•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

آآآه يااا زينب

نعي مع ابوذيه للسبي مع الدفنه كاني بلسان حال مولاتي زينب عليها السلام

                                ━━━━━━━
الأبوذيه

أوياكم ما تركني الحادي وهله
جمر دمعي انخبط وي دم وهله
مكسور الگلب من رحت وهله
ضحايا أمجزره فوگ الوطيه

        ╌────═❁═────╌

نعي طور حدي الحجاز

لمن حده الحادي
بودايع الهادي
لن زينب اتنادي
بهونك يحادينه


النعي 👇

الحادي لمن سار
عفت الجثث طشار
مني الدمع مدرار
بلا غسل لا تجفين

►✺┅●✥⚘✥●┅✺◄
أمشيت بجروحي
وسط الگلب نوحي
يمهم بقت روحي
تنعه إخوتي الطيبين

►✺┅●✥⚘✥●┅✺◄

ضلوا ثلث تيام
فوك الترب نيام
أمشي اويه الضُلام
متگيده بحبال

►✺┅●✥⚘✥●┅✺◄

بسياط ضربوني
مسبيه أخذوني
عالهزل ركبوني
حزني يهد اجبال

►✺┅●✥⚘✥●┅✺◄

العدوان يحدوني
بالغصب مشوني
اتصد ليهم عيوني
عالترب عفناهه

►✺┅●✥⚘✥●┅✺◄

اتمنيت اظل يمهم
والأهل ندفنهم
انسوي عزه ألهم
الفاتحه نقراهه

►✺┅●✥⚘✥●┅✺◄
العيله بالكوفه
بحبال مجتوفه
السجاد ما شوفه
كربله رد ليهه

►✺┅●✥⚘✥●┅✺◄

الأجساد واراهه
بلحود خلاهه
متغسله بدماهه
والدمعه يجريهه

►✺┅●✥⚘✥●┅✺◄

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏​​‏
اللهم صل على محمد وآل محمد 🥀

قصيده للدفنه على طور قصيدة( كلي يالميمون ) لخادم المنبر الحسيني المرحوم حمزه الصغير

المستهل:

رد علي السجاد    الكربله مهموم
يدفن الاجساد     او والده المظلوم

✿↡┅┅┅┅✥🖤✥┅┅┅┅↡✿↡

رجع باحزانه    ومنحني ظهره    بدمعه جريه
ترك بالكوفه    الحرم واطفال     وي الهاشميه
وحده راح الهم    يدفن الغالين    بالغاظريه

عالترب ظلت     جثث مرميه    متغسله بدموم

✿↡┅┅┅┅✥🖤✥┅┅┅┅↡✿↡

يكفكف ادموعه بونه وبلوعه والمرض هده
كثرت احزانه وعلته اشديده والهم تعده
شاف ابوه حسين موذر شحاله ماي وتبده

اخيول دايسته   طحنت اعضامه   والكلب مالوم

✿↡┅┅┅┅✥🖤✥┅┅┅┅↡✿↡

من نظر جثته    وذر فوك الكاع    أجهر نحيبه
صاح بويه حسين   بروحي جمر اعليك   يسعر لهيبه
لزم خاصرته    ونحنه فوكه    الدمعه سجيبه

ايلملم ابجسمه    بحزنه وبهمه    والكلب مثلوم

✿↡┅┅┅┅✥🖤✥┅┅┅┅↡✿↡

شاف المثلث مكطع اوصاله ونابت ابكلبه
جسمه كله اجروح لوحَّده لمه بهيده يكلبه
اشفافه ذبلانه ماي ماشارب اتمنه يشربه

خنصره المكطوع   ايدوره عالتربان   الكطعته هالكوم

✿↡┅┅┅┅✥🖤✥┅┅┅┅↡✿↡

تالي ابحصيره   لفلف المظلوم    ونزله ابكبره
يمي ارضيعي    لنه يسمع صوت    طالع من نحره
جاب عبد الله    بألم وبآهات   وحطه اعله صدره

التراب ايهيل    بيده العليل    ناحل ومهظوم

✿↡┅┅┅┅✥🖤✥┅┅┅┅↡✿↡

اتوجه السجاد ودمعته بعينه صوب الشريعه
يدفن  العباس والكلب مكسور لهاي الفجيعه
شاهد الجفين  طايحه  اكباله ويلي كطيعه

