•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا أم البنين

قصيده كأني بلسان حال مولاتي مولاتنا أم البنين عليها السلام ... تقرأ بعدة اطوار

المستهل:

حسره بدليلي   هدمت حيلي
من يوم فارگت الوِلِد
ما نمت ليلي

┄┅═✧❁★★-❁✧═┅┄

من يوم فارگت البنين ودمعي جاري
ما نام ليلي ولا شفت راحه بنهاري
ظلت بروحي تستعر ما طفت ناري
اسنين البعد گظيتهه بنوحي ومراري

اتمنه يجوني   گرَة اعيوني
والگلب بيهم ينسعد
ما نمت ليلي

┄┅═✧❁★★-❁✧═┅┄

أمنيه وادري هالأماني مثل الاحلام
ايام راحت وشيردهه ذيج الايام
شيرجع اعزازي الذي بگبور نيام
شوفتهم ابروحي امنيه ولدتهه الآلام

وادري ميلفون   وتخيب الظنون
واولادي ليه ما ترد
ما نمت ليلي

┄┅═✧❁★★-❁✧═┅┄

تتمنه كل أم بالمنيه يمهه البنين
واحد ينگط الماي آخر ايغمض العين
والنعش بي هيبه لوّن همه المشيعين
وآنه بنيني الاربعه عني مبعدين

ليه اشيردهم   ايدفنوهه امهم
ايوسدني عباس اللحد
ما نمت ليلي

┄┅═✧❁★★-❁✧═┅┄

صوب المنايا ادري مشوا من ودعتهم
لحسين ولزينب فدى آني قدمتهم
لا ردلي الحسين ولواحد ردلي منهم
اولاد خمسه بيوم واحد افگدتهم

خابت امالي    ما ظلي والي
يكون ليه السند
ما نمت ليلي

┄┅═✧❁★★-❁✧═┅┄

ضحيت اولاد اربعه لابن الزجيه
كل هذا وآنه امقصره اتمنيت ميه
گلت المهم سالم يرد الحسين أليه
يوگف على راسي لون جتني المنيه

أو بيه يسري   ينزلني گبري
يهل الدمع عالخد
ما نمت ليلي

┄┅═✧❁★★-❁✧═┅┄

وسفه راحت كلهه مني وخاب ظني 
وعشت ايامي بحزن وبهظم وني
سنين خلصت بين آمال وتمني
ترجع الغياب وما واحد حظرني

ويه حسراتي   ابساعة مماتي
وحدي ما يمي أحد
ما نمت ليلي
┄┅═✧❁★★-❁✧═┅┄

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
آآآه يا أم البنين

قصيده لسيدتي ومولاتي أم البنين عليها السلام...
تقرأ بعدة أطوار


يا حال أم الاقـــمار
مصاب لمثله ما صار
اتمنت تحظر ولدهه 
تالي تموت الوحدهه
النعش وي الغرب سار

    ༄🔥 ★═━━▒ ━═★🔥༄

هاي أم البنين الصعــــبه حالتهه
على الغياب  مــــا بطلت ونتهه
وبالمنازع تعالــج بقت وحدهه
الوِلِد رادت يحظرون ابمنيتهه

بيهه اتحيرت الافكار
امصاب لمثله ما صار

    ༄🔥 ★═━━▒ ━═★🔥༄

ظلت ترتجـــــي واحد يرد ليهه
بساعات المنيه ويبجي اعليهه
يغمض اعيونهه ويسبل أيديهه
الحنينه أمه على القبله يخليهه

ينحب ويهل الاعبار
امصاب لمثله ما صار

    ༄🔥 ★═━━▒ ━═★🔥༄

اسنين الهجر گــــظتهه  بالآلام
تنــــوح انهارهه وبليلهه متنام
ولفراگ الغوالي تحسب الأيام
تصيح احاه من دهري لرماني اسهام

اعليهه هالوكت جار
امصاب لمثله ما صار

    ༄🔥 ★═━━▒ ━═★🔥༄

وحيده بدارهه محد بقه اوياهه
للطف من مشوا ما اجوا ولياهه
اتفسر الصخر لو يسمع ابجاهه
وسوت من تراب گـبور تنعاهه

ولمدمع يجري  انهار
امصابج لمثله ما صار

    ༄🔥 ★═━━▒ ━═★🔥༄

تجي باحزانهه لـــگبور سوتهه
تحاجي أُوُلادهه وبفيض دمعتهه
واحد واحـــد اتناديه ابعبرتهه
ومن تذكر حسين اتهدهه حسرتهه

