جديد ربيع الأول١٤٤٦هـ
رجوع السبايا للمدينة
العليلة وأمّ البنين وبشر بن حذلم


تـــنـــشـــد فاطمه ويّا أمّ لبنين
ياناعي الأهل باقي الأهل وين
يالنَعْيَك فجعنا      بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
فاطمه الخلاّني بـويه ابعلّتي ونــوح وقهر
من رحل مانمت ليلي وعاشرت همّ اوسهر
صـــوتـــك بـهـاليوم دوّى بالمدينه شالخبر
بالله بشّرني بقدومه وقــلّــي جاني يابِشِر

متحيّر بقى شيقلها شيصيح
ردّو للوطن لـــو هـم مذابيح
متغيّر وضعنا     بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
قلها سمعي يـالـحزينه والدمع عالخد جرى
بكربلا خـلّـوه ضـامـي والشمر حـــز منحره
لـــچ رجع ضعن المهابه بـــس تغيّر منظره
اميسّره أصبح إسمها القبل چان امخدّره

عـن زيــنـب جوابي يالتنشدين
بغير حسين ردّت إخت لحسين
متشتّت جمعنا        بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
تلطم اعــلــى الراس يمها إجت أمّ الأربعه
قلها عباسچ چفوفه اعــلـى النهر متقطّعه
مــو لـجــل ذبحة بنيها خــر طفلها من نعه
تدري معناها بواليمّه راسه الطاغي ارفعه

صاحوله نريد انروح يمهم
قلهم بالحزن نصبو خيمهم
لـلــونّــه تبعنا        بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
فاطمه الزينب تعنّت يــمــهـا بالآه اصرخت
عــمّـــه ياريحة أبويه وللصدر إلها احضنت
چنّه مـــو كامل عــددكم منهو اللّي ماإجت
بالخرابه إختچ رقيّه اهناك عفناها وقضت

وعبدالله الرضيع الـقــوم ذبحوه
وصوت المنسمع يا بنتي سمعوه
بس نسوه رجعنا     بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
عندي يــم لبنين حضري زينب اتصيح بنحيب
يُـمَّــــه ضمّيني أريـــدن أبچي لمصاب السليب
الماتم الأوّل أقيمه بـلا ضرب لـــجـــل الغريب
عظّمت ليها أجرها بصاحب الشيب الخضيب

بحسينچ يازينب آنـه أعزيچ
وبالعباس واسيني وواسيچ
مانقطع جزعنا       بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ


تمت بحمد الله ومنّه ٣٠ربيع الأول ١٤٤٦هـ
نظم خادم السيدة الزهراء عليها السلام
ياسين جواد العبد الرضا

ميمر ( شمس الكون ) إلى الامام الحسن العسكري عليه السلام


گبتك مثل شمس الكـون        
يالعسكـــري  بسامـــره

*

نــورك سطـــع للعـــالم وشـــع ضيّــه
أبنــور الجـــلاله أتشـعشـع القـدسيـه
آيـــه تظــل طـــول الــدهــر محميـه
حاميها رب الأكـــوان     
رغــم النفــاق ومـكره

*

شمــس الله تـفتـــر عالمنــاره أبلهفـــه
وكــت الغـــروب ابحضرتك چن تغفـه
تطفــه الشمس نــورك ابــد مـــا يطفه
شيطفي نور القران       
وعِدّله تظل العتره

*

راد الــظـــلام أنــــــوارك ايطـفيــهـا
لـــو گـبّتَـــك مـــن الأرض يمحيــها
مـــا تنمحــي ونــور الله ساكن بيها
نور الله نورك ظل دوم      
رب الجلالــه  ينشــــره
*

قبلــه ضريحـــك شيعتـــك حجـاجه
بحـــر الكــرم يتــلاطـــم بــأمـواجـه
مـــا تـــرد نــاس الگصدتك محتاجه
بابك يـــدگه المحتـــاج       
بالكـــرم گلبـــه أتســره

*

ظنــوا لــوّن تفجيـــر نـــورك يخمــد
ونـــور العــرش بيك  بفخـر يتجسد
نـــورك يبوالمهـــدي امتـــداد لأحمد
مـــا يطفه ابــد نـور الله      
وسر مصدره من الزهره

*

أبــدم المنــاحـــر مـرقـــدك حـراســه
والـــي وصــل يَمّــه سحگنـه بــراسه
عــونــه الـــذي لجلك رخــص أنفاسه
اليضحي لجــل الأطهــار       
وي العتـره ربــه يحشره

*

مــن گبتك أنــــادي ونهــل الدمعــه
يــــا ربــي عجــل للــولــي الطلعــه
اگلوب التنطره كل وكـت ظل تنعه
يا ربي ندعي بدمعات        
مهدينا عجــل أمـــره

