اعتقد اكتر حاجه تستاهل إنه الإنسان يسعى ليها ويبذل مجهود عشان يصل ليها هي انك تكون شخص سَوي مُعترف باخطائك وبتسعى دائماً إنك تصلحها انجازك الأهم في الحياه هو إنك تبقي بنى ادم راضي عن نفسك✨
شكرا للمشتركين الرهيبين الاتفاعلوا في البث ♥️
MOSAB
MOHAMED MUSTAFA
WAFA
و غيرهم
والله وبكل صدق وصراحة ما كنت متوقع التفاعل دا منكم ، لكن اثبتوا لي اني كنت علي خطأ ...
أستاذ محمد مصطفي عاجز جدا عن شكرك و ثنائك ، كلامك عن القناة و محتواها و خصوصا #المريوميات سبب كافي اننا نستمر ♥️
كلامك كان محفز و داعم و إيجابي جدا فاشكرا و جزاك الله الف خيرا ، وباقي المتفاعلين شكرا ليكم برضو✨.
لاول مرة احس انو المحتوي البقدم في القناة مفيد بالطريقة دي و ان شاء الله من اليوم و لقدام #اليوميات و #المريوميات ما حتقيف و انا حارجع اكتب تاني و بصورة مختلفة و متنوعة هنا و في قناة اليوميات ..
وشكرا للمرة للأخيرة .. 💐
MOSAB
MOHAMED MUSTAFA
WAFA
و غيرهم
والله وبكل صدق وصراحة ما كنت متوقع التفاعل دا منكم ، لكن اثبتوا لي اني كنت علي خطأ ...
أستاذ محمد مصطفي عاجز جدا عن شكرك و ثنائك ، كلامك عن القناة و محتواها و خصوصا #المريوميات سبب كافي اننا نستمر ♥️
كلامك كان محفز و داعم و إيجابي جدا فاشكرا و جزاك الله الف خيرا ، وباقي المتفاعلين شكرا ليكم برضو✨.
لاول مرة احس انو المحتوي البقدم في القناة مفيد بالطريقة دي و ان شاء الله من اليوم و لقدام #اليوميات و #المريوميات ما حتقيف و انا حارجع اكتب تاني و بصورة مختلفة و متنوعة هنا و في قناة اليوميات ..
وشكرا للمرة للأخيرة .. 💐
كشكول سُوداني🧣
يااااهههه ونجحت 💃💃♥️♥️♥️🔥🔥🔥🔥
انا فخورة بنفسي جدا جدا م اتوقعت امر في السمستر دا بالزات نسبة للجرسة والمرض والبكى والاكتئاب الكنت عايشه حرفيا مبسوطة بنفسي 😂♥️
مساء الخير ثم إني حابه أشكر الناس اللي إتفاعلت مع البث وطرحوا رأيهم بصراحه وادوني دافع للكتابه ، وعرّفوني أنهم بيقروا المحتوى البقدمه وشكرا جداً لمحمد المصطفى ، وحسيت بالتميز كونه كتابتي بتتقارن ولو بتفصيله صغيره مع الطيب صالح ، حقيقي أنا فخوووره جدا بالوصف الرهيب ده وحب كبيييير ليكم 💜💜
Forwarded from MU | يوميات & حكايات (B L A C K)
العباسية ( تقلي 💚)
في كل إجازة سمستر برجع البلد ، برجع للبيت الكبير ، لأهلي و زملاء الدراسة ، بحب بلدي شديد وبينا في إرتباط روحي. من أعرف إني حاسافر بكون مبسوط و ببدا اجهز مستلزمات السفر من بدري و بستف شنطتي أول زول زي الطفل الخايف يمشو يخلو😂 .
السودان شاسع وجميل جداً ؛ عايز تتعرف علي جمال طبيعتة و الأماكن الخلابة ! سافر برة الخرطوم حتي لو إسبوع بس و حتشوف بنفسك.