تگعد عل الرمل الحار
امصاب لمثله ما صار

    ༄🔥 ★═━━▒ ━═★🔥༄

هالظلت وحيده ابنوحهه او ونهه
ما حظروا ولدهه وخيبوا ظنهه
رادت ولو واحد الامه يدفنهه
متحسره الاجل لمن گرب منهه

ومستعره بيهه النار
امصاب لمثله ما صار

    ༄🔥 ★═━━▒ ━═★🔥༄

     خادمة اهل البيت عليهم السلام
             أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا أم البنين

قصيده لمولاتنا باب الحوائج قاضية الحاجات الوفيه الطاهره أم البنين عليها السلام بعنوان( مر الفراق ) تقرأ بعدة اطوار


ألصبر من عندي جزع
يخنگ بروحي الوجع
آ يغياب    آ يغياب
بعد ما احمل هجر
لشوكت ابقه انتظر
جية احباب   جية احباب

•┈•❈​❉✹✹❉❈ •┈•

خذيتوا العافيه ويـــــــاكم يغيابي
الدربكم عيني تربي امناطره ابابي
بعدكم بالهظـــم ظليت يحـــــبابي
حنيني الكــــــم يذبح بيه وعتابي

ذَبَل اجفوني الدمـــع
يخنگ بروحي الوجع
آ يغياب   آ يغياب

•┈•❈​❉✹✹❉❈ •┈•

بقيت الوَحدي والدمعه تسليــني
ويصبرني أبعدكم نوحي وونيني
وحنيني ألكم ياخذني ويوديني
النوم بهجركــــم هل هجر عيني

اثر بعيوني انطــــــبع
يخنگ بروحي الوجع
آ يغياب   آ يغياب

•┈•❈​❉✹✹❉❈ •┈•

من رحتوا اخذتوا الحيــــــل وياكم
ومثل شمعه احترگ ظليت بجفاكم
اگظي  بالمـــــــرار ايام   فرگـــاكم
وعمـــري شلون اعيشنـــه   بلياكم

انحنه بيه جم ضــلع
يخنگ بروحي الوجع
آ يغياب   آ يغياب

•┈•❈​❉✹✹❉❈ •┈•

بالدمعات اگظي الليل ساعاته
وبحسرات گلبي وهظم وناته
مخنوگ النفس وبجرة آهاتــه
مشدوه الفكر من كثر حسباته

مني دلالـــــي  انشلع
يخنگ بروحي الوجع
آ يغياب   آ يغياب

•┈•❈​❉✹✹❉❈ •┈•

ظليت ابجفاكم الدمع هالـــــــي
مهمومه وحزينه وبالسكم حالي
جم اعزيز فارگـتــــــه وجم غالي
مل مني الصبر ظل صبري ينعالي
شاف بيه ما نفـــــــع
يخنگ بروحي الوجع
آ يغياب   آ يغياب

•┈•❈​❉✹✹❉❈ •┈•

ظليت انتظر   بدموعـــي  وونيني
واحــــد منهم اتمنيته ايجـــــــيني
حاظــر يمي مـن الأجـــل يلفينــي
بس يا حيف وحدي غمُضَت عيني
النعش وي غربه طلع
يخنگ بروحي الوجع
آ يغياب   آ يغياب

•┈•❈​❉✹✹❉❈ •┈•

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

https://youtu.be/5scQjxcGP1w?si=SMB-9v9JT7LoCTmN


عظم الله لكم الأجر واحسن لكم العزاء بذكرى وفاة باب الحوائج وقاضية الحاجات سيدتنا ومولاتنا أم البنين عليها السلام
فضلا وليس أمرا نرجوا دعمكم لهذا 👆 المقطع فبدعمكم نستمر ونقدم الافضل وفقكم الله لكل خير

https://youtu.be/5RS-HVO2wTU?si=uNKodaB2mYNehM6X


اللهم صل على محمد وآل محمد
مولاتي يااا أم البنين تقبلي مني هذا القليل 🤲
اعزائي فضلا وليس أمرا ارجوا دعمكم لقناتي اليوتيوب هذه 👆فبدعكم نستمر ونقدم الافضل جزاكم الله خير الجزاء ووفقكم لكل ما يحب ويرضى

https://youtu.be/0yk_EaIutC4?si=c9-14UB5tqgX73fz


اطلبوا حوائجكم في هذه الليله من باب الحوائج أم البنين عليها السلام فأن شاء الله مقضيه

