الواحد لو إتلفت الشبكة بتطش 🙂💔

إنا لله و إنا إليه راجعون

﴿قُل لَن يُصيبَنا إِلّا ما كَتَبَ اللَّهُ لَنا هُوَ مَولانا وَعَلَى اللَّهِ فَليَتَوَكَّلِ المُؤمِنونَ﴾

الحمدلله علي قدر الله
وقعت في بيتنا يوم الجمعة القذيفة دي (كاتوشة)

4 منها وقعوا في حلتنا ، الوحيدة الما إتفجرت هي الوقعت في بيتنا (ربنا حفظنا🤲🏼) البقية أتلفوا و دمرو و قتلوا شخص 💔 ..

القذيفة ضربت و إرتدت 3 مرات في السقف ، الحيطة و إستقرت في الأرض علي بعض سنتمترات من سريري في الحوش .. 💔

باقي التفاصيل حتكون في يومية مفصلة من أجزاء

الكهرباء قاطعة ..
الشمس في نص الراس ..
راكبين في السطح حفيانين ..
الطيران فوق راسنا ..
لاصقين مع الحيطة ..
كل دا حتي أقدر اطمئن عليكم و انشر بعض البوستات الكتبتها الفترة الفاتت و اقوليكم انا طيب .. و انتو بتمرو علي منشوراتي ساااي كدا

كل عام وانتم بخير جعله الله اخر عيد لنا من دون حرب او فتن وربنا يتقبل منا ومنكم صالح الاعمال والطاعات 🤍🌼🌙✨

‏اللهم إنا استودعناڪ العشر من ذو الحجة و يوم عرفه فلا تجعلها آخر عهدنا ، وأعدها علينا ونحن في تمام الصحة والعافية ولا تخرجنا منها إلا ونحن مقبولين ومرحومين برحمتك يا رحمن يا رحيم

ڪل عام و جميعڪم بخير وعافية ، مبارك عليك حلول عيد الأضحي المبارڪ 🐑🎉


و ڪل عام و جميعڪم و الامة الإسلامية بخير 💙💙💙

في ظل فجوات الحرمان والشوق للأصحاب يارب يكونوا كويسين ويحققوا أحلامهم وأشوفهم أحسن ناس في الدنيا ويتخطوا وينسوا كل الازمات دي ونتلاقي كلنا ونتلم من اول وجديد.

من هنا ولي قدام خلِّي هدفك في الحياة إنو أولادك مايعيشوا نفس العشتو إنت ✅

أخيراً الواتس اضاف ميزة تعديل الرسائل بعد نشرها 🎉

مشيت سوق دقلو اشتري كشتينه لقيت بلاي ستيشن 4 بي كامل ملحقاته بي 26 الف 🎮 و ما قدرت أقاوم اشتريت الكشتينه 😂😂 .

#ونسه ساي..
طبعا ظاهر مختفيه مالي🤭😂
دحين في الخراب الحاصل ده والفلس
والبشتنه دي الواحد معذور طبعا.

