شهریارین شعری 🍀🍀🌺🌺


ائوده بیر ایل آه چکرم خبر یوخ

صحرا بیگلری

ڪیمے نین اۆزوندہ فرح یاشادیر
ڪیمے نین گؤزوندہ یاش دے بو دونیا
ڪیمینہ عؤمورلوڪ چیچڪلے یازدیر
ڪیمینہ توفانلے قیشدے بو دونیا


گؤزوم دہ اینتیظار اۆزوم دہ قه‌هر
گزیرم ڪند بہ ڪند شهر بہ شهر
سنین چون تزہ جہ آچیلان سحر
منیم اۆچون قارالان قاش دے بو دونیا


همین شجاعتم هاراییما چات
گل یاتان بختیمے یوخودان اوْیات
نہ گؤیدہ گۆنش وار نہ یئردہ حیات
سن سیز خارابادی  بوْشدو بو دونیا ...


شجاعت_احمدلی

.

قالخیر شه هر کؤنلوم مئیلی کنده دیر،
خیالیم یایلاقدا، گؤی چمنده دیر،
اؤزوم گؤیچه ده یوخ، گؤیچه منده دیر،
هر یانی گزمه یه عؤمور ده چاتماز.
یاخشی کی سن وارسان آی صدفلی ساز.

آخیت سئللرینی سیملریم اوسته
یاغدیر سئوینجینی غملریم اوسته
دم گتیر بو شیرین دم لریم اوسته
دویغوسوز اورک ده نه باهار _نه یاز
نه یاخشی سن وارسان آی صدفلی ساز


افسانه سایماسین اؤتن حسرتی،
تاپماق چتین اولور ایتن حسرتی،
غریب کؤنلومده کی وطن حسرتی،
یازماقلا کیتابا، دفتره سیغماز،
یاخشی کی سن وارسان آی صدفلی ساز.

سنی کؤراوغلو تک ار، نیگار بیلر،
قدیر-قیمتینی هر نیگار بیلر،
والح نه دئمک دیر زرنیگار بیلر،
اودونو گؤرنده چکیلر آیاز،
یاخشی کی سن وارسان آی صدفلی ساز.

آخیب دره لرده سئللنه بیلمز،
سوزولوب، دورولوب، لیللنه بیلمز،
بیر کلمه سؤز دئییب دیللنه بیلمز،
زلیمخان دایانار ایلهامی دایاز،
یاخشی کی سن وارسان آی صدفلی ساز.


#زلیمخان_یعقوب

جیرانیم 😍🥰
تورکان ولیزاده 🎼🎤

خاطیرہ ایسلام🎙

آمان یاریم❤️👌


🍃🌹🍃🌹🍃🌹🍃

گیزلیجه آلیشیر-گیزلیجه یانیر ،
تۆستۆسۆن عالمه یایمیر اۆرَییم
اؤزو چکدیگینین یۆزدن بیرینی
سنین چکمه‌گینه  قییمیر  اۆرَییم

قلبیمه قولاق آس ، قلبیمی دینله
آغلاییر سنین‌له،گۆلۆر  سنین‌له ،
ائله اود ووروبسان بیر گئدیشین‌له
نه سوُنمۆر ، نه‌ده کی سوْیومور  اۆرَییم!

گئن گَزمه ، گوُر منیم نه حالتیم‌دی
عوُمۆر آز، دونیادا اوُلوم-ایتیم‌دی
سن گئدن‌دن کیمسه‌سیزدی- یئتیم‌دی
هئچ‌کسه یوْووشمور ، اویمور اۆرَییم

شوجاعتم چوْخ یانمازدیم، سؤنردیم
دؤزۆلمزدی ، چکیلمزدی بو دردیم
من‌دن اوْلسا والله چوْخدان دوُنردیم
آمما  گۆجۆم چاتمیر،قوْیمور اۆرَییم!..

