•‏​‏​​‏•❥ًً❀(•«﷽»•)❀❥ •‏​‏•‏​‏​​‏
اللهم صل على محمد وآل محمد 🥀
آآآه يااا زينب

قصيده لمولاتي زينب عليها السلام كأني بلسان الحال تخاطب أخيها أبا عبد الله الحسين عليه السلام
بعنوان( أخذ روحي ) تقرأ بعدة اطوار


أخذ روحي يخويه وكوم لعيالك
وصير اموذره يحسين أنه أبدالك
صعبه من انظر ألكم
ما  احمل  فكدكم 
أخذ روحي يخويه وكوم لعيالك

​ ┅┈●⇝╭✨╮⇜●┈

ما  احمل  افراكك  زين  تدريني
إذا ما شوف خواني شلي بعيني
بسهام  الفكد  هالزمن  راميني

الدهر هل قسه بيه
أون  ونه  خفيه 
كلش صعب بينه يحدي جتالك
أخذ روحي يخويه وكوم لعيالك

​ ┅┈●⇝╭✨╮⇜●┈

يهالوادم عزيز الاخو شكد غالي
تلوك عل الاخو يا جلمة الوالي
كلهم فرد ساعه طاحوا اكبالي

راحوا غدر مني
فركاهم كتلني
تحاربني يدهري بخوتي شمالك
أخذ روحي يخويه وكوم لعيالك

​ ┅┈●⇝╭✨╮⇜●┈

يا حزن الاحمله خويه جم أمصاب
عفتوني وحيده بين ناس اجناب
وآنه بت علي الكرار داحي الباب

صعب كلش عليه
آنه امشي سبيه
يحسين الكلب ينخاك نادالك
أخذ روحي يخويه وكوم لعيالك

​ ┅┈●⇝╭✨╮⇜●┈

ثجيل  الحمل أخيي  بي مَحَني
من انظر  بناته  حيل  ياذني
المصايبكم حزينه والظهر محني

شحمل يا رزيه
من الغاظريه
بيه تلوذ تبجي خايفه اطفالك
أخذ روحي يخويه وكوم لعيالك

​ ┅┈●⇝╭✨╮⇜●┈

بناتك  هدمن  حيلي  أبجيهن
يذوب الكلب من أسمع حجيهن
ينشدن عل الأبو يمته يجيهن

ليش الأبو غايب
ومحتاره شجاوب
ذبيح انت يغالي أموَذَره أوصالك
أخذ روحي يخويه وكوم لعيالك

​ ┅┈●⇝╭✨╮⇜●┈

بعد  بيمن  أزامط  يالاخو  أبيش
حرم واطفال من غاروا علينه الجيش
ريت  الموت  أليه وانتَ  التعيش

تظل تحمي الفواطم
أنتَ وكمر هاشم
وبناتك تبقه متنعمه ابدلالك
أخذ روحي يخويه وكوم لعيالك

​ ┅┈●⇝╭✨╮⇜●┈

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏​​‏
اللهم صل على محمد وآل محمد🥀
آآآه يا زينب

من قصائد جراحات السبي قصيده
قصيده كأني بلسان حال مولاتي زينب عليها السلام ... تقرأ بعدة اطوار


من كربله لرض الشام زينب مشت مسبيه
صاحـت يا حـامي الجار يا علي احظر ليه

┉━❀❥❃❥❀━ ┈┉━❀❥❃❥❀━┅┄

بسمك ارتل كل يـوم     رتك يا بويه اتجيني
من حقـد جور الظلام    يا حيـدر اتـحامـيني
متحيـره ابديـرة غرب    يا  بـويـه لتـخلـيني
ريـتك يـا والـد عبـاس جـفك يـفـيي اعلـيه

┉━❀❥❃❥❀━ ┈┉━❀❥❃❥❀━┅┄

ابگطعـة اجفوفـه للگـمر    يا بويه أنشل حالي
ابذبحة نحر سبط النبي    أنهدم سوري العالي
ظـلينـه اطـفـال وحـرم     مـا بقـه ألـنـه والـي
بـس العـلـيل وهـدتـه مـصايـب الـغـاظـريـه

┉━❀❥❃❥❀┄ ┈┉━❀❥❃❥❀━┅┄

احظرني يا حامي الحمه    حيدر او حامي جارك
لزينـبك ابدرب اليـسر      يا عـلي أشـهـر بـتارك
ناريـن البـاب أو خيـم     ابروحي تشب وي نارك
ونـار السبـي ومـگيـده يـا بويـه تحـرك بيـه

┉━❀❥❃❥❀━ ┈┉━❀❥❃❥❀━┅┄

احظـر وشوف اعلـه الهزل    الخِـدَر امـركبيـهه
اسيـاط العـدى وبكل حقـد    يا بويه تضرب بيهه
عيـون العـرش لمصيـبـتي    أدمـوع دم تبجيهه
اشـگف ضـرب عـن الحـرم متگيـدات أديـه

┉━❀❥❃❥❀━ ┈┉━❀❥❃❥❀━┅┄

يا ريـت حالـي تنـظـره     بالـشام من دخلونه
احـنه بنـات المصطـفى    خـوارج ايـسمـونـه
تالي بخرابه اعله تراب    اطفال وحرم گعدونه
مهـظـومـه تـكسر الگـلب تـريد الأبـو رقيـه

┉━❀❥❃❥❀━ ┈┉━❀❥❃❥❀━┅┄

اصغيـره بـويه بالعـمر     انـذال مـا رحمـوهـه
اخذولهه راسه بطشت    كال اللعين سكتوهه
لحيـته من دم النـحر     امـخضـبه وفجـعوهه
حظـنت الـراس وشمـته ومـاتـت عليّ البـنيـه

┉━❀❥❃❥❀┄ ┈┉━❀❥❃❥❀━┅┄


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏​​‏
اللهم صل على محمد وآل محمد 🥀
آآآه يا زينب

قصائد من جراحات السبي

قصيده بعنوان( درب الشام ) كأني بلسان حال مولاتي زينب عليها السلام تقرأ بعدة اطوار