رصيد يوك.. طبعا دي مخرجات تعلم لغه جديده
وكده!
المهم وانا سرحانه في الدنيا الزايله دي .
وكيف اخلص من الفلس وما يسبب من تقلبات
مزاجيه تعرفونها جيدا.
فجأة هبت في عقلي طاقة رهيبه..
نان هو ما مركون من رمضان .. ومن ديك وعييك!
داخل جوعان ..مارق جوعان..
وما شغال كتير بقصة الهشاشه الاقتصادية وما إلى
ذلك ..
من جبنه لي جبنه ومن شمار لي شمار..
عرفت ناس حيين من طول المسافة كنت افتكرتهم
ماتوا وهم كذلك.
بسسس.. فجأة
وبدون مقدمات وقد طفح الكيل ..
يعني ح اقعد مفلسه كده لمتين؟!
ياخ نسيت شكل القروش كيف زاتو..
ياهو كل ما اشتاق ليها شديد بفتح
جذلاني واشمه🙂 (ريحة الغالية😂😂🔥).
في الآخر قررت الزهد في الدنيا الفانيه.
زايلي وقروشكي زايلي🙂
والحمد لله على نعمه التي لا تحصى..
ولا يملأ عين بن آدم إلا التراب!
اهاا اتراجعت عن موضوع الزهد وما يؤول إليه
من ترك ملذات الحياة ( من شيبس وإندومي وشيء من الشوكلاته والبيبسي والكثير من الهواميك على قول امي😂)..
ده شيء صعب هوووي .
بس يلا دماغي صحصح وبدأ يجتر ذكرياته
مع الموووني💸💰 ..
م هو ما ممكن تلاااااااته شهور بسمع سمع بس
بالقروش 😔
وزاتو ونسه عن فلان مديون كده وفلان دائن لفلان بمبلغ وقدره وما قدر يسدد ضياااع في
ضياع!
يعني بحمد ربنا انه فلسانه لكن ما مديونه وله
الحمد💜..
الأهم من كل ده انه اجترار الذكريات..
اثمر بنتيجه!
واتذكرت انه في الصالون تحت السرير في كرتونه
عندي صندوق مره خليت فيه مبلغ محترم.
وتراقص قلبي فرحا بل ورجلاي😂😂😅
وشوية خوف ، تكون مجرد تخيلات..
بسبب الفلس المزعوم.
ماهو انا م ح اسافر نقوم يا بت نشوف
ولو مافي اهو رياضه بدل الرقده الخمسه
وعشرين ساعة دي!.
وما قدرت أصدق إنه فعلا فعلا..
عندي قروش!
يخوانا انا وصلت مرحلة بديت اشك الميه جنيه
فيها كم صفر😂

اها نعمل شنو يا مريم ؟
نعمل شنو نتكتم على الموضوع ده.
وما لازم نتصرف فيهم عشان ما تظهر الجريمة.
طبعا ح يستنكرو في نص الفلس ده كلو انا عندي
قروش!
انا المفلسه في الوضع العادي😂😂
هسي أكاد اطغي ثراءً ..
(سامحوني غايتو في الوصف اتحمست بزيادة😂)

وأول حاجه ياخ تلفوني ده لما نسيتو من عدم الرصيد..
افرحه بقليل من الجنيهات بعد بقيت مليونيره😌💰.
وقد كان ..
لفحت توبي ومرقت الشارع ..
اي شافع يمين ولا شمال يصل لي الدكان.

المهم اصلا اصلا حتى لو عندك
قروش م ح تلقى رصيد🤣

والشافع يعاين لي ساااي..
في بسره تلقاه بقول الأشكال
دي جات من وين😂😂
عاد كنت في كومة فلس.
يومين بس ورجعنا تاني لما كنا
عليه وما أجمل العودة😂😂😂

حقيقي أشتقت لي قصصي💜
#مريم💜

‏كل ما تعشم في ربنا وترمي حملك عليه كل مايدهشك بأعظم مما تطلب كمان، كل ما تقول يارب وانت تعبان وصبرك جا اخرو اعرف انو الجاي ح تتبدل دموع الحزن بدموع الفرح لانو إله عظيم حاشااه ان يراك مكسورا ولا يجبرك .

كل إنسان يعتقد انه مُبتلى أكثر من غيره ، والحقيقة أن كلاً منا لديه ما يعانيه ويعكر صَفوه لكننا نختلف في الرضا بقضاء الله وقدره .. فالحمدلله شكراً وإمتناناً وإقراراً بفضله واعترافاً بعظيم كرمه❤️

اللي فهمته من التعامُل البشري إنّك عشان تفضل كويس في نظر الناس لازم تتحمّلهُم طول الوقت، ييجو عليك وتتحمّل ، ياخدو حقوقك وتتحمّل، يحرقو دمك بكلامهُم و تتحمّل، لكن لو قررت تاخُد على خاطرك أو تعترض حيتقال في حقك أسوء كلام مُمكن تسمعو عن نفسك وحيتهمو إنّك شخص أناني ما بتفكر غير نفسك

سورة الكهف | الشيخ عفيف محمد تاج |
Sh: Afif Moh.Taj | Surat Al Kahaf


تلاوة هادئة وصوت جميل جداً ، الأفضل تضع سماعتك 🤍🤍

مهما خططت وجهزت نفسك ودرست، مافي تعليم احسن من التجربة. اعرف الأساسيات وادخل في الحاجة.

