قصيـدة ﴿ هاذا الأكبر ﴾
تصلح ثلاث دگات أو نزله

الشاعـر ﴿باقـر عـلاء﴾
القناة الرسمية.... @baqir_alaa1

قصيـدة ﴿عشـگ حسيـن﴾

بالحاء حياتي وحنيني حروفك
كاتب وصية امن اموتن اطوفك
ياأباعبد الله ياأباعبد الله
///////////////////////////////////////////////

عشگ حسين جنة جنن المختار
مـن جـون وحبيب لميثـم التمار
الما ضايگ محبته گلبه من احجار
موش الجنة رزقة هاذا رزقة النار

عشگي الله عليِ شاهد
حبـك من طرف واحد

يحسين احبك واحب كل طيوفك
كاتب وصية امن اموتن اطوفك
ياأباعبد الله ياأباعبد الله
*
باسم يقـرا آه يحسيـن ومصـابة
حنجرته ذهب منـك عشگ صابة
العاف حسين عايف اهلة واحبابة
ولعايـف وطـن محـد يـدگ بابـة

گلبي يلهف من يريد
منك لحضه لَزمة أيد

طيفـي يمـرلك يقبـل چفوفـك
كاتب وصية امن اموتن اطوفك
ياأباعبد الله ياأباعبد الله
*
مـن اللـه محبتـه طاحـت اعلينـة
لـو يگضي محـرم نـار تچـوينـة
يحسيـن السبـي بيـا ديـره دلينـة
حتـى اطفـالنـة اتـروح وأهـالينـة

ننطر كل سنة العاشور
لو طالت نصير اگبـور

يحسين اخذني جرف يم جروفك
كاتب وصية امن اموتن اطوفك
ياأباعبد الله ياأباعبد الله
*
نـاذر عمـري الـك حتـى اخـذ ابثـارك
ويه المهدي سجل أسمـي بأنصـارك
نـار ابـگلبـي وَجـت خبطـت ابنـارك
اموتن حتى اخدمك مـوش خطارك

قصتك بية سَوت هَم
دمعي صار الك زَمزم

مولاي إحسـن قريبـاً اشوفـك
كاتب وصية امن اموتن اطوفك
ياأباعبد الله ياأباعبد الله
*
چنـت ازغيـر نـار الخـيمـة اطفيهـة
صحت صحباني أطلع اطفالكم بيهة
تشابيه او لطم عالفطـرة اطب ليِهـة
أبـرد اچفـوف سكنـه النـار تچويهـة

زغير ابعمري الك اخدم
چنت ابدمي طف ارسم

غالي بحياتي صعبة من اعوفك
كاتب وصية امن اموتن اطوفك
ياأباعبد الله ياأباعبد الله
____

قصيدة { عشگ حسين }

كلمـات الشاعـر { باقـر عـلاء }

===============================

القناة الرسمية... @baqir_alaa1

للتواصل... @Baqire

#الشاعر #باقر_علاء

#الشاعر_باقر_علاء
https://www.tg-me.com/baqir_alaa1

لحـن قصيـدة ﴿عشـگ حسيـن﴾

الحان وكلمـات الشاعر ﴿باقـر عـلاء﴾

بصـوت الرادود ﴿حسيـن الدراجـي﴾

القناة الرسمة للشاعر ﴿باقـر عـلاء﴾ @baqir_alaa1

السلام على الحسين
وعلى خدام الحسين
هذا برنامج محرم والحمد لله ١٤٤٣هِه
ارجوا من خدام الحسين عليه السلام
الي يقرة القصائد يدز تسجيل او فيديو
اذا اتمكن من التوثيق....
اخوكم الشاعر ﴿باقـر عـلاء﴾
المراسـلة علـى التالي
للتـواصل
_تـلگـرام @Baqire
_بوت تلگرام للتواصل @Baqire19bot

قنـاة الشـاعر ﴿باقـر عـلاء﴾ @baqir_alaa

ودعاً ياابو فاضل زيِنب اتنوح
وحسين انهضم مكسور ظهرة

من طاحن اچفوفك سافر الماي
زعل حتى النهر ما خَلة گطـرة

صعبة وداعتك هالليلة ياعباس
ايروح اويرد أحسينك ابحسـرة



ل #باقر_علاء

القناة الرسمية ﴿ @baqir_alaa1 ﴾

على حال السيدة زينب عليها السلام
عندما سألوها عن الأمام العباس عليه السلام
ف أجابتهم

