•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
يا كاظم الغيظ

نعي كرناوي لمولاي موسى بن جعفر عليه السلام###


يا حال الغريب الما أله احباب
اعيونه ترتجي الريحة گرابه

ابطاموره صعب  لمن يخلوه
ابسجن مظلم او مغلوقه بابه

بسلاسل من حديد مگيدينه
هذا  الحال  المكثر  عذابه

تاليها ابغـــدر عدوان سموه
احفاد السقيفه موروث الصحابه

لحرگوا دار فاطم بامر شيطان
وهجموا عالزجيه هجمة ذيابه

عصروها ابحقد والضلع كسروه
جرت منهه ابهظم دموع سجابه

وضلت سلسلة احقاد كفار
لبن جعفر وسهم الغدر صابه

بالسم ظل يعالج بالطوامير
مُرَد روحه الزكيه والكلب ذابه

بَجَه ارواحنه ما بَجَه العيون
بكلب كل شيعي تسعر نار لهابه

حماميل النعش عالجسر خلوه
مكسورة خواطر واگفه احبابه

شالوه ومشوا للكاظم ايشيعوه
وتصرخ ويلي عالمسموم ومصابه

الف ويلي البقه عالترب مطروح
مگطوع النحر ومسلبه أثيابه

     ✧✦✧✦▪✧✦✧✦▪✧✦✧

       خادمة اهل البيت عليهم السلام
               أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
يا كاظم الغيظ

قصيده لمولانا موسى بن جعفر عليه السلام طور بحر الطويل وبعدة اطوار


مسموم ابسجن هارون  اينازع والله ايعينه
موسى الكاظم بهاليوم يشيعه غَمُضت عينه

✨❃❥❍✨❍❥❃ ✨.❃❥❍ ✨❍❥❃   ✨

آ  يا دورة الايـــام من دارت بأبن جعفر
بسجن وحده گظَه نحبه بالسم كلبه اتفطر
ابمصابه الدنيا مرجونه ولجله الكون متگدر
ظلت شابحه عيونه على اهله وبنينه

✨❃❥❍✨❍❥❃ ✨.❃❥❍ ✨❍❥❃   ✨

صعبه ألي يموت ابدار غربه وبسجن وحده
ما يمه أهل واحباب وبالسم منمرد جبده
هذا ابن الطهر فاطم ومحمد النبي جده
ينازع ساجد وراگع يِكَبُر خافي اونينه

✨❃❥❍✨❍❥❃ ✨.❃❥❍ ✨❍❥❃   ✨

سموه العده الانذال بأمر هارون الظالم
بطاموره انسجن وحده بظلم اوجور الظالم
ابغدر تالي يسمونه إمام الرافضه الكاظم
وظل ايعالج ابروحه ابسلاسهم امگيدينه

✨❃❥❍✨❍❥❃ ✨.❃❥❍ ✨❍❥❃   ✨

ظل ايعالج ابروحه امگيدينه ابسجن مظلم
يا وسفه على الكاظم اتگطعت جبدته بالسم
ارض وسما لمصابه حزينه اليوم تتألم
نبقه نندب المسموم ما تبطل بواجينه

✨❃❥❍✨❍❥❃ ✨.❃❥❍ ✨❍❥❃   ✨

كل سنة التمر بينه نجدد حزن عالمسموم
نلطم عالصدر ولراس وتجري ادموعنه من ادموم
نواسي فاطمه الزهره ونعزيها على المظلوم
نرفع للحزن رايات امصابه حيل ماذينه

✨❃❥❍✨❍❥❃ ✨.❃❥❍ ✨❍❥❃   ✨

يمته يا فرج الله تظهر تشع انوارك
بوجه اعداء اهل بيتك تشهر سيدي إحسامك
تبدي من ظلع فاطم تاخذ يالولي ابثارك
كل ارواحنه دونك نفديهه يمهدينه

✨❃❥❍✨❍❥❃ ✨.❃❥❍ ✨❍❥❃   ✨

       خادمة اهل البيت عليهم السلام
              أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
يا كاظم الغيظ

قصيده لمولانا موسى ابن جعفر عليه السلام...تقرأ فزاعي وبعدة اطوار

المسموم نعشه عالجسر   أيام محد شاله

​ ┅┈●⇝╭✶╮⇜●┈┅

ظلت أيــــــــام اجنازته
البالسجن صارت موتته
ابحقد عــــدوانه سمته
ايهد الرواسـي حــــاله

