أرجع واقول من تاني..
فقدانك لشخص هو فقدان لجزء من نفسك،
فقدان لضحكتك المميزة وانت معاه..
لطريقة فهمك للمواقف والأمور الحياتية..
بتفقد معاه شغفك لحاجه بعينها.
وبعض الاهتمامات المتعلقة بيكم انتو الاتنين.
ومع رحيلو وبعدو بتفقد حتى احساس وقت يكون
اللقاء بعد غياب طويل واحساس الطمأنينه بشوفتك ليه.
تفاصيل كتيره ما بتحصل ولا بتدخل في نفسك
السرور الا بوجودك معاه.

وفي نفس اللحظه لو ما كان في مبادرة منه وولو
تلميح صغير منه بانه باقي وانه عايز منك شويه
تمسك عشان يحس انه مرغوب ..
ولو اضطر يتنازل عن ده كله ويجي عشان يتصالح
معاك في كل مره قربتو تخسرو بعض فيها.
لو ما كان في احساس مسئولية مشترك واهتمام
ما في سبب يخليك تضطر تحافط على بقاءة
لمجرد انك ما عايز تفقد الحاجات الجميلة اللي
بتكون معاه وبصحبتو.
لأنو ح تتحول لحاجه تخليك تكره نفسك ، وكده
مافي اي لازمه لرفقة زي دي.
الأفضل ياخدو معاهم كل التفاصيل ويمشو..
اكيد م ح تلقاها مع غيرو لكن ح تكون راضي
انك ما رخصت نفسك ولا قللت من قيمتك وعملت
اللي في مقدورك وما كان في مبرر كافي للإستمرار
ح تمشي وانت سعيد انك قدمت ليه كل الفرص
وفي المقام الأول قدمتها لنفسك .