يدرب الشام   حزن وآلام
يهد حيلي       يهد حيلي

شرر جمرات    نظر شمات
يهد حيلي       يهد حيلي

   *❈●••┈❁°•🎼••°❁┈•••✦❈*

مشيـت ومنحـني ظهـري وحبال اليسر بيـدي
الجبـل يتفسر الحـالي الحزني ينتـحب گيدي
شبعد عندج يدنيا هموم لزينب حملي وزيدي

أصبحت الايام   حزن وآلام
يهد حيلي        يهد حيلي
شرر جمرات    نظر شمات
يهد حيلي        يهد حيلي

   *❈●••┈❁°•🎼••°❁┈•••✦❈*

يهد الحيل فوگ اجمال هزيله وامشي مسبيه
وأنـه فـخر الخـدر كلفـه النـاس اتأشـر اعـليه
خـوارج  آ يـهـالـكلـمه خـلت جـم جـرح بـيـه

حكم ظُلام      حزن وآلام
يهد حيلي        يهد حيلي
شرر جمرات    نظر شمات
يهد حيلي        يهد حيلي

   *❈●••┈❁°•🎼••°❁┈•••✦❈*

تـذوب الروح وتألم من اشوف الروس فوگ ارماح
اليهـظمني بعـد عبـاس ابضعـنه يحـدي الذباح
يـا درب السبي للشام خلـه اجروح فوك اجراح

مـا تلـتام        حزن وآلام
يهد حيلي       يهد حيلي
شرر جمرات   نظر شمات
يهد حيلي       يهد حيلي

   *❈●••┈❁°•🎼••°❁┈•••✦❈*

من طف كربله للشام عفه گلبي اشحمل لوعات
جم صدعه انصدع قلبي حيلي اتهدمه الصدمات
ثلـث ساعات وكفـونه يـم بـاب اسـمـه السـاعـات

حرم وأيتام     حزن وآلام
يهد حيلي      يهد حيلي
شرر جمرات    نظر شمات
يهد حيلي      يهد حيلي

   *❈●••┈❁°•🎼••°❁┈•••✦❈*

رزايـا الدهـر راواني ومصاب اقسه من مصاب
عفت ولياني بلحومه حرمه امشيت ويه اجناب
ابخـرابه حيف تاليـها الفواطم تكعد اعله تراب

الجفن ما نام   حزن وآلام
يهد حيلي      يهد حيلي
شرر جمرات    نظر شمات
يهد حيلي      يهد حيلي

   *❈●••┈❁°•🎼••°❁┈•••✦❈*

الخرابه ليلهه موحش وترهب وحشة الظلمه
ورقـيه تلجـم اجـروحي بأبـويه ويـن يا عمه
شافـت بالطشت راسه شيـبه امخضب بدمه

هوت عالهام    حزن وآلام
يهد حيلي        يهد حيلي
شرر جمرات    نظر شمات
يهد حيلي        يهد حيلي

   *❈●••┈❁°•🎼••°❁┈•••✦❈*


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
جديد صفر 2024

قصيده لمشاية الاربعين للإمام الحسين عليه السلام للسائرين في طريق الجنه فصحى + شعبي...تقرأ نزله حماسي وبعدة اطوار

حيَّ على المسير
لـكـربــلاء نـسـير
لقبلة الأحرار //// ابن علي الكرار
الغـايه والمصـير

​ ┅┈●⇝╭✨╮⇜●┈

الزيارة الاربعين طلعت المشايه
توصل الطف الحسين الهدف والغايه
على هالمبدأ تسير وبالعهد وفايه
شدت احزام العقيده ابعزم ترفع رايه

الكبار ولصغار // لقبلة الأحرار
الغايـه والمصـير

​ ┅┈●⇝╭✨╮⇜●┈

كل سنه هذا عهدنه ننجمع يم الحسين
عالجدم مشايه نگصد نحيِي يوم الاربعين
أنذكرت ألنه بالروايه من خصال المؤمنين
هالزياره بألف حجه تنحسب للزائرين

نرفع لها شعار// لقبلة الأحرار
الغايـه والمصـير

​ ┅┈●⇝╭✨╮⇜●┈

الأسست للاربعين العقيله أم الخدر
اتوجهت لرض الطفوف راجعه من اليسر
بقت يم اگبور اهلهه تنعه وتهل العِبَر
الحره سنت الزياره وبدت من هذا الأمر

عهدٌ علينا صار // لقبلة الأحرار
الغايـه والمصـير

​ ┅┈●⇝╭✨╮⇜●┈

نستمر عل هالعقيده وابد ما نقطعها ابد
وبزيارة الأربعين كل سنه يزيد العدد
احنه ثوار الحسين بدمنه خطينه عهد
وبالمشي رايات نرفع بيها يا مهدي مدد

نحنُ لكَ أنصار// لقبلة الأحرار
الغايـه والمصـير

​ ┅┈●⇝╭✨╮⇜●┈

جم حديث وجم روايه الاكدت هذا الخبر
وهاي الاخبار صحيحه وبي سند هذا الأمر
عن زيارة الأربعين جعفر الصادق ذكر
اويانه يمشي وبيده رايه الإمام المنتظر

يقودُ الثوار // لقبلة الأحرار
الغايـه والمصـير

​ ┅┈●⇝╭✨╮⇜●┈

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

قصيده للمشايه كأني بمولاي أبا الفضل العباس عليه السلام رافع كفوفه يحيي بمشاية الاربعين
تقرأ بطور الحماسي وبعدة اطوار


رافع  اجفوفه
ايحيي بضيوفه
الاجت مشايه بيوم الاربعين

بالكرم معروف
بغيرته موصوف
هذا ابو فاضل ابن أم البنين

❥❥❀━┅┄✿┉━❀❥❃❥❃

اجفوفه عالگبه اترفرف رايه
تكول كــل الهله بالمشايه
خالصه النيه اجت ولغايه
ايواسون اختي ومخلصين بهايه

ينادي حي الله ونِعِم
اعليهم يفيض الكرم
الأجت مشايه بيوم الأربعين

❥❥❀━┅┄✿┉━❀❥❃❥❃

منين ما تگصد ابو فاضل تشوف
الله خلاه الدلاله بالطفوف
يكرم ويعطي الباري من الجفوف
باب للحاجات يكظيهه معروف