ورد على الاجساد   ابحزن واراها   كل حيله مهدوم

✿↡┅┅┅┅✥🖤✥┅┅┅┅↡✿↡

تمت بفضل الله تعالى وبتوفيق منه

بأقلام خادمات أهل البيت عليهم السلام

✍أزهار جبار الجياشي
و
✍أم حسين الفريداوي

نسألكم الدعاء بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه

غير مبري الذمه من يغير أو يحذف أسماء الشاعرات


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

آآآه يا زينب

نعي مع ابوذيه للسبي مع الدفنه كأني بلسان حال مولاتي زينب عليها السلام 


الأبوذيه

وحك رب العرش عزته وجلاله
حزن گلبي فلا ينفع جلاله
أميره عل الخلك هيبه وجلاله
تالي اميسره وأمشي سبيه

❀❥❃❥❀━┅┉━❀❥❃❥❀

وحك ألي اتعبده الخلك بسماه
فكدكم سم يمرد الجبد بسماه
ولاني الشمر صحت الكمر بسماه
عباس  انتهض  لحك  عليه

❀❥❃❥❀━┅┉━❀❥❃❥❀

نعي ازريجاوي

عفت اخواني عالغبره مطاعين
وبضعن السبي للكوفه ماشين
لا عباس ظل ليه ولا حسين
وسف جتالهم هل يحدي بيه

✿◕ ❀◕ ❀◕ 📚 ❀◕ ❀ ◕✿

مشيت وعين گلبي تنظر ألهم
جثث متوذره اخواني عفتهم
لا  تغسيل  لا  واحد  دفنهم
وثلث  تيام  ظلوا  عالوطيه

✿◕ ❀◕ ❀◕ 📚 ❀◕ ❀ ◕✿

يوم  الثالث اندفنوا الوليان
بالله اعليك حاجيني يدفان
دفنته اشلون الموذر وعطشان
گبل  لا  تدفنه  اسكيته أُميه

✿◕ ❀◕ ❀◕ 📚 ❀◕ ❀ ◕✿

حاجيني على السحگوهه جثته
گلي  شلون  لميته  او  دفنته
وخده  شلون  وسدته  ابتربته
وراسه  عالرمح  أبن  الزجيه

✿◕ ❀◕ ❀◕ 📚 ❀◕ ❀ ◕✿

يا دفان اسئلك رايده جواب
بالله اشلون گلي ادفنت الشباب
الحلوين المعاني هالگلب ذاب
الفگدهم ما بقه كل حيل بيه

✿◕ ❀◕ ❀◕ 📚 ❀◕ ❀ ◕✿

بعد عندي سؤال أيبجي الحساس
عن  كافل  خدرنه  الگمر  عباس
يمن  بعده  سبونه گوم الارجاس
ادفنت  اوياه  جفينه  الرميه

✿◕ ❀◕ ❀◕ 📚 ❀◕ ❀ ◕✿

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

آآآه يااا زينب

قصيده لليوم الثالث عشر من محرم الحرام يوم دفن الاجساد الطاهره
تقرأ بطور الفزاعي الجنوبي وبعدة اطوار

المستهل:

ألطمن حيل زينب خل نواسيها
نزلوا بالگــبـــر هاليوم اهاليهه

✦▬▬❖•◐❁❁◐•❖ ▬▬✦
*_

ابو البــــاقر رجع الكربله دفان
بالكوفه ترك الاطفال والنسوان
كلبهه بالحزن غيم على الوليان
جثث فوگ الترب عافت غواليها

✦▬▬❖•◐❁❁◐•❖ ▬▬✦
*_

بعيده ام الخدر والاهل دفنوها
بالكوفه الضعينه العدا خلـوها
شدن باللطم زينب أو عـينوها
ابدمعات الحــزن خلي نعازيها

✦▬▬❖•◐❁❁◐•❖ ▬▬✦
*_

شدن باللطم خل نلطم عل الراس
ما دفنت اهلهه ابولية الارجاس
خلي انعينهه بحسين والعباس
وعيون ابمدامع كون نبجيها

