والاستيم برضو 🌚
اها انتو بتعدلو مزاجكم كيف !
اشوف في الكومنت ❤️

ماذا لو كنت أنت المشكلة؟💔

يُزيل وُجود الأَحِبّة ما راكمته الحياة في نَفس المرء، يَربت على قلبه قبل يده، يُخيّط بلُطف كل الثقوب التي يتسلل منها إليه الألم، يُطمئنه حينما يدفعه كل شيءٍ للقلق، يُنير لعينيه طُرقًا أخرى غير التي خَسِر منها ويجلعه شغوفًا من جديد بالحياة هو الذي فقد الأمل وسأم المحاولة، يُعيده لنفسه مُخضرّ القلب يانعًا هو الذي أزرقّ قلبه من كَبَد الحياة!
ينجو المرء بأَحبّته بشكل لا يمكن استياعبه، بمُجرد شعور أنه بمكانٍ لا يستنزفه في رهق التبرير، لا يضعه بزواية ضيقة ويضطره للكذب، فقط يكون هو يقول ما في نفسه: "هذا أنا، هذه أخطائي، وهذا ما يُؤلمني، وهذه حصيلة سنوات من الفشل" بمُنتهى البساطة، فيَجد أن النظرة نفسها له لَم تتغير، لَم يُسخَر منه ولَم يُصدَر عليه أحكام، لَم يُجلَد بكلمات تأنيب، فقط مساحة أمان تُؤكد له أن هذا كله طبيعي، أنه إنسان يُخطئ ويصيب، وأنه ما زال محبوبًا ومرغوبًا فيه بشدّة بأي حالٍ كان، وبكُل الخطايا التي تثقله، حتى بكُل الأشياء السيئة التي فعلها ولا يستطيع هو نفسه أن يغفرها لذاته!
#هدير_علاء

كل ما أطمح إليه أن أحافظ على رباطة جأشي ، أن أقف قوية شجاعة أمام كل صعوبة، أن أمر بالأيام تاركة خلفي كل ما قد يؤلمني..وأثر يدل على مروري.
أن أستيقظ في كل يوم جديد بروح متأهبة لخوض تجربة جديدة ..
أن لا يتصيدني الخوف فأضعف، أضيع، أو أستسلم..
#مريم_محمد.

ناس التلي ومتابعين قناة كشكول حرفيااا 😂❤️❤️❤️❤️❤️❤️

مع مرور الأعوام تظن أنك أصبحت ناضجاً ،
قوياً كبرت فعلاً ، وأصبحت قادراً على
مواجهة أي موقف..
وكُفء لمكابدة الحياة بكل سعة قلب..
ولكن في الحقيقة لولا تلك الإنتكاسات ،تلك
الدموع ،الرهبة من أن تنال منك الأيام
وتصبح موضع ضعفُ !!
لما وصلت لما أصبحت علية..
فشكراً لتلك الصفعات التي ما زالت
تمدنا بالقوة..
كرد فعل لمواجهة أي شيء..
شكراً لتلك الليالي التي أمضيناها في بؤس،
وحيرة ولولاها لما صقلت أرواحنا.
مهما بدوت ضعيفاً ،ومهما ظننت أنك لا تقوى على رهق الحياة تأكد تماما أنك لو لم تتحلى بالشجاعة
الكافية لن تستطيع العيش كما ينبقي، ولا تحقيق
ما تأمل.
لا تكن هشاً..

جمعة مضت، وجمعة أتت، فاغفر لنا يا الله ما بينهما وسهل لنا من أمورنا ما يرضيك.❤️

" كلُّ امرئٍ في ظلِّ صدَقته يومَ القيامة " .
تصدق بأي مبلغ تقدر عليه ، تذكر فضل الصدقه وأثرها بعد الممات .❤️

‏أن المَرء منا ليشعر بالألفة حتى مع شجرة
جلس تحتها أكثر من مَرة ، فكيف
ينسى من ألفته روحه؟!

إشتقنا والله يا شعب كشكول الرهيب🍁💙..

⭕️ تنبية:-

• تم تفعيل الخيار الثاني ✅

متحمسين!
اولاً : المحتوي أبداً ما نال رضاي الأيام الفاتت من كڪل النواحي و رسالتي دي ڪاتبها للمشرفين ڪعضو يعبر عن حسرتة للمرحلة الوصلتها قناة ( كشكول🍁سوداني ) الڪانت في يوماً ما ليها مڪانتها و ليس ڪمالك القناة وڪدة.
لو فعلاً دا المحتوي حقڪم يبقي خسارة البتعملو فية دا و إنتو ببساطة بتضيعوا في وقت الاعضاء المشترڪين هنا و اللي مازالوا متأملين و خاتين فيڪم العشم إنو حتبهروهم بي إبداعڪم و منشوراتڪم المميزة و لمستڪم الإبداعية المختلفة عن باقي القنوات و المشرفين ..
لڪن للاسف محتواڪم رڪيك وفقير... إعادة توجية ...نسخ و لصق .. مجرد ونسة.
دا أنا بعتبرة فشل زريع جداً يا ( هـادية و ملاذ ) .

