ابرحيلك تنفتح بوَّابة آلآم
وتلهب نار من بيتك للاخيام
شنو الصار...والاشرار...تشب نار
من بيتك للاخيام

يالهادي ولخير انفاس...ناسك تجرح احساسك
إذن حگنه إذا گلنه... هاي الناس مو ناسك
والچانو سبب هَمَّك وذيتك
مو عجبه إذا نكرو وصيتك
وتاليهه يهجمون اعله بيتك
معروفه اللي مايحفظ أمانه...
نفسه اتكون أقرب للخيانه....
الضِلُم زاد...فلا هاد...والاحقاد
من بيتك للاخيام

بعد ماغَمُّضت عينك...وغبت ياسيد العتره
يابو فاطمه كسرو...ظلع من فاطمه الزهره
تستأذن چنت يم دار الاحباب
دار الله ورسوله ودار الاطياب
بله استإذان تالي دفعو الباب
گد ما چانت الدفعه قويه
طاحو فاطمه ومحسن سويه
مِنِ الروح...إخذ نوح...والاجروح
من بيتك للاخيام

كلشي الحيدره گلته...صار وخانو ابعهدك
وانگلبو على الأعقاب..ياسيد الرسل بعدك
ابموتت فاطمه اشگد ماتت احلام
وحيدر بالصلاه ينطبر عالهام
عالأيتام مَرَّت أصعب ايام
زينب والحسن وحسين يبچون
واشد واصعب بعد راحو يشوفون
مِنِ اسموم...مِنِ ادموم...والاهموم
من بيتك للاخيام

سبطينك يبو ابراهيم...ماشافو بعد راحه
هذا المات من السَم...وذاك ابسيف ذبَاحه
وزينب ناعيه وتنعه اعله الاثنين
مَرَّه اعله الحسن مَرَّه اعله الحسين
وظلت حايره تنطي الوجه وين
عگبك فاطمه اشگد عذبوهه
وزينب عگب اهلهه روّعوهه
ابهظمهه...عله امهه...ألمهه
من بيتك للاخيام

أهل الضلم والأحفاد...ضلت تضلم العتره
من معصوم الى معصوم...نار الحزن متوجره
ندعي الباري ياسيد البريه
يضهر صاحب الطلعه البهيه
ياخذ حگك وحگ الزچيه
وبوجه العِدَه الصارم يِسِلَّه
يطلب ثارك وثارات أهله
ابثورته...ودمعته...وحسرته
من بيتك للاخيام

سيد علي الموسوي

‏مقطع صوتي من سيد علي الموسوي

من كالوا ضعنكم بالدرب جاي
كعدت اعللدرب احسب بالضعون
باب البيت عفته بضهري مفتوح
وحضرت المكان البي تكعدون

اسولف ويه كلبي وانه اتنطر
بيا لهفه يصدلي من يجي الاكبر
وكبران الطفل يرجعلي اتصور

رحت امسح خشبة كاروكه..وعطرته وحطيت اوساده
هنه اشجم يوم شجم ساعه..وعامر يرجع بيت الساده
_

گالتلي يوجعني الظلع     گلت انه هم اذاني
روحين احنه ابفد جسد واحد يحس بالثاني
اخ الظلع اخ… اخ الظلع اخ
…… .
غير انتي ظلعي ابدنيتي  والبيچ كلهن بيه
يم حسن كل اليوجعچ يوجعني هم ليليه
مخنوگه من جرت النفس وانه اختنگ يوميه
جيبي الونين انقسمه نص الچ والنص ليه

صعبه اليشاهد بالنضر نص منه گام ايعاني
روحين احنه ابفد جسد واحد يحس بالثاني
اخ الظلع اخ.. اخ الظلع اخ
…… .
مو چني حيدر وانعرف اشهگ واموت بحسره
ماادري شنهي البنفس موجوعه ثاري الزهره
مو عصره وحده واكتفي باليوم مية عصره
يالزهره بمصابچ صرت امشي واطيح ابعثره

عثرني دمعچ من نزل كثر علي احزاني
روحين احنه ابفد جسد واحد يحس بالثاني
اخ الظلع اخ ……. اخ الظلع اخ
…… .
كل ونه بظلوعچ جرح توجعني واشهگ بيها
يا احله زهره ابهالعمر محزونه روحي اعليها
المشتركه وياي ابنفس ليش النفس ياذيها
تبچين نتباچه سوه وعيني الدمع يغطيها

