تسميتي كيف م يكون حلو 😎

‏دائما في فرق كبير جدا لمن تجبر زول على عمل حاجة ولمن يعملها بنفسو من كامل رضاهو لانو هو كدة مهما كان كلام الناس ما بيأثر فيهو عكس لو كان مجبور ف ما تجبر زول على عمل حاجة حاول اقنعو بكل الطرق بس ما تجبرو 👏🏽.

الفضل ليك في حاجات كتيرة كتيرة ياااخ 😂💙

‏الجمال شئ نسبي لو حبيت زول حتشوفوا جميل شديد، حتحب تفاصيل أفعالوا، حتى تعابير وشو لما بتتكلم معاهو، معايير الجمال الحقيقيه بعيده كل البعد عن الشكل ..

#مريوميات..
#طفوله_مشرده😅.
من طرف الحبيب جات
أجمل رسايل ♥️✨

زماان زمان شديد يعني بداية الالفينات، وكنت
لسه ما خشيت الروضة ومعدياها لياقة(أليق من
الباميه!)😂 .. وعبط وعدم موضوع ..
في الفترة ديك ما كان في تلفونات متوفره ، بس
كان في الثابت وما كان عندنا .. في راجل كده
عنده .. لما أمي تتصل لي ،بنمشي ليه في بيتو
اتكلم معاها (مع اني ما كنت كبيرة لمن اتكلم
معاها بس بسمعها ) .. ولما تلقى زول جايي
بترسل لي معاه وبتجيب لي هديه غالباً..

حاجه ظابطه وظريفه🥺♥️ بس المؤسف اني كنت صغيرة شديد ما بتذكر كل التفاصيل وأغلب الحاجات دي ضيعتها ..💔

الطبيعي عندي كل اليوم في الشارع ووسخانه
ومنكوشة 😂
اصلو ما بتذكر اني كنت بمظهر الطفل الظريف
(إلا يغشوني يقولوا لي طالعين مكان حتى أقبل
اتحمى واغير 😂😂 قلة ادب تف علي 😅 )
مرات كده بهرشوني مع اني الأسلوب ده ما بنفع
معاي لأني راسي والحجر واحد🌚😁.

ولما أقعد في البيت بعديها شربكه 😂😜 ما عارفه كانوا متحملين كل الغباء والشقاوة دي كيف ..

في مره أمي لاقت واحد معرفة أهل وكده ، وكان
جايينا هناك ، فقامت حكت ليه عن إنه عندها بتها
الكبيرة مخلياها عند أمها وطولت منها
..وطلبت منه يوصل لي رساله وفستان ويسلم علي بالنيابه عنها..

-الولد جانا في البيت اليوم التاني
جا ...وجايب معاه (خطاب الحبيبه♥️) ..
بعد ما سلم على ناس البيت وضيفوه وقعد
شويه ،، ( شكلو كان بتخيل في ي رب شكلها
حيكون كيف😂😂 ) ..

اتنحنح وأفصح لخالي عن سبب الزيارة المفاجئة.
قال ليه جيت مرسلاني أختك ،قالت يوصلوا سلامها والهديه دي لمريم
(مريم السرور هي لكن😂😂❤️)..
وأنه عايز يتشرف بلقاء الزوله المشحتفه روح أمها
دي💙 ، "صاحبة المكانة الرفيعة .. ولاّاا اظنهاالسميكه ما عارفه😂".

خالي كان عارف انو الليله الشِّفت على البيت ، واني قاعده ومستكينه وعامله جلبه 🌚.

جا لي أمه وينا مريم الولد قال داير يشوفها
( هو تلقى كان متخيل مريم عشرينية فاتنه ي حليلو😂😂😂 وانا عمري ما بين الاربعة سنه بس وييين ياا والله سماحه تكتل عديل🙊😅)
امي عاينت لي خالي كده قالت ليه ما شايف يعني
😂😂 وانا مكنكشه في رجلينا وعيوني تقطر
الدمع😅 .. "أظني كنت ببكي لي على حاجه
مهمه لأني ما ببكي ساي🌚" .

ما في زمن والولد مستعجل بعد كده عايز يمشي ( لو كان اتكلم من البدايه كان شافني بت ناس ، لكن هو متأني اتفضحت معاه😂).

