Зноў Манэ і Манэ😁🎨

"Лодка-майстэрня Манэ". 1874 г. Эдуард Манэ.

Менавіта Манэ (той, што Клод😁) пераканаў сваіх сяброў пакінуць майстэрні і не дакранацца да пэндзля, не маючы "матыву" перад вачыма. Маленькая лодка, прыстасаваная пад майстэрню, дазваляла мастаку вывучаць асаблівасці і зменлівасць рачнога пейзажу. Эдуард Манэ, які аднойчы прыехаў наведаць сябра, пераканаўся ў слушнасці метаду маладога чалавека і аддаў яму даніну, напісаўшы партрэт Клода за працай на адкрытым паветры як раз у той самай лодцы-майстэрні.

#жывапіс #Манэ #імпрэсіянізм

"Бітва пад Воршай". Прыкладна 1520 - 1534 г. Аўтар невядомы.

Карціна, выстаўленая сёння ў Нацыянальным музеі ў Варшаве, адлюстроўвае бітву, якая адбылася 8 верасня 1514 г. паміж войскам Маскоўскага княства і саюзным войскам Каралеўства Польскага і ВКЛ. Карціна вядомая з др. пал. XIX ст., калі яна апынулася ў музеі ў Брэслаў. Шматлікія дэталі карціны, напісанай, верагодна, відавочцам ці нават удзельнікам бітвы, уяўляюць вялікую цікавасць для гісторыкаў.

Мастак ужыў складаную структуру, адначасова прадставіўшы побач некалькі разнесеных па часе падзей. Ключавыя моманты бітвы і галоўныя героі паказаны па некалькі разоў, у розных месцах дошкі без умоўных падзелаў. Агульная перспектыва прадстаўлена рухам справа налева, часткамі зверху ўніз. Кампазіцыю можна падзяліць на 3 часткі: 1) пераправа польска-літоўскага войска праз раку Крапіўну; 2) бітва; 3) паражэнне маскоўскага войска і пераслед уцекачоў. Кожная частка складаецца з асобных сцэн.

#жывапіс #Ворша #Беларусь

Памеры карціны 165 на 260 см, таму вось вам вялікі фармат.

"Кветкі на калодежы". 2014 г. Таццяна Чарных.

Беларуская мастачка, якая працуе ў жанрах пейзажу і нацюрморта.

#жывапіс #Чарных #Беларусь

Новая праца Караваджа

У 2014 г. з'явілася навіна, што на паддашку дома ў французскай Тулузе нібыта выявілі другую версію карціны "Юдзіф, якая абезгалоўлівае Алаферна" аднаго з самых дарагіх мастакоў - Караваджа. Мастацтвазнаўцы ставіліся скептычна - палатно лічылася згубленым яшчэ ў пачатку 17 ст., а ў свеце штогод з'яўляюцца дзясяткі падробак.

Аказалася, праца сапраўдная. Захоўвалася ў старым доме не менш за 150 гадоў і пры гэтым выдатна захавалася. Уладальнікі дома знайшлі яе выпадкова, калі залезлі на паддашак, каб паправіць дах. Палатно знаходзілася ў памяшканні, у якое ніхто не заходзіў.

Папярэдні кошт карціны склаў €150 млн. Аднак прададзеная яна была да таргоў у прыватную калекцыю амерыканскага міліярдэра. Цану пакінулі невядомай, але кажуць пра €170 млн.

Праверце ўсе свае гарышчы зараз жа☝️

#жывапіс #Караваджа #барока

Карціна Ван Гога "Вясновы сад", якую скралі ў 2020 г., знойдзеная🖼

"У нас неверагодна добрыя навіны. Карціна "Вясновы сад" вяртаецца ў музей Гронінгена праз тры з паловай гады пасля крадзяжу", - гаворыцца ў заяве музея якому належыць твор.

Карціну, датаваную 1884 г., выкралі ў горадзе Ларэн з музея, дзе яна знаходзілася на выставе. Тады паліцыя апублікавала відэа з камер назірання, на якім відаць, як злодзеі ўварваліся ў музей, разбіўшы шкляныя дзверы, каб выкрасці твор.

Палатно коштам ад 3 да 6 млн еўра падкінулі прыватнаму дэтэктыву, які і займаўся пошукамі. Палатно абгарнулі ў пакет і навалачку і пакінулі пад дзвярыма.

Пытанняў у гэтай гісторыі больш, чым адказаў. Паводле звестак СМІ, злачынец, які скраў карціну, цяпер за кратамі, як і пакупнік. Але ў чыіх руках у выніку апынуўся шэдэўр, паліцыя так і не ўстанавіла.

#жывапіс #ВанГог #музей

"Выкраданне дачок Леўкіпа". 1617-18 г. Пітэр Паўль Рубэнс.

Выкраданне - адзін з любімых сюжэтаў барока таму, што ў ім шмат эмацыйнасці.

У цэнтры палатна дзве прыгажуні, якіх выкрадаюць браты, сыны Зеўса. Прастора максімальна запоўнена, што стварае эфект натоўпу і адчуванне, што ўсе персанажы палатна вось-вось выйдуць за межы карціны. Каляровыя кантрасты ўзмацняюць напружанне - белым целам дзяўчат супрацьпастаўлена загарэлая скура братоў і чырвоныя тканіны.

Рубенса лёгка пазнаць па характэрных, скажам так, не худым целам😉

#жывапіс #Рубэнс #барока