🇺🇦 Украинага биринчи F-16 қирувчи самолётлари июн ёки июл ойларида етказилади

Бу ҳақда Reuters Киевдаги ҳарбий манбага таяниб хабар бермоқда.

Манба самолётни қайси давлат етказиб беришига аниқлик киритмаган. Аввалроқ Дания, Нидерландия, Норвегия ва Белгия Киевга F-16 самолётларини юборишга ваъда берган эди.

Reuters'нинг ёзишича, Россия армиясининг Харковга ҳужуми шароитида F-16 самолётларини етказиб бериш Украина ҳаво кучлари учун муҳим ёрдамга айланиши мумкин.

🔥 @burchakostida

🇺🇦 Украина Қуролли кучлари 10 та янги бригада тузмоқда, уларнинг бир қисми Киевни ҳимоя қилади

Бу ҳақда Украина Қуролли кучлари қуруқликдаги қўшинлар қўмондони Александр Павлюк The Economist нашрига берган интервьюсида маълум қилди.

"Шарқий фронтда вазият қанчалик оғир бўлмасин, бизнинг асосий ташвишларимиздан бири Киев мудофааси бўлиб қолмоқда. Бу Украинанинг юраги ва биз пойтахт мудофааси келажакда қандай муҳим рол ўйнашини яхши биламиз", — дея таъкидлади Павлюк.

🔥 @burchakostida

🇩🇪🇺🇦Украина қуролли можаро давом этаётган бир вақтда НАТОга қўшила олмайди — Германиянинг Украинадаги элчиси Мартин Егер.

🔥 @burchakostida

🇮🇱🇺🇸 Исроилнинг Ғазода Америка қуролларидан фойдаланиши халқаро ҳуқуқни бузиши мумкин

Бу ҳақда АҚШ Давлат департаменти хабар бермоқда.

Бир миллиондан ортиқ қочқинлар бошпана топган Ғазо сектори жанубидаги Рафаҳ шаҳри атрофида Исроил қўшинлари амалиётларни кучайтиргандан сўнг, Қўшма Штатлар мамлакатнинг ҲАМАСга қарши урушда АҚШ қуролларидан фойдаланганини танқид қилди.

🔥 @burchakostida

🇪🇺🇺🇦 ЕИ элчилари иттифоқнинг Украина хавфсизлигини таъминлаш кафолатларини тавсифловчи “махфий” ҳужжат бўйича келишиб олдилар

Бу ҳақда Welt нашри ўз қўлга киритган хужжат матнига таяниб хабар бермоқда.

Ҳужжатда санаб ўтилган мажбуриятлардан бири Украинага мамлакатга қарши эҳтимолий тажовуз юз берганидан кейин 24 соат ичида маслаҳатлар беришдир.

Брюссел шунингдек, қурол-яроқ етказиб бериш, аскарларни тайёрлаш, хавфсизлик секторини ислоҳ қилиш, мамлакатни миналардан тозалаш, гибрид таҳдидлар ва киберҳужумларга қарши курашишда ёрдам беришни ваъда қилмоқда. Евроиттифоқ мамлакатлари аскарларининг Россияга қарши жанговар ҳаракатларда бевосита иштирок этиши истисно қилинган, дея қайд этади Welt.

🔥 @burchakostida

🇵🇱🇧🇾 Полша Беларус билан чегарада мустаҳкамлаш ишларини бошлади

Бу ҳақда Полша бош вазири Доналд Туск маълум қилди.

🔥 @burchakostida

🇫🇷🇪🇺🇺🇦 Европа Иттифоқи яқин ҳафталарда Украинани қўллаб-қувватлашни кучайтиради — Франция президенти Эммануэл Макрон

"Бизнинг келажагимиз ва хавфсизлигимиз Украинага боғлиқ. Шунинг учун биз яқин ҳафталарда украиналикларни кўпроқ техникалар билан таъминлаш учун кўпроқ ёрдам беришимиз керак деган фикрдаман", — дея ижтимоий тармоқдаги саҳифаси орқали берилган саволга жавоб берди.

🔥 @burchakostida

🇺🇸🇬🇪 АҚШ Конгресси Грузия ҳукуматининг ҳаракатларига санкциялар билан жавоб беришга тайёр

АҚШ Конгресси Вакиллар палатасининг 29 нафар аъзоси Грузия бош вазири Ираклий Кобахидзега йўллаган мактубида улар Грузия ҳукуматини "Хорижий агентлар тўғрисида"ги қонун лойиҳасини ва грузин халқининг ҳуқуқ ҳамда эркинликларини бузувчи бошқа ташаббусларни зудлик билан қайтариб олишга чақирди. Агар бу амалга ошмаса, конгрессменлар Вашингтоннинг Грузияга нисбатан сиёсатида ўзгаришларни қўллаб-қувватлашга ваъда беришади. Яъни: АҚШ молиявий ёрдами қайта кўриб чиқилади, виза тақиқлари кенгайтирилади ва Грузиянинг демократик ривожланишига путур етказиш учун жавобгар бўлганларга молиявий санкциялар қўлланилади.

🔥 @burchakostida

🇫🇷Figaro: Франция президенти Эммануел Макрон яна француз ҳарбийларини Украинага юборишни рад этишни тўғри деб ҳисобламаслигини, бироқ шу билан бирга бунга эҳтиёж қолмаслигига умид қилишини билдирди

"Умид қиламанки, Франция уришишига тўғри келмайди. Мамлакатимиз ҳарбий эмас, тинч давлатдир. Лекин, агар сиз тинчликни хоҳласангиз, уни ҳимоя қилишингиз керак. Шунинг учун, биз қуролланишимиз, рақибларимизга таъсир ўтказишимиз керак", — дея таъкидлади Макрон.

