عشت فترة من حياتي في تركيا، وكان معي بغرفتي بالسكن شب تركي اسمه (زاهد).

كان زاهد كل يوم قبل الفجر يصحى يصلي قيام ليل..
صراحة أنا كنت يلا يلا ألحق أصلي الفجر قبل ما تطلع الشمس!!
بس لما شفت زاهد بصحى، قررت أخجل على نفسي وأقوم أصلي كمان..

صرنا كل يوم نصحى قبل الفجر نصلي بعدها نروح للمسجد، وكانت فعلا أجمل أيام حياتي..

بيوم صحيت أنا عالقيام وزاهد ضل نايم، حاولت أصحيه لقيته مستغرق في نومه فقلت خلص بصحيه عالفجر..

لما قام زاهد عالفجر كان زعلان كثير إنه كيف راح عليه القيام!
وثاني يوم حكالي إشي غريب جدا!!

حكالي أجاني شيخي في المنام وكان زعلان مني ليه راح عليّ القيام!

أنا وقتها صفنت!! إنه معقول في هيك إشي في الحياة؟ معقول لسه في ناس هيك؟!

--------
بعد فترة حكالي زاهد تروح معي نزور شيخي؟
سألته نفسه اللي أجاك في المنام؟
حكالي آه!

رحنا أنا وزاهد وكان الشيخ اسمه (قاسم بابا)، عمره فوق الثمانين سنة..
كان بيته مليان طلاب وناس، وكان الكل بحترمه وبوقره بشكل رهيب..

كان بمجلس الشيخ قاسم بابا رجل قاعد جنب الشيخ، بساعده وبستقبل ضيوفه وبرتب كل أموره..

زاهد حكالي شايف هالرجل؟ ذكرني أقلك إشي عنه لما نطلع..

لما طلعنا حكالي:
هذا كان شخص عاصي ربنا، ما في ذنب إلا ارتكبه، دايما سكران وطافي، وشرّاني وبعمل مشاكل للناس..

وفجأة بليلة طرق بيت الشيخ قاسم، وحكاله بدي أتوب..ساعدني!!!
فالشيخ استقبله ورحبّ فيه، وطلب منه يقيم في بيته، لإنه خاف لو طلع من هون يرجع لبيئته السيئة..

وبعد أكم يوم أجت بنت كانت بتشتغل بمكان سيء، وطول حياتها غرقانة بالذنوب والفواحش وقالت للشيخ قاسم: بدي أتوب..ساعدني!!!

فالشيخ قاسم استقبلها ورحب فيها ونادى زوجته واستقبلتها وقلها كمان خليك عنا..

وبعد فترة زوجهم الشيخ قاسم من بعض!
وطلب منهم يقيموا بالقرب منه، ويشتغلوا معه..!

ومن وقتها هالرجل هو المسؤول عن ترتيبات الأخوة، وزوجته المسؤولة عن ترتيبات الأخوات!!!

------------
بحكيلي زاهد، دايما كان الشيخ قاسم يحكيلنا إياكم لما تشوفوا عاصي تدعوا عليه، لا بدكم تدعوله!
بدكم تاخدوا بإيده..
بدكم تحييوا الأمل بقلبه..
بدكم تتوسلوا ربنا لهدايته..
بدكم تهمسوا بذانه إنه الله بنتظره!
وإنه لو أقبل عليه حاشاه الكريم يرده..!

وقتها زاهد قرأ عليّ آية كنت سمعتها "فصيحة" مئات المرات في حياتي..
لكنها هالمرة دفعتني للبكاء بدهشة، لما خرجت من زاهد بلكنة أعجمية مكسرة:

قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ (53)

#القرآن_الجميل
#ARK

-
يا الله !
قديش هاي الآية لها مكان ورُكن كبيييير بقلبي ..

إن الله ينتظرك 🥺🤍

سِر إلَى اللهِ مع السّائرين،
فإذا تكاسلت= فنَم علَى قارعة الطَّريق لا تُغادِره!

-ش: وجدان العلي.

يومٌ سكَن في الفؤاد، يومٌ لا يُنسى ❤️

الحمدلله على جمال اليوم ✨

ما بعرف كيف أحوالكم وقلوبكم وأموركم ..

بس بتمنى تكون قلوبكم مرابطة على ذكر الله ..

وبتمنى تمرّ هالفترة عليكم مع إني ما بعرف بشو بتمرّوا، بس بتمنى تمُرّ بخفّة، وتأكدوا حال الدنيا إنها كثيرة التقلب .. إذا كانت فترة صعبة، بدعيلكم ربنا يكتب أجر صبركم هالفترة، استعينوا بالله وخلّوا ربنا يشوف صدق قلوبكم وصبركم في الابتلاء ..

وبإذن ربنا رح تُفرج وتكون هيّنة كثير وتمرّ ويحل محلها لحظات خير وبشائر كثيرة، ياربّ ياربّ 💚

لا تقلقوا الخير قادم ..
استعينوا بالله ولا تعجزوا يا صَحب ~

الله يرضى عن قلوبكم ويآويها ويؤتيها سؤلها 🤍

"رتِّب فؤادكَ
قِفْ على بابِ الرّجا
واقرعْ تُجب، إنّ الدعاءَ عطاء."

-
اللهم لا تدع لنا ذنبًا إلا غفرته، ولا همًّا إلا فرجته، ولا حاجةً لنا من حوائج الدنيا والآخرة لك فيها رضى ولنا فيها صلاح إلا يسرتها وقضيتها برحمتك يا أرحم الراحمين.

"‏اللهمَّ إنِّي أسألك خفايا لطفك، ومألوف بِرَّك، وعَوائد إحسَانك."

ادعولي معكم 🥺
وادعولي إنه رينا يستجيب دعواتي ")

اللهُمَّ إنَّك عفُوٌ تُحِبُّ العفوَ فَاعفُ عنّا ❤️

‏ "لا تنسَ شيخك ومن علّمك قراءة حروف القرآن، وصعد بك مدارج الإتقان من دعائك".

ولا تنسوا تبرّوا أهلكم بالدعاء لهم، اجعلوا لهم نصيبًا كبيرًا من الدعاء

ولا تنسوا الصَحب والرفاق من طيب دعائكم

ادعوا بالفردوس الأعلى، وأن يؤتيكم الله خَيْري الدنيا والآخرة

وادعوا كثير كثير بالثبات على دين الله وعلى ما يُحبّ ربُنا ويرضى

ادعوا ربنا يزيدكم من علمه وفضله و أن يُعينكم على شكره

ادعوا ربنا يرزقكم صُحبة القرآن وأن يجعله ربيع قلوبكم وجلاء أحزانكم ورفيقكم في كل شؤونكم ..
وأن يرزقكم تعلمه وتعليمه ..