النخاه ابخيته
بعجل يقضي حاجته
الاجت مشايه بيوم الاربعين

❥❥❀━┅┄✿┉━❀❥❃❥❃

العباس واكف ابمداخل كربله
ايحيي بالزوار راعي المرجله
هلا بالگاصد حسين ويا هلا
جاي ويانه ايتلــگــه العايله

اعليهم ترف رايتي
ابشاربي وبحمايتي
الاجت مشايه بيوم الاربعين

❥❥❀━┅┄✿┉━❀❥❃❥❃

اجفوف ابو فاضل تحييهم تگول
هلا ابمشايه الاجت لبن البتول
المناير مـن بُعِد تعني الوصول
گــبــة العباس معناها الدخول

ضيوف عندي كلهم
آنه    المعزبهم
الاجت مشايه بيوم الاربعين

❥❥❀━┅┄✿┉━❀❥❃❥❃

امنين ما تمشي المهدي حاظر
ابكل حسينيه او دار او جادر
ايراعي الوفاد  يجبر خاطر
الخِدَم  جده  أبعزم ومثابر

وبسجلنه امسجيلنه
خادم لعترة نبينه
الاجت مشايه بيوم الاربعين

❥❥❀━┅┄✿┉━❀❥❃❥❃

المنتظر حاظر مع كل الصفوف
الاجت مشايه ملايين والوف
الكعبة الاحرار او بيهه تطوف
آنه ارعاهم ابعيني والجفوف

واليهل  دمعة  العين
بحرگه وي اخت لحسين
الاجت مشايه بيوم الاربعين

❥❥❀━┅┄✿┉━❀❥❃❥❃

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
لبيك يا حسين

قصيده للمشايه على طور قصيدة ناذر سنيني

بدت خطواتي    ابدمع آهاتي
             يا حسين

مشي أتعنه     الضامن الجنه
             يا حسين

▣———●•✿ ✿•●–––▣

أجيت يوم الاربعين احيي الزياره
زينب اذكرهه الگلب تتلهب ناره
شلون راحت وجت ابضعن الأُساره
هاج بيه الحزن ودموعي تتجاره

ويه زينبهم   اطلعوا كلهم
           يا حسين

أجت مشايه  رافعه الرايه
           يا حسين

▣———●•✿ ✿•●–––▣

المواكب بدت او رافعه اعلام
تصيح حي عالمشي صوب الإمام
ازحوف نگصد كربله وبكل عام
هالشعيره ابعين عدوانه أسهام

ما نطخ الراس   لا وحك عباس
           يا حسين

نبقه للتالي   نمشي للوالي
           يا حسين

▣———●•✿ ✿•●–––▣

جــينه عنايه گــــصدنه كربلاء
نمشي ويه موكب العفه والإباء
للفواطم صحنه كل احنه فداء
يقودنه المهدي حامل اللواء

كلنه تحت أمره   خاتم العتره
           يا حسين

عينه ترعانه    المهدي ويانه
            يا حسين

▣———●•✿ ✿•●–––▣

الكعبة الاحـــرار نتعنه زحوف
بأربعينه ابحزن وبدمعه نطوف
نزور ركن ألبي طاحت الجفوف
ويه زينب ننحب ابگلب اللهوف

ويه الفواطم    ننعه الاكارم
            يا حسين

نرفع الأيدين   ابصرخه املبين
            يا حسين

▣———●•✿ ✿•●–––▣

جينه يتسابك جدمنه ويه الگلب
ابربعينه نحظر الأغلى مــحب
كل بقاع الارض وحـدهه درب
هو درب حسين محروم العذب

نذكره بالماي   نصيح يا مولاي
           يا حسين

الجسمه كله اجراح   نفدي الارواح
           يا حسين

▣———●•✿ ✿•●–––▣

عل النهج هذا نبقه سائـــــرين
كل سنه ابكربله نحيي الاربعين
شما تمــــر اعوام وتمر السنين
بصرخه تدوي الكون لبيك حسين

نگولهه للدوم   ويلي عل المظلوم
         يا حسين

ساكن عيوني   عشگي وجنوني
          يا حسين

▣———●•✿ ✿•●–––▣

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
من قصائد رجوع موكب الإباء الى كربلاء

قصيده كاني بلسان حال مولاتنا زينب عليها السلام تخاطب ابن اخيها علي السجاد عليه السلام لوداع رقيه عليها السلام يوم الرجوع
تقرأ بعدة اطوار


يا علي السجاد خلي انشوفهه
اختك رقيه اليوم عمه انعوفهه

اوحيده تبقه وبگبر
ابغربه وصغيرة عمر
عمه راح ابقه احس ابخوفهه

❥✿•┈┈┈• • °{} • •┈┈┈•✿❥ 

عمه بيه وجع يلجملي الجروح
اشلون ويانه رقيه ما تروح
جني اسمعهه تحاجيني وتنوح

لا تخلوني ابغرب
الوَحَدي تحت الترب
عمه راح ابقه احس ابخوفهه

❥✿•┈┈┈• • °{} • •┈┈┈•✿❥

ارد احــاجيهه بــكلمات الـصبر
الخوف بلكي يروح منهه والذعر
حايـره يــا عمه وبـيش اعتذر
ابيش أنه احاجيهه
وشنهــو اليــهديهه
عمه راح ابقه احس ابخوفهه

❥✿•┈┈┈• • °{} • •┈┈┈•✿❥ 

يا علي حاجيهه بلـكت تطمَئِن
ايسير هــذا اليوم لازم الضعن
من بعــد كربله نرجع للـــوطن

ترد هاي العايله
بالهموم امحمله
عمه راح ابقه احس ابخوفهه

❥✿•┈┈┈• • °{} • •┈┈┈•✿❥ 

شلون حيره لو وصلت الكربله
وشاف اخوي حسين كل العايله
ناقــصه بالضعن وحده امدلله

لو سأل شنطي جواب
ظلت ابديرة اجناب
عمه راح ابقه احس ابخوفهه

❥✿•┈┈┈• • °{} • •┈┈┈•✿❥ 

يا رقـــيه عمه ادري تسمعيني
للگبر جينه أنودعج نظر عيني
هـنا نعـــوفج يا رقيه اعذريني

اعلينه هالموقف صعب
نعوفج ابديرة غرب
عمه راح ابقه احس ابخوفهه

❥✿•┈┈┈• • °{} • •┈┈┈•✿❥ 

راح اعوفج فتره وارجعلج بعد
عمــه بارض الشام ابــقه للابد
الـــج مني ارقيه يا عمه وعــد