طبعاً السفر مع العائلة عندو طعم خاص وأنا هنا ما بقصد السفر برة السودان و بالطيارة وكدة - و إن شاء الله نسافر بيها 💕- لالالا ، بقصد سفرنا الداخلي الممتع الكنا برنكب ليه اللواري و ZTS و الجامبوهات و بصات النيسان المن زمن تحرير الخرطوم😅 ..
وطبعاً الوالدة عندها طقوس عجيبة قبل السفر 😂💕 فلما نحدد وقت السفر ، أمي بتبدا تجهز كل الإحتياجات من قبل يومين و بتمرق لي خصوصا أنا غيار واحد بس عشان ما تتعب تاني في الغسيل و المكوة لأني زمان شقي شديد و بحب الحوامة و اللواسة ومتوقعين شنو مثلاً😌🙊.
وفي مساء اليوم الأخير قبل السفر بتسلق لينا البيض و بتعمل القيمات ، البطاطس ، شندوتشات المربي والطحنية وبتختهم في صندوق الأكل و بتصحينا الصباح بدري نستحم و نتسوك و تفطرنا و تاني بتتأكد من العفش وآخر حاجة بتخت التلج في الحفاظه، كل دا عشان الوالده ما بتثق في أكل الشوراع و الكافتريات ، وبتخاف علينا ربنا يحفظك يا نبع الحنان وما تشوفي شر و يطيب بخاطرك دايماً و أبدا🌹. .ذكريات جميلة ومابتتنسي
_
كبرت و الوضع إختلف وبقيت اسافر براي و بحجة إنو السفر مع الأسرة عذاب و ما برتاح وكلام زي كدة لأني غالبا بكون محروم من كرسي الشباك🙂..
بما إنو مافي خط مباشر لأبوجبيهه من الخرطوم ، بركب بصات العباسية ومن هناك اي عربية ساعة ونص بصل البلد. اليوم داك نزلت في أم روابة ( قبل العباسية ) و من هناك ركبت تاتشر معدل ( بشيل 24 راكب ) والله النفوس لما تتطايب الناس بتقعد👨👩👧 ، كنبتين قصاد بعض (12 راكب) و إثنين مع السواق( وطبعا عشان تركب قدام إلا يكون عندك علاقات قوية مع بتاع العربية أو تحجز قبل أسبوع😅) ، و أنا كنت بفضل ركوب السقف(8) لانو مريح شديد وبستمتع بالمناظر و الهواء بكون ضاربني من كل الجهات🍃 .
(يوماداك) الجو كان غمام و السحب سوداء و ريحة الدعاش مع الهواء و رطوبة الجو مشهد ولا في الأحلام.
السواقين متسابقين وكل واحد عايز يثبت إنو اسرع من التاني و إنو عربيته جاهزة😑 ولما عربيه تتخطي التانية بنصفر وبنشغلا للركاب الفتناهم😂😭 والسواق لما يسمع الصفافير بضرب البوري شديد والركاب فوق بزيدو التصفير وهو بضغط ابنص زيادة 😂😂😭🔥 وكل ما كان التنافس شديد نحن بنوصل سريع ودا المهم طبعاً 🌚.
في نص الشارع المطرة صبت و السواق ما كان عندة مشمع يغطي كل الركاب فا قالينا تتغطوا لشنو !؟ مش بتقولو ( الحل في البل! ) . والله رغم شدة المطرة و الهواء جري بينا جري كانوا شايل بهايم ما بشر ونحن مستمتعين و الهواء و الدعاش ضاربنا لك فوق و مع برودة الجو بتحس كل مسامات جلدك أتفتحت و انتعاش انتعاش ياااخ 🍃 ، بس اللحظه المطرة زادت ونزل معاها ( البرد و دا تلج بنزل مع المطر عادة 🌨 ) وصوت التلج في اسقف الزنج إزعاج شديد .
