لا تظن بأنك تعرفني ، انا مختلفة عن السابق وغداً سأكون مختلفة عن اليوم ..

الى متى وانا احتري قلبك يلين والناس تتقدم وانا ارجع وراء 💗

جميلة جداً 💙💙✨

و دا ما بيعني إنها الأن ماجميلة ، القناة حالياً جميلة بطريقتها الخاصة و ببصمة مشرفين آخرين ما تغيرو ولائكم بسبب تغير المالك...

‏الجنه منازل المُستغفرين ، إستغفروا.

حرفيا في عز زهجي وبقراء وم لي خلق شي يجيني مسج من الطف بت في الكون ❤️😭

في جملة بتقول لم نُخلَق ملائكه مُنزّهين من الزلل، بل نحن بشر، الأهم من ذلك كله أن تعرفي كيف تنهضي، وتتلمّسي دروب النور فتسلكيها تذكّري: "لا بأس لو عثرت خُطَى الأكارم حتى يعرفوا السَدَدا❤️" ...

#مياده🥺❤️

ي خوانا قروب الدفعة شلل شلل يوم بموت بسببهم
دائما في حالة توتر وقلق بسببهم بس غبائهم بضحكني شديد😂😂😂🤦‍♀💔💔😭😂😭😭😂

شوفو القناة حقتها حلوة شديد😂 😁❤️🔥

وعن جمال النص وميد 😂❤️🔥

وحدة من مجالس النور سألتني:
-اسمك منو ي حلوة !😂❤️😭
انا:ملاذ 😅
ردت علي ب يا هلا بملاذ اللطف 🥺❤️❤️

#حرفيا مجالس النور من افضل المجالس وماخدة قلبي بكلو 🔥🔥❤️❤️

لما تكون تعبان ومرهق بس لازم تزاكر لانو مف حل غير كده🤦‍♀

الحمدللهِ الذي أنعَمَ عليَّ بنعمةِ السَّتر
الحمدلله الذي حبَّبَ إلى قلبي النِّقاب والخمَار ولبسَ الواسعِ من الثياب
واسألهُ أن يسترَ عيوبي كما سترَ بدني
وأن يُجمّلَ دواخلي كما جمَّلَ ظاهري في عيني وعين من يراني
وصِدقًا أحمدهُ لأنه باتَ لا يُهمني رضا من يراني
إن رَضيَ اللهُ عني!
فالحمدللهِ حُبًا وشُكرًا ورِضا
حمدًا تطيبُ به النعم.. وتستَدِيم♥️

#صفِيّة_مُصطفى

New profile pic 💐

أنا أفريقــي ... أنا ســوداني 🇸🇩
بيت العود السوداني🎻♥️

الليلة ووب عليك يا ( مريم ) حيخطفوك و يقطعوك حتة حتة 🎼..

