‏حبيبي والله اني ماتباطيتك .. ولا طوّلت
‏تجي .. والبال دايم بالطواري مايشاورني

‏وانا كل مايسيّرني الحنين لباب بيتك قلت
‏يارب ان جيتك اذكرك فيني .. ما تذكرني

من مطر صمتك ازهر بالورق بوحي
ولا ذبل .. ورد سور البيت بأسبابك

أذكر انك زرعتي ورده بروحي
اقطفيها .. وحطيها على بابك

دافع خطايا البشر ما هو مجرد ظروف
احيان من كرهها و احيان من خوفها

بس انت زلتك يالقلب الكبير العطوف
ان كان ما شفتها .. قلبي يبي يشوفها

‏
‏خليتني للجروح اربع .. ليالي وانا
‏خليتك بحضن ضحكات الليالي تنام !

على كثر ما امنع عن البال ذكراك
للحين .. وانا للوصال اتشفق

حاول تساعدني عشان اقدر انساك
الأيد دايم وحدها .. ماتصفق

‏وش هالفراق اللي عجزت استحمله !!
‏بنساك .. ولا اسامحك .. ولا اقتلك ؟؟

‏" اشتقت لك " وانا وصلت لـ مرحله
‏مفروض فيها ما اقول " اشتقت لك "

كيف قلبك ..
في دروب الفقد تايه
وكيف انا .. ما أبيك
شوفي نفسك بالمرايه
يمكن تعرفين وش سوى غيابي فيك

منت مخطي لو انك في خطاك اسرفت
‏الصواب الصواب ؟ .. يصيب في مقتَل

‏ادري إن الجفا مصيرنا .. من شفت ..
‏السما فوقنا تمطِر ، و لا نِبتَل !!

لا تقول اخر رساله جات .. ماهي منك
خطك اعرفه مثل ما اعرف خطوط ايديني

من الصدفه احيانًا يكتب الشاعر قصيدته قبل ان يشعر بها

سعيد بتأهلي لقائمة الـ٤٨ شاعر في برنامج شاعر المليون - انتظرونا يا أصدقاء ❤️

انا مثل ما قلت انت : واسوء من اللي قلت
لكني ... احبك كثر ما تذكر عيوبي

تزول العلاقات القديمة وانا مازلت
امارسك طيش ويغفر الله لي ذنوبي

لي قلب لو شفته يكابر تراه ابيض من الشاش !

" الليلة اللي تحس بخوف من بردها // تأكد إنها نهاية شي في داخلك ".

هذا الشعور اللي عشان اتعداه
‏أقسى عليه أحيان وأحيان أحنه

‏بسيط .. للحدّ اللي أرتاح وياه
‏وعميق .. للحدّ اللي أخاف منه