•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

من قصائد ديـوان  رثاء وارث الأنبياء الجزء الأول

قصيده للهلال...تقرأ فزاعي وبعدة اطوار


احا يهلال الحــــزن
هيج جميع اجروحي

•┈•❈​❉✹✹❉❈ •┈•

هيج جرح ماله شفه
بي صحت عالدنيا العفه
والگلب بهمومه صفه
بعد حسين مذبوحي

•┈•❈​❉✹✹❉❈ •┈•

يهلال ذوب مهجتي
يالبيك حيره حيرتي
امذبحه گدامي اخوتي
واخفي الفگدهم نوحي

•┈•❈​❉✹✹❉❈ •┈•

ايروح مني جم بدر
يالخاطري وگلبي انكسر
تسحگ اجدامي عالجمر
ومتهدمه كل اصروحي

•┈•❈​❉✹✹❉❈ •┈•

يهلال بيك اشجم جرح
وجم حيد مرمي منطرح
وجم راس اشوفه منذبح
شوفته اتذوب روحي

•┈•❈​❉✹✹❉❈ •┈•

احا يهلال الهظم
ابأيامك يهدني الألم
مني يروح راعي العلم
اعليه الدمع مسفوحي

•┈•❈​❉✹✹❉❈ •┈•

يالبيك انگـاد ابحبل
وامي يشتمهه النذل
الاصعب رگبتي عالهزل
بالحزن عيني توحـــي

•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•❥ًً❀(•«﷽»•)❀❥•
اللهم صل على محمد وآل محمد 🥀
من قصائد ديـوان رثاء وارث الأنبياء الجزء الأول


نعي لمولاتي العليله عليها السلام
مقدمه بالفصحى + أبوذيه + مجاريد
               

كتَبتُ كتابي بجمرِ أضلُعي
ومزجتهُ بآهاتي وفيضَ أدمُعي
تُعاتبهُم روحي بآهٍ وحسرَةٍ
وختمتَهُ بآلام الجروحِ وتوَجُعي

•┈•❈​❉✹✹❉❈ •┈•

نعي الابوذيه

بكتاب الشوك خطيته وعتباي
شما أصبر حزن گــلبي يعتباي
تنطركم بقت روحــــي بعتباي

وإذا ابطيتوا عليهه تموت هيَ

•┈•❈​❉✹✹❉❈ •┈•

شحال بلا أبو اليبقه  ولمه
كلام العتب يطشر  ولمــــه
لَمن سار الضعن وأبعد ولمه

جفوني وأوجروا نيران بيه
       
•┈•❈​❉✹✹❉❈ •┈•

حسين بدمعي ناديته وصحتاه
أنتوا للجسد روحـــه وصحتاه
نغزني الگلب من رحتو وصحتاه

وطحت مهدود حيلي اعله الوطيه

نعي مجرد

رحت يا بــويه وعفتني
وبالدار بس آنه اتركتني
ويه خواتي ما خــذتني
              
•┈•❈​❉✹✹❉❈ •┈•

من دونهن وحدي بقـــيت
وياك كل  اهلي خـــــذيت
توسلت خذني شگد بجيت

•┈•❈​❉✹✹❉❈ •┈•

اعله افراگـهن تدريني  مــگدر
وبدونهن يا بـــــــويه  مصـــبر
من مشن عنــــي گــلبي  تفطر

•┈•❈​❉✹✹❉❈ •┈•

آه شگـد صعب يفراگ الخوات
جـــــرحهن يظل يـنزف للمات
وما يسوه العمر دون الحبيبات

•┈•❈​❉✹✹❉❈ •┈•

انظرلهن وينظرن هنه ليه
ودمعاتنه تجري سويــــه
رجعلي صحت ما ردن عليه

•┈•❈​❉✹✹❉❈ •┈•

أبعد ضعنهم ومتشوفه العــين
صحت اوداعة الله يالمرحلين
ومهظومه ارجعت لديار الحسين

•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
من قصائد ديـوان رثاء وارث الأنبياء الجزء الأول

قصيده لمولاتي فاطمه العليله عليها السلام كأني بلسان حالها
تقرأ بطور المربوعه وبعدة اطوار