اظل بالغربه وياج
آنه ابگبرج ارعاج
عمه راح ابقه احس ابخوفهه

❥✿•┈┈┈• • °{} • •┈┈┈•✿❥ 

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
من قصائد رجوع موكب الإباء الى كربلاء

قصيده كاني بلسان حال مولاتي زينب عليها السلام بعد ما ودعوا رقيه عليها السلام وبطريقهم لكربلاء...تقرأ بطور الرجالي الثكيل وبعدة اطوار


بــــألم وبـدمعات ودعناهه
من رجعنه الكربله وعفناهه

ــــــــــــــــــ❀•▣▣•❀ـــــــــــــــــــ

حيل صعبه انعوفهه بديرة غرب
ابحالة التوديع ظل يبجي الگلب
طفله بين اغراب تبقه شگد صعب
امودعه الله ارقيه نــــاديناهه

ــــــــــــــــــ❀•▣▣•❀ـــــــــــــــــــ

زيـــدت همنه رقـيه والمصاب
على الراس وماتت بديرة اغراب
اتحملت لوعات وانواع العذاب
اشكثر شافت جور من دنياهه

ــــــــــــــــــ❀•▣▣•❀ـــــــــــــــــــ

ابد ما هجعت ولا بطلت ونيــن
بقت تنشد عــن ابوها راح وين
شكثر هظموها بعد عين الحنين
ايدهـــه اصـــغار وحــبل أذاهه

ــــــــــــــــــ❀•▣▣•❀ـــــــــــــــــــ

مثل ورده وذبلت ابدرب اليسر
بالخرابه اونينهه ايفسر الصخر
ابــلزمة الــراس المنيه تنــتظر
آخــــر انفاس اطلعت شفناهه

ــــــــــــــــــ❀•▣▣•❀ـــــــــــــــــــ

صعبه مـو هينه نخليها ونروح
جملتني اهموم هالطفله وجروح
ودعتهه بونه وبحسره ونــوح
لـــــو بديه جــت اظــل وياهه

ــــــــــــــــــ❀•▣▣•❀ـــــــــــــــــــ

من عفتهه اهمومي ثكلت خطوتي
امشي محنية ظــــهر  يا حـــالتي
صرخ گلبي اشلون اعوف ابنيتي
وارجــع الطف كــــربله بلياهـــه

ــــــــــــــــــ❀•▣▣•❀ـــــــــــــــــــ


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

من قصائد رجوع موكب الإباء الى كربلاء

نعي للاربعين ابوذيه + مجاريد

الدنيـا اطش عليـه الحزن ولماي
شفـت اگـــبورهـم وزداد ولمـاي
على المذبوح وينه انشدت ولماي
المـشـه عباس إلـه ومـا رجـع ليه


نعي المجاريد

من درب الـرزايـا الكربـله جيـت
لحـباب الگـــلب هاليـوم رديـت
اشوف اهل الحميه شگد تمنيت

❀❀❀❀❀❀➠❀❀❀❀❀❀

امشي بالدرب يهلي وظنكم
تتلگــوهه من توصل اختكم
تالي  اگـبور ولياني شفـتكم

❀❀❀❀❀❀➠❀❀❀❀❀❀

شفت اگبوركم ولطمت عالراس
محنيـة ظهـر گــوه اجـر النفاس
هـا يحسين صحت وهـا يعـباس

❀❀❀❀❀❀➠❀❀❀❀❀❀

جبــت الـعايلـه يـحسيـن ويــاي
اجيتك يبن ابويه همومي اهواي
اريد اشكي لجرالي برفجة اعداي

❀❀❀❀❀❀➠❀❀❀❀❀❀

يحسيـن اجيـتك بعد الغيـاب
شفت الگبر خويه الگلب ذاب
ذبيـت  روحـــي  فوگ التراب

❀❀❀❀❀❀➠❀❀❀❀❀❀

احظنت تراب گبرك خويه يحسين
اجيـت وگـلت يتلگـانـي الـحنـين
شفـتك بالـگــبــر زيـدت الونـين

❀❀❀❀❀❀➠❀❀❀❀❀❀


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

من قصائد رجوع موكب الإباء الى كربلاء

قصيده للاربعين بطور الفزاعي الجنوبي وبعدة اطوار


من الشام اجت والعيله وياهه
زينب باللطم خــلي انتلگــاهه

{{{{{{{{{{{{{{{💔﴾}}}}}}}}}}}}}

رجع ضعن السبايا اليوم من الشام
اتلگوه ابعراضه وارفعوا الاعلام
نلطم  عالصدر  خلي نِطَبر الهام
نفدي ارواح لام عون ويتاماهه

{{{{{{{{{{{{{{{💔﴾}}}}}}}}}}}}}

اجتي الكربله بت علي هذا اليوم
اتلگوها واصرخوا ويلي عالمظلوم
خل ننحب اوياهه نهل دمع ادموم
ونعزي  العقيله  ابفگد  ولياهه

{{{{{{{{{{{{{{{💔﴾}}}}}}}}}}}}}

ويه العيله أجت مكسورة الخاطر
من ضيم اليسر جــور العساكر
مو جادر عزه ننصب جــــوادر
كون عيون نبجي المبجاهه

{{{{{{{{{{{{{{{💔﴾}}}}}}}}}}}}}

نلاگيهه ونلطم حـيل عالوليان
اعله هلهله وياهه نبجي ولدمع نهران
نصيح بصوت يحسين وگمر عدنان
الله  ابعونهه  اليسر  أذاهه

{{{{{{{{{{{{{{{💔﴾}}}}}}}}}}}}}

اذاهه اليسر كل حـيل ما بيهه
محنية ظهر جـــتي لهـــاليــهه
بجويات الجمر متأذيه رجليهه
متگبعه ابحزن الدهر خـلاهه

{{{{{{{{{{{{{{{💔﴾}}}}}}}}}}}}}

يم اگبور اهلهله اتصير لطـميه
نـــواسيهه ابــيوم الاربعــينيه
نصرخ بالطفوف الصرخه شيعيه
نقسم بالكفيل الاخته نفداهه

