🇪🇺🇮🇷 Европа Иттифоқи бортида Эрон президенти Иброҳим Раисий бўлган вертолётнинг “фавқулодда қўниши” билан боғлиқ вазиятни диққат билан кузатмоқда — Европа Кенгаши раҳбари Шарл Мишел.

🔥 @burchakostida

🇮🇷 Эроннинг олий раҳбари оятулло Хоманаий фавқулодда вазиятдан кейинги биринчи баёнотини берди

"Аллоҳ муҳтарам президентимиз Раисий ва унинг сафдошларини Эрон халқи бағрига соғ-омон қайтаришига умид қилайлик. Эрон халқи хавотир олмасин, мамлакат ҳукумати фаолиятида ҳеч қандай тўхталишлар бўлмайди", — дея маълум қилди Хоманаий.

🔥 @burchakostida

🇪🇺🇮🇷 Европа Иттифоқи ўзининг Cоpernicus EMS сунъий йўлдош тизими орқали Эрон президенти ва ташқи ишлар вазирининг вертолётини қидиришда ёрдам беради

Бу ҳақда инқирозларни бошқариш бўйича Европа комиссари Ленарчич маълум қилди.

Унинг таъкидлашича, бу Эроннинг “зарурий ёрдам” бўйича расмий сўровига биноан амалга оширилади.

🔥 @burchakostida

🇮🇷 Қутқарувчилар Эрон президенти Раисий вертолётини топди — Press TV телеканали.

🔥 @burchakostida

🇮🇷 Эрон Қизил ярим ой жамияти Раисий вертолёти топилгани ҳақидаги хабарни рад этди — Тasnim агентлиги

Эрон Қизил ярим ой жамият раҳбарининг сўзларига кўра, қидирув-қутқарув гуруҳи аъзолари эълон қилинган учта координатадаги ҳудудларни текширган, аммо ҳозирча ҳеч нарса топилмаган.

🔥 @burchakostida

🇹🇷🇮🇷 Туркия бортида Эрон президенти ва бошқа амалдорлар бўлган вертолётни қидиришда ёрдам бериш учун 32 нафар қутқарувчи ва 6 та махсус техникани Эронга юборди — Туркия Фавқулодда вазиятлар вазирлиги.

🔥 @burchakostida

🇺🇸🇺🇦🇷🇺 АҚШ расмийларининг фикрича, Путин урушда ғалаба қозониши мумкин — Politico

Нашрнинг ёзишича, армияни сафарбар қилиш режалари, Хитой ва КХДРдан келган ўқ-дорилар, шунингдек, Ғарб томинудан Киевнинг камроқ қўллаб-қувватланиши унга урушда ғалаба келтириши мумкин. Расмийларга кўра, бунинг кутилганидан тезроқ содир бўлиши эҳтимоли мавжуд.

🔥 @burchakostida

🇺🇿🇮🇷 Ўзбекистон Республикаси Ташқи ишлар вазирлиги Эрон президенти вертолёти билан боғлиқ ҳодиса муносабати билан баёнот эълон қилди

"Эрон Ислом Республикаси Президенти Иброҳим Раисий бўлган вертолётнинг фавқулодда қўндирилиши тўғрисидаги хабарни чуқур ташвиш билан қабул қилдик.

Ўзбекистон Республикаси Ташқи ишлар вазирлиги вертолёт йўловчилари, жумладан Эроннинг юқори мартабали вакиллари тақдири ҳақидаги маълумотларни диққат билан кузатиб бормоқда. Барча йўловчилар тез орада соғ-саломат топилишига умид қиламиз.

Ўзбекистон томони зарурат бўлиши билан эронлик дўстларимизга барча ёрдам кўрсатилишига тўлиқ тайёрлигини билдиради", дейилади Ўзбекистон ТИВ баёнотида.

