" إنَّ الأمرَ كُلَّهُ لله ...."
طمِئن فؤادك وثِق برحمة ربك ...♥️!

" أَلَا بِذِكۡرِ ٱللَّهِ تَطۡمَىِٕنُّ ٱلۡقُلُوبُ "

حرف حرف 😂😭💔

صباح الخير 💙
عارف الزول الوحيد اللي ممكن يديك كل حاجه بدون تذمر هو نفسك .. حب نفسك وقدرها واسعى في اسعادها..
ما تنسى ربنا بيقبلك في كل حالاتك أرجوه واتوسله واطلب كل حاجه وانت واثق لأنه سبحانه وتعالى اسمه الوهّاب قادر يعطيك فوق ما تتخيل💙 ،
حِب نفسك في رضا ربنا..
حتى لما يتخلى عنك كل الناس ربنا موجود وبيسمعك وبحبك 🍂

#احاديث واحكام ♥️🔥
الحديث الثاني :
عن عائشه رضي الله عنها " لا يصيبُ المؤمنَ من مصيبة حتى الشوكةٌ إلَّا قَصّ أو كُفرَ بِها من خطاياه ".

مفردات الحديث:
1-لا يصيب :بمعني لا ينزل
2-قص : من القصاص والمعني أن تكون هذة الشوكة مقابل دم
3-کُفر :بمعني تكفير للذنوب اي سترها وعدم المؤاخذة بها
4-خطاياه :هي جمع خطئية وهي المعصية

#فؤائد الحديث :-

1-ان المصائب التي تحل بالمؤمن تكون كفارة للذنوب
2-وإن م يصيب المسلم من مصائب فهو خير له

وعن الراحة النفسية الموجودة في الصلاة فما تحرم نفسك من السكينة والراحة دي ✨

عن كمية الألم والحزن لما تتزكر بعد الساعة 10انو عندك بحث وبكرة اخر يوم للتسليم 🙂😭😭😭💔💔

عوض العواليق، مستعد يجي من دغش الرحمن والناس لسه ما فتحت عينها،
ولا شمس طلعت .. عشان يصحيني من نومتي( الوحيد في أخوانه البتجرأ يصحيني وما بخاف مني 😂😂✋) .
وكل ده ليييي ليي 🥺💔 عشان يقول لي مريومه اصحي نلعب بلي🌚✋🤣 .

#مريوميات
#مستر_براون😂💙

انتو عارفين اظبط حاجه شنو ... ؟
لما يكون عندك قااب في نص الأسبوع تحس انها
استراحة محارب وكده😂😂
المهم انا معلقه راسي من بداية الأسبوع عشان الأربعاء off😍 ، منتظراه زي إنتظار الشفع ليوم
العيد وهم مجهزين ملابسهم الجديده ♥️..
وانا مجهزة نومي وكسلي😂😂..

ما بحب المفآجات المتعبه في يوم الرست
العظيم 😅..
يقوموا يتصلوا لي ناس البيت عشان اساعد
مستر براون عندها أوراق عايزة تختمها في صندوق دعم الطلاب.. اللخت تتجرجر جاتني للساعه واحده🙂
الراجل المفروض نمشي ليه خاشي اجتماع من الساعه 10 للساعه3 تقول اجتماع كوني 🌚

بعد خلصنا دخلتها معاي الغرفه ترتاح هي وصحبتها ويا ليتني لم أفعل 😂😂😂.
أسأل فيها من جات نون انتي جعانه؟ لا شربت
الشاي مرتين ما جعانه..
جبتا ليهم اكل اكلو ولا كأنهم قالوا ما عايزين
غريبين خلاص😂
الفيران الصغنونه البتدخل جوه الدولاب ، ديل هم
ما خلو حاجه ما فتشوها 🙂 وبشتنو الدولاب
والسراير وحالتي النفسيه معاهم 😂😂😂😒
الواحد ما يغلط ويحترم اخوانه الصغار عشان
ما يندم😂
بقيت افتش للمفتاح عشان فترت من عمايل براون وصحبتها الاتعرفت بيها من خمس ثواني 😂😂😂
وكل زول يلاقيها تقول ليه انا اخت مريم انا عسل عديل😂😂 جن الحمد لله 😂
بعد زهجت منهم ومن عمايلهم طردتها هي وصحبتها وشيلتها شنطتها اقصد شنطتي ربنا يردها سالمه😂😂
انا : انتي مش عندك مناوبة بعد ساعه يلا امشي ما يفصلوك من اول يوم ..
هي : بقول ليهم ما عرفت المستشفى رحت في الشارع 😂😂.
دي شنو يخوانا 😂😂😂 كيفتني والله
دماغ شغاله مش بتنام😂😂