للاسف معظم المنشورات الأخيرة حا أحذفها.

ما عيب إنڪ تاخد فترة إستراحة و نقاهه و ترجع بمستوي إبداعي مبهر ، لڪن المؤسف محاولتڪ و إجتهادڪ في إكتساب رضي متابعيڪ علي حساب مجهودات الاخرين.

الشباب قلنا ليكم ما تأكلوا في الحلل ياخ عندنا جيوب أنفية ما بنحمل الغبار و الاتربة 🥲.

..

الفرح بتتضاعف لمن نحنا نضربو في " #اتنين" وبي نفس الطريقة الحزن ممكن يقل لمن نحنا نقسمو بين " #اتنين" فٲنت كصديق لي لاذم تقاسمني وجعك قبل فرحك لاذم "#نسند" بعض في الحارة قبل الباردة 🌸💜..

لاذم وانت معاي تحس بي " #راحة " وقلبك يكون مليان طمٲنينة بدل " #الخوف" وتحس بي الحب بدل "#الكره" وتشوف في " #عيوني" كل المعاني الجميلة البتصنع يومك الحلو وتشوف مني الحاجات البتسعدك وبتخلي روحك كمان هي " #سعيدة"...

" بيتقال انو ورا۽ كل روح سعيدة صاحب عظيم"

يبقي انت لو ما حسيت بي🔥💔 " #السعادة"وانت معانا يبقي نحنا لسع ما وصلنا مرحلة " #العظمة " البتقدر تخلي مننا روحنا طيبة وبنستاهل نكون ليك اصحاب💭🤯


#سمراوية

كم من طريق قطعنا فيه أميالاً وفي لحظه تراجعت خطواتنا ، توقفت ونفرت، وعادت بنا حيث نقطة البداية لنضيع بعدها في مفترق الطرق ، وتتوه إتجاهاتنا، لنعلق بعدها في متاهة أبدية..
وكم من حديث لم ننهيه ووقفنا في المنتصف حيث اللافهم،وتركنا علامة إستفهام حائرة عاجزة في غير موقعها، ولو أننا تشجعنا وأنهيناه لتحررت الكثير من الإستفهامات العالقة، لوصلنا حيث غاية القلب ،أو صنعناً فارقاً بكلمات أضعناها بهتاناً خوف من سوء فهم وشيك..!
وكم من يد مددناها وتحجرت في المنتصف عاجزين عن إعادتها، ولا نقوى على إيصالها لتربت على كتفِ قد يكون في أمس حوجته، ظناً منا أنه في غنىً عنها..!!
وكم من إبتسامة ،نظرة ،وضحكة أضعناها في منتصف الطريق غير آبهين بها أو بإنفسنا..!!
تنقصنا الشجاعة ،الكثير من الشجاعة لنكمل كل رحلة وكل حديث إنقطع في غير موضعه، كل إبتسامة تحولت تجهما، كل ضحكة خنقها الضيق،لنوصل كل يد لتلامس كتفِ تحمل مواساة العالم أجمع..
نحتاج كماً هائلاً من الشجاعة..

#مريم_محمد

تذكير بالمساهمة لي أخونا
و ربنا يجزيكم من فضلة..
اللهم فرج كُربتة

أنا يا صديق لا أكذبك قولاً، لست حزيناً أو مطفيً
أضحك ملء قلبي ، وأشعر بالسعادة عندما يستلزم
الأمر..
ولكن..
لا زلت أشعر أن هناك نقصاً فادحاً يستحوذ حياتي
،لا زلت كلما ذكرتك أبتسم وأشع ، ويتملكني الحزن
لثوانٍ لكني أتخطاه..
ما زال كل أمر عصيّ يؤرقني ، ويجرني كي أطلب
عونك لكني لم أفعل ، فقدت أحقية اللجوء إليك
،فقدت حقي بالبكاء على كتفك ف نسيت كيف
أبكي ،وبذلك لقد تمكنت أخيراً من التخلص من
عادة سيئة..
ألا تتفق معي ، فقد كان طقسي سيء على
الدوام لكني تعلمت أشياء أخرى ليست سيئة،
ك عد الأيام التي غبت فيها عني..
أنا بخير نوعا ما وأشعر بتحسن كبير ،
فما عدت أبكي..!