{{{{{{{{{{{{{{{💔﴾}}}}}}}}}}}}}


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

من قصائد رجوع موكب الإباء الى كربلاء

قصيده للاربعين على طور قصيدة (عذبني درب الشام ) لخادم المنبر الحسيني المله باسم الكربلائي


جيـت وجبـت الايتـام
يحسين وعفت الشام

گبرك اگـبالي
هدم احوالي 2
♾️▪️♾️▪️♾️▪️♾️

عفت الاجساد موذره ودمهه يفور
ارجعت هسه وشفت گدامي گبور
اعليكم انشد ابدمـع عيـني المنثور
وين الكفلني او وين العفته منحور

جــاوبني يالسجاد
انت ادفنت الجساد
گبور الغوالي
هدم احوالي 2

♾️▪️♾️▪️♾️▪️♾️

أرد اشتكيـلك عالـــيسر وايـامـه
أختـك غريـبه أمحـيـره باليـتامه
راسـك اگــبالي ابكربـله العـمامه
ابگطعة وريدك طاحت من الهامه

ظلت يم الاجسام
تحرس أثر الخيام
وشمر اليبرالي
هدم احوالي 2

♾️▪️♾️▪️♾️▪️♾️

من يا كتر ابدي الحجي خويه وياك
يـوم المشـيت اميـسره ويـه اعـداك
لـو عـن الشـام ودخلـته المنـظر ذاك
لو عـن ايزيـد وضربـه الـراسك أذاك

رحـلـة حـزن وآلام
بروحي نامت السهام
فگدك يوالي
هدم احوالي 2

♾️▪️♾️▪️♾️▪️♾️

مـن اطلـعت مـن يمكم وروحي تنوح
غصـباً عفـتكم والگـلب مملي اجروح
امشي جسد يمكم بقت خويه الروح
يـا جـرح اخلي وإلـك يا جـرح أبوح

اصعب هاي الجراح
بينـه يحـدي الذباح
حزن الصفالي
هدم احوالي 2

♾️▪️♾️▪️♾️▪️♾️

يـا ريـت شافـت عيـنك الخــرابه
والعيـله گعدت خويه عل الترابه
وتسمع رقيه من اصرخت يا بابه
والراس جابـوه منصبغ بخضـابه

شافـت نحـرك مذبـوح
طلعت من عدهه لروح
دمع اليلالي
هدم احوالي 2
♾️▪️♾️▪️♾️▪️♾️

رديـت يا خـويـه إلـك وشرديـت
ذبلـت اعيوني الكـثر دمـع الهليت
يبجي الصخر يا خويه لون ونيت
ورده إلـك ذبلـت بالخـرابه خلـيت

طفله وغفت عالراس
انگطعت كل الانفاس
راسك يوالي
هدم احوالي 2

♾️▪️♾️▪️♾️▪️♾️


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

من قصائد رجوع موكب الإباء الى كربلاء

قصيده للاربعين كأني بلسان حال مولاتي زينب عليها السلام تخاطب الناقه التي تحملها لتسرع بها الى كربلاء تقرأ بطور الرجالي الثكيل وبعدة اطوار


يا ناگه سرعي بخطوتج مشتاگه حيل الإخوِتي
يـا نـاگـه لا تـتمـهلي مـخـنـوك گلبـي بلـهـفـتي

جيت ذابحني الحنين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

جنحـان  اتـمنـه  ألـج  وبـيـه  تـطيريـن الـهلي
كلريح كون اسرع بعد اتوَصلِين للطف محملي
اتـنـزليني ما بين أخـوتي حسين ويـاه كافـلي
افـراگـهـم كلـش صعــب  لـو طـال هـو كاتـلي

الگلب ينبض بالونين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

أبحنانج آنه احلفج   بيج مضروب المثل
كلمن ايفارك احبابه او يحن لملاكه الاهل
أنتي يا ناكه الوسيله لشوفة اهلي والامل
الدمع جَرَح اجفوني دِمه يسيل من المُقَل

وهـذا يـوم الأربعـين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

اوياج ريت النوگ تسرع ابعجل نوصل كربله
اتريـد  اتـشوف الغـوالي  ابلهـفه كـل العـايله
تـدري هـاي النـوك تحـمل جـم عزيـزه امـدلله
وانـتي  يـا ناگـه عرفـتي  آنـه بت عقـد الـولـه

أيـام جنـه اميـسريـن
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

الموت اهون عليه من افراگ اهلي الغوالي
حيل صعبه اعليه مرت موحشه كل الليـالي
على  حـالي آ  ينـاگه  الصخـر  حـن وبجالي
ابعيله متمحنه وبغربه حرمه ما وياي والي

دمـع ما بطـلت العين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

كـل دقيـقه تمـر عليـه ايـزيـد شوگي والعـذاب
الغـربـه تسعـر نـار بيـه فـوگـهه فـراگ الـحباب
مدري شحمل من زماني جم جرح وشجم مصاب
كـون يا نـاگه خطـوتج اسرع من الهـوى الهاب

الكربله اوصل الحين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

ارفيـف گلبي حبس انفاسي واحس بيـهن جمر
كون اشوف اخواني هسه بعجل ما عندي صبر
روحـي  متـلهـفـه  علـيهـم  ابـو الاكبـر  والگـمر
واليـفارگ  اهـل  گـلبـه  الشـوفـهم  مـا يـنتظـر

يبقـه مهموم وحزيـن
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

لبيك يا زينب
الحمد والشكر لله والشكر لمولانا الحسين عليه السلام
متابعيني الاعزاء عظم الله لكم الأجر
وفقنا الله لمسير وزيارة الأربعين وكان لكم نصيب من الزياره نيابه والدعاء واهداء خطوات لكم داعيه الله أن يتقبلها مني ويكتبها لكم
خادمتكم الأصغر شأن والاقل قدر ما بين الخدم
أزهار جبار الجياشي

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
آآآه يا زينب
من قصائد عودة موكب الإباء الى كربلاء

قصيده لرجوع مولاتي زينب عليها السلام من الشام الى كربلاء وعزيزة أخيها رقيه عليها السلام ليست معها 😭
تقرأ بطور فزاعي جنوبي وعدة اطوار 


