نصرةً للقرآن ادعموا هذا👆 المقطع فبدعمكم نستمر ونقدم الافضل جزاكم الله خير الجزاء

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

إنا نزلنا الذكر وإنا له لحافظون

قصيده على الملعون الذي حرق القرآن الكريم في دولة السويد...تقرأ بعدة اطوار

المستهل

أنشلت أيده الحرگ قرآن الكريم
وأركزَه الله في قعـــر الجحيم

❉━━━━━❰･❱━━━━━❉

أنشلت ايده وكون مــا الــهه دوه
وحيــــــل ياذيهه اذا مر الهوه
كون عينه تطفه ميشوف الضوه
وينطرد من رحمة الباري الرحيم

❉━━━━━❰･❱━━━━━❉

يا عـــــــدو الله ألا لعنه عليك
يالهنت قرآنــــــه انشلت أديك
كون بالدنيا ناره تصطليك
مو ابن طهر وحـلال إنتَ زنيم

❉━━━━━❰･❱━━━━━❉

ينحشر ويـــــه اعداء آل النبي
كون ما يمشي بعد يحبي حَبِي
باع دينه بسعر بــــاخس لجنبي
اتجاوز احدوده مع الرب العظيم

❉━━━━━❰･❱━━━━━❉

معجزه الطــــــه نـــــزل قرآنه
ختم الله بـــــــــي  كـل اديانه
هــــــذا فعلك الـــــــردي أذانه
ومو جديده هاي صارت بالقديم

❉━━━━━❰･❱━━━━━❉

قبل سواها المنافـــــق الصلف
مصحفه خلاه وحرگ كل الصحف
الخَلَف إنتَ مـــن افسق سلـف
يالفعلكم فعـل شيطان الرجيم

❉━━━━━❰･❱━━━━━❉

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

قصيدة بلسان حال أم البنين عليها السلام حوار مع قلبها

*

ياگلبي تسئلني شبيك وكل ساع تنغز بيه
وين الضعن وين حسين تلچمني كل عصريه
حسين يرجع اني اگولن باچر
وتگلي لا داس اعله گلبه الحافر 
تلچمني كل عصريه... تلچمني كل عصريه

*

ياگلبي هود من القلق وخليني اعَرف الراحه
من حمل حسين ومشه وانت بحزن ونياحه
لتفاول حسين بـذبـح وسهام وبرَماحه
انه اعرف وليدي يرد ويملي عليه الساحه

گتلك يگلبي يرد تراهو مسافر
وتگلي لا داس اعله گلبه الحافر
تلچمني كل عصريه... تلچمني كل عصريه

*

ترجملي خوفك ياگلب واشرحلي حزنك كله
شنهو المخوفك عالضعن والعايله بهالرحله
رايح حسين الكربله كتلك وصارت خله
بنبضاتك و وجهي نخطف ياگلب وين العله

گتلك يرد إن شاءلله وخن ناطر
وتگلي لا داس اعله گلبه الحافر
تلچمني كل عصريه... تلچمني كل عصريه

*

من حمل حسين ومشه وصيته خوش وصيه
كتـله العليـله تنـتـظر عـجـــل يـيـمه الجـيـه
وعبـاس وصيته بأخــو وبـزيــنبه وبرقيــه
معقوله عباس الكلف گدامه يوگــع خيه

اموصيه الكفيل وعندي يمه خاطر
وتگلي لا داس اعله گلبه الحافر
تلچمني كل عصريه... تلچمني كل عصريه

*

ياگلبي زيدت الالم وخليتني ويه افكاري
انعى عليهم وانتبه واتعـوذ من الجـاري
اسم الله اعله ولدي من السحك دخيلك يربي الباري
ياربـي سـلمهــم الـــي وردهـم بخيــر الداري

ياگلبي عنده حسين عونه وناصر
وتگلي لا داس اعله گلبه الحافر
تلچمني كل عصريه... تلچمني كل عصريه

*

ياگلبي شو چنه صدك كل الكلام الگلته
حســـين ماضنه يرد ومايـرجع بعايلتـه
وجنها العليله تيتمت وانه الربه ضيعته
وصدري اختنك يمكن صدك صدره العده دايسته