​ ┅┈●⇝╭✶╮⇜●┈┅

وحــــده يعيش بهالمحن
عيون السمه اعليه دمعن
اينازع الكــاظم بالسجن
وعنه بعيــده  اعيالـــــه

​ ┅┈●⇝╭✶╮⇜●┈┅

بزنزانه وحده يحــتظر
من اهله ما واحد حـظر
غمض اعيونه ابن الطهر
وجدران السجن تبــراله

​ ┅┈●⇝╭✶╮⇜●┈┅

الجمعه گـالوا طلعته
بلهفه تتانــي شيعته
احماميل تالي جابته
امگيد  ابسلسالـــــــه

​ ┅┈●⇝╭✶╮⇜●┈┅

ثلاثة أيــــــــام التمـــر
والنعش باقي عالجسر
وگــلـوب احبابه  جمر
ودموع الحــزن هماله

​ ┅┈●⇝╭✶╮⇜●┈┅

النعشه اجتـي احبابه
ادموع الحزن سجابه
تبجي بهظم لمصابــه
وگلوبهم  تنعالــــــــه

​ ┅┈●⇝╭✶╮⇜●┈┅

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
يا كاظم الغيظ

قصيده لمولاي موسى بن جعفر عليه السلام...طور الفزاعي الجنوبي برباط الهوسه


امشونه انروح لرض الكاظميه
نواسي  فاطمه  انسوي عَزِيه

        ➸➸➸➸➸⓵➸➸➸➸➸

امشونه انروح والصرخه نعلِيها
على الكاظم نون ولدمعه نجريها
اوبمصابه  الزجيه  خل  نعزيها
ومعصومه نساعدهه اعله واليها

( لمصابه ونلطم      وياهه )

        ➸➸➸➸➸⓵➸➸➸➸➸

نلطم عالصدر وندك على الهامه
ونشيع النعش فوگــاه العمامه
ونندب يالغريــب المات بآلامه
ويِقبَلَنه الكاظم ريت خُــدامـه

(مو دمع اعيون     النبجيله)

        ➸➸➸➸➸⓵➸➸➸➸➸

نوگف عالجسر ونصيح يا مظلوم
ونشيل النعش ودموعنه من ادموم
ونصرخ آه وا ويلي على المسموم
صرخات الموالي من گلب مهظوم

( نعشك عالراس     امخلينه )

        ➸➸➸➸➸⓵➸➸➸➸➸

تمشي بالنعش  محزونه احبابك
تبجي وتنتحب تنعه على امصابك
ملهوفه تجي وتوكف على اعتابك
گلبهه موش جفهه ألي يدك بابك

( گبرك بالآهات     أطوفه )

        ➸➸➸➸➸⓵➸➸➸➸➸

تبجي وتنتحب شيعتك يم گبرك
وابد ما ينطفي  بيها جمر فگدك
بمصابك  نعزيه  النبي  جـــدك
وما ننسه متت مسموم ابسجنك

( الحزنك رايات     انعليها )

        ➸➸➸➸➸⓵➸➸➸➸➸

نذكر وي مصابك حالة المذبوح
ثلث تيام عاري وعالترب مطروح
اطفاله وحريمه هالسبايا اتــروح
يظل يجري لمصابه الدمع مسفوح

( أنعاهد فاطم     ما ننساه )

        ➸➸➸➸➸⓵➸➸➸➸➸

      خادمة اهل البيت عليهم السلام
            أزهار جبار الجياشي

       نسألكم الدعاء
   ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

https://youtu.be/cfE9g82nuvg?si=xPm705UsKmC14t6z

فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل وفقكم الله لكل خير

الحمد والشكر لله رب العالمين على هذا التوفيق والشكر لمولاتي الزهراء عليها السلام لدعمها وبركاتها في كتاباتي وعهدا لمولاتي بأن القادم سيكون أفضل إن شاء الله وأبقى بدرب الحسين عليه السلام سائره بخطوات ثابته وبنهج مولاتنا زينب عليها السلام متمسكه...والشكر موصول للاخت ام عبدالله الخالدي لرأيها بكلماتي المتواضعه وهذا شرف لي وشهادة اعتز بها مع فائق احترامي وتقديري
الخادمه الأصغر شأن والاقل قدر وبكل فخر
أزهار جبار الجياشي