من الشام أجت زينب
رقيه موش وياها

      ▬▬▬▬ ◆ ▬▬▬▬

كومن  وتلكنهه
بفكد الاهل عزنهه
خل نون مثل ونهه
ونبجي مثل مبجاها

      ▬▬▬▬ ◆ ▬▬▬▬

وصلت كربله ونادت
زينبكم  تره  عادت
مصايب باليسر شافت
وتجري دموع عيناها

      ▬▬▬▬ ◆ ▬▬▬▬

جبت الروس يخواني
وجنت اشكيلها احزاني
يبو   الاكبر   تلكاني
وعتبت عله ولياها

      ▬▬▬▬ ◆ ▬▬▬▬

بس  كبور  شافتهم
الحرم هلت مدامعهم
ينشدون عله كافلهم
أتعاتب كمر دنياها

      ▬▬▬▬ ◆ ▬▬▬▬

طاحت فوك كبر حسين
كالتله  ينور  العين
عفتكم عل الثره موذرين
وهسه كبور شفناها

      ▬▬▬▬ ◆ ▬▬▬▬

صوت من الكبر سمعت
رقيه  ليش  ما  ردت
وين  أبنيتي  ظلت
عليه كلف فركاها

      ▬▬▬▬ ◆ ▬▬▬▬

راسك  شاف  حالتهه
فوك  النحر  موتتهه
بارض الشام دفنتهه
وحيده هناك عفناها

      ▬▬▬▬ ◆ ▬▬▬▬

يم كبور اهاليها
تشكي جور اعاديها
تون تنعه غواليها
زينب ياهو عزاها

      ▬▬▬▬ ◆ ▬▬▬▬

سوت الاربعينيه
والدمعات مجريه
نار الكلب مسريه
تبث للاهل شكواها

        ▬▬▬▬ ◆ ▬▬▬▬


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
آآآه يا زينب
من قصائد عودة موكب الإباء الى كربلاء

قصيده كأني بلسان حال مولاتي زينب عليها السلام
تقرأ مربوعه وبأطوار اخرى


رجعت الكربله يحسين شفت كبور كدامي
رديت بحرم واطفال أصيحن وين ولياني

     ٭★•••٭★٭•••★٭•••★٭•••★٭

عمـه يا علـي السجـاد دليـني بأبـو اليمـه
أشكيـله هظـم وهمـوم مـن اكعـد أنه يمـه
أحجيله عن الانذال شلون بسوط تضربنه

يهظموني ويشتموني 
وصيحن وين ولياني

     ٭★•••٭★٭•••★٭•••★٭•••★٭

شجـاوب لـون ينـشدني رقـيه ليـش عفتـيها
شكـله ماتـت عل الراس مـن شبكـته بيديها
مصيبه عل المصايب هاي الاختك لفت ليها

رقيـه زيـدت هـمي 
وصيحن وين ولياني

     ٭★•••٭★٭•••★٭•••★٭•••★٭

رجعـت لكربـله يحسين جبـت الراس ويـايه
أخبـرك باليـسر يا خـوي جانـت بيـه سلـوايه
احاجي لراس يبن أمي واشكي هظم دنيايه

رديته الك يا مظلوم 
وصيحن وين ولياني

     ٭★•••٭★٭•••★٭•••★٭•••★٭

يخويه من ادخلت للشام شفنه الناس فرحانه
خـوارج خويـه سمونـه واحنـه الديـن واركانه
احنـه بس حـرم واطفال وعليل ألي بقه ويانه

حرمه اتمحنت بيهم 
وصيحن وين ولياني

      ٭★•••٭★٭•••★٭•••★٭•••★٭

دليني عل الشبان اريد اكعد وحاجيهم
وكلهم باليسر شحال عمتهم وبجيهم
لا خوان لا وليان بس عدوان تحديهم

صفوا نومه عالتربان 
وصيحن وين ولياني

     ٭★•••٭★٭•••★٭•••★٭•••★٭

أخذني للكمر عباس بكافل ضعني دليني
اشلع سهـم البعيـنه واخلي مكانهن عيني
وأرد جفـوفه لزنـوده واكـله كـوم وديـني

نخيته بس صدى يرجع 
وصيـحن ويـن وليـانـي

     ٭★•••٭★٭•••★٭•••★٭•••★٭

صبرج آ يـبت حيدر درس تتعـلمه النـسوان
بطلة الطف يسمونج ويبقه هالاسم عنوان
بهيبة فاطمه أمج خطبتي بمجلس العدوان

أهتـز الـقـصر بيـهم 
وصيحن وين ولياني

    ٭★•••٭★٭•••★٭•••★٭•••★٭

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
آآآه يا زينب
من قصائد عودة موكب الإباء الى كربلاء

قصيده كأني بلسان حال مولاتي زينب عليها السلام
تقرأ بطور البحر الطويل وبعدة أطوار


يا عيني على الاحباب هلي دمعتج هلي
راحوا بعد ميعودون وبشوفج أنا شلي

     ❁•••؛؛؛؛؛؛{{{•⬛•}}}؛؛؛؛؛؛•••❁

رجعـت الكـربله يحسـين وبيـا حال أنه رديـت
بس گبور اشوفنكم يخويه بعيـني من صديت
نـاديت ابگـلب مجمـور اويـاكم ميـته يا ريـت

يخويه من شفت لكبور منظر حيل هدمني

     ❁•••؛؛؛؛؛؛{{{•⬛•}}}؛؛؛؛؛؛•••❁

حاربنـي الوكـت بيكـم وعنـكم فارگاني البين
وبـكـربلـه عفـناكم فـوگ الـتـرب متـوسديـن
جثثكم ظلت اعله الگاع مشينه بيسر مسبيين

ونـار الفـگد للوليـان ظـلت بالـحـشا تسـري

     ❁•••؛؛؛؛؛؛{{{•⬛•}}}؛؛؛؛؛؛•••❁

شلون ارجع يبو لسجاد وعيني تصد منازلكم
وبيـا عيـن آ يـا خـوي خليـه أشوفـهه مـنكـم
شـلي بشوفـهن العـيون اذا بيهـن مشوفـنكم

