ركلة التنين 🔥🔥🏃🏽‍♂😴⚽️


هددددف فريق النسور يسجل الهدف الأول عن طريق مروان

إحساس إنك تصلي الخمس فروض كل يوم وبتعمل أي حاجة عشان ترضي ربنا ده كفيل إنه ينور ليك طريقك، الصلاة بداية لكل حاجة حلوة، فلازم تعود نفسك تصلي لو ما كنت بتصلي، لأن الصلاة بتميز ديننا عن غيره، صلي في كل وقت وفي كل ضيق حتلقى الحياة ميسرة ليك وحترتاح نفسيا🧘🏽🌿.

الواحد من غير الصلاة ضعيف، وفي نفس الوقت قلبه قاسي، ومتشتت وعقله مشغول، الصلاة بتقوي الواحد وفي نفس الوقت بتحنن قلبه وبتمنعه من حاجات غلط تانيه كتير وبتهدي عقله، ربنا يرزق كل الناس بنعمة الانتظام في الصلاة حقيقي، اللهم ثبت أقدامنا علي الصلاة
{حَافِظُوا عَلَى الصَّلَوَاتِ وَالصَّلَاةِ الْوُسْطَى وَقُومُوا لِلَّهِ قَانِتِينَ }.
{اتْلُ مَا أُوحِيَ إِلَيْكَ مِنَ الْكِتَابِ وَأَقِمِ الصَّلَاةَ ۖ إِنَّ الصَّلَاةَ تَنْهَىٰ عَنِ الْفَحْشَاءِ وَالْمُنكَرِ ۗ }.

“لا حياة بلا صلاة" بجد ما جُملة بتتقال وخلاص ⁦...

اعترف إني مدعي صندتي في الإمتحانات 😩🏳

‏لازم نتقبل فكرة " أنو شخص معندو طاقه " مش معناه أنو إتغير أو إنو سيء ، لما تلاقي شخص كان لطيف و صبور و متحمل و فجأة إتغير بقى عصبي و خلقه ضيق أو بينسحب بسرعه من النقاشات ما تقولو إنتَ اتغيرت .
هو غالباً وصل للمرحلة دى بعد ما استنفذ كل طاقتة في الجدال والمسايرة و الصبر.

‏اللهم أرني عجائب صنعك في دعائي وأرني لطفك ورحمتك في قضاء حوائجي وأرني كرمك وقدرتك في ما تعلق به قلبي.

‏نحنا اولاد ناس واتربينا بالحلال ،لما نخسرك بنخسرك بعد م يكون فاض بينا وبعد م نكون استنفذنا معاك كل وسائل البقاء والتمسك،لا بنردح ولا بنشتم ولا بنمغرز ولابنطاعن ولابتهون علينا العشرة ،وم بنحب الهمز واللمز لا بالتلميح ولا بالتصريح ولانجيد قصف الجبهات ولا نحبذها😊😊😊

"يا مالك الملك وكلتك أمري واستودعتك همي، فبشّرني بما يفتح مداخل السعادة إلى قلبي🤲🏽😔"

​نرجسي و مغرور ؟!


(الخوف من عدم النجاح دا اسوأ شعور ممكن يحس بيهو الزول في حياتو)

في بعض الدكاترة في الجامعات تحس - مصابين - عندهم  غرور زائد و عايزن كل الانظار تكون نحوهم  ، مغرورين جداً و وقاحين مع الطلاب ..

للاسف عندنا الصنف دا  ، معتبر نفسو محور الإهتمام في القسم ومن غيرو القسم ما حيستمر مع إنو في نفس الوقت مافي زول هاضمو أصلاً ..