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
يا كاظم الغيظ

قصيده لمولانا باب الحوائج موسى ابن جعفر عليه السلام### تقرأ شور وبعدة أطوار


بالأرواح إلك حسره
لمصابك راهب العتره
غريب     غريب
سجين    سجين

✿────↻✿...✿↺────✿

الك حسره ابدليلي تخنك انفاسي
دمع عيني يهل من جرح إحساسي
الطم عالصدر يا سيدي وراسي
يالمسموم انادي وسجب العبره

غريب          غريب
سجين         سجين

✿────↻✿...✿↺────✿

دمعاتي جرت والروح مالومه
ومصابك يبن جعفر صعب يومه
حزينه شيعتك هاليوم مهظومه
خاطرهه انكسر هالكسر شيجبره

غريب          غريب
سجين         سجين

✿────↻✿...✿↺────✿

حزينه شيعتك والحزن غاطيها
على امصابك دمه تهمل بواجيها
هاليوم  الزجيه  امك  نعزيها
ونواسي العقيله زينب الحره

غريب          غريب
سجين         سجين

✿────↻✿...✿↺────✿

گيدوك بسلاسل أمر من هارون
ابسجن سموك هذي فعلة الملعون
مو دمعات لمصابك بجينه اعيون
نيران الحزن بالروح مستعره

غريب          غريب
سجين         سجين

✿────↻✿...✿↺────✿

ما ننسه مصابك سيدي هيهات
من جروحنه تنزف إلك دمعات
يا مولاي رفعنه بالحزن رايات 
بگلب كل شيعي تلهب بالحزن جمره

غريب          غريب
سجين         سجين

✿────↻✿...✿↺────✿

امصابك سيدي هَيَج جرح بالروح
الگظَه بالطف ضامي والنحر مذبوح
على التربان عاري بكل كتر مجروح
ابحوافر الاعوجيه هشموا صدره

غريب          غريب
سجين         سجين

✿────↻✿...✿↺────✿

       خادمة اهل البيت عليهم السلام
               أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
يا كاظم الغيظ

قصيده لمولاي موسى بن جعفر عليه السلام على طور قصيده صَلَّ اللهُ عليكِ فاطمه لسيد فاقد


صَلَّ اللهُ عليكَ يا سجين 《 4 》

❥━──➸➽❥❂❥━──➸➽❥❂

بيك السجون اتشرفن   صار ألك محراب السجن
سورة السجده سيدي   السجدتك كامت تون

آياتهه تبجي بهظم        كلماتهه تدمع ألم
مو جسد بالكَيد انرهن   دين الله متگيِد ظلم

صَلَّ اللهُ عليكَ يا سجين 4

❥━──➸➽❥❂❥━──➸➽❥❂

شكد حاربوك اهل الحقد   التاريخ بسجونك شهد
هارون ملعون الذِكِر   وظليت شامخ للابد

البشر حار ابهيبتك      بالسمه تسطع گبتك
والتاه بدروب الذنب   درب الهدايه أمنارتك

صَلَّ اللهُ عليكَ يا سجين 4

❥━──➸➽❥❂❥━──➸➽❥❂

يالبيك فجعوا فاطمه    اعله مصيبتك متألمه
حقداً على آل النبي   سجنوك زمره الحاكمه

شيعتك ظلت تنتظر    الجمعه أو يم الجسر
إتاني تطلع يالولي    الوجهك تشوفه وتبتشر

صَلَّ اللهُ عليك يا سجين 4

❥━──➸➽❥❂❥━──➸➽❥❂

أبلهفه تتاني جيتك   وقترب موعد طلعتك
أمحبيك تالي تنفجع    لمن تشوف أجنازتك

مفجوعه من هذا الأمر    بالسجن خلصت العمر
متوذره بلسم جبدتك   وإنتَ أبن خير البشر

صَلَ اللهُ عليك يا سجين 4

❥━──➸➽❥❂❥━──➸➽❥❂

أيام نعشك منطرح    والمحب كلبه منجرح
واگف يباري أجنازتك   ظل ابمكانه ما بُرَح

النعشك تباري واگفه    والجفن منهه ما غفه
صاحت يبن جعفر وسف   بعدك على الدنيا العفه