وصلنا أقرب كافتيريا ونحن بنرجف من البرد 🥶 وأنا جسمي خدران و ما حاسي باطرافي و ملابسي كانت مبلولة بالموية و من شدة المطرة ماكنت شايف قدامي بس جاري مع الناس وشنطتي فوق راسي ( لما جيت متأخر في الخدمه الوطنية التعلمجي شيلني شنطتي في راسي وحومني المعسكر وأنا بردد "أنا الطيرة جيت الليلة وهو من وراي بتكلم وأنا بشيل معاها " أنا الطيرة"😂😑).
دخلنا زي البقر الساكيهو كلب و بنطاقش في الباب😭 ، في لمح البصر الغرف بقت سراير دبل وكل إثنين أو ثلاثة في سرير و ارجل السراير عباره عن حبل مشر ولو عندك بطانية أي زول بخش معاك أو بدخل رجلو مع الناس😂🥲 ، غيرت ملابسي و اللينة شريتها طرف السرير و إنتظرنا المطرة تقيف عشان نصلي العصر و نأكل لينا حاجة بس وين يااا المطرة إستمرت ساعات ونحن فضلنا نتونس و نتونس و بردانين وجعانين ، لما الساعه عملت 8 مساء المطرة لسه شغالة بنفس القوة و الثلج عامل إزعاج في السقف فا نمت بالجوع .
صحيت الصباح بدري بريحة ( الزلابية 😋) وعشان أطلع من الصالة نططت وزحفت زي الضب تحت السراير🦎 ، طلعت برة و لقيت لك الخالات مولعات النار و كلن خاته صاجها وبترمي في ( اللقيمات🍘) و الناس متلفين حول الكوانين كايسين الدفو🔥🐥.
في كل إجازة سمستر برجع البلد ، برجع للبيت الكبير ، لأهلي و زملاء الدراسة ، بحب بلدي شديد وبينا في إرتباط روحي. من أعرف إني حاسافر بكون مبسوط و ببدا اجهز مستلزمات السفر من بدري و بستف شنطتي أول زول زي الطفل الخايف يمشو يخلو😂 .
السودان شاسع وجميل جداً ؛ عايز تتعرف علي جمال طبيعتة و الأماكن الخلابة ! سافر برة الخرطوم حتي لو إسبوع بس و حتشوف بنفسك.
طبعاً السفر مع العائلة عندو طعم خاص وأنا هنا ما بقصد السفر برة السودان و بالطيارة وكدة - و إن شاء الله نسافر بيها 💕- لالالا ، بقصد سفرنا الداخلي الممتع الكنا برنكب ليه اللواري و ZTS و الجامبوهات و بصات النيسان المن زمن تحرير الخرطوم😅 ..
وطبعاً الوالدة عندها طقوس عجيبة قبل السفر 😂💕 فلما نحدد وقت السفر ، أمي بتبدا تجهز كل الإحتياجات من قبل يومين و بتمرق لي خصوصا أنا غيار واحد بس عشان ما تتعب تاني في الغسيل و المكوة لأني زمان شقي شديد و بحب الحوامة و اللواسة ومتوقعين شنو مثلاً😌🙊.
وفي مساء اليوم الأخير قبل السفر بتسلق لينا البيض و بتعمل القيمات ، البطاطس ، شندوتشات المربي والطحنية وبتختهم في صندوق الأكل و بتصحينا الصباح بدري نستحم و نتسوك و تفطرنا و تاني بتتأكد من العفش وآخر حاجة بتخت التلج في الحفاظه، كل دا عشان الوالده ما بتثق في أكل الشوراع و الكافتريات ، وبتخاف علينا ربنا يحفظك يا نبع الحنان وما تشوفي شر و يطيب بخاطرك دايماً و أبدا🌹. .ذكريات جميلة ومابتتنسي
_
كبرت و الوضع إختلف وبقيت اسافر براي و بحجة إنو السفر مع الأسرة عذاب و ما برتاح وكلام زي كدة لأني غالبا بكون محروم من كرسي الشباك🙂..