*
الشاعر
موسى البديريhttps://www.tg-me.com/asaadshaker

كتب هذا النعي واريد شاعر يكمله ويرتبه


كون بحلم  وترد ذيج الايام
وافز بالليل والكاها الخيام
ومااسمع بعد صرخات الأيتام

ونسه الخرابة وطبت السوك
وحسين يمي اشوفه وما مسحوك
وجدمي بالحرك ما محرووك

ويرجع عبد الله والوليله
واكعد يم حسين وادعيله
وارد اردود يم عباس والعيله

ارد اردود يم اخواني وتباها
ابلمتنه الجبيره وحامل الواها
يمي اخواني كلهم روحي منياها

اتمنه الوكت. يرجع اويه الخوان
سوالفنه وضحكنه ولمت الديوان
حسين اوياي و ولاده وكمر عدنان


صارت امنيات وخطرت ابالي
يرد شمل اخوتي والوكت يصفالي
لاكن هسه وين امعذبه احوالي

ارسمت بسمه بخيال الوكت كون يرد
وي عباس اخوي اتنومس واگعد
وسولفله ابسجايه البيه واليه يعد

سيد عدنان الموسوي

https://www.tg-me.com/asaadshaker

نعي لسان حال الزهراء والحسن العسكري ع                           

إجيتك يالحسن وايدي على ضلعي
عله امصابك أون يبني ويهل دمعي
يم بابك أريد ابهل مسه أنعي
أنحب يوليدي اويه احبابك..مكسوره وكاسرني امصابك

يايمه لونك تنظر اعليه
لا تسألني يبني ليش محنيه
مصايبكم يولدي أثرن بيه
كل يوم انصب مأتم ليكم..وجروحي اتبچيني اعليكم

ماجافيت نوحي ولا أمل منه
كل ليله لواحد أمشي واتعنه
عد راسه أونن ونه من ونه
واعليكم موش اعله اضلوعي..أتحسر واتهل ادموعي

الكل واحد ييمه أگعد اقراله
عله الداسته الخيل وهضمو اعياله
ثلث تيام ضل وحالته حاله
عالشاطي امگطعين اعضيده..وعطشان ومذبوح اوليده

يايمه العزائك جيت منكسره
اويه احبابك أنوح وبالصحن أقره
على زينبكم ابچي وبالگلب حسره
واسمع هالوادم من تنحب..ماننسه امصابچ يازينب

عاشرت الحزن والحزن هملاي
يدمعاتي على الاولاد هملاي
آنه الوالده وكل يوم هملاي
وعليهم كل وكت أنصب عزيه

سيد علي الموسوي

خلنه يرتاح     توه الشمر خلص ذبح
          خلنه يرتاح     راسه وراه رفعة رمح
  گطعوله توهم رگبته       خلنه ياخذ راحته  
            خلنه يرتاح      خلنه يرتاح
****♦️
توه الشمر كمل ذبح           ودمه يفور بمنحره
مگطوع راسه من الگفه    وظليت ادور خنصره
وبگلبي اشعرحافرچ         من الالم شنهو لاالجره
رُحمن خواته اتاخرن        ذيچه رقيه وتنظره

       مابين العيون     لتسحگن مخليه حرز
      مابين العيون     عبدالله غافي لايفز
نوم الهنه وي نومته     خلنه ياخذ راحته
       خله  يرتاح            خله يرتاح
****♦️
الف وتسع مية جرح            مرضوض من گد الطعن
عظمه وي لحمه ويه الدمه    مخلوط شعره وي الجفن
مدري كفاه مدري الصدر      مدري النحر مدري المتن
مااميزه من كثر الدمه         وعيوني عاميها الحزن

      وبراسه اثار       مصوب اخويه بجبهته
      وبراسه اثار      اكو ضربه بشفته
والكلفه چانت طيحته       خله ياخذ راحته
         خله يرتاح              خله يرتاح
****♦️
حار الرمل يچوي النحر       وبلا غطه فوگ الترب
فوگ الرمل حر الشمس       واسمع اخويه ينتحب
گوه اصبرت يم منحره        حين اللي شفته منسلب
تعبان من گد العطش        ياوسفه ماضاك العذب

      متغير هواي     موچنها ساعه من مشه
     متغير هواي    ومصابه گطعلي الحشه
چانت بعيده فرگته       خلنه ياخذ راحته
      خله يرتاح              خله يرتاح
****♦️
عيني عله چفه وحايره     موعشره من شفت العدد
تسعه احسبتهن ياوسف    والخنصر من ايده انفگد
يالخاتمك شذرة حزن       ماشفته وگليبي انمرد
ظليت ادور عالچبد         مبيوگ خافنه بعد