صَلَّ اللهُ عليك يا سجين 4

❥━──➸➽❥❂❥━──➸➽❥❂

وحدك تموت بلا أهل    اعليك مدمعهه يهل
تبجي وتون لمصيبتك   المسجون بالسم إنكتل

عالراس نعشك شالته    التمت الشيعه وشيعته
يا باب للحاجه صرت    وللا رشيد لعنِتَه

صَلَّ اللهُ عليكَ يا سجين 4

❥━──➸➽❥❂❥━──➸➽❥❂

       خادمة اهل البيت عليهم السلام
               أزهار جبار الجياشي

     نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
يا كاظم الغيظ

قصيده كأني بلسان حال سيدي ومولاي موسى ابن جعفر عليه السلام وهويخاطب جده أمير المؤمنين علي ابن أبي طالب عليه السلام ... طور البحر الطويل شوط كربلائي وبعدة اطوار


ينازع بلسجن موسى ومن عينه الدمع مدرار
وحيد  ولا  اهل يمه  نادى  يا علي الكـــــرار

❥✿•┈┈┈• • ★{★ • •┈┈┈•✿❥

يجدي وينك احظرني يا حيــــــــــدر بهالليله
مسموم بسجن بغداد بايد جسمي كل حــــــيله
المسافه مو طويله اعليك علي يا حامي أدخيله

ابعجل يا جدي احظرني
المنيه گربت منــــــــــي
وابعاد الاهل عنــــــــي
لا أخ لا أبن وياي بسجن آنه وغريب الدار

❥✿•┈┈┈• • ★{★ • •┈┈┈•✿❥

بسجن مظلم يحامي الجار بسلاسهم امگيديني
يجري دمه حز الگيد وجرح الگيد  ماذينـــــــي
ابظلام اگظي الــوكت كله الشمس ما شوفهه بعيني

الظالم جار وتعده
عليه طالت المده
اگظي الوكت بالسجده
أشكر واحمد الباري على كل الجره والصار

❥✿•┈┈┈• • ★{★ • •┈┈┈•✿❥

اسنين من العمر مرت وآنه يا علي مسجــون
سِجَني بلا ذنب ظالم لا خاف الله الملــــــعون
حسبي الله النبي خصمه ابيوم الحشر هارون

مـن الله عليَّ لعنه
يدرينه النبي جدنه
جن ثارات يطلبنه
اللعين بأمره خلاني من سجن السجن أندار

❥✿•┈┈┈• • ★{★ • •┈┈┈•✿❥

عليه طالــت  المده وگظيت اسنين بالآلام
مؤمن محتسب صابر على امصايبهه للأيام
أدعوا ربي وشكيله جــــــــور أو حكم الظُلام

من سجن السجن ويلاه
گظيت اسنين يا جداه
فوضـــت الأمــــــر لله
عترته للنبي الهادي العلوم الله احنه أسرار

❥✿•┈┈┈• • ★{★ • •┈┈┈•✿❥

بطاموره يخليني بـــعد رحـــــلة  عذاباتي
بصلاتي سجني خلصته يا  جدي وعباداتي
رافع أيدي للجـــــــبار أشكـــــيله  معاناتي

سجين بديرة الاغراب
ما يمي اهل واحباب
يربي سبب الأسباب
ضوه ما شوف بس ظلمه وحيد اتحيطني الاشرار

❥✿•┈┈┈• • ★{★ • •┈┈┈•✿❥

مني مرتعب هارون وأنَه بقبضته وبسجونه
أمر حاشيته الملعون كاللهم  تسمونـــــــــــه
الليله أبن جعفر اريـــده أيغمض اعـــــيونه

بيه الامر صار وتم
سموني بسجن مظلم
هذا القدر المحتم
انازع وبقعر مظلم أحظرني يحامي الجار

❥✿•┈┈┈• • ★{★ • •┈┈┈•✿❥

    خادمة اهل البيت عليهم السلام
            أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
يا كاظم الغيظ

قصيده لسيدنا ومولانا موسى ابن جعفر عليه السلام... على طور قصيدة على محمد وااا ويلاااه


موسى ابن جعفر وااا ويلاااه
موسى ابن جعفر وااا ويلاااه

     ✿•┈┈┈• • °{} • •┈┈┈•✿

العمر خلص بين السجون
أبأمر من الطاغي  هارون
وبيا ذنب يسجنه الملعون
بطاموره ظلمه تالي خلاه