جاي احجي وانت تسولف اعله العاشر
وتگلي لا داس اعله گلبه الحافر
تلچمني كل عصريه... تلچمني كل عصريه
.........................................................
تمت بفضل الله وبتوفيق منه

بقلم خادمة اهل البيت عليهم السلام
الشاعره أسيل الذهبي

نسألكم الدعاء بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه

•❥ًً❀(•«﷽»•)❀❥ •‏​
اللهم صل على محمد وآل محمد🥀
من قصائد سقوط الگمر فوگ النهر

قصيده لمولانا أبا الفضل العباس عليه السلام كأني بلسان حال مولاتي زينب عليها السلام بعنوان( الخِدرُ والغيرةُ تنعاك ) تقرأ بعدة أطوار

المستهل:

بحزن ظل الخدر خويه يعباس
الغيره دمعت  تتگاطر احساس

الراعي إنتَ ألهن
يم زينب عفتهن
بيهن يبن ابويه رافعه الراس
               ✹✭┈✺✺---- ​​‌༄✹✭​​​​◌‌*
ما همتني خــويه اسياط ألهم
على متوني بقه اجفوفك اثرهم
من جـــنه  تحاجينـي وتحطهم
كل اسياطــهم خـــــويه تصدهم

يلي رحت مني
اجفوفك حمني
بيهن يبن ابويه رافعه الراس
               ✹✭┈✺✺---- ​​‌༄✹✭​​​​◌‌*
بقت انفاسك ابخـــدر الفواطم
بزودك يالـگــمر سجلن ملاحم
كريمات الخلق نسل الأكـــارم
ابقصره زينبك ذلت الظــالم

حجت بلسانك أم عون
ظل يصرخ الملعون
بيهن يبن ابويه رافعه الراس
               ✹✭┈✺✺---- ​​‌༄✹✭​​​​◌‌*
الكفاله بس إلك يالــكافـل تلوك
يا حامي الخدر سور إلهَ ولطوك
ظل يبجي بهظم من جابوا النوك
من عندك خذُو وعالترب خلــوك

صعب يترك حـــبيبه
مشه بس مشه بهيبه
بيهن يبن ابويه رافعه الراس
              ✹✭┈✺✺---- ​​‌༄✹✭​​​​◌‌*
الغيره وي الخـــدر ظلن أَبِياتْ
ما ذلوا حــرمكم  أبـــد هيهات
وأختك قائـــد بضعن الأميرات
منك يا بو فاضل بيهه شمرات

بسمك أحاميهن
فنه اليصل ليهن
بيهن يبن ابويه رافعه الراس
               ✹✭┈✺✺---- ​​‌༄✹✭​​​​◌‌*
آنه من  نبع وأصل الأمامــه
عالغيره ربيت وعل الشهامه
وبيه منطقه الراعي اليتامه
وعندي غيرتك خلت علامـــه

فقه أمي الزهره
ومن حسين صبره
بيهن يبن ابويه رافعه الراس
           ✹✭┈✺✺---- ​​‌༄✹✭​​​​◌‌*
يا روح الخــــدر بعــــدوه  عنك
دمعاته جـــرن مــن فيض دمك
صعبه اعليَّ مشه يحديه خصمك
بس خـــله شعاره الرايــه  يمك

خويه مرتبط بيك
إله كافل مسميك
بيهن يبن ابويه رافعه الراس
           ✹✭┈✺✺---- ​​‌༄✹✭​​​​◌‌*

خادمة اهل البيت عليهم السلام
      أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

وااا قاسماااه

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
وااا قاسماااه

قصيده للقاسم عليه السلام كأني بلسان حال والدته تقرأ بعدة اطوار

المستهل:

بروحتك جسام كل حيلي رحل
من نَزِف كلبي دمع عيني نِزَل

•┈•❈​❉✹✹❉❈ •┈•

يبني ما ريد العمر من بعد عيناك 
يالولد يبني  ييمه  اتعبت  برباك
ريت يالغالي المنيه اخذتني وياك
من خذاك الأَجل ياخذني الأَجل

•┈•❈​❉✹✹❉❈ •┈•

يالكِطعت اهروش كلبي من مشيت
شكثر  ناديتك  ييمه شكد  بجيت
ابفركِتَك يوليدي ظهر أُمك حنيت
من جرح روحي دمع جفني نزل