اليدفنله نص من الگلب شيضل بعد ويتاني
روحين احنه ابفد جسد واحد يحس بالثاني
اخ الظلع اخ ……. اخ الظلع اخ
…… .
ينلچم گلبي ابشوفتچ والدمع وسط عيونچ
البچاچ بچاني اشكثر من شفت اصفر لونچ
بحساسي عشتي وبالذهن شمعه ونفخ يطفونچ
كسروا ظلوعي ابطيحتچ من گاموا ايدفعونچ

حالچ يبت المصطفى شل حالي وبچاني
روحين احنه ابفد جسد واحد يحس بالثاني
اخ الظلع اخ …… . اخ الظلع اخ
…… .
من حيلي حيلچ يستند يالبيچ اشد احزامي
يالچنتي زهره وسلوتي وكلشي حلو بيامي
بعد الرسول وغيبته يمچ رسيت الامي
اليكتلني كل هذا الوجع صار وحصل گدامي

وصلت وصيتچ للأذن من گلتي لاتنساني
روحين احنه ابفد جسد واحد يحس بالثاني
اخ الظلع اخ ……. اخ الظلع اخ
…… .
علي الحاج الصبيحاوي

#أبوذيات مفجعة

البخت دار بهداوة.. دار عينه
وصدرة برمح باشط.. دارعينه
الشمر يذبح واخيي... دار عينه
علي وانكطع نفسه وحار بيه


بجينه وآنه لتضن.. دمعي ابينه
افه وماراح تلكه.. دمعه بينه
شبكنه حسين وتخر.. دم عبينه
لحد مانكعت أرض الغاضرية


وحك فراكك الطشر.. لمتنه
طاح حسين والوادم.. لمتنه
انسحك متنه وامد ايدي.. لمتنه
غفلة وجرته الخيل من ادية

تل ما شفنه بالطف.. بس تل ام عون
هلي والدم خذاكم. بس تلمعون
شني معقولة زينب. بس تلم عون
وتعوف حسين مرمي اعله الوطية

موش ادموع بالطف ماشكتله
دمه والروح شكوة ماشكتله
الشمر عطشان گلي ماشي اكتله
بحقد وذبح اخوج بذني اديه

اسماعيل السعيدي

اللهم عجل لوليك الفرج

اليله السمه.    .     وي فاطمه
تبجي المحمد.   .     من دمه
او وسط العرش جبرائيل.   لمصابه ناصب ماتم


الهادي ياروح العلي واسراره
الجان جبريل الوحي خطاره
اليوم الخصم بلارض طفه انواره  

كون المثل.   شخصك يضل
تنعى النبوه.     ويه العدل

لو غمضت يامختار من اعداك محد يسلم




ارض وسمه وجن وانس مفجوعه
ودين الله ضل ينحب الك وفروعه
والفكدك الاسلام حاني ضلوعه

اعضم جرح.     بيه اتضح
ياطاها.      غيرك مايصح

من الانبياء الجبار اختارك انت الخاتم


بيك اكتمل نهج الاله ودينه
وميزان طاها بلعرش چفينه
وبغيابه دين الباري الله يعينه

الناصبي.     دين العلي 
يتجاهله.       بفگد النبي

لو رحل طاها يريدون ساس العدل يتهدم


يل بي صفات الانبيا مجتمعه
اعليه مفجوعه المثاني السبعه
ويس ويه الكهف تذرف دمعه

سورة فجر.     تواسي العصر
واعلنت.        ايات القدر

اعليك الحداد ينوحون شلون بترايب تنضم



وسط العرش اعلن حداد الجبار
وضهره ودليله منجسم حامي الجار
يدري عگب عينه العده تشب النار

ابيت الطهر.       وخد ينسطر
وضلع الزجيه.    ينكسر

ويطيح محسن بالباب وشهور تسعه ماتم



✍نور الولايه الفاطميه



https://www.tg-me.com/+63HK-Y3_SrQzZTEy

عكيلي بحق الامام الحسن العسكري (ع)