"Биз рақибларимизга шуни айтишимиз керакки: "Агар сиз ҳаддан ошсангиз, бизнинг манфаатларимиз, хавфсизлигимизга таҳдид солсангиз, мен ҳарбийларни юборишни истисно қилмайман", — дея қўшимча қилди Франция президенти.

🔥 @burchakostida

🇬🇧🇷🇺 Британия разведкаси, рус қўшинларининг ўз ҳудудларига мунтазам равишда ўқ-дориларни ташлаб юбориш ҳолатлари Россиянинг снарядларни ўз мақсадлари учун муваффақиятли ишлата олмаслигидан далолат беради, деб ҳисоблайди

Разведка ходимларининг фикрича, бундай хатолар Россия аҳолиси учун ҳалокатли оқибатларга олиб келади ва камдан-кам учрайдиган ҳодиса эмас. Биргина Белгород вилоятида мартдан апрелгача 20 та ўқ-дори тасодифан тушиб кетган.

🔥 @burchakostida

🇺🇦🇷🇺 Россия қўшинлари Харков вилоятидаги тўғонни портлатиб юборди

Бу ҳақда Харков вилояти ҳарбий бошқармаси бошлиғи Синегубов ҳужум маълум қилди.

"Россия армияси Харков вилоятида тўғон ва у орқали ўтган йўлни портлатиб юборди. Ҳозирда фуқаролар учун логистика ҳеч қандай чекловларсиз давом этмоқда. Биз фақат ҳарбий вазиятни ҳисобга оламиз. Бу биз учун стратегик чорраҳа, шунинг учун биз у орқали алоқани чеклаймиз", — деган Синегубов.

🔥 @burchakostida

🇬🇪 “Хорижий агентлар” тўғрисидаги қонунга қаршилар бугун Тбилисида намойиш ўтказишни режалаштирмоқда

Ташабусскорлар томонидан эълон қилинган хабарга кўра, “Европа марши” маҳаллий вақт билан соат 19:00да пойтахтнинг Европа майдонида бошланади. Бу “хорижий агентлар” тўғрисидаги қонунга қарши норозилик намойишлари бошланганидан бери энг йирик акциялардан бирига айланиши мумкин.

Намойишни қўллаб-қувватлаш учун Тбилисига Грузиянинг турли ҳудудларидан одамлар келмоқда.

Бундан ташқари, Грузиядаги олийгоҳлар талабалари “хорижий агентлар” тўғрисидаги қонун бекор қилинмагунча дарсларга боришдан бош тортганлар.

🔥 @burchakostida

🇨🇿🇺🇦 Украинанинг НАТОга аъзо бўлишдан бош тортиши музокаралар давомида хавфсизлик кафолатларига алмаштирилиши мумкин — Чехия президенти Петр Павел

Чехия етакчисининг сўзларига кўра, хавфсизлик кафолатлари кафил давлатлар қўшинларининг Украинада ҳарбий мавжудлигини ҳам назарда тутиши мумкин.

🔥 @burchakostida

🇮🇱 Исроил армияси Рафаҳ аҳолисини шаҳарнинг шарқий қисмидаги бир қанча ҳудудларни тарк этишга чақирди

Исроил ҳарбийлари томонидан Х ижтимоий тармоғида ва SMS-хабарлар орқали тарқатилган араб тилидаги хабарда тарк этилиши керак бўлган аниқ ҳудудлар, жумладан, қочқинлар учун иккита лагерь қайд этилган. Аҳолига зудлик билан Ўртаер денгизи соҳилидаги Ал-Мазори лагерига эвакуация қилиш буюрилган.

Кузатувчиларнинг қайд этишича, бу Исроил армияси Рафаҳ шаҳрида ҲАМАСга қарши ҳарбий амалиётларни кенгайтиришга тайёрланаётганини англатади.

Қайд этиш жоизки, Исроилнинг Рафаҳдаги ҳарбий амалиёти кўплаб мамлакатларда салбий муносабатга сабаб бўлмоқда. АҚШ Президенти Жо Байден Исроил Рафаҳда кенг кўламли ҳарбий амалиёт бошласа, Америка ҳарбий ёрдамини тўхтатиш билан таҳдид қилди.

БМТ ҳисоб-китобларига кўра, Миср билан чегарадош Рафаҳда Ғазо сектори шимолидаги жанглардан қочган бир миллиондан ортиқ тинч аҳоли истиқомат қилади ва агар кенг кўламли жанглар бўлса, уларнинг ҳаёти хавф остида қолади.

🔥 @burchakostida

🇬🇪 Тбилисида хорижий агентлар ҳақидаги қонуннинг қабул қилинишига қарши норозилик намойиши бўлиб ўтмоқда.

Келаси ҳафта Грузия парламенти қонун лойиҳасини учинчи ва якуний ўқишда кўриб чиқиши кутилмоқда.

🔥 @burchakostida

НАТО бош котиби ўринбосари Мирча Жоана Франция президенти Эммануэл Макроннинг Украинага қўшин юбориш ҳақидаги сўнгги баёнотларига изоҳ бериб, альянснинг бундай режалари йўқлигини айтди.

"Франция президенти Украинани қўллаб-қувватлашни давом эттириш зарурлиги ҳақида гапирмоқда, лекин НАТОда қарорлар консенсус асосида қабул қилинади. Альянс ҳарбий кучларини Украина ҳудудида жойлаштириш бўйича режаларимиз йўқ. Украинани қўлимиздан келганича қўллаб-қувватлашдан манфаатдор бўлиб қоламиз, лекин шу билан бирга биз бу уруш НАТО ва Россия ўртасидаги бундан ҳам катта можарога айланиб кетмаслигидан манфаатдормиз", — дея таъкидлади Жоанэ.

🔥 @burchakostida