فيكم زول حيقولي يا ( بطيخة 🍉) دي رده فعل ناتجة عن الإمتحان الصعب ، لكن أحب اقوليكم إنو الزول دا من شفتو و أنا برلوم ما هضمتو والله .. و دا ما كلامي أنا براي .. دا إجماع من الدفعة 👨‍👩‍👧‍👧...
( المثير للسخرية إنو درسنا المدرسة النفسية ومن خلال فهمنا ليها اتيقنا فعلاً إنو مريض نفسياً و ببحث عن إشباع الرغبات و إنو تحت سيطرة الاوعي تصرفتو محفورة في مخزن زكرياتو و لانها بقت جزء من حياتو )

اعترف إننا دفعة غير مترابطة و ما فينا فطالحه  ولا عندنا افراد متميزين أكاديمياً ، فا الموضوع دا زعل الدكتور الجليل ...
فا حدد لينا منهج دراسي غير مسبوق في القسم ( 10 مدراس نقد أدبي و 10  قصص إضافية )
وقفت علي كدة ؟ لا لا 🙅‍♂
الـ10 روايات حتي نطبق عليها المدارس دي .
كل دا إنتقام بس عشان نحن كطلاب ما كنا علي قدر توقعاتو و مستوانا متدني لخريجين من قسم الانجليزي .. كل دا عشان يشبع غرورة و يضغط علينا  ..

خلال السمستر كان بختار بعشوائية و يجبر بعض  الطلاب يشتغلو برزنتيشن في مدرسة من اختيارو هو .. إنت قادر تتخيل معاي !!
فازميلتي زولة عابرة جداً في اللغة و أستاذة في معهد مرموق ؛ اتقطعت ليهو في المدرسة و قدمت برزنتيشن اقل ما يقال عليهو ( عظيم )
فا نحن صفقنا ليها لانو حرفياً فهمنا منها أكتر من الدكتور نفسو 👏🏾

تتخيلو قال شنو !!

ببرود "مصفقين ليها لشنو ؟!" 🙂 و اضاف ليها
" بالله ما تتصنعي اللغة !! WTF  .. يا مان إنت الفي راسك دا شنو 🤯 !!!!!
_

قبل 3 أسابيع ألزمنا بكتابة ( Assignment )  لا يقل عن 5 صفحات في موضوع من إختيارنا ، وبكل وقاحة قال :-
( يا تكتب كلام عديل أو بديك Big Zero و بالله أنا ما مجبور اقرأ خطكم الشين دا و ماعايز أتعب حالي ، فا أكتبو لي (Assignment) نسختين وحدة مطبوعة و تتسلم مع القصة و الثانية تترسل في إيميلي ..

شغال فينا إرهاب و إستفزاز من كل الجهات و بعدا بحاول يعمل فيها زول مرح .. 

⭕️ أول إمتحان دخل الحجرة  و علي العليهو الإمتحان كان مسخن و قال :- دا تدريب ممتاز لإمتحاني ، بعدين حتكتبو 7 مقالات وختم بضحكة ( عرصية جداً 😄) ..
الأسواء إنو كان بتريق علي أجوبة بعض المتتحنين و بضحك وهو واقف في رؤوسهم ..

بالنسبة لامتحانو اليوم كان صدمة من نوع تاني .. صياغة الاسئلة مستحيل إنك تفهما من ثالث مرة.. مستحيل تفهما والله إلا تقراها أكتر من 5 مرات وبصوت عالي ...
⭕️ في نص الإمتحان دخل القاعة و سأل  ها إن شاء الله الإمتحان كويس ؟

هل إنت فاكر كدة أنت بتحفزنا للقراية ولا بطريقتك دي حنحترمك و نقول والله فعلاً إنت دكتور مهم في القسم و علامة ؟ أبدا والله كدا حنبغضك ونكرهك فوق كرهنا ليك يا مريض ...

( اضحك علي نفسك يا مريض ، عليك الله ما بتخجل من سلؤكك مع بعض طالباتك ؟! هم كتار فا أكيد بتكون نسيت ، لكن اظنك متذكرها كويس لانك عودتها السنة دي بسبب ... يخس والله يخس  )

#يومياتي..
#النرجسي_المغرور

26 October
26 Year/O

Final Day in semester 7 ✅
First Day in a new era ✅


HAPPY BIRTHDAY 🎉 to my miserable life.