وحشه الدار     يالرحتوا وهجرتوها

•┈•❈​❉✹✹❉❈ •┈•

وحشه داركم وشلون اظل بيها
تون دار الاهل وتريد راعيها
منازلكم تبجيني من اصد ليها
عليلتكم بهاي الدار عفتوها

•┈•❈​❉✹✹❉❈ •┈•

خليه دياركم مظلمه وحزنانه
عليكم بس اون والروح عدمانه
وين اهل المحنه الجانوا هنانه
مكسورة گلب بتهم يخلوها

•┈•❈​❉✹✹❉❈ •┈•

يا وحشة الدار التاكل بروحي
ويا فگد الاهل المكثر جروحي
اظل للموت أون ما ينگطع نوحي
وبنار البعد روحي تحرگوها

•┈•❈​❉✹✹❉❈ •┈•

بعتبة بابكم أنتظر يحبابي
يجي منكم خبر أيهون مصابي
لون اعتب عليكم يوجع أعتابي
برجعتكم تره روحي تردوها

•┈•❈​❉✹✹❉❈ •┈•

انا والدار ننطر رجعة الغياب
جمر الفرگه يهلي بالگلب لهاب
متأمله ألي تردون يالاحباب
تطيبون الجرح روحي تفرحوها

•┈•❈​❉✹✹❉❈ •┈•

بس يا حيف منكم خابت ضنوني
ودمع افراگم طفه ضوه عيوني
مشيتوا يا هلي وبس آنه عفتوني
ظلمه دياركم انتوا التنوروها

•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
من قصائد ديـوان رثاء وارث الأنبياء الجزء الأول

قصيده لشجاعة مسلم ابن عقيل عليه السلام
تقرأ نزله حماسي وبعدة اطوار


صال مسلم صوله هز اركانهه
الكوفه مرعوبه اشردت فرسانهه

•┈•❈​❉✹✹❉❈ •┈•

صال بعيونه غضب يجدح شرار
تشاردت گدامه  اكــبار وصغار
صاحوا اعلينه هجم حامي الجار
الخيل مرعوبه اركبت خيالهه

•┈•❈​❉✹✹❉❈ •┈•

من نزل ميدانهه بهيبه السفير
الكوفه كلهه بنزلته علنت نفير
خلهه ناس بناس مسلم تستجير
بصولته الكوفه قلع بيبانها

•┈•❈​❉✹✹❉❈ •┈•

جنه عمه بيوم خيبر من هجم
بجفه شال الباب ارعبهه الزلم
سيفه منه غدت تطاير حمم
الكوفه خلاها تشب نيرانهه

•┈•❈​❉✹✹❉❈ •┈•

ابو طاهر بالحرب سيطه عله
شبه بينه وبين شيال اللوه
من هجم بالكوفه سوه زلزله
وهزه صارت بأرض كوفانهه

•┈•❈​❉✹✹❉❈ •┈•

جيوش اميه اگبال مسلم اشردوا
وكل جحافلهم اعليه مگدروا
بلخديعه اتمكنوا بي امكروا
وروحه الزكيه فاضت بتربانهه

•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
من قصائد ديـوان رثاء وارث الأنبياء الجزء الأول


قصيده فزاعيه لمسلم ابن عقيل عليه السلام


صاحت تستغيث الگوم
مسلم من طلع ليها

•┈•❈​❉✹✹❉❈ •┈•

عليهم كالاسد من غار
خله ابطالهم طشار
شجاعة حيدر الكرار
گلب عاليها  واطيها
                
•┈•❈​❉✹✹❉❈ •┈•

رجفوا من طلع ليهم
وحده غاير عليهم
لعب سيفه لعب بيهم
وتتصارخ مخليها

•┈•❈​❉✹✹❉❈ •┈•

ترهب غزرة عيونه
وما گدروا يلاوونه
بابو فاضل يشبهونه
اول تضحيه مسلم يبديها

•┈•❈​❉✹✹❉❈ •┈•

لو ما ينغدر ما طاح
فدائك سيدي من صاح
ترخص دونك الارواح
حياتي ألك أفــديها

•┈•❈​❉✹✹❉❈ •┈•

قبل لا تغمض عيونه
اتمنه اهله يحظرونه
واولاده اليشيعونه
وحميده ايسلم اعليها
•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏​​‏
اللهم صل على محمد وآل محمد 🥀
من قصائد ديـوان رثاء وارث الأنبياء الجزء الأول