راح النظـر ويـاكم فگـدكم هـل حنـه ظهري

     ❁•••؛؛؛؛؛؛{{{•⬛•}}}؛؛؛؛؛؛•••❁

لا يـوكف أبـد دمعـج ومـن البـجي لتبـطلين
اريـد وي الدمـع شوفـج ينزل كـون آ يا عين
يا شوف البعد يحله عكبكم يخوتي الطيبين

دمعتي لفگد اهل بيتي تهل شما بقه بعمري

     ❁•••؛؛؛؛؛؛{{{•⬛•}}}؛؛؛؛؛؛•••❁

أريـد أعميـج آ يـا عيـن ولتـشوفيـن منـازلـهـم
خليه من اخوتي لطيبين تذوب الروح فركتهم
شلـي بيـج آ يـا عيـن إذا مـا شـوف النـحـبهـم

جفنج كون لا يغفه ودمعج خل يظل يجري

     ❁•••؛؛؛؛؛؛{{{•⬛•}}}؛؛؛؛؛؛•••❁

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
عودة موكب الإباء  ألى كربلاء

قصيده للاربعين عندما رجع ضعن السبايا
تقرأ مربوعه وبعدة أطوار


رجعـنه مـن اليـسر نـزور اهالينه
بحسرات ونياحه ودمع يجوينه

       ᯽┈⊰᯽┈⊰᯽┈⊰᯽┈⊰᯽

مـن كـرب ضعـنه ارواحنـه لابـت
شفـنه كبـورهـم وكـلوبـنه ذابـت
جن شفنه سهم بعين الكمر نابت
تـذكرنه الاعـادي شلـون تسبـينه

       ᯽┈⊰᯽┈⊰᯽┈⊰᯽┈⊰᯽

جـن  شفـنه  شباب  أتحـنه  بخـضابه
وطفـل عطشان سهم الغدر من صابه
وكفيـل  المـا  رجـع  والماي  ما  جابه
طاح عل النهر صوب أخته صد عينه

       ᯽┈⊰᯽┈⊰᯽┈⊰᯽┈⊰᯽

تِـذَكرنَـه الضلوع شلـون سحـكوها
وشـلون  الخيـم  بالـنـار  حـركـوها
الفواطم  تنسبي وبحـبال كيدوها
الشمـر يـا وسفه يحـدي بالضعينه

        ᯽┈⊰᯽┈⊰᯽┈⊰᯽┈⊰᯽

رجعنه من اليسر نشكيلكم الاحوال
تهـد  الحيـل  يهـلي  رفـكة  الجـتال
يـا  صبـر  الاحمـله  ما  تحمله جبال
بعـد ذيـج النـشامـه العـدا تـحديـنه

       ᯽┈⊰᯽┈⊰᯽┈⊰᯽┈⊰᯽

يـم كبـورهـم خـل نـجلب الـونه
ونـرَوِي عطشهم مـن مـدامـعنه
ونـسوي عـزا لـحسين الـمجــنه
وابـو النوماس أنـعتبه بنواعينه

       ᯽┈⊰᯽┈⊰᯽┈⊰᯽┈⊰᯽

شلـون ارجـع الـدار الاهـل مـا بيـها
خليـه ديـارهـم  والـحـزن  غاطيـها
منـازلهـم تبـجيـني مـن اصـد  ليـها
جـانـت مـزهـره بـوجـود اهـاليـنه

       ᯽┈⊰᯽┈⊰᯽┈⊰᯽┈⊰᯽

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
آآآه يا زينب

قصيده للاربعين  بعنوان( خويه عباس ) كأني بلسان حال مولاتي زينب عليها السلام تخاطب اخيها وكافل خدرها ابا الفضل العباس عليه السلام بعد عودتها من الأسر الى كربلاء...تقرأ بعدة اطوار


أجيت محروكه عباتي    خويه عباس
والسبي بهذل خواتي     خويه عباس

اكعد اكعد يا كمر 
آنه جيت من اليسر
خويه عباس         خويه عباس

       ༄ ★═━━▒ ━═★༄

خويه جيتك أشتكيلك باليسر يا حال حالي
من بعـد بدر الهواشم مظلـمه اعليه الليـالي
بظهر عاشر مني راحوا أعزاز كلبي والغوالي
وبيـن عدواني وحيـده مـا بقـه ويـاي والـي

عكس وياي الدهر     آنه بت خير البشر
    خويه عباس           خويه عباس

       ༄ ★═━━▒ ━═★༄

خلي اسولفلك يوالي كل عذابي وحيرتي
خويـه مشوني سبيـه من بعـدكم يخـوتي
الشمر يضربني حسافه وهو يحدي ناكتي
افتح عيونك يخويه وشوف صعبه حالتي

أنهض وطر الكبر      شوف جويات الجمر
   خويه عباس         خويه عباس

       ༄ ★═━━▒ ━═★༄

خويه اكعـد شوف حالي حيـل متغيـره تـره
من يوم ما عنكم مشيت وي العده متيسره
ابضـرب وصيـاح خويه وآنه حرمه امخدره
يالنـمت فـوك الشريـعه وتـركتـني امحـيره

ارجعت هسه من اليسر    شوف متني يالكمر
    خويه عباس       خويه عباس

       ༄ ★═━━▒ ━═★༄

جيت يا كافـل خدرنه جيـت اراويك الخدر
أثـر عطـابه بعبـاتي برجـلي جويـات الجـمر
والكلب فايـض حنـينه الخيي عبـاس الكـمر
منجرح ادري إحساسك من مشيت آنه بيسر

كوم يا راعي الفخر    اتمرجل عليه الشمر
      خويه عباس       خويه عباس

       ༄ ★═━━▒ ━═★༄

معذور يلطاحن جفوفك ادري ترهب غيرتك
بـاليـسر مـا هبـط راسي زينـب آنـه خـيتـك
عالهـزل مـن ركبـوني روحـي هـي النـادتـك
غصب عنِي مـن اعـاتـب وأنتـخي بمـروتـك

داروا علينه الكفر    اسياطهم تركت أثر
    خويه عباس       خويه عباس

       ༄ ★═━━▒ ━═★༄

أرجعـت يا خـويه اريـدك تـنهض وبيدك تردني
وكافـي ايـام وليـالي محيـره الوحـدي عفـتـني
خويه يالدكيت صدرك من اطلعت وانت الجبتني
عكـب عينك يبـو فاضل اسياطهم ورمت متني
وعتنيتك للنهر         وآني محنية ظهر     
      خويه عباس        خويه عباس