جديد الشاعره أزهار جبار الجياشي انتظرونا قريباً جداً

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
اللهم عجل لوليك الفرج

قصيده لاعياد راس السنه الميلاديه والى من يحظرون اشجار الميلاد والزينه والملابس الحمراء للاحتفال بهذه الليله من المسلمين وبالخصوص البعض من الشيعه...القصيده كتبت على طور قصيدة ( الما يتاني المهدي خله براحته)للرادود سيد فاقد


اجت راس السنه وخل نحجي صريح
بكل سنه للشيعه انـگــوله ونصيح
لا يخالف دينـــــه والنهج الصحيح
وندري غايبنه حزنان وجــــــــريح

❉━━━━━❰･❱━━━━━❉

بكل سنه ننتظر يرجــــع لينه
نور ابو صالح  يشـــــع اعلينه
وينشر الحق والعــدل مهدينه
وينفرگ خشمه كلمن امعادينه

❉━━━━━❰･❱━━━━━❉

بشرعي ما مذكور بيها نحتفل
كون راس السنه بيـــها نبتهل
ندعوا رب العرش بدمع اليهل
ايعجلنه اظهور ابن خير العمل

❉━━━━━❰･❱━━━━━❉

كلمن ايوالي علي لازم يصير
للقضيه المهدويه ألهه نصير
ايمهد بأعماله لظهور البشير
وثابت بدرب الولايه للاخير

❉━━━━━❰･❱━━━━━❉

يالعايشيها بس هرج دنيـــــــاكم
الناصح الكم تحسبوا من اعداكم
خلي نحجي مــــن الأخير وياكم
المهدي مولانا ابليس مولاكــــــم

❉━━━━━❰･❱━━━━━❉

تمت بفضل الله وبتوفيق منه ببركات مولانا صاحب العصر والزمان عجل الله فرجه وسهل مخرجه

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

https://youtu.be/iTBldKYB80c?si=as05DuflIFlJ4mWa


فضلا وليس أمرا على حب مولانا صاحب العصر والزمان عجل الله فرجه وسهل مخرجه دعمكم لهذا 👆المقطع فبدعمكم نستمر ونقدم الاكثر والافضل وفقكم الله لكل ما يحب ويرضى

اللهم احفظ ووفق متابعيني واجعلها سنة خير وبركه وأمن وأمان وتحقيق الامنيات واجعلهم من المنتظرين المختارون لنصرة مولانا صاحب العصر والزمان
متابعيني الأعزاء كل عام وانتم إلى الله أقرب وعلى طاعته ورضاه أدوم وعلى خدمة محمد وآل محمد ثابتين جعلنا الله وإياكم من المتمسكين والثابتين على ولاية أمير المؤمنين علي بن أبي طالب عليه السلام
كل عام وانتم حسينيون وفقنا الله وإياكم لخدمة الحسين عليه السلام

خادمتكم الأصغر شأن والاقل قدر وبكل فخر
أزهار جبار الجياشي

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

شِعرٌ فصيح

لمولاتنا الزهراء عليها السلام بمناسبة مولدها الميمون
بعنوان( شمسُ العَفافِ )

