#кінобсср
Выглядае на то, што "Беларусьфільм" рашыў вярнуцца да тых тэм і сюжэтаў, з якіх пачыналася гісторыя беларускага кіно ў міжваенны час.
Фільм "На іншым беразе" (прэм'ера 14 верасня) расказывае пра жыццё і змаганне беларусаў з польскімі ўладамі ў міжваенныя часы (пасля Рыжскай дамовы 1921 года частка Беларусі аказалася ў складзе Польшчы).
Пра гэта ж была і першая, як тады пісалі, знятая на нацыянальнай глебе, кінастужка "Лясная быль" Белдзяржкіно 1926.
Тэма беларускага супраціву палякам падымалася ў стужцы "Да заўтра" Ю.Тарыча 1929, а таксама ў камедыі "Джэнтэльмен і певень" таго ж часу, дзеянне каторай адбываецца на мяжы БССР і Польшчы, дзе ідзе камічнае супрацьстаянне панскай гаспадаркі і новага сацыялістычнага быту.
У 1932 выйшаў фільм "Шчасце" пра барацьбу беларускіх сялян з польскімі памешчыкамі. Падымалася тэма і ў гістарычнай стужцы Тарыча "11 ліпеня" 1938 і ў фільме "Вогненныя гады" Корш-Сабліна 1939.
Цікава, ці ўлічвалі стваральнікі сучаснага кіно спадчыну першых беларускіх стужак?

#фотабсср
Від на адзін і той жа ўчастак вуліцы Савецкай (цяпер праспект Незалежнасці) з двух розных бакоў (трохпавярховы дом у цэнтры здымкаў адзін і той жа). Фотаздымкі пачатку 1930-х гадоў.

Вось як выглядаў павільён БССР на Усерасійскай сельска-гаспадарчай выставе ў Маскве (праходзіла на тэрыторыі цяперашняга парка Горкага) ў 1923 годзе.
Нагадваю, што зараз у Нацыянальным гістарычным музеі ў Мінску праходзіць выстава прысвечаная 100-годдзю экспедыцыі па БССР, мэтай каторай як раз было напаўненне экспазіцыі гэтага павільёна.

#кнігібсср
На "Вікікрыніцах" паступова напаўняецца бібліятэка адсканаваных і вычытаных выданняў міжваеннай БССР.
Вось, напрыклад, падборка паэтычных зборнікаў Андрэя Александровіча 1925-1930 гадоў:
- "Па беларускім бруку" (1925);
- "Паўстанцы" (1925);
- "Прозалаць" (1926);
- "Угрунь" (1927);
- "Фабрыка сьмерці" (1929);
- "Поэма імя вызваленьня" (1930).

Школа по Свердловской улице (Свердлова): типовой проект 1939 г., реализация (1940 г.), в процессе и в результате послевоенной реконструкции
ЦБСП
НАРБ
БГАКФФД

#архітэктурабсср #піонэрархнагляд
Міжваенны будынак паліклінікі ў залінейным раёне Гомеля (вул.Катоўскага, 56) на фотаздымках 1930 і 2010 гадоў.
Будынак у стылі канструктывізма пабудаваны напрыканцы 1920-х гадоў, імя архітэктара невядомае.
Нядаўна з'явілася інфармацыя, што старую паліклініку, якая ўжо больш за 15 гадоў стаіць закінутай, збіраюцца ў хуткім часе знесці. Статуса гісторыка-культурнай каштоўнасці будынак не мае.

#архітэктурабсср #дзвекраіныдвастылі
Рубрыка "Дзве краіны - два стылі" ва ўсёй красе (хаця тут хутчэй бачна своеасаблівае савецкае "засваенне класічнай спадчыны" ну ці проста супадзенне).
Нерэалізаваны праект будынку лазняў з басейнамі ў Менску (арх.Марагоўскі, 1935 год) і будынак тэатра Елісейскіх палёў у Парыжы (арх. Агюст Перэ, 1913 год).