الليله لااااقيتو وملأ السرور قلبي 🌸💜
يوم جميل جداً ، بوجود الناس الحواليني وبنفسي بما انو بقيت جاذبة للسعاده 😁
اتصل لي ابوي " الوالد" من الصباح ، وبكل صدق ما بحب كلمة الوالد دي لأنو بحس انو والد شخص تاني غيري ومافيها اي احساس بالانتماء..
خارجيات م ليها لازمه المهم فاهميني انتو صح..
اقول ليه انا لسه في البيت م طلعت!
لا طبعا لازم احور واتزاوق😂
وشبكتو انت وين انت وين😂😅
واديتو احلى خازوق 😂
منتظرني ساعه🌚🔥
اكيد انا اكبر اميراته واستاهل لو انتظر عشاني مش؟ 🌚👈👉
لما وصلت كوبري توتي وانا جايه من أم در الحبيبة خخخخ.. الدنيا دي كلها اتكدست في الشارع ده..
حظي وبعرفو ،عشان كنت جايه بيه ولاحقه زول🙂.
اتأفأفت وعقدت حاجبي وبقيت صاره وشي😂
وبدعي ربنا ابوي ما يتصل😅
-وطوالي اتصل رديت ايوا انا قريبه .
-قريبة وين مريم انتي ليك ساعة .
-يا ابوي والله الزحمه.
-يعني انتي ما في الجامعة😳.
-😁لا لا انا جايه يداب
-😒ما قلتي لي .
- كنت فاكره ح اصل سرعه لكن الكبري زحمه وهنا زحمه لكن وصلت خلاص.
استسلم للواقع وقفل🤭.
اول ما وصلنا صيدله اول زول نزل نزلت معاه .
بعيد عنكم عندي محرك نفاث في الشنطه ح يطيرني سريع🤣 موهومه في راسي انو لو مستعجله شديد انزل وامشي كده بكون اسرع🤣
مع انه في كتير من المرات بتنجح الفكره.
لكن هنا نو🤐😐😐
الشارع بقى فاضي اول ما نزلت والعربيه طيران اشوفها الا قدام كليتنا شاخته🙂🔥.
زعلت بزياده وقلت اصلا عشان خليت ابوي ينتظر ده جزاي😐
وفجأة في منقبه بتنادي لي وبأسمي،  وخلت وجهتها وجات علي ، وسلمت علي وانا لسه ما مستوعبه.. يا ربي يكون دي كوابيس ولا شنو😂
قلت ليها طوالي شوفي يا بتنا انا ما عرفتك زحي كده متشعبطه فيني🤷‍♀
وطلعت زميلة مدرسة قبل اسبوع كنت بحاول اوصل ليها وكل المعارف المشتركه سألتهم منها ومن رقمها وما وصلت ليها🥺
يا الله فرحت شديد وحسيت يداب انه فعلا الترتيب ده ما جا من فراغ وكتير من أحداث حياتنا بتحصل كده ، نفقد الحاجه الحلوه ، عشان لولا الفقد ده ما تحصلنا على الاحلى وهكذا..
شوف البت وهكذا قال، ياخ انا يوم بدي نفسي عين 😂😂😂
المهم اعتذرت منها انه البوس منتظرني وبعد كده ح ينفخني لازم امشي وشلت رقمها ووعدتها نتلاقى بعد ما اخلص.
وقد كان ..
وصلت الكليه وعاينت للمكان البيستناني فيه ابوي.
ومافي سجمي ابوي ده ما يكون حرد ومشى😭.
واتصلت ما برد ..
بس دموعي في طرف عيني وخلاص وبتصل وبديت ألوم نفسي ، قام رد وردت فيني الروح❤️🥹
وين انت مالك ما بترد والله خوفتني .
مشيت اتوضى خلاص جيت ..
وجا..
كأنو مافي سواه في المكان حضورو طاغي على اي
حاجه في عيني ، بعد كل الزهج والشمس المولعه بره ووشي الباهت ، اترسمت على ملامحي أجمل ابتسامه ممكن تكون مني ووشي ضاحك وباين من بعيد قدر شنو انا سعيدة🥹 ايوا سعيدة جداً.
تلاته شهور ما اتلاقينا واسبوع م اتكلمنا🥲
وعارفه انو ح يقعد خمسه دقايق ويقول لي انا عندي مشاغل غيرك يلا مع السلامه😅
لكن كانت احلى ربع ساعه في يومي.
مع انه لما يزورني في الجامعه واكون فتره ما لاقيتو الوقت بيجري برمشه ما بلحق اقول كلامي ولا تعليقاتي الفي راسي ..
المهم كانت الطله بهية بكل المقاييس،  وكان لابس
طاقية رهيييبه لونها كحلي يجنن عملتها ليه انا🌚❤️😂
اسكت لا لازم اعلق على الطاقية الجميلة وانو الهداها ليه ذوق لأبعد درجه😂
وعشان اتغزل في تصميمي زيادة قلت ليه كده صوره بلوك الطاقية الرهيب ده 😂
المهم بقدرة خارقة نسيتو انو انتظر ساعه وشويه مع انو بمزاجو هو والله😂
طبعا لما يجيك زول بتحبو ومبسوط بيه بتنسى اي شيء وما بتركز اصلا تعزمو او تقدم ليه حاجه
لكن السيد بابا عزم نفسو بقروشو😂بعد ما نسيت الفقرة دي..
ياخ بحس انه ربنا واهب ليه خفة الدم ، ك نوع من التعويض مقابل الضغوط البمر بيها وعلى صبرو.
بعد ما شرب العصير واحنا واقفين بره لأنو مافي وقت وهو ماشي رجع لي كباية العصير وبعد كمل ضحكتو قال لي رجعيها ليهم يمكن يحتاجو ليها 😂 بحرفنه معناها ارميها في السله😂😂😂
بعرف كيف يضحكني من قلبي ويخليني مبسوطة ورايقه💜
ياخ انا لو في حاجه بتمناها في الدينا دي إنو اكون زي ابوي عندي المقدره ابسط الناس وانسى همي واكون فرفوشه دايما☺️💜
ومشى وانا قاعده اتبسم زي العبيطه😅
وطلعت على صحبتي والضحكه باينه زي شمس السودان حرفيا قلبي ضاحك🥺
ودي حاجه ما بتحصل إلا بسبب ابوي ود حامد🥺💜
وبعدها مشيت لهنويه صحبتي وانا راييقه.
وعلى كده بقت دايرة سعادتي توسع😂😂
العبره من المعطه دي كان المفروض كلام مهم
لكن والله من كتر السعادة نسيت انا عايزه اصل لشنو بالضبط وذاكرة السمك الايام دي ما مساعداني ابدا😂😂
وأخيرا حاولو تظهرو حبكم للحواليكم والبتحبوهم
وقولوا كل الكلمات اللطيفه اللي بتجي على بالكم
وذكروهم بمكانتهم، ولو بكلمه حانيه وابتسامه مشرقة في كل مره تشوفوهم..💜💜
محبات كتارات ليكم ، ولصبركم لأنكم بتقروا المعطات دي كلها😅
💜💜

