"Пераход Напалеона праз Альпы" ("Банапарт на перавале Сэн-Бернар"). 1801 г. Жак Луі Давід.

Адна з самых знакамітых работ мастака. Воін-герой верхам на дужым скакуне. Ён гатовы перасекчы перавал Сэн-Бернар і разграміць аўстрыйскую армію ў Італіі. Карціна - магутны элемент прапаганды.

На самой справе Напалеон перасёк Альпы верхам на муле і замест таго, каб у авангардзе весці сваё войска ў бой, ён ішоў за ім у хвасце.

Заўтра паглядзім на гэтую падзею з іншага боку.

#жывапіс #Давід #партрэт #Напалеон

Сёння іншая трактоўка падзеі. Глядзіце перадапошні пост.

"Пераход Напалеона праз Альпы". 1850 г. Поль Дэларош.

У ганарлівых французаў рэалістычнае палатно выклікала, у асноўным, здзіўленне і крытыку: многія палічылі такі вобраз Імператара ганебным.

Напалеон у Делароша змёрзлы і панылы, у шэрым плашчы. Верхам на муле, а не на белым кані. Побач ёсць яшчэ людзі - ён не адзіны герой.

Гэтыя дзве карціны ўяўляюць сабой выразны прыклад розніцы паміж рамантызмам і рэалізмам: проціпастаўленне ідэалізаванага свету, населенага ідэальнымі напаўбагамі, суроваму і праўдзіваму бытапісанню сапраўднага жыцця без перабольшанняў і расхвальвання.

#жывапіс #Дэларош #Давід #партрэт #Напалеон #Францыя

Спіс пакупак вялікага Мікеланджэла🤌📝

Па прадукты маэстра сам не хадзіў, а адпраўляў слугу. Мабыць, той не ўмеў чытаць, таму Мікеланджэла насупраць назваў дамалёўваў усё, што трэба купіць. Спіс падзелены на тры часткі лініямі, а некаторыя пункты паўтараюцца - падобна, што перад намі меню на тры дні:
1.
pani dua - 2 лусты хлеба
un bocche di vino - збан віна
una arana - селядзец
tortelli - тартэллі (крыху інакш складзеныя равіолі)
2.
una salata - салата
quattro pani - 4 лусты хлеба
un bochal di tonda - збан віна
un quartuccio di bruschino - кварта лёгкага чырвонага віна (Брускіна - вельмі старая назва слабога чырвонага віна, падобнага "хутчэй на ваду")
un piatello di spinaci - талерка шпінату
quattro alice - 4 анчоўса
tortelli - тартэллі
3.
sei pani - 6 лустак хлеба
dua minestra di finocchio - 2 талеркі супу з фенхеля
una aringa - селядзец
un bocche di tonda - збан моцнага чырвонага віна

Хлеб, селядзец і віно ў Мікеланджэла былі абавязковай часткай стала.

#жывапіс #Мікеланджэла #меню #Італія

У нас сёння снежна, так што вось❄️

"Эфект снегу ў Жыверні". 1893 г. Клод Манэ.

Чарціць "чорныя квадраты" можа кожны, а вы паспрабуйце перадаць на палатне пейзаж скрозь непраглядную снежную заслону. Хто так можа? Імпрэсіяністы!

Вельмі незвычайна. Адна з маіх любімых карцін❤️

#жывапіс #Манэ #імпрэсіянізм #пейзаж #снег

Усе навіны кінематографа, агляды на фільмы і серыялы, мемы, імпрэзы і шмат чаго іншага чакаюць вас на канале @kupinaruzh — праекце для тых, хто любіць кіно!

Далучайся!

https://www.tg-me.com/kupinaruzh
https://www.tg-me.com/kupinaruzh
https://www.tg-me.com/kupinaruzh

"Джэнтльмены на скачках: ездакі перад стартам". 1862 г. Эдгар Дэга.