     ✿•┈┈┈• • °{} • •┈┈┈•✿

خلص حياته وكل سنيـنه
موسى ابن جعفر ساجنينه
لا إخوه يمـــــــه ولا بنينـــه
بس الصــــــلاه والصبر وياه

     ✿•┈┈┈• • °{} • •┈┈┈•✿

اصبح نهاره مثـــــــل ليله
ثكل السلاسل نحل حــيله
يا صاحب السجده الطويله
بس الظلام تشوفه عيــــناه

     ✿•┈┈┈• • °{} • •┈┈┈•✿

ابقعر مظلم ويلي خلـــــوه
او بالسلاسل موسى گيدوه
ابحقد تالي انذال غــــدروه
بالسم اويـــلي النزل بحشاه

     ✿•┈┈┈• • °{} • •┈┈┈•✿

أينازع بقه بالسجن وحده
الفاطمه أمه وطه جـــــده
لا إخــــــوِتَه يمه ولا ولده
أيلوج والسم حيــــل أذاه

     ✿•┈┈┈• • °{} • •┈┈┈•✿

لا أهل يمه يحظرونــــه
بالسجن غمضهن اعيونه
گـــالوا الجمعه يطلعونـه
والشيعه يم الجسر تتناه

     ✿•┈┈┈• • °{} • •┈┈┈•✿

تالي بنعش مــن طلع ألهم
للشيعه هالمــوقف فجعهم
شيعــــــوا الجنازه ابدمعهم
ابحزن او هظم للوالي تنعاه

     ✿•┈┈┈• • °{} • •┈┈┈•✿

    خادمة اهل البيت عليهم السلام
            أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

صباح حزين باستشهاد سيدنا ومولانا المعذب بقعر السجون المظلوم المسموم باب الحوائج الى الله الأمام موسى ابن جعفر عليه السلام
عظم الله لكم الأجر وأحسن عزائكم ورزقنا الله وإياكم في الدنيا زيارته وفي الآخره شفاعته

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
يا كاظم الغيظ

قصيده لمولانا موسى ابن جعفر عليه السلام...تقرأ فزاعي وبعدة اطوار

للمات بسجن هارون    مشايه گصدناه

○•┈---★•..✵.•---★┈•ـ○

اجينه اليوم مشايه
لابن جعفر عنـــــايه
ورفعنه للحزن رايه
صحنه اعليه ويلي أو آه

○•┈---★•..✵.•---★┈•ـ○

گصدنه نحيي الزياره
متوجره بالگلب  ناره
ودمع العين يتجـاره
اعله المات ابسم اعداه

○•┈---★•..✵.•---★┈•ـ○

للكاظم اجينه الــــيوم
نصرخ ويلي عالمظلوم
للمات ابسجن مسموم
مولانه ابحـــزن ننعاه

○•┈---★•..✵.•---★┈•ـ○

مواكب للعزه ماشين
الابن جعفر  متعـنين
لمصابه تـــــهل العين
طول العمر ما ننساه

○•┈---★•..✵.•---★┈•ـ○

علينه مكلف اصـوابـه
تُذكــــره تظـل احبـابه
ما ننسه يوم امـصـابه
بگلب كل شيعي ذكراه

○•┈---★•..✵.•---★┈•ـ○

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
يا كاظم الغيض

قصيده لمولانا موسى ابن جعفر عليه السلام...تقرأ فزاعيه ونزله حماسي وبعدة اطوار


أمصيبة المات بسجن
للأبـــد مــــــا ننساها

          ✹✭┈✺✺---- ​​‌༄✹✭​​​​◌‌*

هذا إمام الرافضه//// حبه الله فارضه
حزنه مله كل الفضه//// الاملاك نصبتله عزه
تبجي وتون بسماها
امصيبة المات بسجن
للابـــد مــــا  ننساها

          ✹✭┈✺✺---- ​​‌༄✹✭​​​​◌‌*

ما ننسه سموه العده//// ابسجنه ينازع وحده
كل سنه حزنه انجدده//// شيعه تظل اعله العهد
الارواح إله تفداها
امصيبة المات بسجن
للابــــد مـــــا ننساها