•┈•❈​❉✹✹❉❈ •┈•

حالي من بعدك ييمه بأشد حال
الليالي  اكظيها  بآمال  وخيال
أكبالي اشوفنك وناديلك تعال
الحضن امك بعد امك والاهل

•┈•❈​❉✹✹❉❈ •┈•

يمه لو فكرت  يوليدي أنام
آني  متأمله اشوفك بالمنام
صوتك اسمعه وفزن يجسام
وينك اصرخ يا وليدي يلمدلل

•┈•❈​❉✹✹❉❈ •┈•

وذروا  كلبي العدا من  وذروك
بدم خضابك يالولد يمه حنوك
والدك بالسم كضه وانت اذبحوك
بالعمر  شلي  يالبيك  الأمل

•┈•❈​❉✹✹❉❈ •┈•

أُمنِيَه  عرسك  وضاعت  أُمنياتي
شمعتي جاسم طفت ضلمه حياتي
كون كبلك يا اوليدي آنه  مماتي 
ولا أشوف اكبالي طايح منجتل

•┈•❈​❉✹✹❉❈ •┈•

خادمة اهل البيت عليهم السلام
         أزهار جبار الجياشي

   نسألكم الدعاء
والفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
وااا قاسماااه

قصيده رداديه على ردة( يحسين اخيامك حركوها ) لعريس الطفوف القاسم بن الحسن عليهما السلام كأني بلسان حال والدته

المستهل

العريس ارماح يزفونه
وجفه من دمه يحنونه

          ↬✿✵❥【❀】❥✵✿↬

اسيوف انزف بيهه اوليدي
عريس ارماح يزفونه

وسهام اتهلهل لوحيدي
عريس ارماح يزفونه

جن ماي اتبده من ايدي
عريس ارماح يزفونه

وغمضهه الحلوات عيونه

          ↬✿✵❥【❀】❥✵✿↬

يا تعب اسنيني وأيامي
عريس ارماح يزفونــه

عرسك يمه كل احلامي
عريس ارماح يزفونه

بالطف زفونك گدامي
عريس ارماح يزفونه

وچفك بالدم ايخضبونه

          ↬✿✵❥【❀】❥✵✿↬

يالرايح ماخذ كل حيلي
عريس ارماح يزفونه

بصوابك صوبوا ادليلي
عريس ارماح يزفونه

يا شمعة عمري التضويلي
عريس ارماح يزفونه

وبلحظه العمري ايطفونه

          ↬✿✵❥【❀】❥✵✿↬

يالتوك حالي بعيوني
عريس ارماح يزفونه

يا جسام وكل اظنوني
عريس ارماح يزفونـه

غفله يالمنك حرموني
عريس ارماح يزفونه

وگلب أمك بيك يفجعونه

          ↬✿✵❥【❀】❥✵✿↬

يالفگدك هدم احوالي
عريس ارماح يزفونه

يالعايف أمك يالغالي
عريس ارماح يزفونه

وحدهه ابغربه بلا والي
عريس  ارمـاح يزفونه

عمري اگظي بعدك محزونه

          ↬✿✵❥【❀】❥✵✿↬

خادمة اهل البيت عليهم السلام
        أزهار جبار الجياشي

     نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
وااا قاسماااه

قصيده للشباب كأني بلسان حال رمله ام القاسم عليهما السلام...تقرأ بعدة اطوار

على الشبان ابجن يا عيوني
الحلوين الرسوم الفارگـوني

*•──≪✿᯽✿≫──•*

وشلَنَه الـــدمع بالبجي يا عين
على اوليدي المني ماخذه البين
وبنوحج يروحـــــي لا تهودين
وين الفاگدات اليوم عينونــي

*•──≪✿᯽✿≫──•*

اريــد الشوف ويه الدمع ينزل
على العشرين عمره مــا مكمل
الجفن دم مو دمع لفراگه يهمل
الراح وما رجع بي خابت ضنوني

*•──≪✿᯽✿≫──•*

راح اگظي العمر بالنوح والونه
على العريس من اخضابه اتحنه
عديت السنين اتمنـــــه ازفنـه
ابحومه صار عرسه وبي فجعوني