بما إنو مافي خط مباشر لأبوجبيهه من الخرطوم ، بركب بصات العباسية ومن هناك اي عربية ساعة ونص بصل البلد. اليوم داك نزلت في أم روابة ( قبل العباسية ) و من هناك ركبت تاتشر معدل ( بشيل 24 راكب ) والله النفوس لما تتطايب الناس بتقعد👨👩👧 ، كنبتين قصاد بعض (12 راكب) و إثنين مع السواق( وطبعا عشان تركب قدام إلا يكون عندك علاقات قوية مع بتاع العربية أو تحجز قبل أسبوع😅) ، و أنا كنت بفضل ركوب السقف(8) لانو مريح شديد وبستمتع بالمناظر و الهواء بكون ضاربني من كل الجهات🍃 .
(يوماداك) الجو كان غمام و السحب سوداء و ريحة الدعاش مع الهواء و رطوبة الجو مشهد ولا في الأحلام.
السواقين متسابقين وكل واحد عايز يثبت إنو اسرع من التاني و إنو عربيته جاهزة😑 ولما عربيه تتخطي التانية بنصفر وبنشغلا للركاب الفتناهم😂😭 والسواق لما يسمع الصفافير بضرب البوري شديد والركاب فوق بزيدو التصفير وهو بضغط ابنص زيادة 😂😂😭🔥 وكل ما كان التنافس شديد نحن بنوصل سريع ودا المهم طبعاً 🌚.
في نص الشارع المطرة صبت و السواق ما كان عندة مشمع يغطي كل الركاب فا قالينا تتغطوا لشنو !؟ مش بتقولو ( الحل في البل! ) . والله رغم شدة المطرة و الهواء جري بينا جري كانوا شايل بهايم ما بشر ونحن مستمتعين و الهواء و الدعاش ضاربنا لك فوق و مع برودة الجو بتحس كل مسامات جلدك أتفتحت و انتعاش انتعاش ياااخ 🍃 ، بس اللحظه المطرة زادت ونزل معاها ( البرد و دا تلج بنزل مع المطر عادة 🌨 ) وصوت التلج في اسقف الزنج إزعاج شديد .
وصلنا أقرب كافتيريا ونحن بنرجف من البرد 🥶 وأنا جسمي خدران و ما حاسي باطرافي و ملابسي كانت مبلولة بالموية و من شدة المطرة ماكنت شايف قدامي بس جاري مع الناس وشنطتي فوق راسي ( لما جيت متأخر في الخدمه الوطنية التعلمجي شيلني شنطتي في راسي وحومني المعسكر وأنا بردد "أنا الطيرة جيت الليلة وهو من وراي بتكلم وأنا بشيل معاها " أنا الطيرة"😂😑).
دخلنا زي البقر الساكيهو كلب و بنطاقش في الباب😭 ، في لمح البصر الغرف بقت سراير دبل وكل إثنين أو ثلاثة في سرير و ارجل السراير عباره عن حبل مشر ولو عندك بطانية أي زول بخش معاك أو بدخل رجلو مع الناس😂🥲 ، غيرت ملابسي و اللينة شريتها طرف السرير و إنتظرنا المطرة تقيف عشان نصلي العصر و نأكل لينا حاجة بس وين يااا المطرة إستمرت ساعات ونحن فضلنا نتونس و نتونس و بردانين وجعانين ، لما الساعه عملت 8 مساء المطرة لسه شغالة بنفس القوة و الثلج عامل إزعاج في السقف فا نمت بالجوع .
صحيت الصباح بدري بريحة ( الزلابية 😋) وعشان أطلع من الصالة نططت وزحفت زي الضب تحت السراير🦎 ، طلعت برة و لقيت لك الخالات مولعات النار و كلن خاته صاجها وبترمي في ( اللقيمات🍘) و الناس متلفين حول الكوانين كايسين الدفو🔥🐥.