قصيده كأني بلسان حال  حميده بنت مسلم عليهما السلام...تقرأ بعدة اطوار

يالخذت روحي ومشيت أنتظر يمته تجيني
ما طبك جفني وغفيت امحاربه للنوم عيني

•┈•❈​❉✹✹❉❈ •┈•

بويه مسلم من مشيت بيك روحي اتعلگت
من درت ظهرك عليه آ يبويه وسافرت
تدري بغيابك يغالي آنه حيل اتمرمرت
بغير شخصك يلحنين بويه لنفس ياذيني

•┈•❈​❉✹✹❉❈ •┈•

من رحت عني ومشيت أترده بعدك حالي
گلبي  غارگ   بالهموم  ابغيبتك  يالوالي
ابروحهه  ايشيخ  الوجع  التفارگ غالي
ميته من دونك يبويه ابجيتك تحييني

•┈•❈​❉✹✹❉❈ •┈•

وياك يالماخذ فرحتي وبالحزن بعدك بقيت
الليل تشهدلي نجومه امساهره وشگد بجيت
عيني طاحن اعله دربك بويه من يوم المشيت
من جمر تنزل دمعتي مسعره وتجويني

•┈•❈​❉✹✹❉❈ •┈•

تدري لا ما تدري إنتَ اخلافك شنهو الجره
للعزيزه  ابنار  بعدك  يالعفتهه  امرمره
الصغير اعله الصبر بفراگ الابو شيصبره
أكبار ما تحمل الفرگه وأنه صغيره سنيني

•┈•❈​❉✹✹❉❈ •┈•

اشلون اتحمل ابعادك يل امعلمني عليك
ابحظنك الدافي الوذن وغفه يوميه اعله اديك
الوجهك اتخيل يبويه ابلهفه ارگضله واجيك
اوصل والگا خيال ابحسره ارجع تبجيني


•┈•❈​❉✹✹❉❈ •┈•

يا حنان الله العفتني اوداعـــــة الله يالحبيب
ترافگـك بويه السلامه وأنه يرافكــــني النحيب
ويبقه ينزف جرح بُعدك ابروحي وابداً ما يطيب
واظل مهظومه وحزينه وما أبطل اونيــــــــني

•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
من قصائد ديـوان رثاء وارث الأنبياء الجزء الأول باب( سقوط الگمر فوگ النهر )

قصيده لمولاتنا زينب عليها السلام كأني بلسان حالها تكلم نهر العلگمي ...تقرأ بعدة اطوار


ما اريد مايك  يا نــهــر
بس رايده ايردلي الگمر

خلي العطش ياذيني
بس ردلي ضيّ اسنيني
ما اريد مايك يا نهر

•┈•❈​❉✹✹❉❈ •┈•

خل يذبح بروحي العطش خل جبدتي تتگطع
خلي اموت من الضمه بس ألي الكافل يرجع
يُولِيني بغيابه الهظم ابگلبي الحزن يتربع
لروحي تؤمها الكمر بدونه الروح تتوجع

بعطفه الاخو يرويني
بس ردلي ضيّ اسنيني
ما اريد مايك يا نهر

•┈•❈​❉✹✹❉❈ •┈•

ما اريد مايك يا نهر ردلي اخوي الغالي
ابدونه ظلمه دنيتي والعمر ما يحلالي
هو وجودي وهيبتي عباس نعم الوالي
خلي يذوب من العطش خل يحترگ دلالي

اوجود الگمر يكفيني
بس ردلي ضيّ اسنيني
ما اريد مايك يا نهر

•┈•❈​❉✹✹❉❈ •┈•

يا نهر تستكثر عليَّ اوجود عباس وياي
تاخذه مني بالغصب وتنطيه صوغه للماي
روعت گلبي بعملتك وزادت عليه بلواي
ابدونه ما اريد العمر ما تسوه بعده دنياي

اخلافه الهظم يوليني
بس ردلي ضيّ اسنيني
ما اريد مايك يا نهر

•┈•❈​❉✹✹❉❈ •┈•

اتلولح گليبي أو وگع من وگع فوگك بدري
يالخذت مني كافلي وياه اخذته العمري
ظليت مشدوهة فكر وتحيريت بأمري
غيرته ابمايك سرت او نار بيه تسري