الحمد لله إنك ما قعدتي في الأرض زي ما كنت بتقعديني ..

‏اللهّم أشملنا بعفوك ومغفرتك واجعلنا ممّن نظرت لهم فرضيت عنهم 💙

‏ردد معي الان :

"اللهم ارفع عني حمل التفكير والترتيب، ودَبِّر لي أمري فإني لا أُحسِن التدبير."

- لو ملاحظين ‏دايماً رمضان بيجي فـ الوقت المناسب الوقت الـ بيكون الواحد جاب اخره و حياته جايطة و ما بين مشاكلك نفسية وضغوط الحياة .. رمضان كأنه بيجي يعمل ليك " recharge your life " عشان تقدر تكمل .. ♥️♥️

‏مهما كانت الايام دي صعبه علينا جيت رمضان دي براها فرحة...

ربنا سبحانه وتعالى ربط العمل في الدنيا بالسعي ...

في مقولة سمعتها إنو كل شخص عندو الزمن المناسب لكل شيء ، فإنت ممكن تكون إتخرجت قبل ثلاث سنوات و مسكت شهادتك و لسه عاطل و غيرك إتخرج من أسابيع و حالياً موظف هو لسه ما إستلم شهادته زاتو (مستحيل الكلام دا هنا إلا لو الشركة الإتوظف فيها حقت أبوه😂)
إتجاوزت الثلاثين ولسه حياتك متخبطة ، أختك الأصغر منك متزوجة وعندها طفلين وغيرها من المواقف النحن بنضع فيها أنفسنا بالمقارنة 😤....
" خليك مؤمن إنو وقتك المناسب لسه ... لكن ... حتي يجي الوقت دا إنت لازم تسعي ليه ..."

_
الفترة الأخيرة بقيت أفكر بصورة مفرطه ، الشغل ، الشهادة ، الإغتراب ، اصلح البيت، العرس 🙈😂 ... وطلس من هذا القبيل و حتي بفكر في أدق التفاصيل بشكل يومي ..

وصلت لقناعة يا محمد السماء لا تمطر ذهباً، ما حتفوز بـ(الحلم) و بطل أحلام اليقظة دي و امرق إتوكل علي ربنا و إن شاء الله حيفتها عليك و حتحقق حلمك و تنجز كل خططك دي بس إنت هسي لازم تبدأ تشتغل باي طريقة و أي شيء شغل قدامك ... و دا الحصل
قبل أخلص إمتحاناتي بإسبوع مشيت إدارة المعهد الدرست و بديت ادرس فيه من المستويات الاولي .. وصلت و كلمت الإدارة أني بعد إسبوع من اليوم حاكون متفرغ وفبقدر بالإمكان يحاولو يضعوني في الجدول ..
_
الحمد لله علي نعمة المعرفة الوهبها لي ربنا سبحانه وتعالى ، و أنا كمحمد ما حصل إني رديت شخص طلب مساعدتي في موضوع أنا واثق إنو بمكاني اساعده ، فترة كتابة البحث كنت بساعد بعض الزميل بشرح الخطوت و النقاط العارفها كبداية، ومنها إتطور الموضوع لي تنسيق بحوث كاملة ، طباعتها و تغليفها و فجأة ربنا فتحها علي ✨ و أتحول مساعدتي إتحولت لبزنس داخل وخارج الجامعة و ما زال مستمر 😁 .. وعشان اكسب الطلاب حددت ليهم سعر اقل من سعر المكتبات يكاد يكون نصها عديل والله ، سعر بشمل التنسيق، الطباعة باليزر ، الترجمة ، التغليف العادي و الحراري و حتي نقل بحث من الورق أو رسائل الواتس كنت بشتغلو 🔥😮‍💨 .
وبعد السعر الحنين دا مافي زول دفع لي كامل 🥲🥲 ياخ بترجوني اخفض ليهم ودا الحصل 😐😂 البدفعو لي كنت بقبله و الله حتي ما بحسبها (بغمتا) جوة جيبي وخلاص ، ماهو نحن كلنا طلبه و عارف حال البعض، وبدوري بتفاني في شغلي حتي ضمن ليهم الإمتياز في البحث أو اسواء الفروض جيد جداً و بتعامل معاهم كزملاء قبل يكونو عملاء ❤️❤️❤️..