خالي خماني بي تُرابي وشعري المنكوش ودموعي الناشفه عامله خطين زي الجداول😂 وأظن كان
في حبة رِياله😂😂😂😂😂🙊.
ودخلنا للولد وانا لسه في باقي بكيه معلقه في راسي😅.. ختاني قدامه وقال ليه دي مريم🙂

الولد أظن بكون لسه مصدوم 😂 لانو أمي الله يديها العافيه بتحكي ليه عني وكأني زوله كبيييره
وهو من قالت ليه بتي الكبيره فهم الكبيره كبيره😂😂.

بقى يضحك ويسلم علي كل شويه ، وقال إنه سعيد بشوفتي تقريباً كده😂
وانا مركزة مع الكيس اللي هو شايله 😂 ..

كبرتا وقالوا احتمال تتغير، لكن ولله الحمد
الشقاوه أتضاعفت😂... وبقت بي فهم ومشيت
هاي ليفل من الشقاوه أولها لما وقعت من سقف
البيت فوق وما كلمت زول طبعا 😂😂😂و
آخرها لما غرقت في الترعه وكنت هموت..!

ربنا هداني ولقيت نفسي كملت كل الغباء اللي
في راسي وما فارق معاي تاني حاجه واتعلمت من
العملتوا واستفدت نوعا ما من العمايل دي😂.
#مريم_محمد

هادية شقاوة لفل الوحش 😂😂😂😂😂💙💙💙.

واحد من الاسباب اني بطلت أكتب يوميات إني بقيت استمتع بيومياتك يارهيبة 😂😂💙.

كنت مفكر أرجع القناة بعد نقتك الزائدة دي بعد أخلص الإمتحان لكن بعد قرايتي منشورات و يومياتك الاستثنائية لأيام خلاص إتيقنت إنك الشخصية المناسبة لكشكول🍁سوداني، أوعك ترجعي تنقي في راسي تاني وتقولي انا مابقدر ادير القناة بدونك وماتغادر😐 .

علشان كده لازم نسألهم اولاً 🌚
ومن هسى هم ما موافقين🤓

قراءة مميزة وهادئة | سورة الملك | الشيخ عبدالحليم حسين | Sh. Abdualhalim Hessin | surat al almulk

في فكرة مسيطرة علي من مدة و عايز أخرجها لأرض الواقع

من يوم الجمعة ح أبدا في نشر قصص الأنبياء و المرسلين من قصة سيدنا و أبونا آدم إلي آخر الأنبياء رسولنا الكريم محمد بن عبد الله علية أفضل الصلاة و اتم التسليم .
النشر حيكون دائم في كشكول 🍁 سوداني الي نهاية كل القصص ، و النشر ح اقسمة بطريقة مبسطة و سلسة و ممتعة 3 أيام في الإسبوع 💙💙.

خليكم جاهزين لأول قصة مساء يوم الجمعة و إتمني الفكرة تنال إعجابكم ..

متحمسين ؟!

و تستمر التشبيهات إني بشابه البطل الفي مسلسل عشم 😂😂😌.

وبي كدااا دا الزول الخامس يقولي كدااا بعد ال (EX) وقطوف و بعض الاشخاص😌😂.

مساء الخير جداً جداً كشكول ♥️🔥
م يفوتكم الاسبوع الجاي وع طول ح يكون في فعاليات فعاليات انتظرونا اوكي ♥️🔥

أن يأكل التعب قلبك، ولا تُعزّيك دمعة؟

ورغم المآسي أو كم بقاسي..وقتين تهاجم قليبي القواسي بآمنك وألوذ من أساي بي شجونك💙✨

‏تُشبهين زهرة كانون💐، لا تنتمي لطائفة الزهور الصيفية ولا حتى الشتوية بل فريدة ومتميزة عن البقية، وكأنكِ خُلقتِ من رحم اللطافة وغُلفت أضلعك برداء الحنو، فنبت الورد في عُمقك واتخذ روحك مسكنًا له💓.
‎
‏جمالك كجمال سماء ملمّعة بالنجوم ونسيم بارد وشِهاب يخطف في السماء فا كل عام و أنت بألف خير يا #سماء 💕

#HAPPY_BIRTHDAY to my youngest sister SAMA.
‎

#احاديث واحكام♥️🔥

الحديث الاول :
1- أنَّ رسولَ اللهِ صلَّى اللهُ عليه وسلَّم أدرَك عمرَ بنَ الخطَّابِ وهو يحلِفُ بأبيه فقال: ( إنَّ اللهَ ينهاكم أنْ تحلِفوا بآبائِكم فمَن كان حالفًا فلْيحلِفْ باللهِ أو لِيسكُتْ ) . رواه مالك والبخاري ومسلم

معاني المفردات :-
1-ادرك: بمعني لحق
2-يحلف :يحلف بأبيه وكان جائز في الجاهلية
3-ينهاكم :يمنعكم
النهي: لغه بمعني المنع
اما في الاصطلاح طلب الكف عن فعل الشئ ع وجه الاستعلاء

فوائد الحديث :
1-تحريم الحلف بالاباء وغيرهم
2-مشروعيه الحلف بالله

حرفياً الجو بيطبطب ع قللبي 🥺♥️

لن يذكرك الناس كثيراً بعد الموت!
من الجمل المرعبة جداً ،وانا بقراها حسيت قدر شنو الحياة دي تافهه.. وهي مجرد جسر عبور ..