هموم وحزن تلفيني
بس ردلي ضيّ اسنيني
ما اريد مايك يا نهر

•┈•❈​❉✹✹❉❈ •┈•

احا ينهر العلگمي يالخذت كل احلامي
أتنورت جروفك بالگمر وآنه أظلمت أيامي
شما صفه مايك يالنهر بعيني اشوفك دامي
وصورة گمر عالمشرعه ينطفي نوره ضامي

ومتحيره ايخليني
بس ردلي ضيّ اسنيني
ما اريد مايك يا نهر

•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
من قصائد ديـوان رثاء وارث الأنبياء الجزء الأول باب ( سقوط الگمر فوگ النهر )

قصيده كأني بلسان حال مولاتي زينب عليها السلام تكلم أخيها وكافل خدرها أبا الفضل العباس عليه السلام بعد مصرعه عندما جُنَ عليها الليل 
بعنوان( يا عباس حاجيني ) تقرأ بعدة اطوار


صار الليل يا عباس حاجيني
بين اعداك وحدي لا تخليني

•┈•❈​❉✹✹❉❈ •┈•

نخيتك يبن ابوي بشوغه وبحسره
بين اعداك اختك بقت متحيره
كسر البين ما صح كل دوه يجبره
وسهام الدهر كل لحظه ترميني
صار الليل يا عباس حاجيني

•┈•❈​❉✹✹❉❈ •┈•

اجاني الليل ترهب خويه ساعاته
بينه اتحيط بس عدوان وشماته
صاحوا وين كافلجن ورهباته
من دم الجرت دمعات من عيني
صار الليل يا عباس حاجيني

•┈•❈​❉✹✹❉❈ •┈•

على اترابه گعدنه اتحيطنه العدوان
لا خيمه التحامينه ولا وليان
متشمتين بيه يا گـــمر عدنان
نظرات الشماته نار تجويني
صار الليل يا عباس حاجيني

•┈•❈​❉✹✹❉❈ •┈•

صار الليل واحنه بس حرم واطفال
تعبنه السبي امگــــيدينه بحبال
يخويه الصار بينه ايهدم أجبال
اصد فوگ الرمح راسك يبجيني
صار الليل يا عباس حاجيني

•┈•❈​❉✹✹❉❈ •┈•

خيمنه ياگمر تحرسهه كل ليله
وبسدك تنــــــام امأمنه العيله
وخوي احسين امحاوط مداليله
وبيكم مزهره ومنوره اسنيني
صار الليل يا عباس حاجيني

•┈•❈​❉✹✹❉❈ •┈•

اصعب ليله خويه هالتمر بينه
ما عدنه ولي يا گمر يحمينه
واشباه الزلم تتمرجل اعلينه
يالبيدك جبتني گـــوم وديني
صار الليل يا عباس حاجيني

•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

••‏​‏​​❥ًً❀(•«﷽»•)❀❥ •‏​‏
اللهم صل على محمد وآل محمد 🥀
من قصائد ديـوان رثاء وارث الأنبياء الجزء الأول

نعي أبوذيه كأني بلسان حال مولاتي زينب عليها السلام

الحزن من زغري يبريلي وأنه بري
العلينه عال أبد ذمه منبري
الفسق منبر العدواني ومنبري
منبر والدي حامي الحميه


ليالي افراگ خواني شمرهه
وفجعني  العالنهر چفه شمرهه
جذب من كال يحديني شمرهه
بقت غيرة الكافل تحدي بيه

•┈•❈​❉✹✹❉❈ •┈•

نعي كأني بمولاتي زينب عليها السلام ذهبت ومعها الفاطميات الى ألاجساد الطاهره المرمله والمخضبه بالدماء ولسان حالها يقول👇👇👇


للحــــومه اجيناكم يهلنه
من اهمومنه يعثر جدمنه
نشكيلـكم يهل المــحــــنه
بــعدكم العــــــــدو هظمنه
وعله اجسادكم يهمل دمعنه

•┈•❈​❉✹✹❉❈ •┈•

يحسين من بعدك ولونـــه
حرگــــوا خيمنه وروعونه
وبسياطهم خويه اضربونه
عدوانكم يهلي سبونـــــــه
سبوا الزچيه وشتموا ابونه