و لاني كنت متفاني و محترف شغلي إتوسع وذي ما ذكرت من قسم الإنجليزي لقسم الجغرافيا و شوية لقسم طبي في كلية العلوم و حالياً بكتب و بترجم في بحث تبع خريجين جمارك .. 🦾

إتوفقت بفضل الله و لأني ما فضلت قاعد في مكان واحد ومنتظر أحلامي تتحقق بل سعيت إني إشتغل و أبدا بالبقدر عليه و بإذن الله شوية شوية حا أحقق حلمي و أبقي السلطان 😂😂 ..

حالياً ممكن تقولوا إني ماسك 🎭 شغل متعدد في نفس الوقت و ما مقيد بزمان أو مكان و اموري باسطة الحمد لله و كل يوم أنا بقطع خطوة نحو هدفي 🎖 ..

الخلاصه:-
"قووووم يا عاطل، قووم شوووف ليك شغل😂😂"

نص إسعافي و تصبيرة قبل العودة
#محمد_الفاتح

عدنا.. 🧡

انا زهجت

زول يعملني أدمن في قناته 😁😁
عندي خبرة 8 سنوات في إدارة القنوات و كمشرف 😂😂❤️
@MUALFATIH

بطلو كسل و تسويف حتي من التلفون ممكن تحضرو للامتحان، ما شرط تسجل في معهد أو موقع...

اليوم ود عمي إمتحن القسم الثاني من الايلس🔥🔥 ، إجتهد و كان بحضر للامتحان في البيت و سجلنا سوا في الدورة دي ..
و إنت المانعك شنو للأن ؟

لقد انتشرت هذه التماثيل في الأسواق بشكل كبير، وأصبحت موضة يتهافت الناس على شرائها قبل رمضان، ليزينوا بها بيوتهم، ويزخرفوا بها مجالسهم، ولا يدرون ما حكمها !!
قال النبي ﷺ "إن الذين يصنعون هذه الصور يعذبون يوم القيامة، يقال لهم : أحيوا ما خلقتم"
رواه البخاري
وقد نقل الإمام النووي في شرحه على صحيح مسلم إجماع العلماء على تحريمها، فلا يجوز للمسلم صنعها ولا شراؤها ولا اقتناؤها، والبيت الذي يتزين بمثل هذه التماثيل لا تدخله الملائكة !!
قال النبي ﷺ: «لا تدخل الملائكة بيتًا فيه صورة ولا كلب»
‏رواه البخاري ومسلم.
اللهم إني بلغت ، اللهم فاشهد !!