✦▬▬❖•◐❁❁◐•❖ ▬▬✦
*_
ابعزاجن لا ترفعن باللطم رايات
لو شافتهه زينب تهمل الدمعات
تتذكر گــمر طاح اعله المسنات
من طاحت الرايه طاح راعيها

✦▬▬❖•◐❁❁◐•❖ ▬▬✦
*_
اصرخي يا حسين وخل تسمعنج
أتخيلي زينب اگـبالج تشوفنج
واسيهه العقيله ابلطمج او ونج
تستاهل أم عون الروح نفديها

✦▬▬❖•◐❁❁◐•❖ ▬▬✦
*_

ما نصبت عزه ولا سوت اقرايه
ولا گــعدت وياهه تنعه مـلايه
ابعيله امحيره وهمومهه اهوايه
وبحبال اليسر زينب امگيديها

✦▬▬❖•◐❁❁◐•❖ ▬▬✦
*_

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
آآآه يااا زينب

نعي مجاريد للدفنه كأني بلسان حال مولاتي زينب عليها السلام


تمنيت يهلـــي ابقــــــه يمكــم
واهل دمعي يخوتي واغسلكم
وبهظــم  آنــــه  انعه  بدفنكم
┅┈●⇝╭✶╮⇜●┈┅

يم گبوركم  انصب عـزيه
وعليكم انعه بـونه شجيه
والطم عالوجه بثنين اديه
┅┈●⇝╭✶╮⇜●┈┅

وانخه الزجيه تحـظر اوياي
وتساعدني ابيوم دفن ولياي
اتگابلني وتبجي على مبجاي
┅┈●⇝╭✶╮⇜●┈┅

تساعدنــي وتهمل دمعة العين
الظلوا لا غسل لا دفن لا تجفين
وتصيح اوياي يا عباس يحسين
┅┈●⇝╭✶╮⇜●┈┅

تحظرني يريت امـي الزهره
وتنوح اوياي وتسجب العبره
عالضلوا ثلث تيــــام عالغـبره
┅┈●⇝╭✶╮⇜●┈┅

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
آآآه يااا زينب

قصيده للدفنه كأني بلسان حال مولاتي زينب عليها السلام...تقرأ مربوعه وبعدة أطوار

أرد اوصيك يـــا  دفان الاحباب
ابهيده على اهلي هيل التراب

​ ┅┈●⇝╭✨╮⇜●┈

ابهيده ترابــــــــهم هله عليهـم
خوفي الرمل حــــار ويجويهم
براضه باللحد لمــــــن تخليهم
اخوتي اتغسلوا من دم الخضاب

​ ┅┈●⇝╭✨╮⇜●┈

أبحر لشمس ظلــــوا ثلث تيام
مگطوعة نحر متوذره الاجسام
ويندفنون اويلي بدون اجفان
عليهم يظل دمعي دوم سجاب

​ ┅┈●⇝╭✨╮⇜●┈

دمع عيــــوني اخذه وياك ليهم
ولياني عطاشا مِنـَـــــه ارويهم
العمر كله اظل اخواني انعيهم
العافوني وحيده بين الاجناب

​ ┅┈●⇝╭✨╮⇜●┈

روحي اوياك اخذهه وخل تشوفنهم
عليهم تنعه مـــــن تريد تدفنهم
تخلص روحي ريت واندفن يمهم
فرگــاهم يهدني محمل اغياب

​ ┅┈●⇝╭✨╮⇜●┈

سلامي اوياك اخذه ألهم يدفان
كلهم زينب ابحــــيره يالحنان
وعشرتنه صفت يا كان ما كان
اعوفنهم واروح الديرة اغراب

​ ┅┈●⇝╭✨╮⇜●┈

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يااا زينب

هوسات للدفنه كأني بلسان حال مولاتي زينب عليها السلام


أرد أوصيك يا دفان أهلي لوّن تدفنهم
اخذ دمعات هالايتام وغسلهه مناحرهم
لو نگدر عبينه هاي نسويهه جفن ألهم
يعذرونه اكيد بهاي تراه الستر اعز منهم

( مصيونه   الخدر بدماهم )

