" ‏إلهي..
أعنّي .. عَلَيّ
واغفرني.. اذا كُنتُ .. الخطيئة "

انا حرفياً استنفذت كل طاقتي في ولا شيء ،
ضيعتها في تعاملي مع الناس الغلط وبطريقة
غلط وغبيه ، كنت بدرجة غباء ما عاديه وعلى
شنو انا زاتي ما عارفه ..
بتعامل مع ناس حقيقي مؤذيين نفسياً وما
يستاهلوا ربع العملتوا في سبيل اني ابقى
معاهم على أمل انهم في يوم يتفهموا
ويقدروا العملتو في يوم عشانهم..

وانا بتعامل معاهم ب ؛ وإن عدتم عدنا..
ما عارفه على اي اساس هم واخدين الاهميه
دي كلها على حساب نفسي ...
في كتير مرات بلقى الناس اللي في بينا تعامل
مشترك بيلمحو لي إنه انا كده غلطانه...
سوا كانوا قريبين ولا بعيدين مني ، هم شايفين
صح... انا معميه وما قادره اشوف الغباء والهبل
اللي انا فيهم ..
كتير مرات بلقى نفسي في مواقف ما في ليها
مبرر اصلا وبتأذي منها جداً ، بس ولعبطي
الفظيع بخت دشليون عذر وبراجع نفسي احتمال
انا غلطت، في غباء كده!!!
حقيقي هم ما غلطانين، ولا بعتب عليهم لأنو
انا العملت كده في نفسي وسمحت ليهم بكده..🙂

لعل الله بحكمته قدر لك التعثر لتختار طريقاً اخر تختبئ فيه سعادتك..
.

خليك مستعد دايماً انك تخسر الناس اللي خسرت كتييير في سبيل أنك تبقى معاهم.

المحبه لا ينالها إلا عزيز ....

أظرف حاجه اليوم وانا في الشارع منتظره صحبتي، في واحد متشاكل مع صحبتو شكله كدا وشايل منها تلفونا ، بقت هي بعيده وهو أتقدم مساافه.
المهم تلفونها بتصل كل شويه وانا من الفراغ العلي مركزة مع الولد الشايل تلفونين...وبتسآل!!
بعد شويه جا لي والتلفون لسه بتصل ،
👱‍♂: لو سمحتي ممكن تردي للزول ده تقولي ليه أنه صاحبة التلفون بعيده شويه ..
وانا من دون ما افكر حاولت ارد بطريقه مناسبه..

اول ما سمعت صوت الطرف التاني ، حرفيا هبطت
وقلبي انقطع خفت خوف واكتشفت إني بالجد فاره😂😂
ياخ والله تقول اخوي انا🙂.
بعد قفل وبعد البت جات هي وصاحبتا ومشو مننا وانا لسه مرعوبه 😂😂.
صاحبتي مستغربه مني شديد وبتعاين لي .
ي بت مالك .. حكيت ليها اتفقعت ضحك فيني😅
#فاره

أحكي لينا كمان🌚

التيليجرام للطفل الصيني الهكر التطبيقات😂😂😂

حين تتعقد الأحوال ويبدأ الصخب سأكون معي ، مهما كانت المخاطر سأبقى معي...
إنني أدرك تماما في عمق نفسي أنني الشخص المفضل لدي مهما كانت الظروف ..
الشخص الوحيد الي يمكنني الهرب إليه في عزلتي حينما تضيق بي الحياة ، أشكوني إليه واسمعني وانصحني وأواسيني ✨
مستعد لكي احارب كل من في هذا العالم كي لا يلم بي اي مكروه ، شخصي الرائع وبطلي الذي أستمد منه قوتي وأفخر بي لكوني لا أخذلني أبداً 💙

الاعضاء الموهوبين في التصميم بالتلفون أو اللابتوب
شنو يااااخ عزونا بي تصميم لبروفايل القناة...

من دون أي عائد مادي طبعاً🌚.

#أغرب موتة في التاريخ.
قال ليك في راجل اسمه هنري زيغلاند.
هنري ده كان عنده حبيبه جميله جدا ، وفي يوم من الأيام قرر يهجرها...
البت جاها أكتئاب وبقت حالتا حاله.. وفي الأخير انتحرت .

اهااا قام أخوها مشى لهنري عشان يقتله لأنه هو السبب في موت أخته، ومن بعيد أطلق علي هنري رصاصه وطوالي انتحر، من الغباء العليهو ما انتظر شافو مات ولا حي ..
تقوم الرصاصه تمشي وين ،،
أخطأت هنري وجات في شجره في حديقة هنري..
اهاا هنري أعتز بشجرته وبقى يتفاخر بحظه، وأنه رجل الحظ😌 ..
وبقى مُعظم الشجرة شديد.وكل زول يزورة يعرفوا بالشجرة.. 😅
بعد عشرة سنه قرر هنري يقطع الشجرة......!