I'M MUHAMMED (MU) 🍉
He's MR.TETO😂🔥

DM: @MUALFATIH
https://www.tg-me.com/mudailies
البوست دا ما اعلان للقناة او حاجه بالشكل دا
البوست دا انا نزلتو عشان بحبكم وبحب اشاركم الحاجه البحبها
من اول القنوات الدخلتها فى التلى كانت القناة دى وبصراحه من يومها وانا متعلقه بيها
ادمنها زول طيوب شديد برغم معرفتى بيهو اللى ما اتجاوزت انى بس متابعه ليو فى القناة بس برضو حبيتو حبيت يومياتو افكارو وكل شى لانو فعلا شخص فعال شخص رائع شخص اتمنى لو فى زيو كتار
انا ربنا رزقنى بوالده ما بعجبها شىء بالساهل فمره من المرات بتكلم معاها فى موضوع وبالصدفه شفت محمد منزل بوست عنو خليتها تقراو وخليت ليها الفون ومشيت وتفاجأت من رده فعلها لما جيت واكتشفت انها قرت تقريبا كل البوستات الفى القناة حتى الانا ما شفتها من قبل وكان تعليقها هو الاجمل لما قالت "اريتو ولدى....دا الشباب الممكن يغير فى السودان....عاد الولد دا الله يوفقو" الوقت داك انا نص يومياتو ما كنت فاهماها وكنت بسأل نفسى امى دى لقت شنو فى يوميات بس يوميات يعنى وجيت وقريت كذا من حاجاتو وبجد بجد حبيت ❤️❤️❤️ كاتب رائع...شخص إيجابي الى حد ما لا وكمان ممكن يغير فى السودان زى ما قالت الوالده ولو حتى تغيير بسيط التغيير دا بكون فى الحاجات الحلوه البوصلها لينا فى كلامو اللطيف فى روعتو فى كون انو فى مرحله ما بخليك تتمنى تعرفو اكتر وبخليك تتشوق لليوميه يوم تنزل ما عشان فضولك كاتلك لكن عشان لقيت نفسك فيها
بجد ما عارفه الخلاهو يعمل القناة شنو وفكره انو يكتب يومياتو جاتو من وين وهل كل اليوميات حقيقيه او لا......يمكن حد قرايتى لحاجاتو دى لسه ما فهمتو وما جاتنى الشجاعه انى اتعرف عليو واسألو بس يمكن انت تكون احسن منى يمكن انت تكون زى محتاج ليوميات بطيخه ويمكن لما تلاقى الجمال الفيها تتشوق تتعرف على الشخصيه يمكن بس يمكن تكون من الناس الغيرهم ويمكن يأثر فيك زى ما اثر فينى بطريقه لسه ما فهمتها
المهم لو بتحبو الحاجات الحلوه اكيد ح تحبوا القناة دى فاااا شنو جربو

أثر اليوميات الأيجابي ❤️❤️

اليوم الزيارة الثالثة و الأخيرة بإذن الله

اللهم كنا معنا ولا تكن علينا ❤️

(أعمل الخير وأرميه البحر)

