مرات الواحد بصورة تلقائية بلقى روحه مُهمش وغريب وسط الناس المفروض يحسس معاهم بالأمان والراحة والاهتمام لكن بنلقى سبب كل الأحاسيس دي نحنا ذاتنا عشان في مشاعر لازم نوفرها لنفسنا برانا ونقلل توقعاتنا وعشمنا الزايد في الناس حتى لو كانوا ملائكة في نظرنا.

وآني كل ذي سُؤل سُؤلهُ
وكل داعياً مطلبه
ولا تبتلي أحداً فيما يحب💙

بعض الأغاني بتفضل عالقة في دواخلنا لامد بعيد ، أغاني ممزوجة بذكريات جميلة ؛ كل ما نرجع نسمع تلك الأغاني ذاكرتنا برضو بترجع معانا و تستحضر المواقف الكنا فيها لما سمعنا هذا الأغاني أو الموسيقي دي لأول مرة🎼 ...

و أنا بتصفح في تويتر مر علي مقطع لتقديم المُبدع #طارق_العربي طرقان لما كان في وطنا الحبيب الاسبوع الماضي و في الخليفة كانت شغالة أغنية سيمبا 🦁 .. الأغنية رجعتني لزمن طويل شديد و رجعت معاها زكرياتك من الطفولة الغابرة و رجع بي الشغف وكان في صوت جواي بقولي أرجع نزل أغاني أسبيستون من أول جديد و إسمعها و احتفظ بيها في اللابتوب ♥️..

و دي جزء من الأغاني المحببة لي و نزلتها 🔽 لو إنت كمان عايز أغنية محددة ممكن انزلها لك ..

- Happy birthday Bab
- Happy birthday Dady♥️♥️.
- Happy birthday Ma niece (#بكوري) ♥️♥️
- Happy Birthday Grandpa 😂💛
- Happy Birthday (الهادي)
- Happy first day of Ramadan 🌙✨


يوم رهيب مش , يوم يعج بالكعكات والتورتات وكمان خم الرماد😂😂😂♥️♥️♥️

يوم 13/4 يوم جميل جداً لانو عيد ميلاد لكل السخصيات القريبة مني ♥️♥️♥️

ببركة العشر الأخيرة من الشهر المبارك ربنا يرفع البلاء عن السودان و المواطنين و إن شاء الله ما نفقد أشخاص قريبين مننا ..

اهم حاجة في اللحظة دي الحاصل دا ينتهي والناس ترجع بيوتهم سالمين، في اهل قلبهم انقطع على ناسهم الفي الشوارع.

كلام النسوان في الحالي مع اهلهم و جيرانهم عبارة عز تحليل سياسي و كلام لما تسمعوا تقول الحرب العالمية حتقوم هسي🙂🙂💔

ياخ ما ترهبوا معاكم الناس ساي

منشور بحب ✨✨

انا من شدة اقتناعي وحبي للسودان متقبلة كل اوضاعو وعمري ما نبزتو ويكفيني انو بلدي البنتمي ليهو وبس تقريبا انا في زاويه مافي زول شايف السودان بيها غيري ما زهد ولا انا بحب الحياه الصعبة ابدا لكن انا بقدر اكون سعيده مهما كانت الاحوال ممكن تزهج حبه لكن بترجع تحبو تاني والله يخونا الموضوع قناعه بس والقرد ببقى في عينك غزال اقتنعو انو بلدك دا ماف احسن منو الحاصل دا كلو حاجات سطحيه سؤ ادارة معقد شديد لكن البلد زات نفسها والله جنه انتو ماقادرين تشوفوها بس الحياه دي ممكن تقسى عليك في اي مكان بس نحنابنستنكر قساوت بلدنا مع انو مفروض تكون اهون من اي قسوه تانيه المشكه قناعه بس
زي كان اخوك قسى عليك وغريب قسى عليك يامه ناس غاشه روحها في الغربه يخونا ولا عايشين ولا بطيخ وحياتهم اسوء من السودان الف مره لكن واهمين نفسهم انو كدا احسن يخونا الناس عايشه في الاقاليم لا مويه لا كهربا ومبسوطين ولا ناقصم شي
نحنا بشر ياخ اهم صفاتنا التأقلم السريع لانو عندنا مخ ما معناها نرضى بالغلط لا نغير لكن نرضى بالواقع برضو نتأقلم لحدي ما نغيرو

السعاده قرار❤️

السر وراء صورة البروفايل شنو ؟

مجموعة من الشباب و الشابات رافعين علم السودان و متمسكين بيو بشدة ..
برغم سوء الادارة و الأوضاع الصعبة و الطاحنة في بلدنا إلا و إنو سودانا دا غالي علينا شديد ..
ونحن بإمكانا نغير السودان للأفضل لما نتكاتف مع بعض في سبيل إننا نطلع من الازمات الحاصلة دي بنفسنا دون طرف ثالث خارجي و نرضي بالواقع و أبدا ما نتسرع في إننا نلحق الدول الثانية ...
ما نبدا نقارن بلدنا بي البلدان الثاني لأنو الأوضاع مختلفة كلياً ..
ما يكون مجرد طموحنا إنو نلقي بيئة جاهزة عشان تحتضن طموحنا ، نحن البنصنع و البنخلق الجو المناسب لينا ..

و ذي ما نحن كنا دائما الاوائل و السباقين في الريادة ، مافي مانع إننا نرجع لمكانا الأول ..
كل فرد عارف مدي صعوبة البيئة هنا و إنها أبدا ما خصبة لبناء و تطوير المشاريع الشابة ، فا زي ما قلت سابقاً افكارنا هي حصاد أجيال المستقبل و بدل ما يستفيدو منها الأخرين نستفيد منها نحن بتمسكنا بيها و اخراجها لارض الواقع ..
ما تنتظر الزمن المناسب عشان تبدع ، اخلق البيئة الانت شايفها مناسبة لابداعك و أبدا من هسي و ما تنتظر باكر ...

رغم قساوة ومرارة اليوم دا و بشاعة الاحداث الفيهو ما زال السودان بلدنا البنحبو و الغالي علينا ❤️❤️

ربي يصلح حالنا لافضل و كل الاوضاع تهدا و تروق

ماتنسو اثناء إفطاركم تدعوا للقتلي و المصابين و الأسري و للبلد عموما إنها تستقر🤲🏼

اي زول حاسس بالخوف يقول الدعاء دا

ياعزيز أعزني وياكافي أكفني وياقوي قوني ويالطيف ألطف بي في أموري كلها
وألطف بي فيما نزل علي من خوف وقلق وحزن يارب🤲🏼🤲🏼

مذيعة القناة لحميدتي:
هل صحيح قواتكم في النيل الأزرق استسلمت للجيش؟
حميدتي: والله ما عارف لاني مشغول في الخرطوم 💔😂😂

أنشروا الطمأنينةَ بين الناس ومن يحدثكم عن زمنٍ مخيف حدثوه عن ربٍ لطيف ، الأرض أرضه والأمر أمره ، واللطف والرحمة منه لا من سواه .🤍

بحترم جدًا الزول البساعد الناس وبقول كلام يخفف القلق والخوف الجوانا عشان نتجاوز المحنة دي♥️

كل عام وانتم بخير جعله الله اخر عيد لنا من دون حرب او فتن وربنا يتقبل منا ومنكم صالح الاعمال والطاعات 🤍🌼🌙✨