць верхам карціны, а пік ветразя павінен быць накіраваны ў правы верхні кут.
#жывапіс #Маціс #калаж
Карціна складзена з кавалачкаў паперы, выразаных з лістоў, размаляваных гуашшу, і была створана ў апошнія гады жыцця мастака.
Твор быў выстаўлены ў Нью-Ёркскім Музеі сучаснага мастацтва ў 1961 г. Толькі праз 47 дзён хтосьці звярнуў увагу на тое, што карціна вісіць дагары нагамі. На палатне намаляваныя 10 фіялетавых ліній і два блакітных ветразі на белым фоне. Два ветразі мастак намаляваў не проста так, другі ветразь - гэта адлюстраванне першага на роўнядзі вады.
Каб не памыліцца ў тым, як павінна вісець карціна, трэба звярнуць увагу на дэталі. Большы ветразь павінен быць верхам карціны, а пік ветразя павінен быць накіраваны ў правы верхні кут.
#жывапіс #Маціс #калаж