طيح من عين السكوت
وقول شي ..

خايفه وانتي عن احبابك بعيده
مبتعد عنك المطر .. والغيم ملّك

بعد ما حس الجدار انك وحيده
انكسر قلبه عليك .. وصار ظلك !

انا اسف عليك .. اسف على ايامي
يا قلبٍ ما قدرت بغيبته .. اصبر

تسامت عزتي بوجيه اللالامي
وخلتني على رد الجفا مجبر

وانا لو عزتي ما تربط اقدامي
لدربك يا حبيبي خطوتي تسبر

قبل .. ما كنت اشوف الا انت قدامي
و بعد صار الزمان اللي معاك اغبر

حبيبي مشغل الاوهام بـ اوهامي
على هذا الجفى مدري متى تكبر

مخيب هقوتي ومنكّس اعلامي
مكسرني كسور .. اموت ما تجبر

انا مليت .. اداوي جرحك الدامي
بجرحك كيف اذكرْك وانت اخبر

تنازلت لغياباتك عن احلامي
وتعبت اعبرّ العبره و لا تعبر

شلون ابكي عليك وابكي ايامي
اذا دمع العيون من العيون اكبر !

محزن شعور اني احسك ولا اسمعك
في صمت الايام .. روح الحب عللتها

من كثر ماكنت احس بكل حاجه معك
حسيت حتى بـ احبك .. وانت ماقلتها

حسيت في اخر زياره
‏شي بعيونك مختلف
‏وشي بحديثك مختلف
‏حتى سكوتك ، مختلف
‏صرت بشكوك
‏شفت الحقيقه في عيونك تعترف
‏موقف غريب ..
‏موقف ابد ماينوصف

- فايق عبدالجليل

عين وهدب ..

معشبة صورتك بكفوفي الجرد
وهاك كلمة احبك من لساني

من تدلّت دموع الصدق والود
طحت نجمه ونوّرت المحاني

مالي عن الدمع في يوم الموادع بديل
يا قلبٍ مورد احساسي دروب الضياع

يغنيني الصمت عن كل الكلام الجميل
الا عن " احبك " اللي قلتها .. بالوداع !

صباح الخير
يا مصر ..

من راقب الساعه مات سماً

قديماً كنت اعتقد انني عاشقٌ مميز فكلما اوسعني الغياب شوقاً أوسعت القلب املاً ، كيف ان اصبح العشق وهماً و الطهارة ذنباً كلما آزرت الصمت خذلني و انفجرت اتحدث بالفوضى العارمة التي تركها ذلك الحب في قلبي مما جعلني اشعر بعدم الأمان والخوف والخذلان ، اكتشفت اخيراً انني عندما كنت ابكي لم تكن دموعي حزناً على رحيلك بل كانت حزناً على بقائي وحيداً .

الأهداء الى الصديق الرومنطيقي : احمد ماجد

اسى مينا

ارتاح ياعذر الخطا .. لا تعّني
خطواتك وقل للجروح استخيري

هالمره الغلطه تبي تكون مني
بزعلّه عشان اراضي ضميري

لا ياعصافير الصباحات غني
على فراقه وان بكى منك طيري

حبيبي اللي ماضحك معك سني
رح واقتنع في غيبتي وبهجيري

واخذ الشعور اللي بقربك سكني
ولا تنسى تاخذ سرك اللي ف بيري

ما اظن تدري يوم خيّبت ظني
قلت اني عيونك .. و طالعت غيري

بغيب عنك .. قبل لاتغيب عني
واريّحك مني .. بشري وخيري

ولا تقول لي حدد مصيري لأني
انا بعد مدري معك وش مصيري .

والله ما اقدر
أتوارى من ورا باب الحسافه
وانتظر
وكل ماتصغر تفاصيل الرحيل
الشوق يكبر
والله ما اقدر
اخسر الأحلام
في لحظة تسرّع
كيف أجفّل كل طاري
يمر بالي
وباب ذاكرتي مشرّع!
لكن اقدر
تجرحيني..
لين ماتتعب يدينك
والله بتحمّل جروحك قد ما اقدر

لا قلّب صورك معه .. تحرق يديه
ما يدري صورك صور والا جمر !

صوتك
العذب الحلو
مختلف .. ماله شبيه
كنه اللي بين لا وبين ايه
كان .. لوّ

‏
‏لا زيت لا قشه
‏لا فحمةٌ في الدار
‏جهز وجاق النار
‏في حلمتي رعشه
‏أيلول للضم
‏فمد لي زندك
‏هل أخبروا أمي؟
‏أني هنا عندك

.
🍂🍁
‏نزار قباني

مثل همّال ديمه في حنانك سلت
على جرد المشاعر وازهرت فيني

تصاغرت السوالف يوم اجيك وقلت
احبك .. لو احبك ماتكفيني !

واللي ضما طول العمر بأنتظارك
ذوّب مواعيده جفاك وشربها ..