ومن كسله وغباءة قال يفجر الشجرة بديناميت ،وفعلا جاب ديناميت تحت الشجره ومشى منها شويه وفجرها.. بوووم 💥

وهنا الرصاصه بقوة الدفع الحصلت طلعت من الشجرة واستقرت في رأس هنري......... 😶 ومات

#وبما اني كائن كسول شديد شديد ، في حاجات كتيرة بتتخرمج لي بسبب انو بشوف الطريقة المختصرة دايما، الحمد لله ما في رصاصة في الموضوع😅😂 لكن خلاص حخلي الكسل بما إنه فيها موت😂😂😂
ان شاء الله تستفيدوا من القصة زي ما استفدت😂😂😂😂🤭

المرأة في طبيعتها ضعيفة ، غير مستقرة نفسيا ، طوالي منهارة ومستاءة ومزاجها متعكر وما عندها نقطة ثبات ، بتخاف من اي قرار حتى لو كان في منتهى السخافه مثلا مثلا:
حابة تقص شعرها بس خايفه شكلها يبقى شين بعد ما تقصه، البديهي أنها تكسر حنك وتخليه صح.!
لا هي بتبقى طول الوقت بتفكر أنها من عمق قلبها أنها هتقصه والفكرة جميله وتحدي💪 بس تاني ترجع لفكرة خوفها من شكلها حيبقى كيف...!
عايزة تعمل منكير بس متأزمة من حتة إنها عايزة اكتر من لون ..!

هي مزاجها بتغير في لحظة مش عشان الهرمونات لا عشان دي فطرة، هي محتاجه إحساس الأمان الدائم .
عموما كده هي والله لا independent ولا شيء ،.
ما في حاجه اسمها بكايه ونكديه، لا دي طبيعتها .
الضعف فطرة النساء .
خوفك ..حزنك .. وترددك.. ضعفك... وحوجتك للكلام الحلو وحوجتك للإطمئنان كل ده كيان مش هرمونات ..


عن النبي ﷺ من حديث أبي هريرة ، قال ﷺ: استوصوا بالنساء خيرا فإنهن خلقن من ضلع وإن أعوج شيء في الضلع أعلاه فاستوصوا بالنساء خيراً " رواه الشيخان في الصحيحين.
ربنا سبحانه وتعالى قال : [ فَلَا يُخْرِجَنَّكُمَا مِنَ الْجَنَّةِ فَتَشْقَىٰ ].
قال فتشقى مع ان السيدة حواء كانت مع سيدنا آدم، فلم يقل فتشقيا _بصيغة الجمع_، بل بصيغة المفرد ، لأن الشقاء هنا للرجل . سبحان الله ..

أختاري الأشخاص اللي تظهري قدامهم بفطرتك من دون ما تتشوه تلك الفطرة .
اللي تظهري قدامهم بضعفك ، ونكدك ..الخ من دون ما تنتكسي ، الأشخاص اللي يتفهموا ان دي طبيعتك مش هرمونات منك وانك بتعشقي النكد..

الفكرة كللها...
ما تغيري في طبيعتك علشان شخص معين أو مجموعة أشخاص، ما تراكمي إحتياجاتك (اتخنقتي أبكي ، خفتي امشي وابعدي، حزنتي كملي حزنك للآخر ، احتجت الأمان ابحثي عنه..) ما ترهقي نفسك لمجرد ان المجتمع فرض عليك أنك strong independent women🤷‍♀.
اهم مطالب المرأة الأمان، وأهم احتياجاتها الطمأنينة .. محتاجه حد متفهم يفهم خوفها ، ضعفها ، ترددها وكآبتها المفاجئة ..
محتاجه تحس بالأمان والطمأنينة.💙

قاتل الله الفرااااغ 🙂💔
زي ما قالت كنت مضغوطة، صبغت شعري بقيت شينه ومضغوطة😂
يلا انا كنت مضغوطة ، من باب التغيير قصيت سجم شعري بقيت شينه شناه😆😂
وما زلت مضغوطة😆😆😂😂😂😂😂😂😂😂😂😂💔

#Reelosha
لو مت عايز أندفن في وجنتك 😂😂

بروف أحمد داخل مكتبو في جامعة المغتربين بجبرة 😂😂😂

إلى أن يحين الوصال
فإنّ الشوق لا ينتهي ...

جلال الدين الرومي❤️