*•──≪✿᯽✿≫──•*

وين الفاگـده والضايگه اللوعه
وابنهه المنـيه طفت اشموعــه
والعدهه شباب وبـي مفجوعه
على فگد الشباب اليوم واسوني

*•──≪✿᯽✿≫──•*

تصيح وياي يمه يالولـد ويلاه
كون من الگلب تصرخ تگول احاه
عل لعريس جفه اتخضب من ادماه
انعوا اعله الولد او بــــي عزوني

*•──≪✿᯽✿≫──•*

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

اللهم صل على محمد وال محمد
قصيده العبد الله الرضيع

دارمي

عبدالله شنهي الراي حاجيني هسه
من تنساني وتروح جا انــي شنسه
┈•┈┈┈•$ ◉ ✿ ◉$••┈┈┈•

ويايه عايش دوم وبعيني رسمك
نابت ابلب احشاي يوليدي سهمك
مـــو عادتك جاليش ماتسمع امك
وجرحك يبعد الروح بگليبي احسه


.✍🏻مريم العبوديه اسيرة الاحزان💔
┈•┈┈┈•$ ◉ ✿ ◉$••┈┈┈•

يالرحت عن العين عايش بروحي 
فگدك ملاني احزان كثر اجروحي
بعدك أجر حسرات ما بطل نوحي
الوجهك أنه اشتاگيت وتمنه ألمسه


✍أزهار جبار الجياشي
┈•┈┈┈•$ ◉ ✿ ◉$••┈┈┈•

لوجهك انه شتاگيت ولدورة العين
يامحله وجهك ذاك وبسمة الشفتين
گلبي تفرفح  ليك وشتعل نارين
اذكر امناغه الليل نخلصه ونسه


خــادمــة الزهـــراءالمــله ام احمد✍🏻
┈•┈┈┈•$ ◉ ✿ ◉$••┈┈┈•

لشوفتك انه اشتاك يا بعد حيلي
اگـــعد ييمه ارجاك ذايب دليلي
ساهرت طول الليل مانمت ليلي
ون الدليل عليك وناته خنسه


✍سهام المالكي
┈•┈┈┈•$ ◉ ✿ ◉$••┈┈┈

يايمه تدري وياك حاربني دهري
سيف الغدر موبيك صاير بنحري
عبدالله لا لتروح يابعد عمري
صوتك يبعد الروح باذاني همسه


. ✍🏻✨ام علي الأماره
┈•┈┈┈•$ ◉ ✿ ◉$••┈┈┈•

عگبك يبعد الروح دهري ولاني
كل العمر ظليت يوليدي اعاني
فگدك يبعد احشاي  يمه عماني
حزني ودمع عيناي بجفوني احبسه


✨✍🏻 ام زهراء الزيداويه البصراويه
┈•┈┈┈•$ ◉ ✿ ◉$••┈┈┈•


تمت بعون الله تعالى

بـ✍ــاقـ✍ــلام خـادمـات كروب جبل الصبر زينب عليها السلام

👈بأشراف ومتابعة 👇

ازهار جبار الجياشي
مريم العبوديه أسيرة الاحزان💔

نسألكم الدعاء
بتعجيل الفرج لصاحب الزمان عجل الله فرجه وسهل مخرجه


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
من قصائد رضيع المنايا

قصيده لعبد الله الرضيع بن عليه السلام كاني بلسان حال أمه الرباب عليها السلام
بعنوان( هيام الروح ) تقرأ بطور الرجالي الثكيل وبعدة اطوار

المستهل:

روحي تهيمن يالولد يسرح خيالي
يوميه اهزن بالمهد والمهد خالي
يبني دللوه      يبني دللوه

✿✿✿<><><>✿✿✿<><><>

عبد الله سباح الگلب يبني وحبيبي
ما ادري منك يالولد ايشح نصيبي
يالرحت مني بالعجل شيطفي لهيبي
امك عفتهه للهظم يا سگم حالي
يبني دللوه      يبني دللوه