•┈•❈​❉✹✹❉❈ •┈•

شفنه اجسادكم ولروح صاحت
وعله انحوركم يخواني ناحت
عباس خـــــــويه حسين نادت
تـــدرون زينبكم  انشافــــــــت
اوياكم اختكم ريت  مـــــاتت

•┈•❈​❉✹✹❉❈ •┈•

ميته ريت خويه ولا سبونــــي
الانذال باسمي  ينـــــادونــــــــي
طلعوو زينب او طلعونــــــــــــي
وضــرب اسياطهم ورم امتونــي
وبنظرة شماته يالولي  ينظروني

•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏​​
اللهم صل على محمد وآل محمد 🥀
من قصائد ديـوان رثاء وراث الأنبياء الجزء الأول


قصيده لمولاتي زينب عليها السلام حيرتها بعد گطع رأس أخيها الحسين عليه السلام وغارة الخيل وهجوم الاعداء على المخيم...
تقرأ بطور الفزاعي الجنوبي وبعدة اطوار


شگالت بت علي من أنذبح واليها
وخيول العده من دارت اعليها

•┈•❈​❉✹✹❉❈ •┈•

شگالت والولي مطروح بالحومه
مگطوع النحر ومسلبه اهدومه
وكل وليانهه فوگ الترب نومه
وما واحد بقه الزينب يحاميها

•┈•❈​❉✹✹❉❈ •┈•

من شافت الخيل اعله الخيم هجمت
واطفال وحرم تتصارخ وهربت
شگالت زينب وياهو الذي حشمت
ويا اسم التصيحه وينتهض ليها

•┈•❈​❉✹✹❉❈ •┈•

منهو النادته احسين لو عباس
من هجموا عليهه زمرة الارجاس
شافت عالحــــرم تتفرج الناس
أو تريد الكافل ابرايته ايغطيها

•┈•❈​❉✹✹❉❈ •┈•

اتشوف الخيم مشتعله بيهه النار
نظرهه ليا كتر فخر الخدر يندار
ندبتهه الزجيه لو علي الكــرار
ألمن حشمت للنار يطفيها

•┈•❈​❉✹✹❉❈ •┈•

منهو الحشمت يحـميهه للعيله
واخوها حسين هظموهن مداليله
والسجاد عليل ومنهدم حــيله
من شاف الحرم لنذال تسبيها

•┈•❈​❉✹✹❉❈ •┈•

ظلت زينب اتحامي حرم واطفال
نادت يا كفيلي   ولــدمع همال
گوم وشوفني يا خويه وبيا حال
يسبيني الشمر يا وسفه تاليها

•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

https://youtu.be/fXnSA3EnoMo?si=3lpksz8XsexUch54

متابعيني الأعزاء فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل بارك الله فيكم وجزاكم خير الجزاء

بسم الله الرحمن الرحيم
وبسم الحسين الحنين
متابعيني الأعزاء
اصداري الجديد لعام 2024 ديوان رثاء وارث الأنبياء الجزء الثاني سيتوفر قريباً في المكتبات في جميع المحافظات إن شاء الله
وسأنشر لكم نبذه عن الديوان

•‏​‏​​‏•❥ًً❀(•«﷽»•)❀❥ •‏​‏•‏​‏
وبسم الحسين الحنين وارث الأنبياء والمرسلين يا من عزائه ورثائه تضج به الأرض والسماء إلى يوم الدين وصلَ الله على محمد وآل محمد الاصفياء الأطهار المعصومين حجج الله على خلقه والحجةُ عليهم مولاتنا فاطمة الزهراء سيدتنا وسيدة نساء العالمين في الأولين والآخرين
أما بعد:
احبتي خدمة مولانا الحسين عليه السلام...متابعيني الأعزاء
قريبا جدا سيكون متوفر وبين ايديكم الكريمه اصداري الجديد لعام 2024 ديوان  ( رثاء وارث الأنبياء ) الجزء الثاني وسأعطيكم نبذة عنه:
يحتوي هذا الديوان على قصائد بأسلوب مختلف ومواضيع قويه بمفردات رصينه ورزينه تصور المصيبه برقِي وحداثه وببساطه بقلمٌ نقي خالي من المفردات الركيكه والضعيفه والمسيئه عذراً من بعض الأقلام الراقيه واصداراتي التي سبقت بالجزء الأول وبديواني (حداد السبع الشداد ) الجزء الأول وبما انشره من قصائد خير دليل...
يحتوي ديوان رثاء وارث الأنبياء الجزء الثاني في طياته انواع القصائد( الثقيله والفزاعي والفزاعي الجنوبي والمربوعه والهوسات وانواع اخرى وانواع النعي وستجدون لأول مره في ديوان القصائد المنبريه ( شعر منصه ) ولأول مره باب خاص او جزء خاص بقصائد( حظور الزهراء في كربلاء ) قصائد بقمة الوجع والحزن تصف حال مولاتنا وحزنها ووجعها عند حظورها كربلاء عند جسد ولدها الحسين عليهما السلام