       ༄ ★═━━▒ ━═★༄

تمت بفضل الله وتوفيق منه

بأقلام خادمات أهل البيت عليهم السلام

✍# أزهار جبار الجياشي
✍# الشاعره والملايه أم علي أفضل الزينبي

غير مبري الذمه من يحذف أسماء الشاعرات أو يغيرها 

        نسألكم الدعاء
والفاتحه لأرواح المؤمنين والمؤمنات وبالخصوص والد الخادمه أزهار جبار الجياشي


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

قصيده لمولاتنا زينب عليها السلام ولرجوعها لمدينة جدها رسول الله صل الله عليه وآله وسلم ولدار اخيها الحسين عليه السلام...على طور قصيدة( أدعي يا زينب أمانه ) لخادم المنبر الحسيني المله باسم الكربلائي


رجعت الدار بسلامه
بالحـرم  ويه اليتامه
سلامه ومنجرح من عدهه الحساس
ابفگدهه حسين ويه الـــــگمر عباس

❥━──➸➽❂❥━──➸➽❥❂

رجعت زينب وهمهه ابگبـر الجبال
محنيه الظـــهر منهه الـــدمع همال
وصلت دار اهلهه اتهدمت الحــوال
شافتهه خـــليه وبيهه اثــــــر چتال

للاهل شمت عطرهم
حنت او ونت لاثرهم

يا جــــمر المصيبه للعـظم جـاس
ابفگدهه حسين ويه الگمر عباس

❥━──➸➽❂❥━──➸➽❥❂

هِـــدمَت حيلهه  شافت عليلتهم
بعــدهه باقيه أبأمــــــل رجعتهم
ابحرم واطفال شافتهه ضعينتهم
بس باقي العليل الرجع من عدهم

صاحت ابحزن العليله
ويـــن ابويــه يالعقيله

وين إلـــــي اطلعوا وياج حراس
ابفگدهه حسين ويه الگمر عباس

❥━──➸➽❂❥━──➸➽❥❂

من سمعتهه زينب انهدت وطاحت
جــرت  دمعاتهه  وبــهــظم نــاحت
يــــابت الاخـو شحجيلج وصاحت
كلهه بيوم عاشر إخــــوِتي راحــت

عالتـرب ظلت جثـثهم
بالسبي راحت حرمهم

و مشت عمه الفواطم ويه الارجاس
ابفگــدهه حسين ويه الگـــمر عباس

❥━──➸➽❂❥━──➸➽❥❂

واعدني  الابـو  يـــــرجع  أليه
وبقيت امناطره صبح ومسيه
شلــون ايـروح  العــايف ابنيه
عليله  بــدار مـن عنـــده خليه

ابقه بحزاني او ونيني
حسره ظلت ما يجيني

مـن ودعني گلبي ابموتـته حـاس
ابفگدهه حسين ويه الگمر عباس

❥━──➸➽❂❥━──➸➽❥❂

ابدار حسين ناحن بالهظم كلهن
بالجــدران سال الدمع من ونهن
أجتي بالعزه الـــــحره تشاركهن
أم عـــــباس حامـيهن وكـــافلهن

بحرگه صاحت يبني يحسين
جــــــاوبن  عـباس  الحـنين

غيـور ومرجله وصاحب النوماس
ابفگدهه حسين ويه الگمر عباس

❥━──➸➽❂❥━──➸➽❥❂


الحره وي العقيله اتلاگـن أبـــونه
يزينب الــگـمر أرد  انشــــدج عنه
خـــوفي قصر  اويــــــاكم المجنه
حليبي اعله إخوِتَه وعليه أحرمنه

أخواني يالماكو  مثلهم
والنعم  منــــج  ومنهم
فِـده للخوه عيـن اجفوف ولراس
ابفگدهه حسين ويه الگمر عباس

❥━──➸➽❂❥━──➸➽❥❂


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

قصيده كأني بلسان حال مولاتي زينب عليها السلام عندما رجعت لمدينة جدها رسول الله صل الله عليه وآله وسلم ولدار اخيها الحسين عليه السلام...تقرأ بطور المربوعه وبعدة اطوار

وصلت الدارهم والروح نحلانه
انهدم حيلي شفت الدار خلوانه
.
↡✿↡┅┅┅┅✥🖊️✥┅┅┅┅↡✿↡

خلوانـه وتـــون يهـلي منـازلكم
تذوب الروح من انظر اماكنكم
شفت بالدار باقي اثر من عدكم
جنـه يگول ويـن الجانوا اهنانه
.
↡✿↡┅┅┅┅✥🖊️✥┅┅┅┅↡✿↡

احس الدار تنشدني اعله ساكنهه
اسمـع بالـصدى آه وحـزن ونــهـه
اهـل روحي شفـت ظلمه منازلهه
الـجمـر فراگــهم بالگــلب جـوانه
.
↡✿↡┅┅┅┅✥🖊️✥┅┅┅┅↡✿↡

المنازلهم دخلنه والدمع مسفوح
سلمـنه عليـهه بالــهظم والنــوح
خليه اديارهم تلجم الي الجروح
دار حسيـن الگلبي كثرت احزانه
.
↡✿↡┅┅┅┅✥🖊️✥┅┅┅┅↡✿↡

يـــا دار الاهــل برمـاح ترمـيني
من شفتج خليه ومظلمه بعيني
يدار احبـابي تهظمني وتبجيني
يا شوفـة اثـــــرهم حـيل اذانـه
.
↡✿↡┅┅┅┅✥🖊️✥┅┅┅┅↡✿↡

جملني زماني اهموم فوگ اهموم
ويـايه الحزن عايـش يظـل للدوم
عيـوني ما غفـت لا طاوعت للنوم
مـن فـراگ الأهـل بالدمـع سهـرانه
.
↡✿↡┅┅┅┅✥🖊️✥┅┅┅┅↡✿↡

منظر دارهم زيــد ألـــم گــلبي
عيوني بالدمع لـركانـهه تربـــي
لون اعتب عليمن يا هلي عتبي
عليكم لـو على دنيـتي الخوانه
.
↡✿↡┅┅┅┅✥🖊️✥┅┅┅┅↡✿↡

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979