حتواجهك مشاكل، حتفتش ليها حلول وحتمشي للمشاكل البعدها وحتنجح في الاخير.

اما لو خططت مية سنة، حتخطط لي مشاكل ممكن ما تجيك اصلا.

فأفضل مُعلم هي التجربة وأكبر معيق للنجاح هو التخطيط الكثير.

فقدناهم والسحاب ماطر 🌧

بين الرجوع والغياب قصص وعبر ...
يغادر جيران واحبة طبعوا ملامحهم في حياتنا بتفاصيلها المختلفة ..
واعتادت عليهم العيون في امكنة الحضور والانس ..
ترافقهم المشاعر وذكريات الجيرة ، يطبطبون حين نجزع ويؤازرون حين ضعف ويهرعون ساعة نجدة ويفرحون بفرحنا اكثر من الأقارب احيانا كثيرة ...
وفجأة تتوه المعالم و الدروب تتقاطع وبهلع يلملون الأغراض التي تتقلص لتحتويها شنطة ويغادرون والمآقي تفيض وتبقى ريحتهم عابقة في المكان والوجدان ..
ومع الأيام يحل في الشوارع والبيوت آخرين ... تراهم باهتين ..
بلا انتماء ..
عابرين لسوح الميادين وازقة حياتنا الموجوعة برهق الأيام الكئيبة ، والفقد ، وهي مستفة حد الغثيان ، في انتظار جرعة اضافية ونتقيأ كل شيء تناولناه بنهم ورغبة بالأمس القريب ...
يصعب تعويض المغادرين ... صعوبة دمج القادمين الجدد ، ونقارن بسرعة قد لا تكون علاقاتنا مع الجيران ممتازة ،لكن نكتشف فجأة أنهم كانوا بعض منا ومازالت ذكرياتهم حية ، مهما كابرنا والتففنا على الحقائق ... ونأبى أن نفتح أيادينا ...
مرة أخرى واسباب الغياب مشرعة لمغادرة أحباب كثر ..

الناس تاني ما بترجع !!!

جملة تسوق الامنيات سوقا لبئر النسيان او الانحياز لذاكرة الإنكار... إلى أين تكون القبلة وماهي مبررات الرجوع ... وهكذا تتوزع بيوت كثيرة ، وتنتشر في أماكن أخرى حيث تبدأ من جديد برزق جديد وبذور مخبأة في انتظار السحاب .
وتظل خياراتنا نحن للبقاء في ظل متغيرات متعددة ومتلاحقة رهينة بالقيم التي نتمثلها والمهارات التي نتملكها والتأهيل النفسي والاستعداد لخوض معركة حياة جديدة والطريق موحل وموحش ومظلم الا من بقع ايمان تتسع او تضيق ...

الفاتح زبد البحر

اللهم احفظنا بحفظك، واكلأنا برعايتك، واجعل من بين ايدينا ومن خلفنا وعن أيماننا وعن شمائلنا ومن فوقنا ومن تحتنا حفظًا منك تنجينا به مما نخشى ونحاذر

‏مع الوقت ح تعرف انو كل مرحلة في حياتك ليها ناسها،في البوقف معاك وقت الاحتياج وفي البخفف عنك وقت الضيق وفي البحتويك وقت الاكتئاب وفي البخسرك عشان يمشي ويجي غيره، دوامة علاقات متجددة والثابت الوحيد فيها هو المسكين البقرأ في الكلام دا.

انت كزول وقعت عينك في الكلام دا دايراك توحد الله وماتخلي إحساس الاستياء والخوف من استمرار الحرب يسيطر عليك، اي الفترة دي صعبة والجيش مضغوط وانت مضغوط وكل المؤشرات سيئة والحرب مستمرة لكن ربنا عالم وشاهد وعسى زي ما بدأت فجأة تنتهي فجأة.