بوست ما هادف لو عندك حاجه اهم ما تضيع وقتك فيه🌚
عمري كله ما كنت فاهمه معناه!
يعني شنو اعمل حاجه وأمشي عكسها وكأنها
ما حصلت فعلا..
حاجه منافيه وما بتتفهم ، كيف يقدم الإنسان
خدمة او أيا كان وينساها..
إستوعبت مؤخرا إنه لما تقدم معروفا أو
تبذل عطاءًا وتكون منتظر نتيجة العطاء ده
تكون مضاعفة، هنا ح تكون وضعت نفسك في
موضع شك بإنه مافي معنى من العملته ولا
يستحق..
الأهم من إنه يرجع ليك بمقدار مضاعف الرضا
والسرور البيدخل في النفس لما تكون ما راجي
شيء ولا منتظر رد .
في عالم موازي بعيدا عن الكلام العاقل ده،
ح احكي ليكم موقف طريف😅
أمس وأنا سابحة في خيالي ، مع توتر المناقشة
واول ما طلعت وأسمع في الزغاريد والتبريكات
والتهاني ، قاطعني اتصال قربت ازغرد بدال أقول
ألو😂😂😂.
بعد الاستكانه الجميلة دي والأحلام البنفسجية
وزايد أديت نفسي اليوم عطله😴😢
لكن وين مع علوم الزفت😑
في إنسان عاقل واعي ، عقلة في راسه بطلع بعد الساعة ١٢ ضهر تحت شمس السودان الحراقة دي😐
ااااي🙂انا 🙂💔🔥
الموضوع كله بدا وانا بهزر مع ابوي وبحكي ليه بأحلامي وطموحاتي ، وأبوي اخد الموضوع جد
واهو سنة مليار جامعة🙂💔
اصلا كل طمحاتي في الحياة (ايوا طمحات عشان ما عايزه اتعب فيها شديد😂) إنه اعيش مع
ابجيقتي في قرية نائية وما جايبين خبر للعالم ولا
بهمنا زاتو لكن الحظ😔🤓
حدثتني نفسي ما اعمل فيها كده لكن غلطة
الشاطر بألف، ولسه انا بدفع في تمن غلطي😂💔.
رحتو صح😂😂😂.
نرجع البدايه،  صحيت الساعه ٨ ونص وانا اصلا
عامله منبه الساعه ٨😁😹😹عشان اصحى بدري
وكده😹🔥
يوم من بدايته ما ياهو ، مافي بني آدم طبيعي
بعمل منبه الساعة ٨ صباح😹😹
وبعد جرجره وكل شويه أوقف المنبه لقيت الساعة ٨ ونص ح يحصل شنو مثلا🌚
ولا شيء.
بس ح افوت اللاب والموعد مع زميلتي اللي وعدتها اخلي التسويف وأبدا جد في كتابة البحث
وباين قدر شنو جاده لما ضبطت منبه😂
ح نهزر ونضيع وقت كمان؟!
وصلت الجامعة بعد الضهر بعد ما ضيعت وقتي
في انتظار زول طريقنا ما واحد🙂💔
لكن كانت ح تمشي ولابد من وداع قدام الباب 😂
بياخه شديده🌚
اتصلت لصحبتي وطلعت ليها في المكان الوصفته لي وبكل جديه قعدنا نكتب ونعدل ويا عالم شوفو
في اجتهاد زي ده🤩🔥
جو باقي الشلة الكريمة رفقا الأسرّة والغرفة
والطرق ياهو نايمين قايمين مع بعض 😂😂
لكن بيوحشوني جداً وانا مشغوله ومجتهدة😄
قلت لا يضر المرء لو شرب شاي مع رفقاءه عند
خالتو فاطمة ورجع تاني😁🤷‍♀
خليت للبت حاجاتي ومشيت ليهم وشربنا احلى كباية شاي انتهى معاها طعم السعادة لهذه اللحظه🙂.
جات خالتو كبيرة كده شغاله في الطابق الأول
معاها ولدين ساعدوها طلعت السلم.
سلمت على خالتو فاطمة واخدت ليها لفه وجات
لقتنا شربنا الشاي ومستعدين للرحيل.. وهنا كانت
الصدمه....
🌚😃
سألتنا اذا نازلين تحت ، ف ردينا إننا ما نازلين..
بعد دقيقة حسيت بالضعف قدامها وما قدرت ما اساعدها ونا قادره على المساعدة البسيطه دي..
قلت لوفوية يا مكنه ارح نوصلها.. وكالعادة معاي
في كل وكسه😂😂
المره قالت لينا نزلوني الأرضي ومن هناك بمشي براي ، قلنا خير وبركه كلها سلمتين..
لما وصلنا تحت قالت لينا لا لا ما هنا ، وصلوني باب الحرس وبعدها ارجعن يا بناتي، يرجع فينا لوري نحن🙂
وصلنا باب الحرس وكل من لاقانا من المعارف يبتسم لينا ويمشي..
اها يا خالتو نحن كده رسمياً بره الكلية وده الشارع ادلي بدلوك..
قالت لاااا وألف لا واصلا هي ماسكه مسكة من لا يخشى يفوتوه لأنها ضامنه مسكتها كويس😪
واستسلمت رغم الشمس والحيل الميت واصلا
انا شايله لي نص زول في يد 🙂
واليد التانيه وفويه ..
قالت الترحيل واقف جمب الدراسات، وح يفوتها
وما بلقى بنات حلال تاني ..
صراحه كان نفسي اقدم المساعدة لكن كده انا زاتي محتاجه مساعدة 😂.
طبعا الفضول ساقنا ودردشنا مع الخاله ليي هي
لسه بتجي الشغل بعد العمر ده قالت عندها ولدين
شغالين ، طيب مالك يا ماما منشفه نفسك وتاعباها
كده ! ، قالت القعده ما كويسه ليها والحركه تمام معاها 🤷‍♀
اها الإيقاع بطيء وماشين بالسنتمتر والشمس تقول يا ليل..
قالت لازم يتصلو ليها لبتاع الترحيل ، وحافظه الرقم ، طبعا اتخليت ح اتصل لي على زول يقول
لي انتي مالك هسي في النهار الحار ده شابكاني
ترحيل وبتاع😂😂.
لكن سبحان الله ما شاء الله طلعت فعلا حافظه
رقم الترحيل، الصراحه لو كنت في العمر ده اسمي
ما اظن اتذكره😹😹
كائن لئيم شديد😐 وحلف ما ينتظر لو وصلت وصلت لو ما وصلت راحت ليها.. هيي يا ود امي
وجهودنا دي تروح ساي كده شمار في مرقة🙂
شدينا الهمه وقربنا نمشي بحري 😂😂
عندهم كماسره لو ما ماشي يقنعوك تمشي 😂😂
وخالتو كل واحد بترد ليه براه انا لاحقه الترحيل