•┈•❈​❉✹✹❉❈ •┈•

لو بيدي اروح اوياك واحظر دفن ولياني
عن كربله ابعيده هواي ومتوليتني عدواني
عمه يا علي السجاد سلملي على اخواني
واحضنلي وذر الحسين الحاله حيل اذاني

( وجفوفه   عباس اتقَبِلِي )

•┈•❈​❉✹✹❉❈ •┈•

ايعينك الله يالسجاد تدفنهم يعمه شلون
وبيا عين تنظرهم ارسوم اتغيرت واللون
اخذ من عدنه تبجيهم يعمه اوياك العيون
وسؤال اليذبح بروحي اشلون ادفنه للمطحون

( من اتشيله   وحسين بهيده )

•┈•❈​❉✹✹❉❈ •┈•

ابهيده على الشبان يعمه من تواريهم
ويمك لو يصح الماي قبل الدفن ارويهم
حلوه ارسومهم خوفي الحر غير معانيهم
يعمه اعليهم ابراضه بلحد لمن تخليهم

( مهظومه   كلهم عمتهم )

•┈•❈​❉✹✹❉❈ •┈•

اگصد عمك العباس وتوجه الى نهره
شيل اجفوفه من الگاع وخليهن على صدره
عودني من احجي وياه بيهن يدك كل مره
گله اختك يراعي الزود عگبك بقت متحيره

( شتموني   يالكافل بعدك )

•┈•❈​❉✹✹❉❈ •┈•

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

من قصائد( نزول ملائكة السماء في كربلاء )
قصيده ليوم الثالث عشر من محرم الحرام يوم دفن الاجساد الطاهره
تقرأ نزله وبعدة اطوار

المستهل:

من السمه نزلت املاك امگدره
تدفن الظلت جثثهم عل الثره

ابهظم وبصرخة حزن
تصيح حي عل الدفن
وعزه سوت بي فاطم حاظره

▣———●•✿🍃✿•●–––▣

نزلت املاك السمه بالطف تطوف
مره محنيه على اموذر تشوف
تنعه اوصــاله  ابـگــلب اللهوف
تصيح يبني صرت طعمه للسيوف

اتنادي بأسمه وتون
تصيح حي عل الدفن
وعزه سوت بي فاطم حاظره

▣———●•✿🍃✿•●–––▣

املاك يتــرأسهه جبريل الامين
فوگ جثة السبط وكفوا نادبين
صرخوا ابحسره وألم آ يا حسين
ناح عرش الله على گطع الوتين

الكون كله انرجن
تصيح حي عل الدفن
عزه سوت بي فاطم حاظره

▣———●•✿🍃✿•●–––▣

حظرت اويـاهم مواكب أنبياء
اجتمعت بيوم الدفن في كربلاء
اتشارك المصطفى في هذا العزاء
وغسلوها الجثث بدموع البكاء

لعلي حيدر آجرن
تصيح حي عل الدفن
عزه سوت بي فاطم حاظره

▣———●•✿🍃✿•●–––▣

ضجت املاك السمه ابصرخة عويل
شافت السجاد او جسمه نحيل
ايحاجي الاجساد ابمدمع يسيل
بالدفن شدت على حيل العليل

بدون تغسيل وكفن
تصيح حي عل الدفن
عزه سوت بي فاطم حاظره

▣———●•✿🍃✿•●–––▣

اتواسي السجاد واجره اتعظمه
على امصاب ألي جــره متألمه
متربه الامـــلاك رجعت للسمه
عطر زاكــي بالتراب من الدمه

منهه الجنان اتعطرن
تصيح حي عل الدفن
عزه سوت بي فاطم حاظره

▣———●•✿🍃✿•●–––▣

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏​​‏
اللهم صل على محمد وآل محمد 🥀
آآآه يااا زينب

قصيده لمولاتي زينب عليها السلام كأني بلسان الحال تخاطب أخيها أبا عبد الله الحسين عليه السلام
بعنوان( أخذ روحي ) تقرأ بعدة اطوار

المستهل:

أخذ روحي يخويه وكوم لعيالك
وصير اموذره يحسين أنه أبدالك
صعبه من انظر ألكم
ما  احمل  فكدكم 
أخذ روحي يخويه وكوم لعيالك