" احيييييي يا خ لو عارفة الشمس حتكون حااارة كدا ما كنت لبست عبايتي السوداء دي ، حرررر يرمي الطير من السماء 🦅 "
واقفة تحت ظل عمود ومعاي صحبتي منقبة في نص جاكسون و مافي مواصلات و اليوم خميس
فجأة صحبتي كوركت (واااي شوفي شوفي الحرامية بشرطو للولد في جلابيتو عايزين يسرقو قروشو🥷)
أنا و المعاي إتلفتنا محل صحبتي بتأشر ، الولد ماشي وما جايب خبر و الجنبي يهمهم بالكلام والموقف حرقني و إستفزاني (مروءة ماعندكم يخس عليكم ياااخ و قلتها بصوت عالي) ، النصحية عاااد الولد جلابيتو سمحة ولافح الشال داك يايما الماخمج تقول جاي من موعود ، هو النوع دا البنات بداهمو من (خشم بابم) ، غايتو حسدتهم أخواته يومي الحلاوة دي في وشهم 😭😭🥺😂.
قلت لصحبتي أنا حأكلمو و خلي واحد فيهم يسألني ولاد اللذين الليلة حأضرب فيهم واحد ، و من جواي الخوف كاتلني و برجف و المخوفني إنو الحرامية يحفظو شكلي و تاني كل ما أجي جاكسون للمواصلات يتربصو بي 😭😭😭.
وأنا ماشة علي الولد بكل قوة و ثبات لما قربت و بقيت قصاد واحد من الحرامية اتوجست 😔💔 واحد فيهم عاين لي جوة عيني هنا أنا قلبي هوي ( أسفل سافلين ) و شجاعتي قالت لي " اتهورتي وعمليتها في نفسك بريااا أنا ما معاك 😭😭"
قويت قلبي و وقفت قدام الولد وقلت ليهو براااااااحة ( الحراااامـ ) قلت بداية الكلمة وقطعت لانهم الاثنين ركزو معاي و عاينوا لي بغضب 😠 ( حتي لو كملت جملتي إلا يجيب ليهو قاريء شفايف عشان يفهم أنا قلت شنو 😂😂😂) ، لما عاين لي هبطت وقتي ودموعي نزلت عشرة عشرة و و رجليّ ما شالوني ( بردلب ) وقعت في الأرض ☹️😭 .
الولد كان نبية مع كلامي أتلفت وراهو و حس بالحاصل و عاين لجييو و مسك قروشو كويس و جري ورا واحد منهم و خلاني مع الثاني الكان واقف جنبي و منتظرني اتحرك و عيونو دي شرار من الغضب😡 ..
ذدت البكية لما عرفت خطورة الموقف الأنا فيه و صحبتي لحقتني وحاولت تهديني قلت ليها وانا ببكي الليلة الحرامية حفظو شكلي و حيتابعوني و يدقوني وشوفي هندا ليه واقف منتظرني 😭😭😭💔 .
" الحرامية ديل م يحفظوك إلا إنت بين كل البنات الهنا ديل ...!! "
أنا : زمان ود جيرانا شاف حرامي عايز يسرق زول و ما سكت و الحرامي حفظ شكلو و تابعو لحدي بيتهم وبعد سنتين الحرامي لاقي ود جيرانا في زقاق و جلدو تمااام وأنا هسي خايفة يحفظو شكلي وكل ما اجي راجعة الداخلية يدقوني أو يعملوا لي حاجة😭😭..
صحبتي قومتني و ساقتني رجعنا ظل عمودنا الكان شاهد علي المحاولة الفاشلة💔 وأنا واقفة و بهضرب و أظن الحر خلاني اتلكم برة راسي😂
( وااااااي يا امي الليلة بتك حيقتلوها و يجدعوها تحت الكبري 😭😭 )
صحبتي إتخلعت و حاولت تسكتني ( وبعللللي يا مريم دا كلام شنو فضحتينا وفرجت فينا الناس😐😐)
قلت لصحبتي إنت منقبة و ما شافوا وشك أمشي خليني و أنا حأنتظر براي عشان لو تابعونا ما يقتلونا ونموت الإثنين سوا ... صحبتي طوالي وافقت الكلبة و مشت خلتني😭😭.
مسكت تلفوني في يدي و مشيت إتجاة الكبري ، ماشة وببكي و وشي إتملا دموع ومخاخيط وبتنهد و بقطع وكل ما اتلفت أشوف الحرامي وراي و عيونو جوة عيوني .. وااااااي الليلة ختاني في رأسو و ما حيسيبني في حالي😭😭😭
_
قلت لنفسي لما نصل نهاية جاكسون (حاديهو تلفوني تعويض للقروش الكان عايزين يسرقا ... و اقنعت نفسي انو ماحيرفض لأنو تلفوني غالي و بجيب أكثر من 70 مليون و أعتذر ليهو عن تطفلي ... أكيد حيخليني امشي🤓🥺 ..
ماشة و هو لاحقني لحدي وصلنا قريب محلات ( قزاز العربات ) وهو لسه في خطاي وقرب علي شديد و أنا خلاص إستسلمت و تقلت خطواتي عشان يحصلني و أدي التلفون أو يقتلني و أرتاح لأنو والله الحاصل معاي دا موت بالبطيء 😭😭😭😭.
لما قرب علي غمدت وهيأت نفسي وقلت خلاص يا ( مريم ) الليلة حيجي من وراك و يطعنك بسكين في كلوتك و يضبحك من الاضان للاضان ذي البهيمة و يشيل تلفونك ويجري و أنت تموت زي الكديسة الضربتها عربية في الظلط زول يجيب خبرك مافي وتقعدي في المشرحة لما تعفني 😭😭...
رأسي يجيب و يودي في الأفكار و كل دا في كسر من الثانية و إتذكرت ناس بيتنا ( أمي ، أختي ، خيلاني ) و صحبتي الشايلا طرحتها أموت و أنا لابساها .. سويتي شنو يا بنت لما ربنا بعاقبك كدة ...؟!😭
الدنيا ( صنت ) وما سامعة صوت قلت خلاص أنا مت ، فتحت عيوني براااااااحة عشان لسه خايفة كان في راجل كبير في العمر واقف قدامي ، عاينت وراي و قدامي بخلعة لقيت الحرامي واقف في نهاية الشارع و ممثل بتكلم بالتلفون و أنا هنا جريت علي عمو و فكيت البكية وهو إتخلع من منظري الكان اوووووفر🥲.