          ✹✭┈✺✺---- ​​‌༄✹✭​​​​◌‌*

نظل نذكره طول العمر//// البقه نعشه اعله الجسر
ونعزي أمه الطهر//// عالصدر نلطم والراس
ابكل عزه وياها
امصيبة المات بسجن
للابـــد مـــــا ننساها

          ✹✭┈✺✺---- ​​‌༄✹✭​​​​◌‌*

كل سنه نمشي الحظرته/// ونعشه تشيعه شيعته
وفوگه تخلي اعمامته//// تصرخ تصيح اويلاه
ويهل دمه مبجاها
امصيبة المات بسجن
للابـــد مـــــا ننساها

          ✹✭┈✺✺---- ​​‌༄✹✭​​​​◌‌*

تدخل مواكب بالصحن//// ورايات ترفع للحزن
وكلهه تواسي ام الحسن //// وتصيح يا فاطم آه
وتبجي على بلواها
امصيبة المات بسجن
للابـــــد مـا  ننساها

          ✹✭┈✺✺---- ​​‌༄✹✭​​​​◌‌*

أيهَيِج امصابه الجرح//// للراسه مرفوع برمح
وعالترب باقي منطرح//// جسمه تغسل بدماه
واخته العدو سباها
امصيبة المات بسجن
للابــــد مــــا ننساها

          ✹✭┈✺✺---- ​​‌༄✹✭​​​​◌‌*

    خادمة اهل البيت عليهم السلام
            أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
يا كاظم الغيظ

قصيده لمولانا باب الحوائج موسى بن جعفر عليه السلام طور البحر الطويل وبعدة اطوار
كأني بحظور ولسان الحال لمولاتي الزهراء عليها السلام

صعب يومك يهد الحيل گبعني ابحزن وهموم
ابكسر ضلعي وجمر دمعي اجيتك يمه يالمسموم

✧►◄❖••◐❁💔❁◐••❖►◄✧💔
❖•◐❁◐•❖

إجيت أتجه بهمومي اتراب الحزن غاطيني
أجيت ابروح نحلانه اشوفن ثمرة اسنيني
مسموم ابسجن هارون امصابك حيل ماذيني
يا موسى صحت يمه اشذنبك سمموك الگوم

✧►◄❖••◐❁💔❁◐••❖►◄✧💔
❖•◐❁◐•❖

اجيتك عالجسر شفتك ابهظم دمعي نزل مسفوح
وبصوت الحزن ناديت يمه من گلب مجروح
شنهو الذنب اولادي الگضَه مسموم والمذبوح
وبعده ينزف ابگلبي جرح الغِسلَه من ادموم

✧►◄❖••◐❁💔❁◐••❖►◄✧💔
❖•◐❁◐•❖

إمصابك  يهد  الحيل  يمه يا  أبن جعفر
سجن مظلم أبسم اعداك يبني گلبك اتفطر
مثل ابني الحسن يومك بالسم جبده اتوذر
مصاب المجتبى ويومه اعليه انعاد هذا اليوم

✧►◄❖••◐❁💔❁◐••❖►◄✧💔
❖•◐❁◐•❖

اجيتك يبني يالكاظم الدمع ينزل على السطره
محنية ظهر جيتك وضلعي لازمه كسره
نارك تسعر ابروحي تلهب بالحزن جمره
هويت اعله النعش يمه حظنته ابگلبي المالوم

✧►◄❖••◐❁💔❁◐••❖►◄✧💔
❖•◐❁◐•❖

أجيت من البقيع اليوم يمه ابموتتك أحظر
أبمصابك يمه مفجوعه ابهمي وحزني اتعثر
لگيت عل الجسر نعشك گلبي الحالك اتفسر
صحت وين اليساعدني على ابني ألي گظَه مظلوم

✧►◄❖••◐❁💔❁◐••❖►◄✧💔
❖•◐❁◐•❖

وين ألي  يساعدني  ويعزيني  بأولادي
يوميه مصاب اجديد وتلهب جمره بفادي
جرح فوگ الجرح ينضاف ابگلبهه بضعة الهادي
وأقسه جرح هَد الروح المات من العذب محروم