                 ✹✭┈✺✺---- ​​‌༄✹✭​​​​◌‌

بَزَغت شَمسُ العَفافِ
إِمتلأَ الكونُ ضياءْ

نَوَرَت أَطباقُ أرضٍ
مَعَها سَبعُ سَماءْ

هيَّ مِن صُلبٍ طَهور
سَكَنَت رَحِمَ النَقاءْ

ثَمَرَةٌ أُعطَت لطه
مِن رَحيمِ الرُحَماءْ

فَبِها الكَونُ تَحَجَبْ
سَيِدَةْ كُلِ النِساءْ

فَرِحَت كُلِ الخَلِيقَه
يَومَ مولِدِ الزهراءْ

هيَّ سِترُ اللهِ فاطِمْ
هيِّ للخَلقِ كِساءْ

يَفطِمُنا مِن كُلِ ذَنبٍ
يَحجِبُ عَنا البِغاءْ

هيِّ بابٌ للخَلاص
للحَوائجِ وَلِدُعاءْ

صاغَها اللهُ كِتاباً
عِصمَةٌ للِاتقياءْ

مَن بهِ آمن وأيقن
لهُ جَنةُ السُعَداءْ

كَوثَرُ اللهِ الطَهورُ
هيَّ صَفوَا الاصفياءْ

خَصَها الرَّحمنُ السَلامْ
ثُمَّ بَعدُ النُجَباءْ

أحمدٌ خَيرُ البَريَهْ
فعليُّ والابناءْ

خَمسةٌ مِنْ أَجلِهِم
جَعَلَ اللهُ البَقاءْ

لولا فاطِمٌ وَذَويها
لكانتَ الارضُ فَناءْ

أستَودَعَ فيها سِراً
فَخرُ خِدرٍ وَحياءْ

وَرِثَت مِنها المَناقِبْ
جاهَدت في كَربلاءْ

أثبَتَت دينَ الهِدايهْ
مَوكِبٌ اِسمُهُ الإِباءْ

                 ✹✭┈✺✺---- ​​‌༄✹✭​​​​◌‌

تمت بفضل الله وبركات مولاتي الزهراء عليها السلام

خادمة أهل البيت عليهم السلام
      أزهار جبار الجياشي

     نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

هوسات لولادة سيدتنا ومولاتنا فاطمة الزهراء عليها السلام


ابمولد فاطمه الزهره خديجه اليوم هنوها
وعيون النبي الهادي أبولادتهه كروها
الحناجر بالفرح تصدح الهلاهل إلهه علوها
جيبوا الياس والجكليت ويه الورد طشوها

(دنيانه  بالزهره اتنورت)

🍂🍂🍂🌻🍂🍂🍂

دنيانه أزهرت  بقدوم  بضعة  النبي الدُرَه
أرض وسمه متنورات ابولادة فاطمه الزهره
الملائك كلهه فرحان بديهه الورد وتنثره
الإنس والجان بهاليوم بالميلاد مبتشره

(اركانه   الدين أتزينت)

🍂🍂🍂🌻🍂🍂🍂

هديه للخلك فاطم من تاج العرش نزلت
بين العرش والكعبه مراسم للفرح هلت
بكل بقعه ابقاع الكون بركة الطاهره حلت
بأجمل صوره الدنيا على عيون البشر طلت

(فرحانه  كلهه ابهالمولد)

🍂🍂🍂🌻🍂🍂🍂

    خادمة اهل البيت عليهم السلام
              أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

مولود لمولاتنا الصديقه الطاهره بضعة الهادي البشير فاطمة الزهراء صلوات الله وسلامه عليه وعليها

💐💐💐💐💐💐

النور هــل أعلينه
من عــرش  بارينه
أزهرت دار الرسول
ابيوم مولد الـبتول

💐💐💐💐💐💐

من السمه وتاج العرش اعلينه نازل نورهه
بلحظة ولادة فاطمه الملاك أجتي اتزورهه
أنتشرت بارض وسمه عطر جنه اعطورهه

وبفرح كلنه نكـول
أزهرت دار الرسول

💐 🍬🍬💐🍬🍬

مكرمه الطه النبي  رب البريه إنطاها
مو مثل مكالوا أبتر  الكوثر هو أباها
كفوأ الحيدر  علي  الفاطمه   سواها

زوجه الفحل الفحول
أزهرت دار  الــرسول

💐🍬🍬💐🍬🍬

هي شجرة القداسه غصون منهه اتفرعت
الإمامه والتقيـه من الزكــيه اتكونت
اجذور عترة نبينه من البضعه أنبتت

دين الله والأصول
أزهرت دار الرسول

💐🍬🍬💐🍬🍬

خلق الله فاطمه للارض ستر وحجاب
خصهه الله بالشفاعه هي للمرحمه باب
أتكنت أم الأبيها وأم الكل الطياب

أبدونهم كلشي يزول
أزهرت دار الــرسول

💐🍬🍬💐🍬🍬

اتنورت ارض وسمه الطاهره ابميلادهه
هي قرآن الهدايه والسِوَر وآياتهه
برزخ وآخره ودنيا ابفاطمه اعيادهه

خَضرَت إجبال وسهول
أزهــرت دار  الـــرسول

💐💐💐💐💐💐

تمت بفضل الله وبركات مولاتي الزهراء عليها السلام

     خادمة اهل البيت عليهم السلام
             أزهار جبار الجياشي

     نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

انتظرونا قريبا جداً
جديد الشاعره أزهار جبار الجياشي
أداء الرادود الحسيني المبدع علي العيداني ومن الله التوفيق

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

مولود لمولاتنا الصديقه الطاهره بضعة الهادي البشير فاطمة الزهراء صلوات الله وسلامه عليه وعليها


اتنور الكون بضواهه
يا هلا    يا هلا
بضعة المخـــتار طه
يا هلا    يا هلا

🌷🌷🧬🌷🌷

نور واسطع عالبريه
مولد الزهره الـزجيه
هيه حـــوريه  انسيه
الحور فرحت بسماهه
يا هلا    يا هلا