شجاعت

یارادان  انسانی  گوُزدن  سالاندا
آرخاسیز ایگیده ماحال گولرمیش
یورولوب جرگه دن دالدا  قالاندا
حالسیز اختیارا جاهل گولرمیش


نامردلر دشمندیر  همیشه  مرده
یارادان سالماسین یاخشینی درده
حرراج بازاریندا صررافسیز یئرده
زر یونان زرگره باققال گولرمیش


فلکین  دردینه  تاپیلماز  چارا
ساغالماز دنیادا دیل ووران یارا
بدبخت لیک اوُز وئریب دوشنده دارا
عالمین علمینه ناققال گولرمیش


کیرپیکلر آغلاییر گوُز چکیلنده
عصایا یالوارار بئل  بوکولنده
بیغ بوروقدان دوشوب دیش توُکولنده
چنه چیرتداغ ووروب ساققال گولرمیش


صرراف خجل اولور زر تونج اولاندا
داشقین فخر ائیلمه سن اوجالاندا
پلنگ بنده دوشوب شئر قوجالاندا
پیشیک نعره چکیب چاققال گولرمیش


مظاهیر داشقین

آی قوجا داغ! گلدیم سنه باش چکیم،
سئوینجیمی غم ائیله‌مه  سن آللاه!
کؤورلیرم سنی توتقون گؤرنده_
اوز_گؤزونو نم ائیله‌مه سن آللاه!


فیکیر چکیم، دومان چکیم، چن چکیم،
قایغیلاری تن داشیییم_تن چکیم،
نه دردین وار، قوی چوخونو من چکیم_
سن کئفینی کم  ائیله‌مه  سن آللاه!


یاخشی قورو مرد دوروشو _شاخلیغی،
گؤزل اولور قوجالیغین شوخلوغو ،
بو وطنی، بو بوللوغو، توخلوغو_
ایته_قوردا یئم  ائیله‌مه  سن آللاه!

زلیمخان_یعقوب

بیر بساط عئشق ایمیش
شطرنج ذات

اوْتۇز ایکی دن گلیبدیر
کائنات

اویخودان اوْیان،آنی
تانی و گؤر

اوْلمایاسان بو بساطا
شاهمات

عمادالدین_نسیمی

سلام
گون آیدین حورمتلی دوستلار❤️🌹

یئنه یالان دانیشیرام
بیر یالاندا سَن سئویرسن
بیرینده سَن قاییدیرسان
بیرینده سَنسیز اؤلورم

تَضاد دولو یالانلارین
بیرینده سَن داریخیرسان
بیرینده مَن داریخمیرام
بو ایشده پوخته‌لشمیشم
چوخدان یالانچی چیخمیرام

ایندی گؤزل باجاریرام
شَکیللرده خوشبختلییی
خئیلی واختدی تَبَسسومده
گیزله‌دیرم بَدبختلیی

بیزیم یالان بازاریندا
هَر یالانی آلان چیخیر
اؤزوم یالانچی چیخمیرام
یوخولاریم یالان چیخیر

بو یالانچی سَعادته
هَردن اؤزوم اینانیرام
نه یاخشی کی، گونش چیخیر
سَحر اولور، اویانیرام...



#صددام_لاچین

حاتم احمد چوخ گوزل 😔🥀

▫️اویاننام.

بیر گون اؤلسم، مزاریمین اوستونه،
اوره‌ییندن نار گتیرسن، اویاننام.
داشا دؤنموش او داغلارین باشیندان،
بیرجه اوووج قار گتیرسن، اویاننام.

فلک بوکدو گیزلی آغ'ا دردیمی،
حیات قاتدی بو تورپاغا دردیمی.
حزین-حزین اوخشاماغا دردیمی،
اللرینده تار گتیرسن، اویاننام.

هئچ بیلمه‌دیم بو دونیانین دادینی،
جان چکمه‌یین «عؤمور» قویدوم آدینی.
سؤندورمه‌یه اورگیمین اودونو،
«کؤنول» کیمی یار گتیرسن، اویاننام.

فاطمه_عبدی_کؤنول

▫️گؤر منی نه گونه سالدی محبّت!

