مهم أوي إننا نسأل نفسنا سؤال محوري الحقيقة يعني هيفرق في حياتنا دنيا وآخرة... هي مسكتنا للموبايل ٦ أو ٧ ساعات في اليوم لينا ولا علينا يوم العرض ويوم الحساب؟
يعني ايه الكلام ده؟!
حساباتي على السوشيال ميديا المختلفة والحاجات اللي بعلق عليها وبشارك بيها الآخرين ليا ولا عليا ؟
اه بنستمتع ونشوف الدنيا ونتواصل مع الآخرين بس لازم نسأل نفسنا سؤال سامحوني فيه بعيد الشر عليكم يعني
لو بكره أنا توفيت الصفحة دي هتشهد ليا ولا هتحاسب عليها؟
التعليقات بتاعتي خناقاتي على البيدجات ، آرائي الشخصية، الحاجات اللي بشيرها على صفحتي
دي ليا وأنا مطمن يوم الدين ولا عليا وقلقان منها وأحب إن أنا أمسح ده أو أشيل ده لو حصلي حاجة؟
حلو
نسأل السؤال ده لنفسنا وناخد الإجابة لنفسنا ونبدأ من النهاردة نبص على صفحتنا ونشيل منها اللي ممكن نكون غلطنا وعملناه
ونفكر في بكره إزاي نستغل الصفحة دي إنها تكون لينا يوم الدين مش علينا
طيب كده الحياة ضيقة أوي ؟
بالعكس
إنت هتستمتع وأنت متطمن هتستخدم
وتمسك الموبايل وأنت مطمن
#ويبقى_الأثر
#فتحى_المزين