هل تؤمن بوجود علاقة صداقة بين الرجل و المرأة خالية من أي انجزاب عاطفي أو انعدام للمشاعر بينهما (حتي اذا لم يعلن بيها ) ؟

يا عزيزي !!

أنا شخص يتفاعل من خلال شغفه بالاشياء والأشخاص ، و زوال الشغف هو البخليني أتجاهلك ، لردك المتأخر أو برودك.
الموضوع أبدا ما عنده علاقة بالزعل أو المعاملة بالمثل.

أفلت يدك ، لا تنظر للخلف تعلّم أن تمضي، أجلس في الزاوية وراقب الفرص تمر أمامك دون أن يرف لك جفن، تعلم القسوة .. فكل ما تمسه القسوة يصبح مغريا وجذابا، رحّب بحقيقة أن الحياة تمضي والأيام لا تتكرر وان الناس يذهبون وبلا عودة، استسلم لكل فقد الا فقد نفسك.
وكن على علم أن لا شيء سيكون جيداً ، ستخوض صعوبات وسيكون الطريق شاقاً لكنك سوف تصل..
تخفف من الناس ، ولا تحاول بلا جدوى التمسك بحطام أحد ، انت وحدك فقط قادر على إنقاذ نفسك ، تأكد أنه قد يأتي بعد السيء أسوأ منه وقد يكون بعده مسرّآت عوّد نفسك على توقع كل شيء..وتقبله نهاية الأمر..
حاول أن تضع خيباتك في مرأي منك ، لتعلم أنها لم تكن سوى هزيمة ستعود بعدها بقلب صلب..
وملامح مجردة ويدين تمزقت مراراً وبات سهلاً
عليها إفلات الحياة إن تطلب الأمر..
أقترب مما تخاف ، لا شيء يهم الآن، ولا شيء
يتغير اذا ابتعدت مسافة كافية.. وأنك لا تمانع
كل هذا بل بكل سرور..
دع عقلك يطفو وقلبك يفيض بما فيه من غصات..
ستمضي الأيام وسيتجنبك الكثيرون ، ولن ترى بعدها أمامك عائق وفوق كل شيء سيشعر قلبك
بالطمأنينة ...😴
#مقتبس..
#مريم_محمد

قطوف الله يهديك💙

متذكرين قطوف ؟
حالياً شغالة في بحث التخرج 🥳🎉

طلب صغير جدا ، عايزكم تجاوبو علي الاستبيان دا بمصداقيه 💙💙.
عن مادة مخدرة منتشرة في الوسط الجامعي

🛑 إذا خلصت ممكن تكتب تم

https://docs.google.com/forms/d/e/1FAIpQLSdWS8aeZVKrCzguy1KCnPb_4QK3JI66v_OTZEgY9Sqw84HtsA/viewform?usp=pp_url

حمانا الله و اياكم 🛑🛑🛑
و إذا فيكم واحد بتعاطي اي نوع من المخدرات أتمني يقلع عنها و ممكن يتواصل مع قطوف حتساعدة..

سورة الكهف | الشيخ عفيف محمد تاج | Sh: Afif Moh.Taj | Surat Al Kahaf

11 -11 قالوا اليوم بصادف اليوم العالمي للسناقل

اي سنجل يرفع يدو اي سنقل
هابي نيو عيد ي مسفهويين وانا اولكم✨💔.

الاصحاب من كشكول التم قبولهم في الجامعات

مبروووك عليكم النجاح و القبول في الجامعة ، المرحلة الجامعية مختلفة شوية عن اي مرحلة دراسية انت كنت فيها فا بالتوفيق إن شاء الله وسنة جامعية سعيدة بدون تقفيل و اجازات سمستر 😂♥️♥️.