#مريم_محمد

22.2.2022
what a remarkable day in history.

أرتاح منك متين أنا ؟ ماممكن ياخ من رابع أساس وأنت في وشيء نفص الفصل ، المدرسة و الحلة ، الثانوي نفس المدرسة ، عدت ثالث ثانوي في مدرسة مختلفة لقيتك معاي.
الحمد لله جامعتنا إختلفت لكن للاسف ساكنين في بيت واحد😭🥲. الحمدلله ما بتلبس مقاسي😌
إشتغلت جوكي كنت بتجوكني ركشتك 😂🙊. أرجع البلد أقعد في بيتكم و أخليك هنا ؟ قصتك شنو عشان أفصل حياتي منك وريني يااااااة ؟

#Happy_Fucking_birthday @Adomez little bro 😂😂💕.

انا إلا اغترب عشان أرتاح منك😂😭.

#مريوميات_شيخنا قول تششيب😅.

في عالم موازي..
في مكان ما على الكره الأرضية الواسعه دي ،
حيث كنا فاكرين البيتزا لعبة ذكاء ، والفطائر بتطير
وكل مشروب غازي إسمو بارد..
وأعظم الإيمان عارفين يعني شنو تطور، لكن ما وصلنا مرحلة التغيير..
مره سمعنا بت جيرانا رحلو الخرطوم ،بعد رجعو قالت نفسها في مكرونة بالبشاميل، إسبوع كامل نحن بنفتش في المعجم وإستعنا بجهات ذات صلة وبرضو ما قدرنا نوصل لحاجة ، المهم هي زاتا عملت رايحه ..
ومره السرة جارة ناس خالتي مشت السوق، وأمورها معدلة وفله ، قامت دخلت محل الفواكهة قررت تعز أولادها، وتجيب ليهم فواكهة، في حاجة مدردمة، زولتك قايلاها تفاح وجذبها حجمة، (أتاري ما كل المدردم ليمون).
لمن جات البيت أولادها جاتهم صدمة نفسية، وقاتلهم الفضول ، بتها الكبيرة جابت السكين وقطعت ليها واحده ، عاينت ليها كده لقت البذور كتيرة شديد ، آخر القصة رمت البذور وقرمت ليها قرمه كده معتبرة ، غايتو ملامح وشها ليوم الليله ما أتغيرت، المسكينة حصل ليها تلف في العصب السابع..!!
قامت أمها رمت باقي الكيس فاكرين أنها ما ناضجة، لو ما ود اخوها المشى مدنى كم مره لظروف الشغل فهّما إنه دا رمان كان الحسرة
قتلتها..!
السرة من يومها غير الموز ما بتاكل فواكهة..!!
جاته رهبة..
فله بت خالتي يوم كده في التلفزيون، في برنامج الطبخ المتابعة سمعت عن جبنة الشدر..
جات تسأل منها أمها وجمع غفير من النسوان، ساد الصمت والهدوء ،ما تسمع غير صوت غنماية عاصم
لمن شكّينا إنها بتعرفها، يوم كامل جاريين وراها في النهاية قالت مااااااااااع..!!
إستخسرت فينا المعرفة ..
بعد ما لقت جواب قرروا بالإجماع إنه الشيء دا والله أعلم بعملوه من الشدر (الشجر)..
قومي يا فله جيبي ليك فرع واطحنية ، وكده لقد حل اللغز..
المهم عملت لينا حاجة ما عرفناها شنو ، يومين بنعاين ليها وبعد اليوم الرابع ضاقها لينا خالي..!!

وعبّر بملامح غريبة تقول أدوهو كف..
دا كلام شنو يخوانا..
وعقابا لي فله حرموها من التلفزيون إلى حين
إشعار آخر..

اهاا نحنا ما عندنا صفوف عيش ، ولا بنعرفها زاتو
ياخ الواحده من أماتنا تصحى من الصباح وعلى
جردل العجين، تملى الريكة كسرة (لغير الناطقين بها الريكة دي يخوانا حاجة كده من السعف ،صناعة يدوية ،وهي مدورة او بيضوية) .
السعف ده بطلعوه من نبات ..

المهم لو زهجو من الكسرة ، بتعمل ليهم قراصة عشرة بوصة (لحاف بس)..!
العيش ده كمان قريب حتى عرفنا إنه مدور، ما بنجيبة إلا لمن يجينا ضيف..
والغريبة الضيف ما بشتغل بيه الشغلة، بعمل رايح وبقع بي راسو في صحن اللحمة..!!
لكن كنوع من الإتيكيت بنجيبة، كمان ما يقولوا جُهلا..