طالعين في الشارع بعد كشيتهم وحنكتهم انو ما بلقوا مواصلات صحباتي ينادوا ليها من السطوح
وهي في نص الشارع تتونس معاهم وبأعلى صوت🙂 الحمد لله على نعمة العقل ..
اها قالت لي بجي تاني بقعد معاك اربعه يوم 🌚🙂 عيشتني في رعب من فكرة انا جرايه وراها وهي بتبهدل في حاجاتي😂😂😂

بس رغم الحصل كله دا اظبط يوم وأحلى يوم مع السنفورة الشفته😂😂😂
مبسوطة بيها وطايره من الفرحه عشان الكم ساعه القعدتهم معاي ♥️♥️♥️.
حلووووين الاخوات الصغار 🥺💙

ضمي ي أختي ضُميني
نامي ي أختي بأمان
في صدري دفء وحنان💙

#مريم_محمد

خلي زعلك بعيييد عن المتناول ،يعني شنو ...
ما تسّهل زعلك وتبقى بسهوله تاخد موقف وتكتمها على نفسك وتغلها ، ما تزعل من الماشي والغاشي ما اي زول بستحق نزعل منه ولا نزعل علشانه ،ما تزعل على أتفه شيء .. ما تزعل زاتو..
اعمل نفسك ما شايف مهما حصل واذا لقيت نفسك
خلاص كده كتييير أسكت... من دون أي لوم ولا عتب..
ما هو إحنا ما كل مره نوريهم إننا زعلنا...!
ويجو تاني من اول يعيدوا الكرّة ..

هي فرصه وتاني وتالت ورابع وبعدها يبقى في
خانة اللا شيء اااي في حياتك بس ، لو قعد بارك
الله فيه .. ولو مشى مع الف سلامه..
ما في فرق ما بين وجوده وعدمه الأمر سيّان..
كلنا غاليين وزعلنا أغلى من اننا نرميه قدام اي
حاجه، ده المفروض يفخر بنفسه اللي نزعل وناخد في خاطرنا منه ..
#مريم_محمد

كل الجامعات تعمل حاجات ظابطه عشان طلابها
وتوفر كل سبل الرفاهيه لو قدرت ..الا نحن
جامعة النعلين بارك الله فيهم يجيبوا لينا بط يحوم لينا في الكلية ويرعبنا😂😂😂😂😂😂😂💔

#
أن تقرأ آية فتحتضنك كما لم تفلح زراعين في احتضانك ...
تواسيك ويطمئن قلبك كما لو انك لم تحزن
ولم تيأس قبل ...
ترمم ما تداعى من روحك وما لحق بقلبك من خراب وتصلحك بعد أن أنخرطت عن الطريق ،
تضعك حيث الحق وتبين لك ما فيه الخير ..
تقودك كما لو انك طفل يتهيأ لأولى خطواته ..
تغسل قلبك من كل غل وخوف وما عداهما...

تجعل الدنيا آخر همك وغايتك هي الوصول
الوصول إليه عز وجل .. فكل ما هو في سبيله
ميسر وكل ما في سواه ضياع وخسران...
يمكن لآية أن تعزيك كما لن يعزيك قول ...
وكأن الله وضعها أمامك لتوهبك خارطة الطريق
لتنتشلك من بؤرة الحياة لما هو أكبر ،لمعرفة الله..
يحدث أن تعيد تأهيل نفسك آية ..
ليست صدفه..أن تقرأ آية او تسمعها .. حتما فيها
من الهداية ما هو من عند الله..

"إذا أضطرب القلب ، وقلق فليس له ما يطمئن به
سوى ذكر الله"..#إبن_القيّم .

فاللهم لا تعلق قلوبنا بسواك ، ولا تجعل الدنيا أكبر
همناً ولا مبلغ علمنا وأهدنا يا هادي وتوّلنا وأعفو
عنا وأرحمنا برحمتك وأغفر لنا فإنه لا يغفر
الذنوب إلا أنت.🌸

اخر م اتوصلت ليه بعد ما المواد اتراكمت فوق راسي😭😭😭😂😭❤️

الاصحاب ❤
اشتقتكم جدا والله 😊

‏إذا وجدتَ ظُلمةً في قلبك
‏ بعد معصيةٍ ارتكبتها
‏فأعلمْ أن في قلبك نوراً
‏لولاهُ ما وُجدتَ تلك الظُلمة !
‏.
‏ابن الجوزي

"تاقت إلى لقيا الأحبّةِ مهجتي
والروح من ألم الفراق تنوحُ."

لما يموت زول من ناس بيتكم الشي ده حٰ يسببلك مشكلتين
نفسيتين...