Forwarded from MU | يوميات & حكايات (B L A C K)
الجو كان لسه غمام و موية المطرة جارية علي شكل جداول و صوت العصافير 🕊 و افرع الأشجار تتمايل يمين وشمال كأنها بترقص بصوت العصافير . و المطرة غسلت الجبال القريبة مننا و الأشجار لونها أخضر زيادة و خط أبيض من الدخان طالع من كل بيت ، و الأرض جزء منها رملي و جزء حجري ، مرطبة و رويانة موية و لما تعاين أثر خطواتك بتلقها اتملت بالموية كأنك بتضغط علي إسفنج..
إتاملت في الجو الخريفي دا لأني طولت منه و بعدها مشيت احجز لي زلابية أشرب بيها الشاي باقي الناس ديل غدا ما اتغدو لو ما حصلتهم بجومو كل شئ والله بسكويت ما بلقي و حصل معاي من قبل 😂( بحكي لقدام ) ..
وزي ما بقولو جدودنا ( شق الديار عِلم ومرات تفتيحة ) ما تسجنو انفسكم بالخرطوم أو المكان الأنت فية أطلع برة سافر استكشف من حولك و أعرف عن بلدك المتنوع بكل و الاعراق و الثقافات و مختلف العادات و اللهجات و غيرهم الكثير ..
#يومياتي..
#العباسية_تقلي..🌹
سافرو تصحبكم السلامة..💕
إتاملت في الجو الخريفي دا لأني طولت منه و بعدها مشيت احجز لي زلابية أشرب بيها الشاي باقي الناس ديل غدا ما اتغدو لو ما حصلتهم بجومو كل شئ والله بسكويت ما بلقي و حصل معاي من قبل 😂( بحكي لقدام ) ..
وزي ما بقولو جدودنا ( شق الديار عِلم ومرات تفتيحة ) ما تسجنو انفسكم بالخرطوم أو المكان الأنت فية أطلع برة سافر استكشف من حولك و أعرف عن بلدك المتنوع بكل و الاعراق و الثقافات و مختلف العادات و اللهجات و غيرهم الكثير ..
#يومياتي..
#العباسية_تقلي..🌹
سافرو تصحبكم السلامة..💕
سلاماً للذين يؤمنُون بقسمةِ اللهِ وعدله وأنّ كلَّ شيءٍ زالَ منهم زالَ عنهم وأنّ كلَّ ما ذهب من أيديهم لم يكن بالأصل لهم وأن عطاء الله رحمة ومنعه حكَمة
وأن من تمام الإيمان أن نؤمن بحكمة الله
التي لا نراها كما نؤمن برحمته التي نراها !" ❤
وأن من تمام الإيمان أن نؤمن بحكمة الله
التي لا نراها كما نؤمن برحمته التي نراها !" ❤
#مريوميات_عرس البخيت
شايل عكازة ونعلاته في يده وحالته بالبلاء الطين مغطيه من راسه لي رجليه، يمشي ويلعن في حماره العنيد ويندب حظه على بت عمه العرسوها وما طلبوا رأيه لو بدورها ولا لا ..
"أسود العينين ، يميل لونه للسمره قليلا ، ناعم الشعر فارع الطول ، زو وجه نحيف تغطي نصفه لحيه خفيفه وكأنها تستحي من إخفاء ملامحه الجامده، ومع ذلك يبدو أبلهاً بالكامل.."
لما حس إنه غضبه من حماره المحبوب ما بقدم ولا بأخر إبتسم وبدا يغني ويرقص كل شويه.
البخيت يا ولد ااا البخيت..
عمل نفسه ما سامع واداها جريه 😂😂🔥.
لما وصل البيت لقاها منتظراه جمب باب البيت😂😂.
-بسم الله أمسينا بالله ، في شنو يا وليه (خايف وركبه تتطقش)😂.