الديوان يخدم كلا الجنسين لا يختصر للملالي لمجالس النساء فقط بل مجالس الرجال ايظاً يعني للرواديد والملالي
وسوف ننشر لكم نماذج من بعض القصائد لهذا الديوان خلال هذه الايام وإن شاء الله اكون موفقه فيه وينال استحسانكم والقبول عند مولاتي

هذا واسأل الله لي ولكم التوفيق والحمد لله رب العالمين

وفقنا الله وإياكم بهذه الخدمه المباركه ببركات مولاتنا الزهراء عليها السلام

خادمتكم الأصغر شأن ما بين الخدم والاقل قدر وبكل فخر
أزهـار جبار الجياشي

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

قصيده لاربعين الإمام علي عليه السلام كأني بلسان حال مولاتي زينب عليها السلام...تقرأ بعدة اطوار


إلك هل اليــوم اربعين
من رحت بويه الحنين

وهالمرد  دلالي
اصد دارك خالي
من رحت بويه الحنين

◆━━━━◆❃◆━━━━◆

من رحت بويه عيني امساهره
الدار ظلمه البيك جانت مزهره
واربعين اليـوم وإنتَ بل الثره

وخربطت احوالي
اصد دارك خــالي
من رحت بويه الحنين

◆━━━━◆❃◆━━━━◆

إلك هاليـوم اربعين  وما أجيت
وانتظر تــــــرجع تنورلي البيت
بويه بفراگك دمه المدمع بچيت

عالوجن ظل هالي
اصد دارك  خالي
من رحت بويه الحنين

◆━━━━◆❃◆━━━━◆

صعب فگدك بويه يا اغلى الحباب
بالدمع گظيتهه أيـــــــــــام الغياب
باقي ينزف جرحك بروحي ما طاب

وهدمتلي حالي
اصد دارك خالي
من رحت بويه الحنين

◆━━━━◆❃◆━━━━◆

راح حيلي اوياك من يوم الرحت
باقيه ابنوحي أو ونيني من متت
واربعينك هـــــاي بويه هل أجت

والهظم يبـــرالي
اصد دارك  خالي
من رحت بويه الحنين

◆━━━━◆❃◆━━━━◆

اربعين اليـــــوم مرن يا علي
من رحت عني يا بويه الولي
چن بعد متعود يالغالي ألــي

بحزني اظل للتالي
اصد دارك  خـــالي
من رحت بويه الحنين

◆━━━━◆❃◆━━━━◆

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد
من قصائد ديـوان رثاء وارث الأنبياء الجزء الأول


قصيده للمسير كأني بلسان حال مولانا أبا عبدالله الحسين عليه السلام...تقرأ بعدة اطوار


عفنه ديارنه وللطف مشينه
انثبت  ديـــــن الهادي نبينه

رحنه للمنايه
ندعوا للهدايه
نحور الهل قضيه احنه فدينه

•┈•❈​❉✹✹❉❈ •┈•

هاذ أمر الجليل وآنه طوع أمره
سبط النبي آنه وبضعة الزهره
حتى ابني الرضيع امقدمه نحره

وبني هاشم ضحايه
ندعـوا   للهدايـــــه
نحور الهل قضيه احنه فدينه

•┈•❈​❉✹✹❉❈ •┈•

الخلگ كله تركتـــــه حباً بربي
وابد ما مال غير الخالقي گلبي
وياي المنايه يمشن  بـــدربــي