ياخ مره كده في راجل لمى في غنم الحلة ضبح،
قال جاه في المنام أحد الصالحين، وقال ليه لازم تعملوا الكرامات.. لأنو الأوبئة كترت..!!

تقول شيخة ده مندوب منظمة الصحة العالمية..!
المهم صحى من أربعة صباحا ولف بالحلة أي سخل
حايم ضبحو والما عندو بضبح ليه من جيرانه.. مافي زول طلع منها ساي..
خفف لينا تعداد الغنم زاتو كتر خيره..
وتابعنه كووم شفع ديل طبعاً عاملين زي ناس الأمن القومي ،يقبضو على غفلة كده..

يومين جزارة الحلة ما أشتغلت، وما زال الحال في حالة ، غايتو يمشي يراجع شيخه ده..

أها مره كده عندنا زول عيان ، وتعب تعب شديد
وبعد شافه دكتور الحله قال نوديه المستشفى،
المهم شدينا الرحال مشينا أقرب مستشفى، من الخلعه كل زول مشى بحال أستغفر الله بس..
خيلاني كانو ببنو لينا في حيطة طين وتراب
يقول يا ليل ..
أنا بعد ما كنت ميته وغمرانه لفحت توبي وشحاطتي وجريت عليهم ،امي وخالتي نفس القصة، إلا المريضة احسن زول فينا😅.
أها وصلنا الناس دي بتعاين لينا عشره عشره، نخلي زولنا يتألم مسافه نستحم ونغير ولا كيف؟
انا ما انتبهتا إلا بعد لقيت شافع مركز معاي وبعاين في رجلي ، قلت ألقي نظرة على المعجزة
دي ، لا حول ولا قوة الا بالله لابسه شحاطتين مختلفات..!!
وتوبي كل مره واقع ، بخجل أمش بيت الجيران بي توب هسى طلعت بره الحله!! ، قلبي انقبض وانكمشت ورا امي عشان ما يشوفوني...

لكن الما بريدك مكتح .. مالو...؟!
عندنا في العشاء ألذ وجبة العصيدة🌚..لو كل زول اكل لوحده طبعاً..
في جماعة كده جاهم شيخ من المدينة ، مثقف
إلى حد ما لكن ما ملم بإختلاف القرية من المدينة
زولك جابو ليه العشاء عصيدة بلبن..
أبحثو عن طريقة اكلها كيف ما بوريكم..!

الشيخ يقطع بيده حته ويبللها وياكلها، والجماعة
شغالين جيييب تششييييب، كل الأصوات الممكنة
ودا أكل عصيدة ناشفة بإعتبارها، وكده حيمرض🌚..
في واحد ظريف كده حن عليه ، قال ليه شيخنا
قول تششييييب، وشيخه يقول تشيييب في الهواء ساي😂.
شيخنا قول جيييب..
شيخه يقول ليه جيييب..وكل علامات استفهام الدنيا في وشه ..
لكن ذيل الكلب أعوج ، الولد عمل رايح واكل تمام ..
وشيخنا لسه ما عرف السر..!!

أحب مكان✨.
حقيقي رغم بساطة أهل القرى ، وجهلهم إلا إنهم قادرين يديرو حياتهم ودا الما قدمته ليهم الدولة

رغم التهميش والعنصرية الحاصلة إلا إنهم هم أهم فئة ، وأهمهم الفلاحين المبهدلين، اللي بننظر ليهم بإذدراء واضح ، على شقوق يدينهم ولونهم.. ولي نظرتهم وإنبهارهم بالحاجات البسيطه اللي تعتبر بالنسبة للأغلبية تعتبر أساسيات..!!

ظاهرييين في كل مكان بسحنتهم، وملامحهم ،بطيبتهم، وحنيتهم..
فئة مكتفيين زاتيا بكل ما للكلمة من معنى ، وبمعنى ناكل مما نزرع.. وفله لله الحمد💜 ..
ولو لقو شوية رعاية ح تلبسو مما نصنع..
ولو التعليم بيتباع في البقالة كان عملو أكبر الجامعات والمعاهد..وكان حيكون هم القادة..

وزي ما عارفين الإنسان ابن بيئتة ، هم دا المتوفر
عندهم وهم متسامحين جدا مع ده..

ف ممكن تاني ما نسمع كلمة عرب زووط، لانو لما تقول لزول كده انت ما احتقرته لانو هو عارف قدره ومقدارة ، ومتقبل كونه فلاح،بسيط.. لكن كده انت هتفقد احترامه اللي ممكن يقدمه ليك ك شخص متحضّر وتتحول في نظره لكائن مقرف ما عنده ذرة فهم..
أعذروني على كلامي ، بس حبيت اوصل فكرة..

#مريم_الفلاحة❤️🔥