-شنينه التاكل راسك الكبير ده ، يا ولد انت بتحترمني متين بعد أموت يعني ،انا بنادي ليك جمب الجدول وانت سامعني ، انا حافظاك ما تقول ما سمعتني.
-أقول ليك حاجه يا عمتي الشول انا سمعتك لكن جريت عشان اقبض حماري شايفه فوق لي ضهر الترعه وكان وقفت ليك بهرب تاني مني .
-هووووي يا كضاب حمار واحد ماف ، ووينو هسى شايله في جيبك ؟!
قبل ما يرد عليها وكأنها ما منتظره إجابه ..
- يا ولد انت بتكبر متين وتخلي الزمبعه ال انت فيها دي انا بدور اشوفك عريس واتم منى امك وأبوك قبال ما أموت..
-اول حاجه انا ما ولد تاني حاجه انا لقيت عروس وابيت ؟!، عرستوا محاسن لي غريب وما شاورتوني فيها ..
ونفض جلابيته ودخل خلاها واقفه مكانها.
بعد كم يوم تفكير في كلام عمته، والله كان كده اا البخيت الله بريدك بس انت اتلحلح وفاوض عمتك وش الفقر دي ، هي بتريدني والله لكن بي وشها المكرمش ده بتعاملني كعب..
بعد إسبوع مفاوضات وشد وجذب، حاجه الشول لقت العروس ..
البخيت يا ولد ..
ياخ انا كم مره قلت ليك ما تقولي يا ولد ، الدقن دي ما عاجباك..
-يدقوك أولادك بركة الله..
- ما برد ليك ، اتي قايلاني هين ولا هين..
-يردمك لوري طوب وما تنخبر تاني.. ،اسمع اا ولد انا ما جيت أناقرك، خلقتك الزي حيطه عمي عثمان دي .
-وقت ما بتدوري خلقتي ناطه لي كل دقيقه مالك ، انا فكرت ارحل زاتي..
-ارحل رحيل ان شاء الله يصلوه بي برميل جاز..
- المره الفقر دي عليك الله ، كدي خبرك شنو ااا عمتي الشول..
-خب...
-النبي فوقك كفايه والله تاني دعوه واحده تلقيني مكفن قدامك، كدي خلينا من الفارقه لقيتي لي عروس؟
- يكفوك أهلك ووليداتك بركة من صلى وقال يا الله..
- اها كدي يداب عجبتيني، لكن كان ما نطقتي، الوليدات إلا أسرقهم سرقه😂..
-بتعرف خالتك بخيته بت خالة حبوبتك بتول؟
ياخ المره القصيره زي فندك الجبنه..زرررقه زي الدوكه..
-عمتي الشول لا إله إلا الله بتوصفي ولا بتنبذي اتي.؟
- ها ولد الطبيعه جبل دا حالي ، المهم بتها المعرسه في فريق ناس إخلاص بت عمتك حليمه عندها بنيه زي الصيده تبارك الله زينه سااا..
البخيت قام واداها نطه وبشر فوق عمته.
-خلاص عديله تب اخطبيها لي ، مع أنها زي السمبريه ما عارفك بتشكري في شنو. لكن النصيب فوق كل شيء..
عمته قامت عليه بالنعال خبطته خبطتين ، وقعدت تضحك عارف اا البخيت يا ولدي خلقتك الزي الضب دي كان ما اتدخلت ما كان وافقو عليك زاتو قال سمبريه قال..
إسبوع واحد وكل تجهيزات العرس تمت ، واتلمو أهله وأصحابه ..
يوم العرس:
جا لعمته الشول وسط النسوان ، هوي يا مرا تعالي هنا ، اكفتيني عليك الله والله ما مصدق..
- عمته بكت وهي شايفه البخيت عريس والهلال مزين جبهته وجلابية أبوه المن خمستاشر سنه، والحريره الادتها ليها أمه قبل ما تموت وهي بتوصيها على وحيدها، أتذكرت لما كان يضربوه ويجيها باكي وتدافع ليه ، أول قروش من تعبه أول حصاد من حواشة أبوه، واول دمعه تنزل عشانه بفرح ..