المشكلة الاولي ..فوبيا الفقد..
يعني حتبدأ تخاف علي باقي أفراد بيتكم بشكل مبالغ فيو
لدرجة انو مرات رنة التلفون في وقت غير مناسب ممكن تحس معاها انـ قلبك وقف
المشكلة التانية..داء الاستغناء عن الناس..
يعني أنك ح يكون
م ليك عزيز او غالي خارج إطار ناس البيت
البيقعد بارك الله فيو والبيمشي سلامتو
ولا ح يفرق معاك الموضوع

مشكلتين شعورهم اخي وما ليهم حل وحتحس روحك انك انسان تاني والشي ده ما بإيدك لأن الموت اعظم مصيبة ممكن تصيب المؤمن ومستحيل زول يعرف معني كلامي إلا مجرب

طالما مافقدتو زول احمدو ربكم عٰ النعمة الكبيره للي عندكم وكفايه تناظرو عٰ ناس فقدت اعز ناسها وتبدو تلومو عليهم.

ﺃﻳﺪﺭﻱ ﺍﻟﻘﺒﺮ ﻣـﻦ ﻓﻴـﻪ !!
ﻓﻴﻪ ﺍﻟﻔﺆﺍﺩ ﻭﻣـﻦ ﺑﺎﻟـﺮﻭﺡ ﺃﻓﺪﻳـﻪ
ﻟـﻮﻻ ﺍﻹﻟـﻪ ﻭﺇﻳﻤـﺎﻥ ﺃﺩﻳـﻦ ﺑـﻪ
ﻟﻜﻨﺖ ﻗﺮﺑـﻚ ﺃﺷﻔـﻲ ﻣـﺎ ﺃﻻﻗﻴـﻪ
ﻟﻜﻨﻬـﺎ ﺳﻨـﺔ ﺍﻟﻠﻪ ﺍﻟﺘـﻲ ﺳﻠﻔـﺖ
ﺇﻥ ﺍﻹﻟﻪ ﻟﻤﺎ ﻗـﺪ ﺷـﺎﺀ ﻣﻤﻀﻴـﻪ
ﻛﻢ ﻣﻦ ﻓﻮﺍﺟﻊ ﺷﺘﻰ ﻗﺪ ﺑﻠﻴﺖ ﺑﻬـﺎ
ﻟﻜـﻦ ﻣﻮﺗـﻚ ﻻ ﺷﻴـﺊ ﻳﺪﺍﻧـﻴـﻪ
ﻟﻜـﻦ ﻣﻮﺗـﻚ ﺃﺣﺰﺍﻧـﻲ ﺑﺄﺟﻤﻌﻬـﺎ
ﻳﺎﻟﻴﺖ ﺷﻌﺮﻱ ﻣـﺎﺫﺍ ﺃﻧـﺖ ﻻ ﻗﻴـﻪ
ﻧﺰﻟﺖ ﻗﺒـﺮﻙ ﻭﺍﻷﺣـﺰﺍﻥ ﻋﺎﺻﻔـﺔ
ﻭﺍﻟﺪﻣﻊ ﻣﻨﻲ ﺣﺒﻴـﺲ ﻓـﻲ ﻣﺂﻗﻴـﻪ
ﻓﺤﺴﺒـﻲ ﺍﻟﻠﻪ ﻓـﻲ ﻫـﻢ ﺃﻋﺎﻧﻴـﻪ
ﻭﺃﺭﺟﻮﺍ ﻟﻚ ﺍﻟﻠﻪ ﻓﻲ ﺳﺮ ﻭﻓﻲ ﻋﻠـﻦ
ﺃﻥ ﻳﺠﻌﻞ ﺍﻟﻘﺒﺮ ﺭﻭﺿﺎ ﺃﻧـﺖ ﺭﺍﺋﻴـﻪ
ﻓﻲ ﺭﺣﻤﺔ ﺍﻟﻠﻪ ﺣﺒﻴﺐ ﻛﺎﻥ ﻟـﻲ ﺃﻣـﻼ
ﻗﺪ ﻭﺳﺪ ﺍﻟﺘﺮﺏ ﻭﺍﻧﻔﻀـﺖ ﻣﻐﺎﻧﻴـﻪ

همسات الأمهات، وحنيتهم كفيلة يإنها تهون القواسي وتربط على قلبك وتطمئن.. إحساسهم تجاه اولادهم حاجة ربنا بس بيعلم بيها، بتوتروا لتوترنا وبيزعلوا لزعلنا..
بيبكوا لما نتألم وبيقيموا الليل علشان تتسهل علينا ، حتى في الوقت اللي بكونوا فيه منفردين بنفسهم مع ربهم بيكون مليء بإحلامنا الصغيرة..

#مريم_محمد

عمرها المسافات ما بعدت بين الناس ولا كانت عائق للمحبه ، ولا الزمن باعد ، ولا الانتظار مل من انتظارنا.. لا زهج المكان لا تعبت نفسنا ..
ولا اتغير الود ولا فترت مشاعرنا واتبلدت..
كل زول شايف نفسه ما ماخد اهميه، أو ما واقفين عليه ، يراجع نفسه ويعرف ليي..
اكيد في أسباب.!