"Партрэт хлопчыка ў брылі (саламяным капелюшы)". 1830 г. Іван Хруцкі.

Цёмны фон карціны дазваляе засяродзіць увагу на галоўным. Іван Фаміч не аднымі нацюрмортамі, так бы мовіць. Прыгожы хлопчык у традыцыйным саламяным капелюшы, але і тут без харчоў не абышлося.

#жывапіс #Хруцкі #нацюрморт #партрэт #Беларусь

"Аўтапартрэт на ружовым фоне". 1875 г. Поль Сэзан.

Сэзан часта рабіў аўтапартрэты. Ён напісаў амаль 30 штук. У большасці гэтых работ ён бачыць сябе вельмі спакойным і сур'ёзным, глядзіць прама на нас. Асноўнай прычынай выканання аўтапартрэтаў было павышэнне кваліфікацыі Сэзана, як мастака-партрэтыста. З іншага боку, аўтапартрэт быў ідэальным жанрам для праверкі інавацый.

У гэтай рабоце ён яўляе нам сябе упэўненым у сабе майстрам з густой барадой, які быў на піку ў свае 36 гадоў. Фонам мастак абраў ружовыя ўзорныя шпалеры.

#жывапіс #Сэзан #імпрэсіянізм #постімпрэсіянізм #аўтапартрэт

"Спакушэнне Святога Антонія". Каля 1650 г. Ёс ван Крэйсбек.

Карціна Фламандскага мастака. І мы адразу разумеем чаму. Мастакі часта пішуць спакушэнне Св. Антонія. Тут відавочна зроблена шмат адсылак да трыпціха Босха "Спакушэнне Святога Антонія", з якога Крэйсбек відавочна чэрпае натхненне.

Вялікая галава, якая крычыць, дамінуе над карцінай, вывяргаючы мноства монстраў як метафару злых думак, якія атрымалі фізічную форму. У адкрытым ілбе намалявана мініяцюра працы мастака. Такое выкарыстанне чалавечай галавы ў якасці кантэйнера, верагодна, запазычанае ў Босха, а сама галава належыць аўтару карціны.

#жывапіс #Крэйсбек #Босх

Карціну сярэднявечнага італьянца Чымабуэ знайшлі на французскай кухні ў выглядзе "скапцелай" дошчачкі і прадалі ў 2019 на аўкцыёне за 24 млн. еўра (ужо распавядаў падрабязнасці). Бабулька-гаспадыня праз 2 дні пасля таргоў раптам памерла. А далей Францыя наклала на вываз эмбарга і некалькі гадоў шукала грошы на выкуп карціны.

І вось, праз 4 гады Луўр здолеў перакупіць карціну. 24 млн. удалося сабраць дзякуючы мецэнатам і прыбытку ад здзелкі па арэндзе таварнага знака Луўра ў Абу-Дабі.

#жывапіс #Чымабуэ #Луўр

"Дом за дрэвамі". 1906-7 г. Жорж Брак.

У 1906-7 г., натхнёны сваёй першай сустрэчай з фавізмам у Салоне 1905 г., Брак эксперыментаваў з гэтай новай тэхнікай. Тут ён выкарыстоўвае вострыя, яркія колеры фавізму, шырокія цёмныя контуры, плоскую прастору і негрунтаваны холст. У гэты час Брак працаваў на поўдні Францыі, асабліва ў рыбацкіх вёсках Ла-Сьёта і Эстак. Эстак таксама быў любімым месцам Поля Сэзана.

#жывапіс #Брак #фавізм #Сэзан #Эстак

Заўтра беларусы змогуць бясплатна наведаць дзяржаўныя музеі.

Пра гэта паведамляе прэс-служба Мінкульта.

Акцыю прымеркавалі да 9 мая. У яе межах можна будзе бясплатна наведаць пастаянныя і часовыя экспазіцыі (за выключэннем камерцыйных выстаў) і атрымаць экскурсійнае суправаджэнне.