جيتك بليلة شته......ظلمه ومطرها رشگ

وشبعده صار الدرب
خوف ورعيد وثلج........وجفوف اديه زرگ

ابابك طحت هاااا گمت
ضميت اديه وردت..... على باب بالروح ادگ

الراحل كاظم الگاطع

وأطفح بروحك، وجد روحي خلص، نهر مايه سنين، وبچفي نِگَص
والگلب عصفور طاير، شايل بروحه قفص


عامر عاصي

عاشرنة التعب والاه والحرمان
كلها لخاطرك ولخاطر اعيونك

سمير صبيح

هذا ترابك تارس روحي
وسنين بروحي المبيوكه
ولو تدري بروحي المحروكه
أشكد محروكه



علي الشُباني

فـرحتي و ضوجـتي بكـيفك

عليـمن تــسأل شلونـك



حسين السعيدي💙

بالغلط دگیت بابه
بلیله من ذيچ‌ اللیالي
طلع لابس ثوب ململ على جلده
و بيده شدة رازقي
و قنديل نهده زغير يلالي
مدلي إيده
انطاني من ضحكاته خرده
شگد وجعني من الزغر للشيب گلبي
إلماله أول ماله تالي
گتله وآنه اعتذر
غلطَتْني بابك
الله يسترلك شبابك
ضحك سد الباب
شحچیلك
صدگ سواني خرده
بليله من ذيچ اللیالي


مظفر النواب

جيت من درب العشگ
مكسور خاطر ..
سحگوا ، إسنين المودة
ومشوا أگليبي الوفي
بسچة خناجر ..


كاظم أسماعيل الگاطع