نبدأ بالحسين وبالحسين عليه السلام ننتهي روحي وأرواح العالمين له الفدا
منك وإليك يا أبا عبد الله وأنا وكل ما املك فداءً لك
تقبل مني يا مولاي هذا القليل

إلى هنا وينتهي نشر النماذج من بعض القصائد في ديوان رثاء وارث الأنبياء الجزء الثاني وباقي القصائد تجدوها في الديوان الذي سيصدر قريباً جداً إن شاء الله
وأتمنى إن ينال رضاكم وأكون موفقه بأختيار المفردات وصياغة الصور الشعريه
اسألكم الدعاء بتعجيل الفرج لمولانا صاحب العصر والزمان عجل الله فرجه وسهل مخرجه والتوفيق والقبول

لا اشكل الذمه على النماذج التي نشرتها والتي سأنشرها بل اقول كل كتاباتي في أمانة الله ومحفوظه عند مولاتنا الزهراء وولدها مولانا الحسين عليهما السلام وهم الخصم لمن ينسبها له...والله ولي التوفيق

خادمتكم الأصغر شأن والاقل قدر ما بين الخدم وبكل فخر
أزهار جبار الجياشي

https://youtu.be/w0xR34CMVis?si=CkZn3OqSgm3jGsd9

متابعيني الأعزاء فضلا وليس أمرا نرجوا الإنضمام لقناتي المتواضعه عبر هذا 👆الرابط ونرجوا دعمكم لهذا 👇المقطع فبدعمكم نستمر ونقدم الافضل جزاكم الله خير الجزاء وجعلها في ميزان حسناتكم

جديد ١٤٤٦ هـ

رثاء وارث الانبياء ج ٢

الشاعرة ازهار جبار الجياشي

خاص عاشوري

متوفر في مكتبة الغدير بغداد
لدينا توصيل لكافة المحافظات


واتساب
👇👇👇👇
07711395580

https://www.tg-me.com/eheh10

•‏​‏​​‏•❥ًً❀(•«﷽»•)❀❥ •‏​‏•‏​‏​​‏
اللهم صل على محمد وآل محمد 🥀

آآآه يا زينب

قصيده بعنوان( دوريتك ) تقرأ بطور الثكيل وبعدة اطوار لمولاتي زينب عليها السلام عندما جن عليها الليل بعد مقتل اخوتها وسبيها وحرق خيامها ذهبت متوجهه الى مصرع أخيها الحسين عليه السلام وكأني بلسان حالها تقول 👇


دوريتك ::: اطلعت وحدي وي الألم
دوريتك ::: گوه انگلهه الجدم

أبلهفة العطشان أجيت
إلك يا خويه اعتنيت
دوريتك       دوريتك
.
• ↬✿✵❥【💔】❥✵✿↬•

ليل ظلمه وما اشوف يالخذت مني النظر
ابظلمة الليل اطلعت يالاخو ليه ستر
خويه من همي وعذابي حايره امتيهه الفكر
أتجه بحزاني ودمعتي جيت محنية ظهر

أطلعت بذاك الظلام
خويه نحلانه العظام
دوريتك       دوريتك
.
• ↬✿✵❥【💔】❥✵✿↬•

حزمت بالصبر حزني وهمي اوصلك وجيك
وگلت لازم يبو سكينه الليله زينب تعتنيك
هلبت من اوصل اشوف باقي خويه نفس بيك
جايبه ويايه ماي بيدي يالغالي أرويك

خويه يالضامي متت
وين يحسيني طحت
دوريتك       دوريتك
.
• ↬✿✵❥【💔】❥✵✿↬•

خويه يالدربك عليه بهذا حالي شگد بعيد
وآنه جدمي بجدمي يعثر ناحله وترعش الأيد
همي كلما اخطي خطوه يكبر بروحي ويزيد
شلون بيه لو وصلتك وشفت محزوز الوريد

حيـــــل ما بيه بعد
اتعثرت ابجم جسد
دوريتك       دوريتك
.
• ↬✿✵❥【💔】❥✵✿↬•

جيتك ومليانه روحي بحزن وهموم وعذاب
بساعه وحده تشوف عيني جم رزيه وجم مصاب
فجأه وبلحظه أصبحت عشرتي وي هلي سراب
شكثر ما أختك نحيله أطيح من الهوى الهاب

خويه دلينــي عليك
خلي أشوفنك وجيك
دوريتك       دوريتك
.
• ↬✿✵❥【💔】❥✵✿↬•

يبو اليمه أوصلت يمك ريت ميته وله اوصلت
بس وذر فوگ التراب يا ابو الأكبر شفت
حسين خويه رد عليه إنتَ مو إنتَ اصرخت
آنه زينب يخو زينب البيهه عدوانك شمت

اعرفته بي ريحة الزهره
من هويت وبست نحره
دوريتك       دوريتك
.
• ↬✿✵❥【💔】❥✵✿↬•

أگعدت يمك بأنكساري وغسلت بدموعي نحرك
خويه وبروحي الحزينه لملمت يحسين جسمك
من الشمس خويه غطيتك ابعباة الزهره أمك
الصبح راح امشي عنك خويه من هسه اودعك

عالرمل تبقه طريح
اوداعة الله يالذبيح
دوريتك       دوريتك
.
• ↬✿✵❥【💔】❥✵✿↬•

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

الحمد والشكر لله والشكر لمولاي ابا عبد الله الحسين عليه السلام على هذا التوفيق
هذا من خير الحسين عليه السلام
منكَ وإليكَ يا أبا عبدالله تقبل مني يا مولاي هذا القليل