-عمتي انا والله بي قلة أدبي معاك بريدك والله، واولادي بعدين يحترموك بالرجاله أولاد الكلب ، لكن ما ترجي مني حاجه سمح😂.
- عافيه منك ورضيانه عليك..
- خلاص ما تبكي يقولو ارتاحت منه ويفهموك غلط ، جيبي الضريره ياخ عشان أمشي أهبد ليك
ناس الفاتح ولدك بالسوط ، والله يا عمتي الشول الفاتح راسو المدوقس ده في عرسه شحطني سوط لامن غمرته ما أصحى الا ألقى العرس كمل تقول انتقلت عبر الزمن😂😂 .
تعالي اا إخلاص قالوا اتي وسط امك وابوك تعالي كبي الضريره دي قبل ما اكبها براي😒.
-عريس الشفقه، خلينا نتأملك شويه.
-تتأملي شنو جلحتي الوصلت رقبتي ،كان أتاخرتي زياده بتلقيني أصلع..
أبشر ابشر ابشر ..
وسط دموع مخلوطه بالحزن وزغاريد مخنوقه بالوجع على البخيت اليتيم وعمته المحبه، زُف البخيت إلى عروسته في موكب مهيب ..
#مريم_محمد
شايل عكازة ونعلاته في يده وحالته بالبلاء الطين مغطيه من راسه لي رجليه، يمشي ويلعن في حماره العنيد ويندب حظه على بت عمه العرسوها وما طلبوا رأيه لو بدورها ولا لا ..
"أسود العينين ، يميل لونه للسمره قليلا ، ناعم الشعر فارع الطول ، زو وجه نحيف تغطي نصفه لحيه خفيفه وكأنها تستحي من إخفاء ملامحه الجامده، ومع ذلك يبدو أبلهاً بالكامل.."
لما حس إنه غضبه من حماره المحبوب ما بقدم ولا بأخر إبتسم وبدا يغني ويرقص كل شويه.
البخيت يا ولد ااا البخيت..
عمل نفسه ما سامع واداها جريه 😂😂🔥.
لما وصل البيت لقاها منتظراه جمب باب البيت😂😂.
-بسم الله أمسينا بالله ، في شنو يا وليه (خايف وركبه تتطقش)😂.
-شنينه التاكل راسك الكبير ده ، يا ولد انت بتحترمني متين بعد أموت يعني ،انا بنادي ليك جمب الجدول وانت سامعني ، انا حافظاك ما تقول ما سمعتني.
-أقول ليك حاجه يا عمتي الشول انا سمعتك لكن جريت عشان اقبض حماري شايفه فوق لي ضهر الترعه وكان وقفت ليك بهرب تاني مني .
-هووووي يا كضاب حمار واحد ماف ، ووينو هسى شايله في جيبك ؟!
قبل ما يرد عليها وكأنها ما منتظره إجابه ..
- يا ولد انت بتكبر متين وتخلي الزمبعه ال انت فيها دي انا بدور اشوفك عريس واتم منى امك وأبوك قبال ما أموت..
-اول حاجه انا ما ولد تاني حاجه انا لقيت عروس وابيت ؟!، عرستوا محاسن لي غريب وما شاورتوني فيها ..
ونفض جلابيته ودخل خلاها واقفه مكانها.
بعد كم يوم تفكير في كلام عمته، والله كان كده اا البخيت الله بريدك بس انت اتلحلح وفاوض عمتك وش الفقر دي ، هي بتريدني والله لكن بي وشها المكرمش ده بتعاملني كعب..
بعد إسبوع مفاوضات وشد وجذب، حاجه الشول لقت العروس ..
البخيت يا ولد ..