Дэга славіцца карцінамі на тэму балета. Ён адлюстроўваў іх на сцэне, за кулісамі, на рэпетыцыях і адпачынку. Гэтая праца падаецца далёкай ад яго работ, прысвечаных свету танца. Сцэнічныя дэкарацыі тэатра змяняюцца іпадромам пад адкрытым небам, дзе жакеі рыхтуюцца да гонкі. Праца з'яўляецца часткай серыі, якая дае ўяўленне аб адной з самых папулярных забаў таго часу - праглядзе скачак.

Карціны з танцорамі балета і жакеямі на конях маюць больш агульнага, чым здаецца. Па-першае, Дэга падкрэслівае маляўнічыя касцюмы. Па-другое, ён быў зачараваны рухамі як коней, так і танцораў. Па-трэцяе, ён уключыў незвычайныя ракурсы, тэхнікі і лініі ў абедзве серыі, якія ён падгледзеў з японскіх гравюр і фота, якія былі чымсьці новым для таго часу.

#жывапіс #Дэга #імпрэсіянізм

"Піянер". 1904 г. Фрэдэрык МакКабін.

Панэлі трыпціха распавядаюць гісторыю аўстралійскага фермера і яго сям'і, якія выбралі кавалак зямлі для расчысткі і апрацоўкі.

На левай панэлі паказаны фермер і яго жонка, якія спыніліся на абраным месцы. Жанчына ў глыбокай задуменнасці.

На цэнтральнай панэлі дзіця на руках жанчыны паказвае, што прайшоў нейкі час. З'явіўся ямейны дом, які можна ўбачыць на паляне паміж дрэвамі.

На правай панэлі намаляваны чалавек, які схіліўся над магілай. На заднім плане бачны горад, што зноў паказвае тое, што прайшоў час.

Не ясна, чыя гэта магіла, ці быў мужчына фермерам-піянерам, вырас немаўля з цэнтральнай панэлі або просты незнаёмы, спатыкаецца аб магілу. Мастак не даў адказу, калі разгарэлася спрэчка аб "правільным" значэнні твора.

#жывапіс #МакКабін #трыпціх #Аўстралія

"Люцыпар". 1891 г. Франц фон Штук.

Карціна была створана пад уплывам вучэнняў Ніцшэ пра ідэю Звышчалавека. Напісана алеем. Выклікае жах і зачароўвае. Калі Балгарскі князь Фердынанд купіў палатно і павесіў у сябе, наведваючыя яго члены ўрада былі напалоханыя і нават хрысціліся перад карцінай.

Спачатку кожны звяртае ўвагу на раз'юшаныя яркія вочы. Дэман паўстае перад намі ва ўсёй сваёй сіле і мужнасці. Аднак яго галава, якая абапіраецца на руку, кажа, што ён расчараваны і задуменны.

Побач мы бачым зламаныя крылы, якія кажуць пра падзенне анёла. У поглядзе і выразе асобы тоіцца злосць. Цяпер, стаўшы ворагам, ён задумвае перапыніць боскі парадак.

#жывапіс #фонШтук #люцыпар #анёл

"Што робіць кот, калі яго не бачыш". Квінт Бухгольц.

Карціна нямецкага мастака і ілюстратара. Ён найбольш вядомы сваімі цёплымі, утульнымі і маляўнічымі карцінамі ў стылі пуантылізму, у якіх выкарыстаны тэхнікі і матывы магічнага рэалізму.

Працы мастака

#жывапіс #Бухгольц #пуантылізм #рэалізм

"Цмок". Кацусіка Хокусай.

Цмок, якога мастак напісаў на скрутку ўжо ў старэчым узросце (пасля 80-ці гадоў).

Каштоўна тое, што малюнак зроблены ў адваротным парадку, ад белага да цёмнага. Мастак павінен быў загадзя прадумаць месцазнаходжанне кожнай рыскі, так як туш не даруе памылак. Нельга зафарбаваць няўдалы мазок - ён праступае пад наступным. Кожны штрых адзіны і змяненне яго немагчыма.

Звярніце ўвагу на выраз твару цмока. Як жа мы цябе разумеем, Цмок-сан.

#жывапіс #Хокусай #туш #цмок #Японія