       ياللطيحتك نار      كلفه عليه ومعوله
      ياللطيحتك نار      شسويتي ها ياكربله
وبروحي ظلت حسرته       خلنه ياخذ راحته
         خله يرتاح             خله  يرتاح
****♦️
فييتله بحر الشمس       ذاري الترب ماينحمل
جرحه وسيع شمكبره.   جرحه صعوبه يندمل
ومعذبينه بكل كتر.        هجمت عليه زمرت قتل
سهام ورماح وطعن.     وبكلشي بحجاره ونبل

ياوسفه مگلوب.    من. الكفه صار الذبح
ياوسفه مگلوب.    بالف وتسع مية جرح
أسمعها امي نادته.      خلنه ياخذ راحته
خله يرتاح.             خله يرتاح
****♦️
تمت ولله الحمد /المقصر مع الحسين.
                   علي النائلي

هوسات تأبينيه لاستشهاد الإمام الحسن العسكري عليه السلام

امامي العسكري والفاضل الشافي
السراج الطاهر الميمون والوافي
الامين الصادق وياعذب بشفافي

( بغيابك مفجوعه الشيعه )
★★★★★
تبچي اليوم سامره وتون وتنوح
كل ديره وكتر بيها عليك اجروح
امسَجَّل نور اسمك يلحسن باللوح

(ايجازونك بالسم تاليها )
★★★★★
ربيع أول ربيع الناس بألوانه
وعلى العتره خريف وكثرت احزانه
مفجوع الزمان  بفگد مولانا

(ظلمه الدنيا وكل مابيها )
★★★★★
مظلمه اليوم سامره عگب عينك
يعين الله الامام المهدي ويعينك
بدر هاشم الماكملن اثلاثينك

(أمجَرَّع بالسم يبن الهادي)

الشاعر حسن لعيبي الحريشاوي

هوسات تأبينيه لاستشهاد الإمام الحسن العسكري عليه السلام

امامي العسكري والفاضل الشافي
السراج الطاهر الميمون والوافي
الامين الصادق وياعذب بشفافي

( بغيابك مفجوعه الشيعه )
★★★★★
تبچي اليوم سامره وتون وتنوح
كل ديره وكتر بيها عليك اجروح
امسَجَّل نور اسمك يلحسن باللوح

(ايجازونك بالسم تاليها )
★★★★★
ربيع أول ربيع الناس بألوانه
وعلى العتره خريف وكثرت احزانه
مفجوع الزمان  بفگد مولانا

(ظلمه الدنيا وكل مابيها )
★★★★★
مظلمه اليوم سامره عگب عينك
يعين الله الامام المهدي ويعينك
بدر هاشم الماكملن اثلاثينك

(أمجَرَّع بالسم يبن الهادي)

الشاعر حسن لعيبي الحريشاوي

حرية الخدمه ،، بس يم ابو اليمه
١-
العبد مــــــن يمشي يم مولاه اتغير كل معانيه
صـح انـــي عبد لحسين عبد بس عندي حريه
الما تكضي بسهوله وياي حسين يكلي مكضيه
مـــا طايح كـبـل للناس بس طايح لابو ارقيه

ماخوذه من دمه ،، حرية الخدمه
٢-
كون اليشتغل لحسين يـتـحـمــل شكو كلمه
اسكت لا تـــرد عالناس وذبها بسد ابو اليمه
خلها شما تكول تكول عيش وموت بالخدمه
وكلهم أنـه لومه حسين أصلن ماصرت زلمه

علتني للقدمه ،، حرية الخدمه
٣-
مـعـــروفه الملك يـا نــاس يــأمــر عبده بفلوسه
بـــس ايــدي قبل لا اصير مـــن حسين متروسه
تدري شلون احب حسين حروفه بكلبي مغروسه
هــــوه المثل ابــو السجاد زحمه الحافر يدوسه

منشقه من اسمه ،، حرية الخدمه
٤-
بس انته الصدك يحسين تسوه ابجيلك عيوني
مــــن كــــد ما اسولف بيك مجنونك يسموني
تلوم الناس بيـه هـــــواي دوخه وكلش أذوني
ومــــن الـخـدمـه والعباس مـاكـدرو يمنعوني

ما تلكه بس يمه ،، حرية الخدمه

٥-
حلات الــحــب تبادل  بيه احبك وعرف اتحبني
مـــا اريــد ابتعد يحسـيـن لكلبك فـــدوه كربني
مــــا احصل بـعـد مـــولاي مثلك صعبه صدكني
الحلوه البيك ها يحسين منطلبك حاجه متردني

تحسسني بالنعمه ،، حرية الخدمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حسين عبد الجليل المالكي