مااحس ابألم ياناس.....شفت اه
گاع امفطرة ابلا ماي.....شفتـاه
بعبدالله يلولي اهواي......شفتاه
سئلني اشلون اذا گطعوها اديِة

#باقر_علاء

القناة الرسمية ﴿ @baqir_alaa1 ﴾

غيم الدنيا راس حسين......شيبات
مطرح عالأرض وبليل.........شيبـات
صغار ومن وصلنه الشام.......شيبات
دارت چن سنة الخطوة بمشينة


#باقر_علاء

القناة الرسمية ﴿ @baqir_alaa1 ﴾

لا هَويت غيركَ ياشهيد كربلاء💔
#باقر_علاء

الرمح شجرة
وعثوگ الرمح راس
هاذا أول رمح وَزع ضماير

#باقر_علاء

عباس يالأسمك سكن وسـط الـروح
ياحبي الاول عشگي بَٔسمك مَفضوح

أمنيتي اعيش ابحضرتك مثل الطير
ولصحنَك العاشـگ يطبـلك مَـذبـوح

ما أرفع ايـدي بصحنَك واشرب ماي
حيل استحي من چفك الما مَليـوح

من مستاحي الصوت ما يطلع مات
دون الأماكن صوتـي يمك مَبحـوح

#باقر_علاء

رياح عاشوراء قادمة💔
#باقر_علاء

أيـام قليلـة
ونشعـر فـي طعـم الحيـاة💔

#باقر_علاء

قريباً تصدر القصائد الحسينية لشهر محرم الحرام 💔
اخوكم #باقر_علاء

جُمْعَة مُبَارَكْة 📿🤍

#باقر_علاء

قصيدة على حال سيدتي ومولاتي رقية بنت الأمام الحسين (عليهم السلام)

وين ابوي......وين ابوي

وين ابوي الماسمع بنته تصيح
وين راح اسكينه علناگه تطيح
وين ابوي......وين ابوي

بلسبي تمشي رقيه اتصيح عمه
وين ابوية اشعطلة متعوده الزمه
تشهگ ابحسراتها وبل اووف يمه
گالت احضانه دفو اومشتاگه اشمه

وين ابوي العافني
من مشه ماشافني

الجان يقرالي قصص جون المسيح
وين راح اسكينه علناگه تطيح

وين ابوي..........وين ابوي

عمه من حرگو خيمنه ماكو عمي
فدوه اخافن لا يضربوني ابقي يمي
عمه واقع لو حلم مو هيجي حلمي
ريجي ابلعه امن العطش متعوده اسمي

انه طفله ازغيره
بالمعزه اجبيره

عمه ليش الكافر اعلينه يصيح
وين راح اسكينه علناگه تطيح

وين ابوي..........وين ابوي

روحي راحت والعطش عذبني حيل
الماي كافر ما اشربه اصبح سبيل
ضعن غربه اشلون انام اوجانه ليل
الدمع مايوگف ابعيني ضل يسيل

الدنيا وگفت بينه
الهوى امضيعينه

صبروا مو كله مشي خل استريح
وين راح اسكينه علناگه تطيح

وين ابوي..........وين ابوي

حيل مشتاگه بعد مابيه لهفه
مايعوف ابنيته ابوي وأنه اعرفه
راح ابوي الماي لازم مانشرفه
لاتجيبن سيرته لو حتى حرفه

مات ابوي الغالي
ونهدم دلالي

الناس تنشد بالنشد بنت الذبيح
وين راح اسكينه علناگه تطيح

وين ابوي..........وين ابوي

شفت راسك بلطشت وابچي عليك
عفت جسمك والنقص محبس بديك
روحي ماتت لأن تسكن روحي بيك
مثل كل يوم اوحضن بوسه اندعيك

انت احله ايامي
ياحبيبي الضامي

جان يشفي اكبر جرح هسه جريح
وين راح اسكينه علناگه تطيح

وين ابوي..........وين ابوي

---------------------------------------------------
..قصيدة {وين ابوي}
..الشاعر باقر علاء المگصوصي
===========================