زح كده لاحقه الترحيل..
والترحيل ذو مواصفات معينه احمر بأبيض وفيه
باب واحد🌚
الحمد لله وصلت بسلام ولحقنا ..
لكن فقدنا القدرة على استخدام يد كامله🙂
لما راجعين في كمساري جاي علينا بحري باححري بحررري اول ما وصلنا قال لينا اااا ديل انتو زاتكم😂😂😂😂😂
خلاص أصعب من كده ماف.
الحمد لله ما تبقى من طاقة رجعنا الجامعة واسترخينا شويه.. وأول واحده حكيت ليها الحصل
قعدت تضحك قالت لي يعني ما بتعرفيها ولا شنو😅هي اصلا كل يوم بتصطاد ليها جوز😂😂
لكن والله حلال عليها 😂😂
للأسف من أصبحت ما قادره احرك يدي الشمال
ولا ضهري بسمح لي اتحرك بمرونه قابض فيني
وقايل نفسه سلسلة فقرية لرجل آلي 🙂💔
😂😂😂😂
لكن برضو نهاية الأمر استفدت من الموقف.
وكل ما ازهج من يدي اتذكر إننا ضحكنا واتونسنا واحنا ماشين وأنها كانت شاكره لينا ودي ما حاجة
مستحقة، الحمد لله والشكر له وحده..
الحكمة في شنو انا بإرادتي الكاملة قبلت اساعد
لكن لما لقيت القصة ابعد اتأفأت وسبيت لنفسي
وقلت آخر مره تحصل🙂
اكيد ما ح تكون اخر مره لكن لو كل مره اتأفأت
افضل العدم كما يقال..
احسن الواحد يقدم مساعدة وهو راضي بالجهد
ومتقبله تماما ..
😁😁
اكيد بتكون مرت بيكم حاجه زي دي ..
المهم م عرفت اختصر 😄

#مريوميات

‏"ألحّوا على الله بأن يصلح قلوبكم فصلاح القلب أعظم أسباب صلاح الدنيا وبلوغ الدرجات العلا في الآخرة.
ومن أعظم أسباب صلاح القلب بل ذلك خلاصتها:
الحفاظ على الفرائض بخشوعها، وكثرة تلاوة القرآن بتدبر، وغض البصر عن المحرمات، والحرص على الكسب الحلال

. اللهم أصلح فساد قلوبنا."💛

‏ثم لم يبق على رمضان إلا هدفك المصحوب بعزيمتك !
فاقترب أنت من رمضان ...❣

#رمضان_الخير✨🌙

‏اللهم إني نويت صيام رمضان إيماناً واحتسابا فإن توفيتني قبل قدومه فاكتبني من الصائمين