ساقني لحدي محلو وجاب لي كرسي و قعدت و أنا ببكي بهستريا و دموعي ومخاخيطي وسخت الطرحة و الكمامة دي إلا جدعتها (يععع🤢🤭) ، مشي جاب لي موية و فضل قاعد قريب مني و خلي شغلوا ماسالني لحدي هدأت ...

فضلت أبكي قريب الساعة و تلفوني ما سكت يرن تررن ترررن ...🎼 ذي الضبانة التايهه جوة كيس وصحبتي ضربت لي غرابة الخشرمية مرة  إظنها ذاعت الخبر 😭😭😭 ..
طبعا وأنا ماشة في الشارع اتصلت علي إمي و قلت ليها ( أمي أنت عاافية عني مش ؟! أنا بتك الكبيرة و بحبك من قلبي♥️♥️ لو مإتصلت عليك بكرة كلمي خالي #يعمل_لي_مزيرة قدام بيتنا ) أتصدمت وبقت تستجوبني وانا ما أديتها فرصة و أصريت عليها تكلم خالي 😂😭😭😭😭😭...
و أنا لسه مغمدة أسمع صوت بسألني قلت خلاص أنا ( موووووتا ) و عايزين يسألوني و قلبي أتقطع من الخوف 😂😭 بس السؤال كان غير ( مالك ي بتي واقفة نص الشارع و بتبكي ؟! )...

فضلت في محل عمووو لاكتر من ساعة و ما خليت دمعة مخزنة ما طلعتها و لما إستوعبت نفسي وملابسي البقت ما بتتقابل و منظري الاوفر شديد دخلت جوة ضفوري و ماقدرت أرفع رأسي قمت غسلت وشيء وانا مدنقرة 😂😂😭😭😭 ... عمو سألني لو حاصلة لي حاجة أو في زول إتوفي من أهلي لأني ماكنت طبيعية .
بعد كلمتوا بالحاصل إتبسط مني شديد و قالي إنت بت شهمة و أصيلة عملت الرجال ما قدرو يعملوا ... كلاموا طمني وبرد قلبي ... الله يطمنك يا العم ...♥️♥️
طلع من المحل و رجع بعد مسافة و قفلالمحل و قالي الزمن إتأخر وهنا ما أمان لك و بي منظرك دا أكيد ما ح اخليك تمشي براك و أصر علي و ساقني بالعربية لحدي الداخلية و نزل معاي و إنتظرني لحدي ما دخلت و من هبالتي ما شكرتوا 💔💔💔🥲...
بعد دخلت جريت علي الغرفة قبل ما أي بت تشوفني و تشمت فيني و تمسكا لي ( زلة ) و أنا في السلم لاقيت صحبتي في وشيء و شكلها كلمت بنات الغرفة لأني لما دخلت لقيتهم منتظرين التقول منتظرين ( شيلة عروس 🙈) .
لما شافوني و حال ملابسي بكو معاي حيييييل ( البنات حنينات ياااخ ♥️♥️ ) و باقي اليوم داك قعدو معانا للمساء ...

طبعاً رجعت لناس البيت الصباح و كلمتهم بالحاصل و أمي دي سكتت سااااي و أبدا ما قالت شيء أما خالي دا نبذني نبذ أخير منو يرموك في النار 🔥 ... حتي بعداك قالي انا هسي مشيت الحداد و كلمتوا يعمل لي مزيرة لست أزيار .. ها نموقعا لك وين في مدرستك القديمة ولا شارع البيت 😏😂😂😂..!!؟

أنا : مرة أضحك و مرة اتمحن في تصرفات ( هــادية - مريم ) الغريبة العجيبة وهي بتحكي لي و لما قالت لي قلت لي أمي " #أعملوا_لي_مزيرة ياااخ أنا وقعت من البنش من الضحك😂😂😂♥️..

#يومياتي..
#مريوميات..
#شر_بقاع_الارض ( الجزء الثالث).
#أعملوا_ليها_مزيرة بحب ..🌹

بعد تخلصوا قراية حتلقوا رقم الحساب لإرسال المساهمات و التبرعات في خانة التعليقات تحت👇🏽

🛑 إعلان مدفوع Paid Poster (add)

فحص ڪورونا معتمد لجميع شرڪات الطيران ..

التفاصيل في الصورة 👆🏽👆🏽.