✿✿✿<><><>✿✿✿<><><>

امفرفحه روحي الشوفتك والحضن مشتاك
وعيون البگلبي بجت يمه اعله فرگاك
متأمله ترجع ألي ليليه اتناك
والليل يخلص ما تجي اتخيب آمالي
يبني دللوه      يبني دللوه

✿✿✿<><><>✿✿✿<><><>

اتخيب آمالي يالولد ويزيد هظمي
تثكل عليه امصيبتي وحزني وهمي
اتخيل شلون النحر بالسهم مرمي
حرمله صابه من لمح نور ويلالي
يبني دللوه      يبني دللوه

✿✿✿<><><>✿✿✿<><><>

ارضيع صابوك بسهم عبد الله يمه
دمك يسيل او والدك بيده يلمه
يا جرحه بعضيده الگمر امصابك يلجمه
الوجهك ايصد بالم والدمع هالي
يبني دللوه      يبني دللوه

✿✿✿<><><>✿✿✿<><><>

عطشان من دم رگبتك تغرك تروه
ذبحوك يمه بلا رحم وبلا مروه
يالبيك حاربني الدهر بيه اشسوه
منك حرمني يالولد هدموا احوالي
يبني دللوه      يبني دللوه

✿✿✿<><><>✿✿✿<><><>

عبد الله تدري ابموتتك احنيت ظهري
تأملت تكبر يالولد هيبتي وذخري
خليتني ابديرة غرب محتاره بامري
الصخر يمه الونتي حن وبجالي
يبني دللوه      يبني دللوه

✿✿✿<><><>✿✿✿<><><>

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏​​‏
اللهم صل على محمد وآل محمد 🥀

من قصائد رضيع المنايا

قصيده لعبد الله الرضيع عليه السلام كأني بلسان حال والدته...تقرأ بعدة اطوار

المستهل:

يالخذت مني الحيات   وعوضتني افراگك
يالعفتلي ذكريـــــــات   مهدك  وي گـماطك

يالعفت روحي تون
الشوفتك يبني تحن
شلون بيه يالولد لون طال اغيابك

          ༄🔥 ★═━━▒ ━═★🔥

اتعودت يوميه أهــزه المهد وتناغينـــــــي
وانتظر تغمض اعيونك عود أغمض عيني
هسه اهز ابمهد خالــــــي وشوفته تاذيني
وأشم بكماطك يغالي وعطرك ايبجيني

يمــــه واذكر منذبح
بيه يصرخ جم جرح
شلون بيه يالولد لون طال اغيابك

          ༄🔥 ★═━━▒ ━═★🔥

يمه امعلگــــه اثيابك بيه جن مثل  الـــحرز
واظل يم مهدك الخالي يبــني الوليلك وهز
اخفه لـــن صوتك اسمعه بسرعه مرعوبه أفز
ما اشوفك لن بروحي سيوف هجرانك تحز

جروحي تنزف بالدمع
النفس بيه ينگــــطع
شلون بيه يالولد لون طال اغيابك

          ༄🔥 ★═━━▒ ━═★🔥

اتحيطني اصورك يغالي بالنظر بس هنه اشوف
لوجه وعيونك الحلوه يمه بعيوني تـــــــطوف
هناك تهجم صوره يبني النحرك بيوم الطفوف
تصير ظلمه دنيتي واوگـع وازحف زحـــــوف

يالخذت حتى النظر
شلي بعدك بالعمـــر
شلون بيه يالولد لون طال اغيابك

          ༄🔥 ★═━━▒ ━═★🔥

شلون بيه وبيه كلشي يوجــــع وينزف ألم
عايشه بس ذكرياتك حتى حلوتهه هظــــم
يا حلم عمري الأنطره اتفرهد ابلحظه الحلم
ولأماني لبحـــــــياتي تنتهي ابخطفة سهــم

أمل عمـري ذابحينه
وذروا بالطف سنينه
شلون بيه يالولد لون طال اغيابك

          ༄🔥 ★═━━▒ ━═★🔥

روحي صحره اصبحت بعدك يا ورد عمري الذبل
بعد مــــــا جانت مزهره يبني بوجودك قــــبل
انحنه ظهري من شفت نابت بنحـــرگ  نبـــــل
وفوگ حزني اعليك يمه انسبي ونگــاد بحبل