ياخ انا كم مره قلت ليك ما تقولي يا ولد ، الدقن دي ما عاجباك..
-يدقوك أولادك بركة الله..
- ما برد ليك ، اتي قايلاني هين ولا هين..
-يردمك لوري طوب وما تنخبر تاني.. ،اسمع اا ولد انا ما جيت أناقرك، خلقتك الزي حيطه عمي عثمان دي .
-وقت ما بتدوري خلقتي ناطه لي كل دقيقه مالك ، انا فكرت ارحل زاتي..
-ارحل رحيل ان شاء الله يصلوه بي برميل جاز..
- المره الفقر دي عليك الله ، كدي خبرك شنو ااا عمتي الشول..
-خب...
-النبي فوقك كفايه والله تاني دعوه واحده تلقيني مكفن قدامك، كدي خلينا من الفارقه لقيتي لي عروس؟
- يكفوك أهلك ووليداتك بركة من صلى وقال يا الله..
- اها كدي يداب عجبتيني، لكن كان ما نطقتي، الوليدات إلا أسرقهم سرقه😂..
-بتعرف خالتك بخيته بت خالة حبوبتك بتول؟
ياخ المره القصيره زي فندك الجبنه..زرررقه زي الدوكه..
-عمتي الشول لا إله إلا الله بتوصفي ولا بتنبذي اتي.؟
- ها ولد الطبيعه جبل دا حالي ، المهم بتها المعرسه في فريق ناس إخلاص بت عمتك حليمه عندها بنيه زي الصيده تبارك الله زينه سااا..
البخيت قام واداها نطه وبشر فوق عمته.
-خلاص عديله تب اخطبيها لي ، مع أنها زي السمبريه ما عارفك بتشكري في شنو. لكن النصيب فوق كل شيء..
عمته قامت عليه بالنعال خبطته خبطتين ، وقعدت تضحك عارف اا البخيت يا ولدي خلقتك الزي الضب دي كان ما اتدخلت ما كان وافقو عليك زاتو قال سمبريه قال..
إسبوع واحد وكل تجهيزات العرس تمت ، واتلمو أهله وأصحابه ..
يوم العرس:
جا لعمته الشول وسط النسوان ، هوي يا مرا تعالي هنا ، اكفتيني عليك الله والله ما مصدق..
- عمته بكت وهي شايفه البخيت عريس والهلال مزين جبهته وجلابية أبوه المن خمستاشر سنه، والحريره الادتها ليها أمه قبل ما تموت وهي بتوصيها على وحيدها، أتذكرت لما كان يضربوه ويجيها باكي وتدافع ليه ، أول قروش من تعبه أول حصاد من حواشة أبوه، واول دمعه تنزل عشانه بفرح ..
-عمتي انا والله بي قلة أدبي معاك بريدك والله، واولادي بعدين يحترموك بالرجاله أولاد الكلب ، لكن ما ترجي مني حاجه سمح😂.
- عافيه منك ورضيانه عليك..
- خلاص ما تبكي يقولو ارتاحت منه ويفهموك غلط ، جيبي الضريره ياخ عشان أمشي أهبد ليك
ناس الفاتح ولدك بالسوط ، والله يا عمتي الشول الفاتح راسو المدوقس ده في عرسه شحطني سوط لامن غمرته ما أصحى الا ألقى العرس كمل تقول انتقلت عبر الزمن😂😂 .
تعالي اا إخلاص قالوا اتي وسط امك وابوك تعالي كبي الضريره دي قبل ما اكبها براي😒.
-عريس الشفقه، خلينا نتأملك شويه.
-تتأملي شنو جلحتي الوصلت رقبتي ،كان أتاخرتي زياده بتلقيني أصلع..
أبشر ابشر ابشر ..
وسط دموع مخلوطه بالحزن وزغاريد مخنوقه بالوجع على البخيت اليتيم وعمته المحبه، زُف البخيت إلى عروسته في موكب مهيب ..
#مريم_محمد