القناة....... @baqir_alaa1

للتواصل...... @Baqire

#الشاعر
#باقر_علاء_المگصوصي
https://www.tg-me.com/baqir_alaa1

﴿ابو فاضل نكت گاع ال امية﴾

أسوى العسكر وقادة......ترا اني
مثل طبة علي عينك.....ترانـي
صولـة خيـبر ابدمـها
علــي لعباس سَلمـها
اخذها وبيدة قَسمها.....ثَنية

بيهـــم قَســـم مشطــر
أسمهم خوف مو عسكر
طبگهم للنهــر معـــــبر.....تچية

سيفـه يـــدور القـــادة
طبـگ عنـوان بجـلادة
نـــذر طگــاته للســادة.....هدية

اشبه واحد ابفعلة......ترا اني
ابن حيدر علي حامي الحمـية
﴿ابو فاضل نكت گاع ال امية﴾
****

بَين وَجهــة للكافــل.....ترابين
دخل عباس سَواهـا......ترابين

حَمرة اعيون ابوفاضل
زلـم فــوگ الزلم كاتــل
سَبعهم بالنَـــخلّ خاتـل.....يجونه

نزل وحتار عزرائــيل
راح وصاح جبرائــيل
حتى يعاونه ويشــيل.....عونه

خَلة العســكر امشـرَد
ولسيفه ارگابهم مبرد
سَبعهم بالشمس يبرد.....يعونه

ترة العباس حاصرهم.....ترابين
درعه وسيفه والشردة قضـية
﴿ابو فاضل نكت گاع ال امية﴾
***
فَنــهم لو زلم خيــمة.....يهدون
على العباس چا فَنهم.....يهدون

من اعيونه چاويهم
يمَثل بالرعب بيهـم
ترجف حيل رجليهم.....ربَطهم

راس ابراس طگاهم
ركض حفاي رَداهـم
طين بطينة سَواهم.....خبطهم

ظحك عباس لخياله
يموت اليوگف اگبالّه
ماتنفع مثــــــل خالّه.....خططهم

سبعين بـ أبو فاضل.....يهَدوٌن
هـاد وهـد شـرط صارت دمية
﴿ابو فاضل نكت گاع ال امية﴾
**
سَبعهم شابعه العبـاس.....ردمات
خزر بالميت ومن عاش.....رد مات

شافت عينه وتندم
رعب سوالهم بالدم
گاع ابجيش تتقدم......رعبهم

يابس ريجة ماهمه
وصل يم النهر ذمه
خيمة يرسـم ابدمه.....صدمهم

گربوا لمحوا الخيـمة
يفــز عباس كالغيـمة
لحظة وصارت الهيمة.....شطبهم

الخايف بيهم بشردة.......ردم مات
راس ابـراس ضلّ يـردم سوية
﴿ابو فاضل نكت گاع ال امية﴾
**
حتى الطايح اوياهم......نَخلّهم
خيل وعسكر الكافل......نخَلّهم

ينخــلّ بالـــزلم بيــده
شطرهم والحرب عيده
صيـاد الـــزلم صــيدَه.........فرسهم

يدري حسين يوصلها
عيونّ الگـــاع كَحلـها
جامعله الــــزلم كلـها........فرشهم

شمرَة حيـدر القـائد
سَبعهم بالنخـلّ لابـد
شــارد وين يالشــارد........سطرهم

طب حسين هم بيده......نخلّ هم
وَيه الگــاع صــاروا بالوطــية
﴿ابو فاضل نكت گاع ال امية﴾

__

قصيدة ﴿ابن حيدر علي﴾

كلمات عاشق العباس الشاعـر ﴿ باقـر عـلاء ﴾
1444ه‍
2022/7/27تـ يوم الأربعاء
===============================

القناة الرسمية... @baqir_alaa1

للتواصل... @Baqire

#الشاعر #باقر_علاء

#الشاعر_باقر_علاء
https://www.tg-me.com/baqir_alaa1

التلحين بعد قليل ينزل
#باقر_علاء

لحـن قصيـدة ﴿ابن حيدر علي﴾

الحان وكلمـات الشاعر ﴿باقـر عـلاء﴾

بصـوت الرادود ﴿ملا سجاد البهادلي﴾

القناة الرسمة للشاعر ﴿باقـر عـلاء﴾ @baqir_alaa1