امصايب الأمك لفتهه
موتتي اويــاك ردتهه
شلون بيه يالولد لون طال اغيابك

          ༄🔥 ★═━━▒ ━═★🔥

بالشمس اگعد نهاري بالهواجس اگظي ليلي
حرهه وي جمر الفگـد خله ايــــذوب دليلي
العمر ما اريده بعدك سلوتي يمـــه وخليلي
يالعفتني ويه مهدك شوفته اتهدملي حيلي

يمه يالماخذ الـروح
أشم بگماطك ونوح
شلون بيه يالولد لون طال اغيابك

          ༄🔥 ★═━━▒ ━═★🔥

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏

قصيده لمولاتنا زينب عليها السلام


صباح الموت زينب ذبحو حسين

 ▬▬▬▬ ◆ ▬▬▬▬

الله يساعدج ويصبرج ام عون
صباح الموت زينب ذبحو حسين

عگب ذاك الدلال تهل العيون
صباح الموت زينب ذبحو حسين

صفيتي الوحدج والحيل مرهون
صباح الموت زينب ذبحو حسين

مصابج موسهل ونگلج يهون
صباح الموت زينب ذبحو حسين

اخذي العين لوبچيچ عمه العين
صباح الموت زينب ذبحو حسين

 ▬▬▬▬ ◆ ▬▬▬▬

صباح النوح والدمعه الجريه
صباح الموت زينب ذبحو حسين

شسوت بخوتج هلغاظريه
صباح الموت زينب ذبحو حسين

هاي اجسادهم فوگ الوطيه
صباح الموت زينب ذبحو حسين

وباچر باليسر يالهاشميه
صباح الموت زينب ذبحو حسين

بدرب الموت يازينب تسيرين
صباح الموت زينب ذبحو حسين

 ▬▬▬▬ ◆ ▬▬▬▬

باجر بالفلا عگب الزلم ذيج
صباح الموت زينب ذبحو حسين

عگب عباس زينب من يباريج
صباح الموت زينب ذبحو حسين

يزينب من يخلي ايده بيديج
صباح الموت زينب ذبحو حسين

المن تشتكين من اليئذيج
صباح الموت زينب ذبحو حسين

لو جاسج هضم المن تحشمين
صباح الموت زينب ذبحو حسين

 ▬▬▬▬ ◆ ▬▬▬▬

جابو نوگهم يازينب بساع
صباح الموت زينب ذبحو حسين

وانتي بس دمعتج عندج متاع
صباح الموت زينب ذبحو حسين

مشيتج وين زينب عگب الوداع
صباح الموت زينب ذبحو حسين

بگيتي محَيره وانتي بهالاوضاع
صباح الموت زينب ذبحو حسين

من شفتي الكافلج مگطوعه جفين
صباح الموت زينب ذبحو حسين

 ▬▬▬▬ ◆ ▬▬▬▬

مصباحج يزينب موش مصباح
صباح الموت زينب ذبحو حسين

روس خوانج تشوفيها برماح
صباح الموت زينب ذبحو حسين

حسينج طاح زينب والولد طاح
صباح الموت زينب ذبحو حسين

عزج والدلال وي الاخو راح
صباح الموت زينب ذبحو حسين

بطرتج للعساكر والميادين
صباح الموت زينب ذبحو حسين

 ▬▬▬▬ ◆ ▬▬▬▬

تمت بفضل الله وبتوفيق منه

قصيده على طور اروحن وين خويه عگب الوداع للرادود محمد الحلفي

بقلم خادمة اهل البيت الشاعره أسيل الذهبي

نسألكم الدعاء بتعجيل الفرج لمولانا صاحب العصر والزمان عجل الله فرجه وسهل مخرجه

‏•❥ًً❀(•«﷽»•)❀❥•‏
اللهم صل على محمد وآل محمد 🥀

من قصائد رضيع المنايا

قصيده لعبد الله الرضيع عليه السلام كأني بلسان حال أمه الرباب...تقرأ بطور البحر الطويل وبعدة اطوار

المستهل:

فگدك يهد حيل الحيل يالعايفني بحزانك
يالماخذ اوياك الروح  ومتعلگه بأجفانك

✰───✰◐►(())◄◐✰───✰

يا صبر اليصبرني وأنه بيه الحزن طافح
يالمبتعد عن عيني وبُعدَك بالحشا جارح
أكابر والونين أخفي ودمعي ألي يهل فاضح
مو من ماي دمعي اعليك جمر فوگ الوجه طايح
أگظي الليل بالحسرات وتسعر بيه نيرانك

✰───✰◐►(())◄◐✰───✰

ساعه لو غبت عني أتيه ابعالم الأفكار
أحس جويات وسط لروح جن مستعره بيها لنار
يا سلوتي يوليدي ساعه لو غبت أحتار
شحالي بروحتك هايه يالعفت المهد تذكار
أهزن بي بونيني وأهود بيدي لمجانك

✰───✰◐►(())◄◐✰───✰

صغير اعله الذبح يمه وبيد الأبو يذبحونك
بسهم يكطع نحر الكبار عجيبه شلون يرمونك
رضيع بعمر ست شهور بنبل حرمله يفطمونك
يالضامي وتريد الماي بدم نحرك يروونك
كفيت البجي وهوديت وعفت البجي الاحظانك

✰───✰◐►(())◄◐✰───✰

حظني اعليك يوليدي ينوح ويبجي يوميه
واناغي المهدك الخالي وألولي يبني ليليه
عفت أمك ترتل احزان وتنعه بدمعه مجريه
يالماخذ الحيل اوياك اضلوعي اعليك محنيه
وريته اوياك دافني ييمه كون دفانك

✰───✰◐►(())◄◐✰───✰

اسمع صوتك يناغي ابلهفه ارگض المهدك
أظنن لولد جوعان اجيك ابسرعه أرضعنك
أمد الشَيلتك أيدي يبني حتى احظننك
من اشوفنه لمهد خالي تطيح اعله الارض أمك
وصيحن يمه عبد الله شوف شسوه هجرانك
✰───✰◐►(())◄◐✰───✰

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

من قصائد رضيع المنايا

قصيده لعبدالله الرضيع عليه السلام كأني بلسان حال والدته

بعدك بقيت امحيره عبدالله يبني
يوليدي يا ريع الگلب فگدك ضهدني

ومتيهه الراي
يا لبة احشاي
عبدالله يبني   عبدالله يبني

✿┈┈••  •✦♡✦•  ••┈┈✿

من يوم عني ابعدت وآنه بنحيبي
يالخذت عافيتي ورحت يبني وحبيبي
بطف كربله ما حسبت ايشح نصيبي

ابني يسلواي
يا لبة احشاي
عبدالله يبني   عبدالله يبني

✿┈┈••  •✦♡✦•  ••┈┈✿

يبني يعبد الله بدونك ظلمه عمري
رتك ييمه الكبرتي تجوتي وذخري
اعليك وازاني القدر حاربني دهري

خيبت رجواي
يا لبة احشاي
عبدالله يبني   عبدالله يبني

✿┈┈••  •✦♡✦•  ••┈┈✿

عبدالله يالمالك ذنب وگطعوا نحرك
يذبحوه ما صارت ابد يمه البعمرك
فطموك يوليدي بسهم ما رعوا صغرك

فجعوني بهاي
يا لبة احشاي
عبدالله يبني   عبدالله يبني

✿┈┈••  •✦♡✦•  ••┈┈✿

سهم ألي صوب رگبتك صوب دليلي
من شفت نحرك يالولد اصرخت ويلي
منظر فجعني منحرك هدملي حيلي

من عمت عيناي
يا لبة   احشـاي
عبدالله يبني   عبدالله يبني

✿┈┈••  •✦♡✦•  ••┈┈✿

ظليت من بعدك اون والگلب ينعاك
مگدر اعيش آنه العمر يمه بلياك
تنهش بروحي وبالعظم يا نار فرگاك

متعذبه هواي
يا لبة احشاي
عبدالله يبني   عبدالله يبني

✿┈┈••  •✦♡✦•  ••┈┈✿

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

آآآه يااا زينب 😭😭😭

الليله العاشر يزينب حضري روحج للسبي
وبعباتج يمولاتي باجر اتلوذ العبي 😭😭😭

بقلمي المتواضع