​ ┅┈●⇝╭✨╮⇜●┈

ما  احمل  افراكك  زين  تدريني
إذا ما شوف خواني شلي بعيني
بسهام  الفكد  هالزمن  راميني

الدهر هل قسه بيه
أون  ونه  خفيه 
كلش صعب بينه يحدي جتالك
أخذ روحي يخويه وكوم لعيالك

​ ┅┈●⇝╭✨╮⇜●┈

يهالوادم عزيز الاخو شكد غالي
تلوك عل الاخو يا جلمة الوالي
كلهم فرد ساعه طاحوا اكبالي

راحوا غدر مني
فركاهم كتلني
تحاربني يدهري بخوتي شمالك
أخذ روحي يخويه وكوم لعيالك

​ ┅┈●⇝╭✨╮⇜●┈

يا حزن الاحمله خويه جم أمصاب
عفتوني وحيده بين ناس اجناب
وآنه بت علي الكرار داحي الباب

صعب كلش عليه
آنه امشي سبيه
يحسين الكلب ينخاك نادالك
أخذ روحي يخويه وكوم لعيالك

​ ┅┈●⇝╭✨╮⇜●┈

ثجيل  الحمل أخيي  بي مَحَني
من انظر  بناته  حيل  ياذني
المصايبكم حزينه والظهر محني

شحمل يا رزيه
من الغاظريه
بيه تلوذ تبجي خايفه اطفالك
أخذ روحي يخويه وكوم لعيالك

​ ┅┈●⇝╭✨╮⇜●┈

بناتك  هدمن  حيلي  أبجيهن
يذوب القلب من أسمع حجيهن
ينشدن عل الأبو يمته يجيهن

ليش الأبو غايب
ومحتاره شجاوب
ذبيح انت يغالي أموَذَره أوصالك
أخذ روحي يخويه وكوم لعيالك

​ ┅┈●⇝╭✨╮⇜●┈

بعد  بيمن  أزامط  يالاخو  أبيش
حرم واطفال من غاروا علينه الجيش
ريت  الموت  أليه وانتَ  التعيش

تظل تحمي الفواطم
أنتَ وكمر هاشم
وبناتك تبقه متنعمه ابدلالك
أخذ روحي يخويه وكوم لعيالك

​ ┅┈●⇝╭✨╮⇜●┈

  خادمة اهل البيت عليهم السلام  
          أزهار جبار الجياشي

     نسألكم الدعاء
ولفاتحه لروح والدي 

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏​​‏
اللهم صل على محمد وآل محمد 🥀
آآآه يااا زينب

قصيده كأني بلسان حال مولاتي زينب عليها السلام تخاطب اخاها أبا عبد الله الحسين عليه السلام ... تقرأ بطور المربوعه وبعدة اطوار

المستهل:

يحسين خويه من رحت روحي خذتهه
زينب غــريبه ابكـــربله بعدك عفتهه

※✿❥•~•♡•~•❥✿※•~•♡•~•❥✿※

زينب غريبه من بعد عينك يوالي
فگدك يبو اليمه صعب هدم احوالي
ما تدري بالصار وحصل ليه وجرالي
امصايب ما صارت بالخلك آنه شفتهه

※✿❥•~•♡•~•❥✿※•~•♡•~•❥✿※

للحرم واطفال اصبحت آنه الكفيله
عني اشگف اسياط لتطك لو عن العيله
اعليه اليسر خويه كلف ما ألي حيله
الروس گلبي اتفطره لو شاهدتهه

※✿❥•~•♡•~•❥✿※•~•♡•~•❥✿※

روحي خذتهه وياك يا خويه وحبيبي
بالغاظريه حيف منك شح نصيبي
ما ينگطع طول العمر حزني ونحيبي
الحرم واطفال انسبت من فارگتهه

※✿❥•~•♡•~•❥✿※•~•♡•~•❥✿※

بعدك غريبه بلا ولي ارعه اليتامه
واسياطهم فوك المتن تركت علامه
حشمتك أنت والكمر وندبت يامه
آنـــه الحميت العايله وتكفلتهه