ول بالعفه آيه
ندعوا للهدايه
نحور الهل قضيه احنه فدينه

•┈•❈​❉✹✹❉❈ •┈•

امضحي ابعيالي وياي ماخذهم
قرابين الوِلـد والاخوه اقدمهم
يثبت دين جدي بدم مناحرهم

نحر ويه عبايه
ندعوا للهـدايه
نحور الهل قضيه احنه فدينه

•┈•❈​❉✹✹❉❈ •┈•

مشيئة الله هذي والمشيئه احنه
الرضاته وبسبيله هالعمر عشنه
مصايبنه حجج عالبشر او دمنه

رفعنه بهاي رايه
ندعـــوا  للهدايه
نحور الهل قضيه احنه فدينه

•┈•❈​❉✹✹❉❈ •┈•

اويايه بالضعن ماخذ حرم واطفال
الگمر خليته الهم حارس وكفال
وتتانينه ابـوادي كربله الآجال

روس ويه السبايه
نـــدعـــــوا للهدايه
نحور الهل قضيه احنه فدينه

•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد
من قصائد ديـوان رثاء وارث الأنبياء الجزء الأول

قصيده تقرأ رجاليه بعنوان( زينب الحوراء )


يا زينبُ الحوراء
قدستي كربلاء
بالطفِ تنسَبين
هذا لأجلِ الدين

   زينب   زينب     زينب   زينب

•┈•❈​❉✹✹❉❈ •┈•

جأتي بعزم وأيمان
تُحيطُكِ الأخوان
وصَبرُكِ  عنوان

تُساندي الحسين
هذا لأجلِ الدين

   زينب   زينب     زينب   زينب

•┈•❈​❉✹✹❉❈ •┈•

بخدركِ  نبراس
اخوَتُكِ  حراس
كفيلُكِ  العباس

مُقطع  الكفين
هذا لأجلِ الدين

   زينب   زينب     زينب   زينب

•┈•❈​❉✹✹❉❈ •┈•

رؤوسٌ عل الرماح
بگــلبكِ  الجِراح
لم تُبديَ النياح

للحُزنِ  تكتمين
هذا لأجلِ الدين

   زينب   زينب     زينب   زينب

•┈•❈​❉✹✹❉❈ •┈•

حافظتي عل العيال
جمعتي  الأطفال
مُگيدَه  ابحِبال 

فوگ الجمرُ تمشين
هذا لأجلِ الدين

   زينب   زينب     زينب   زينب

•┈•❈​❉✹✹❉❈ •┈•

زينب بنتَ الأُبات
فَخرُ  المُخَدرات
تَنظُر لكِ الشمات

بالسَوطِ تُضرَبين
هذا لأجلِ الدين

   زينب   زينب     زينب   زينب

•┈•❈​❉✹✹❉❈ •┈•

رگبتي  عل  الأكوار
يحدوا بكِ  الاشرار
يا بنتَ حامي الجار

يشتُمَكِ  اللعين 
هذا لأجلِ الدين

   زينب   زينب     زينب   زينب

•┈•❈​❉✹✹❉❈ •┈•

سُبيتي لرضِ الشام
تنظُرَكِ  الأنام
بمجلسِ  اللِئام

عل الطاغي تَدخُلين
هذا لأجلِ الدين

   زينب   زينب     زينب   زينب

                 
•┈•❈​❉✹✹❉❈ •┈•

يا كعبةُ الاحزان
بخدركِ  عنوان
على مَرِ الزمان

بالغُربه تُدفَنين
هذا لأجلِ الدين

   زينب   زينب     زينب   زينب

•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

هذا 👆 من خير الحسين عليه السلام
تقبل مني يا مولاي هذا القليل

بسم الله الرحمن الرحيم
وبه نستعين

سيتوفر قريباً ديوان ( رثاء وارث الأنبياء ) الجزء الثاني عاشوري لخادمة اهل البيت عليهم السلام الشاعره أزهار جبار الجياشي في مكتبة العليله محافظة البصره...بأدارة المله أم علي ومتوفر بمكتبتنا جميع اصدارات ودواوين الشاعرات
ومستعدون لتجهيز جميع الملالي بكافة الدواوين
للحجز والاستفسار الاتصال على هذا 👇الرقم واتساب
07705677443
ويوجد لدينا خدمة توصيل لجميع المحافظات