🌷🌷🧬🌷🌷

انولدت اليوم ام ابيها
اتشرفت الاديان بيها
الاملاك لامهه تهنيها
نزل جبريل واجاهه
يا هلا    يا هلا

🌷🌷🧬🌷🌷

الحور والاملاك فرحت
فاطمه لمـــــن انولدت
كلهه للمخـــــتار هنت
بفاطمه الله ايتباهــه
يا هلا    يا هلا

🌷🌷🧬🌷🌷

هي ثمره من الجنان
سيدة كل الازمــــان
اتنورت بيها الاكوان
خاتم الاديان  أباهه
يا هلا    يا هلا

🌷🌷🧬🌷🌷

الشيعه فرحانه هالليله
اتبارك الحامي دخيــله
بمولد الحـــــره الجليله
الله الأجــــــــله سواهه
يا هلا    يا هلا

🌷🌷🧬🌷🌷

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

https://youtu.be/Ud2XP3NR0SU?si=NrZbhohoffG5jyKi

متباركين يا احباب الزهراء عليها السلام بمولد بنت خير البشر الزكيه الطاهره الكوثر بضعة الهادي البشير ورزقنا الله وإياكم في الدنيا زيارتها وفي الآخره شفاعتها

فضلا وليس أمرا نرجوا دعمكم لهذا 👇المقطع جزاكم الله خير الجزاء ووفقكم لكل ما يحب ويرضى

https://youtu.be/pFRq-hIuTNQ?si=oYOkH1SzArjnnR-T


يا وجيهةً عند الله أشفعي لنا عند الله
اللهم بحق مولاتنا الزهراء عليها السلام عجل لوليك الفرج واقضي حوائجنا وحاجة كل محتاج واشفي كل مريض

فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل جزاكم الله خير الجزاء ووفقكم لكل خير

اختي وحبيبتي الغاليه شاعرتنا صاحبة الاخلاق العاليه والقلب الطيب والخادمه الصادقه المخلصه أم علي الإماره ادعوا لك بمزيد من التوفيقات والإبداع والتألق والقبول بأحسن قبول ويسجل اسمك في سجل مولاتنا الزهراء عليها السلام بحروف من نور إن شاء الله


الشاعرة ازهار جبار الجياشي

يابعد عمري حبيبتي اختي تاج راسي الراقيه الأحبها هواااي ازهار جبار الجياشي من القلب شكري وتقديري واحترامي لكِ
شكرآ عالتصميم الراقي كشخصكِ الراقي انتِ اصل الأخلاص بالخدمه الحسينيه دعواتي لكِ بالتوفيق والنجاح بدواوينچ ان شاء الله 🌹♥️

خادمتچ ام علي الامارة

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
يا حبيبي يا حسين
نور عيني يا حسين

قصيده لمولانا أبا عبد الله الحسين عليه السلام

سلام الله   على نحرك يبو الأكبر
سلام الله   على جسمك الموذر

​ ┅┈●⇝╭✨╮⇜●┈

سيدي إنتَ العقيده وإنتَ نهج المستقيم
إنتَ يا درب النجاة والخلاص من الجحيم
منزله عندك وجاه حسين يم ربي العظيم
سلام الله  على راسك المطبر
سلام الله  على نحرك يبو الأكبر

​ ┅┈●⇝╭✨╮⇜●┈

الخلق كله تركته حباً برب السماء
الأجل دينه قدمت اطهر وازكى الدماء
حتى انعيش بكرامه طشرت جسمك فداء
سلام الله  حبيبي اعله الخنصر
سلام الله  على نحرك يبو الأكبر

​ ┅┈●⇝╭✨╮⇜●┈

إنتَ يالفضلك جبير وعالبشر عم الفضل
حسين يا درب الفلاح من صلب خير العمل
ودمك الخط الهدايه الما مشه اعليهه مظل
سلام الله  على ثغرك المفطر
سلام الله  على نحرك يبو الأكبر

​ ┅┈●⇝╭✨╮⇜●┈

سيدي يالصار جسمك طعمه لرماح وسيوف
صرت للاحرار كعبه ألك العالم تطوف
تأسست من عرش ربك نزلت بارض الطفوف
سلام الله  على صدرك التكسر
سلام الله  على نحرك يبو الأكبر

​ ┅┈●⇝╭✨╮⇜●┈

سيدي ابعث سلامي إلك يا اغلى حبيب
بي آهاتي ونحيبي على جسمك السليب
امحمل بدمعات حزني على شيبك الخضيب
سلام الله  اعله ابن ياسين والكوثر
سلام الله  على نحرك يبو الأكبر

​ ┅┈●⇝╭✨╮⇜●┈

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979