※✿❥•~•♡•~•❥✿※•~•♡•~•❥✿※

اتكفلت اطفال وحرم وآنه اسيره
حرمه وما بين العده حيرتي حيره
ناديت بيكم يا هلي كسرتي جبيره
زينبكم امصايب الطف الدوهنتهه

※✿❥•~•♡•~•❥✿※•~•♡•~•❥✿※

من يمك اخذوني العده غصباً عليه
علهزل يا خويه اركبت مجتوفه اديه
فخر الخدر يا بو علي واصبح سبيه
ومصايب اتهد الرواسي اتحملتهه

※✿❥•~•♡•~•❥✿※•~•♡•~•❥✿※

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏​​‏
اللهم صل على محمد وآل محمد 🥀
كل شئ يزول ويبقى الحسين

قصيده لسيدنا ومولانا ابا عبد الله الحسين عليه السلام لمنزلته وقدره ومقامه عند الله سبحانه وتعالى وفي السماوات والأرض بعنوان( في الحسين البيان لجروح القرآن )
تقرأ بطور الرجالي الثكيل وبعدة اطوار

بسم الله تعالى
المستهل:

منتصر مرفوع راس الوالي
حسين من الله مقامه عالي

راس العرش فوگ الرمح
موش  راس  المنذبح
يا حسين      يا حسين

ـــــــــــــــــــــــ❀•▣▣•❀ــــــــــــــــــــــــ

ابگطع راسه اتصورا انتهه مات الحسين
أبذبح نحر الولي ضامي الشمر فرحان اللعين
ما دروا ذكره ابو اليمه يظل لطول السنين
ودمه  الزاكي  أمامي  ألبي  أتثبت الدين

ابجسمه سوره كل جرح
راس العرش فوگ الرمح
منتصر مرفوع راس الوالي

ـــــــــــــــــــــــ❀•▣▣•❀ــــــــــــــــــــــــ

لو حسبنه جروح جسمه ويه گطعة منحره
ويه  حز النحر  ضامي  والشفاه  امفطره
نحسب وياهن بروحه اجروح سبع الگنطره
من نظر سهم المنايا ابعينه طايح عالثره

ابجم سوره الدم انسفح
راس العرش فوگ الرمح
منتصر مرفوع راس الوالي

ـــــــــــــــــــــــ❀•▣▣•❀ــــــــــــــــــــــــ

بعد هم عدنه جروح سِوَر متفسره وبيان
جرح بي نحر لرضيع انذبح كل ذنبه عطشان
أو جرح جرحين اكثر اتوذرت بيهه شبان
وبعد جرحين لگمر اجفوف متوسده تربان

الكـــرم بيهه طفـــح
راس العرش فوگ الرمح
منتصر مرفوع راس الوالي

ـــــــــــــــــــــــ❀•▣▣•❀ــــــــــــــــــــــــ

نروح  هسه  للضعينه  الحريمه والاطفال
آه  يجروح  المضهده  راح  عزهه والدلال
خوف وي حرك لخيام وشتم وربط الحبال
فوگ كل هذا بحقد بسوط تضربهه الانذال

العـــدو متصور ربـــــح
راس العرش فوگ الرمح
منتصر مرفوع راس الوالي

ـــــــــــــــــــــــ❀•▣▣•❀ــــــــــــــــــــــــ

بالسبي لو ردنه نحجي اجروح ما تنعد كثيره
وياها زينب روس اهلهه تمشي من ديره لديره
النظر لحسين ساعه ساعه للكافل تديره
اتصوروها تطخ راس غصباً اعليهم أميره

الكـــــون ابهيبتهه سرح
راس العرش فوگ الرمح
منتصر مرفوع راس الوالي

ـــــــــــــــــــــــ❀•▣▣•❀ــــــــــــــــــــــــ

الشرح ابهاي الجروح امفسره من الآله
حسين منزلته عظيمه وإله يم الباري جاه
من خروجه لحز وريده اسرى وعرج السماه
الما عرف شرح الجروح عن طريق العدل تاه

ابزينب انعـــرف الشرح
راس العرش فوگ الرمح
منتصر مرفوع راس الوالي

ـــــــــــــــــــــــ❀•▣▣•❀ــــــــــــــــــــــــ

خادمة اهل البيت عليهم السلام
         أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

لبيك يااا زينب