✧►◄❖••◐❁💔❁◐••❖►◄✧💔
❖•◐❁◐•❖

      خادمة اهل البيت عليهم السلام
             أزهار جبار الجياشي

     نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

https://youtu.be/eu3wIY9lJCQ?si=nz9JKVRVkjS9lZdX

فضلا وليس أمرا نرجوا الاشتراك بقناتي اليوتيوب هذه 👆 انضمامكم شرف لنا وبوجودكم نستمر ونقدم الافضل وفقكم الله لكل خير

https://youtu.be/X9VKaVy6GDA

فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل جزاكم الله خير الجزاء وجعلها في ميزان حسناتكم

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد

مولود لشهر الأفراح شهر شعبان

بالسِمَه لاح
اهلال الأفراح
شهر شعبان   شهر شعبان
هلال ميلاد
نَوَر ابلاد
شهر شعبان   شهر شعبان

🥀🥀🥀🌼🥀🥀🥀

بي جم ميلاد الآل الرسول
وفرحه للطاهره فاطمة البتول
بهل الولادات بفرح كلنه نكول
بصوت صداح   اهلال الافراح
شهر شعبان   شهر شعبان

🥀🥀🥀🌼🥀🥀🥀

يا هلا بشعبان يا كل الهله
بي جم نور اليشع اعله المله
ابفرح متنوره وتزهي كربله
وعطر فواح   اهلال الأفراح
شهر شعبان   شهر شعبان

🥀🥀🥀🌼🥀🥀🥀

يوم ثالث ابو الأكبر ينولد بعده ميلاد عضيده والسند
بالوفه والغيره ميشبهه احد
نوره وضاح   اهلال الأفراح
شهر شعبان   شهر شعبان

🥀🥀🥀🌼🥀🥀🥀

خامس بشعبان محله يومه
بمولد العابد تبشر اعلومه
علي السجاد يا هلا بقدومه
ورد قداح   اهلال الأفراح
شهر شعبان   شهر شعبان

🥀🥀🥀🌼🥀🥀🥀

وبنصف شعبان ميلاد الأمان
بمولده مولانا صاحب الزمان
اتنورت بالمهدي يا كل الأكوان
كل محب صاح   اهلال الأفراح
شهر شعبان   شهر شعبان

🥀🥀🥀🌼🥀🥀🥀

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

مولود لشهر الافراح والميلاد شهر شعبان

بالسَعد  شـعبـان  هَل اعلـينه
بالاعــياد وبالفــرح مـــر  بينه

          🎀🎊🎀🎊🎀🎊🎀

يا هــله  بشعبان  يا  كل  الهله
نشــر اعـطور الولاده عل المَلَه
الكون  بالاطهار  نَوَر  وحِلَه 
بالــفرح ياس او ورد طـشينـه

          🎀🎊🎀🎊🎀🎊🎀

بالفرح ننصب صواني الشمــع
نـــور  أئمتنه  بالــدنيا  سطــع
الـباري بشعبان جم مولد جمع
بهالافــراح المحب گُـــرة عينه

          🎀🎊🎀🎊🎀🎊🎀

اول الافـــراح مـولود الحسين
فـــرحة البعده عباس الحنـين
وبعده مولد على زين العابدين
بنص الشهر نوره سطع مهدينه

          🎀🎊🎀🎊🎀🎊🎀

انهني ابشعبان هادينه الرسول
وحيدر الكرار وفاطمة البتـول
ابمولد الاقمار نبــدي وشنكول
عالنـبــي وآلــه ابفــرح صليــنه

          🎀🎊🎀🎊🎀🎊🎀

عالنبي انصلي وعترته الطاهره
ابشهر شعبان الخلك مستبشره
بي ميـــلاد الاقــمار الزاهـــره
نــورهم درب  العــدل  يهدينه

          🎀🎊🎀🎊🎀🎊🎀

هذا شـهر الخير يا شـهر النبي
شوكه بعيون وكلب كل ناصبي
ابمولد الاطهار شامخ مذهبــي
وبيهـم الإسـلام ثابـت ديـنـه

          🎀🎊🎀🎊🎀🎊🎀

   خادمة اهل البيت عليهم السلام
          أزهار جبار الجياشي

     نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

https://youtu.be/ZoW8hT2085Q?si=N8ufA8QXwSznZjhD

متباركين يا شيعة علي عليه السلام بشهر الأفراح والولادات الميمونه ومبارك عليكم مولد مولانا وحبيب قلوبنا أبا عبد الله الحسين عليه السلام
فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل جزاكم الله خير الجزاء وجعلها في ميزان حسناتكم