المرعب شديد بالنسبة لي وقع الجملة نفسها، ي ربي أنا بعد سنة ولا اتنين هنسى أبوي وما هيكون في زحام أفكاري زي العادي بتاعي..!
هل هيبقى عصيُّ علي إني أتذكر ملامحة وأنا مغمضة ، ضحكته، عصبيته، ولما يتجهز لصلاة الجمعة ، يوم العيد ، قبل العيد وهو جايب لي معاه ملابس جديدة ، الشارع الكان بمشي بيه الشغل، طاقيتة اللي دايماً بوقعها ورا السرير، أحساس المغرزة الحلو بيني وبين امي عشانو، وتفاصيل كتيييرة... ي ربي دي هتتنسى وتتمسح من ذاكرتي؟!
بتذكر كان أول شيء عملتة بعد ما فكرت فيها ، شلت كل حاجاته المهمه وخليتا معاي ، كل فترة بمش المكان شغال فيه..
كنت بحاول أجمع حاجاتو عشان خايفة انساه في يوم !
بس في الحقيقة إحنا في طبيعتنا بنتأقلم مع الحياة ، ما ضروري ننسى لكن بنتعايش وبنتقبل فكرة الفقد..
في تكملة للعبارة الفوق دوستويفسكي قال بما معناه ، اننا بمجرد ما نموت هنتنسي تدريجياً وما هيتذكرونا إلا بالصدفه ،وهتتمحي فكرة وجودنا مع الوقت ومع ميلاد جيل جديد ولا كأننا كنا في يوم ..!
ما هيتذكروا نحن منو ولا مبادئنا كانت شنو ..

كلامه فيه نوع من المنطق في حال انت كنت انسان منطوي على ذاتك ، وما قدمت لغيرك حاجة...
والدليل انه هو ذات نفسة لسه ما زال ذكراه موجودة والاجيال بتتداول كتبة ، وتعتبر إرث أدبي عظيم ...

النبي صلى الله عليه وسلم ، إحنا الفرق بينا وما بينه أجيال كتيرة ، بس إحنا بنحبة وكأننا شفناه ، وعشنا في عصره 💙 ..
لأنو كان أعظم البشرية خلقاً وأخلاقاً ، ومنه اتعلمنا آداب التعامل مع الناس .. وغيره من الآداب...

والراجل داك كمان قال شنو قال انه ذكر الناس ليك او عدمه ما بيفرق معاك..!
تفتكروا ما هيفرق؟!
في نظري بيفرق وكتير كمان ، كونك كنت في حياتك بتراعي ربنا في دينك وفي خلقه اكيد هيتذكروك...وهتبقى في نفوسهم لامن يموتوا
ويفنوا...
حتى لو بالنسبة لأسرتك بس !
عمرهم ما هينسوك ،وهتفضل راسخ ليهم في وجدانهم، أمك وأبوك ، أولادك يدعوا ليك ويدعوا ربنا يجمعكم في جنته، .. وكل ما تمر مناسبة أنت على البال وبيتمنوا وجودك لولا امر ربنا ...

ودي حاجه خلتني افكر في انو انا ما عايزة اموت من دون ما أخلي أثر في حياة غيري ، إن شاء الله لو حاجه بسيطة جداً ..


#مريم_محمد.

كنت فاكره نفسي الوحيدة الما بتعرف توصف ، بس الحمد لله في أغبى مني😂😂.
وإحنا ماشين على المعهد وصفنا لي ريان صحبتي
نتلاقى في نص المسافه ونمشي سواء ..
الو ريان وين انتي ؟
هي : في الشارع، " تقريبا كنت متوقعاها في مكان تاتي🙂🤚"
انا : وصفي لي انتي جمب شنو بالضبط ؟
هي : جمب صندوق شنو كده ما عارفه والله 🙂
فصلتني خالص😂😂😂💔