دوستوم، گل دردیمی سؤیله‌ییم سنه!
گؤر منی نه گونه سالدی محبّت!
او قدر ظولم‌لر ائیله‌دی منه،
قلبیمی دوغرادی، چالدی محبّت،
گؤر منی نه گونه سالدی محبّت!

اونونلا باغلادیم هر بیر سؤزومو،
دۆز آچدیم همیشه اونا گؤزومو.
بعضاً قوربان وئردیم اونا اؤزومو،
گؤردوم خیاللارا دالدی محبّت،
گؤر منی نه گونه سالدی محبّت!

دائیم مندن قاباق دوردو آیاغا،
باخدیغیم اوزلره قویدو قاداغا.
بیلمم نئچون منی وئردی قاباغا،
اؤزو یاری یولدا قالدی محبّت،
گؤر منی نه گونه سالدی محبّت!

محبّت کی واردی، بیر آغیر یول‌دو،
گونده نئچه دفعه بوشالدی، دولدو،
او قدر سؤالیم جاوابسیز اولدو،
نه بیله‌یدیم آخی لال‌دی محبّت؟
گؤر منی نه گونه سالدی محبّت!

اونونچون پوچ اولور آرزو-دیلک ده،
توفانا چئوریلیر عادی کولک ده.
اونسوز دا، قارداشیم! هر بیر اورکده،
سیلینمز لکه‌دی، خال‌دی محبّت،
گؤر منی نه گونه سالدی محبّت!

دوندوروب الیمده یازان قلمی،
آهیم، ناله‌م توتوب بوتون عالمی.
«اصلی»نین اودونا سالدی «کرم»ی،
آلیشدی محبّت، یاندی محبّت،
گؤر منی نه گونه سالدی محبّت!

گئیینیر-کئچینیر گونده بیر دونو،
قان‌دی، فاجیعه‌دی، دهشت‌دی سونو،
سالدی صحرالارا یازیق «مجنون»و،
«لئیلی»سین الیندن آلدی محبّت،
گؤر منی نه گونه سالدی محبّت!

گنج ایدیم، بیلمیردیم او نه تهَر‌میش،
سن دئمه، غم دولو دردمیش، قهرمیش
آند اولسون آللاها، آجی زهرمیش!
من ائله بیلیردیم بال‌دی محبّت،
گؤر منی نه گونه سالدی محبّت!

«ائیواز» مین عذاب‌لا چکیردی اونو،
سویوق دا، شاختا دا بیچیردی اونو،
تزه‌جه قلبینده اکیردی اونو،
چیخدی خزان یئلی، سۏلدو محبّت،
گؤر منی نه گونه سالدی محبّت!

یتیم_ائیواز

هئچ بیلمزدیم داشؽم بئله آغؽردی
بختیم بئله بیچاره‌دی، فاغؽردی
گئده‌جه‌یم گؤی‌لر منی چاغؽردی
داها یئرده گزمک اوْلمور عزیزیم...


#واحید_عزیز

سن منیم یادیما گلیرسن هله
یاغیشین گؤزومه گلدییی کیمی
بیر آنا صاندیق دا توز باسان عشقی
نئچه ایل سونراسی سیلدییی کیمی

سن منیم یادیما گلیرسن هله
یوخوسوز قالدیغیم گئجه لر کیمی
خسته آددیمیما هر دیقه شاهید
گؤزومو تیکدیییم کوچه لر کیمی

سن منیم یادیما گلیرسن هله
سئوگینی هر آنلام، بیلدیییم کیمی
آغاران ساچلاریم، آغلایان گؤزوم
من سنین یادینا گلدیییم کیمی

سن منیم یادیما گلیرسن هله
چکدیییم سیقارئت، هر نفس کیمی
سن منیم یادیما گلیرسن هله
ایچیمده بوی آتان، بوش هوس کیمی


آرش ـ احمدی

تالشدان تبریزه
تیراختور عشقینه ❤️🚜