Men xudbinman,
Istaklarim ham,
Menikilar menga boʻlishsin!
Meni demas menikimaslar,
Mendan nari oʻynab-kulishsin.

Men xudbinman,
Men sevgan inson,
Mensiz nafas ololmay qolsin.
Yoʻqligimdan qulasa osmon,
Borligimdan quvonchga toʻlsin.

Nigohiga sigʻmasin oʻzga,
Koʻnglin menga bersin bus-butun.
Shiringina jonidan kechsin,
Bittagina qarashim uchun.

Yuzlarimni tilasin oydan,
Soʻzlarimsiz tatimasin bol.
Mensiz bir kun yashay oldimi,
Ana eshik,
Ketsin,
Bemalol.
          
Xudbinmana?!
Bilaman, ammo,
Chorasizman,
Hayron turibman.
Shundayligim tufayli balki,
Qarang, hamon yolgʻiz yuribman...

© Malika Tavfiq

Mille.uz  - kitob o‘qishni odat qilishingizni istaymiz :-)

Sayr qil hech kimga aytma...
Haqiqiy sevgi hikoyasida yasha, hech kimga aytma...
Baxtli bo'l, hech kimga aytma...
Chunki insonlar go'zal narsalarni doim mavh etadilar...
Sen faqat ich-ichingdan Allohga shukrona ayt, U baxtingni yanada go'zallashtiradi...

Qaytaraman! Hech kimga aytma...

@diary_mille 🦩

Sevgilim

#ulashing
T.me/baxtlimiz_juda

Kanalga status yozmay qo’yganimga ham ancha bo’libdi, hozir kanalni bir ko’zdan kechirib chiqib “yoshligimda” ancha qiziqqon bo’lgan ekanligimni angladim. Hozir esa avvalgi ishtiyoq yo’q negadir)

* * *

Meni yigʻlamaydi deya sizga kim aytdi,
Kim kirib chiqibdi mening terimga.
Qoʻying, bilib turib yana mix qoqmang,
Hammadan ham koʻproq ogʻrir yerimga.

Meni yigʻlamaydi deya sizga kim aytdi,
Koʻnglimdan toshlarni terganlar bormi?
Toʻgʻrisi, shu soʻngi kunlar ichida,
Yigʻlamay yurganim koʻrganlar bormi?

Men ham issiq jonman, menda ham qalb bor,
Oʻylamang, dardlardan diydasi qotgan.
Uyimda bironta burchak qolmagan,
Men borib berkinib, yigʻlamay yotgan!

Shu ham gap boʻldimi,
Men ham ayolman,
Yigʻlamagan ayol qanday boʻladi.
Bir kun yigʻlamasam, ertasi albat,
Choʻkib oʻldi degan habar keladi!

Meni yigʻlamaydi deya sizga kim aytdi,
Tilkalangan tunlar boʻlsin guvohim.
Hammani yasashga loy qorgan payti,
Bardoshdan yasagan meni Allohim!

© Malika Tavfiq

@mille_uz - kitob o'qishni odat qilishingizni istaymiz:)