🔥 @burchakostida

🇮🇷🇺🇸🇮🇱 Эрон президенти вертолётининг “қаттиқ қўниши” билан боғлиқ ҳодиса Теҳрон расмийлари Вашингтон маъмурияти вакиллари билан билвосита музокаралар олиб борганидан бир неча кун ўтиб юз берди — Тhe New York Times

Газетанинг қайд этишича, бахтсиз ҳодиса халқаро муносабатлар учун нозик бир пайтда - Эрон ва Американинг юқори мартабали расмийлари Яқин Шарқдаги можаронинг кенгайиш хавфини камайтириш мақсадида воситачилар орқали музокара ўтказганидан бир неча кун ўтгач содир бўлган.

"Бу Эрон апрел ойида Исроил ҳарбий ҳаво кучларининг Дамашқдаги Эрон элчихонасининг консуллик бўлимини ўққа тутганига жавобан Исроил ҳарбий объектларига дронлар ёрдамида ҳужум уюштирганидан кейинги Теҳрон ва Вашингтон ўртасидаги биринчи музокара ҳисобланади", деб ёзади Тhe New York Times.

🔥 @burchakostida

🇮🇷 Эрон ҳукумати Раисий вертолётини қидириш билан боғлиқ фавқулодда йиғилиш ўтказди —IRNA агентлиги.

🇮🇷 Эрон қутқарув гуруҳлари дрон томонидан аниқланган “иссиқлик манбаси”га етиб боришди, бироқ президент Раисий вертолётининг бўлаклари топилмади — Press TV.

🔥 @burchakostida

🇮🇷 Эроннинг ISNA агентлиги Раисий вертолёти ҳалокатга учраган жойдан олинган суратларни эълон қилди

Ислом инқилоби қўриқчилари корпуси қўмондони қидирув гуруҳлари Раисий вертолёти топилгани ва фавқулодда ҳолат жойига қутқарувчилар йўл олганини тасдиқлади.

🔥 @burchakostida

🇮🇷 Президент вертолётидаги барча йўловчилар ҳалок бўлган — Эрон Қизил ярим ой жамияти раҳбари Пир Ҳусайн Коливанд

Вертолётнинг йўловчилари Эрон президенти Иброҳим Раисий, ташқи ишлар вазири Ҳусайн Амир Абдуллоҳиян, Эроннинг Шарқий Озарбoйжон провинцияси губернатори Малик Раҳметий ва Табриз оятуллоҳи Али Ҳошим бўлган.

🔥 @burchakostida

🇮🇷 Эрон вице-президенти Муҳсин Мансурий президент Иброҳим Раиси вертолёт ҳалокати натижасида ҳалок бўлганини тасдиқлади

"Вертолётининг қулаши оқибатида президент Раисийдан ташқари камида етти киши, шу жумладан, ташқи ишлар вазири Ҳусайн Амир Абдуллоҳиян, Эроннинг Шарқий Озaрбойжон провинцияси губернатори Малик Раҳметий ва Табриз оятуллоҳи Али Ҳошим ҳалок бўлган", дея маълум қилди Таsnim.

Агентликнинг хабар беришича, Эрон ҳукумати президент Раисий вафот этгани сабабли фавқулодда йиғилиш ўтказиши кутилмоқда.

🔥 @burchakostida

🇮🇷 Эрон Конституциясига кўра, Иброҳим Раисий вафотидан кейин Эрон президенти вазифасини мамлакат биринчи вице-президенти Муҳаммад Мохбер бажаради.

Шунингдек, мамлакатда 50 кун ичида муддатидан олдин президентлик сайлови ўтказилиши керак.

🔥 @burchakostida

🇰🇵🇺🇸 Шимолий Корея АҚШнинг 14 май куни Невада штатидаги ядро полигонида ўтказган синовлари туфайли ядровий тийиб туриш бўйича умумий тайёргарлигини оширишга мажбур — КХДР Ташқи ишлар вазирлиги.

🔥 @burchakostida