للمجلس بالمدمع جينه
وانادي احضر يامهدينه

١

نحضر يامهدي بيادمعه
وانوح اعله والد ننعه
صوت الخدام انته تسمعه
نلطم عالوالد خلينه

٢

نلطم والعالم يسمعنه
يابو المهدي يامرجعنه
انته اتوحدنه وتجمعنه
وبأسمك احنه اتسمينه

٣

هالليله انوح اعله مصابك
ونتمنه انشم احنه اترابك
خدام ومن نوصل بابك
نتمنه اترد انته اعلينه

٤

يبن الهادي انلوذ بعطفك
محتارين ابيش انوصفك
من جودك نترجه ولطفك
تشمل خدامك والينه

٥

الخدام الليله بيا حاله
تنحب بدموع الهماله
لجلك واليلطم هنياله
هالليله المهدي الله ايعينه

٦
ودعناك ابدمعه وحسره
حزنك يابو المهدي اشكبره
الله يساعد گلب الزهره
والزهره انحبك تدرينه

٧

مسموم وترحل هالليله
والله ايساعد گلب العيله
للباري ابمدمع نشكيله
زين الباري يدري اشبينه





لاتنسون والدي ووالدتي وابني عباس من الرحمه والمغفره
خادمكم رياض الرسل الجابري

🔻استشهاد الرسول الأعظم
محمد صل الله عليه وآل وسلم

الزهراء عليها السلام
ظلم 💔
ـــــــــــــــــ ❁ ❁ ❁ ــــــــــــــــــ

ظلم  .. بعدك يبويه بكل حقد داري يحركون
ظلم .. ما تطفه ناري بغيبتك وتصب العيون

واطفيها ناري بدمعتي
واشكيلك انه بحسرتي
بعـدك شفت يا خيمتي
ظلم ..

ـــــــــــــــــ ❁ ❁ ❁ ــــــــــــــــــ

يابويه فگدك من رحت شمسوي بيه
مـن غمضت عيـنك تـره دارو   عليه
بابي احترگ والنار اجت حرگة اديه
ما رف ابـد الهـم گلب وگالـو خطيه

حچي.. يابويه شحجيلك بعد بعيوني دمعي
حچي.. حرمه ويتيمه بلا ابو وما اكدر ادعي

ريتـك تشـاهـد حالـتي
واشكيلك انه بحسرتي
بعـدك شـفت يا خـمتي
ظلم ..

ـــــــــــــــــ ❁ ❁ ❁ ــــــــــــــــــ

لمـن وگع مـني الطفل وبخـدي سطره
ماعايـش ايامه وخـلص بالعتـبه عمره
كلما يجي ابالي اختنگ تخنگني عبره
ذبلنـي يـابويه الـوكت عايـفـني زهـره

متت.. ذبـلانه ابقـه بروحتك ظل عودي محني
متت..يابويه اجوني بكل حقد كسرولي غصني

بفگدك متـت ياشجرتي
واشكيلك انه بحسرتي
بعدك شفت يا خيمتي
ظلم ..

ـــــــــــــــــ ❁ ❁ ❁ ــــــــــــــــــ

يالكاسر جناح الگلب كسـره شيضمده
ذابحني يـا بويه البعد چـي  ماكو رده
مجبـوره ظـميـت الدمـع عـالخـد تبده
مثل الحمامه بچف طفل ما منه شرده

خنگ.. بجفـوفه يكسرلي ضـلع لمن خنگني
خنگ.. خلاني اطيحن عالارض لمن سطرني

انه طحت مـن سطرتي
واشكيلك انه بحسرتي
بعدك شفـت يا خيمتي
ظلم ..

ـــــــــــــــــ ❁ ❁ ❁ ــــــــــــــــــ

هم شايف بنية نبـي وكسـرو ضلعها
وتنـادي يافـضه بقهـر مـحد سمـعها
معقوله ما كسرة كلب جف الصفعها
مقهوره ويظل عالوجن ينزل دمعها

تهل .. دمعاتي مـن بعـدك نهر مايهده يجري
تهل .. يابويه بس نوح ودمع خلصته عمري

ودموعي حفرت وجنتي
واشكيـلك انـه بحسرتي
بعـدك شفـت يا خيمتي
ظلم ..

ـــــــــــــــــ ❁ ❁ ❁ ــــــــــــــــــ

ابشع جريـمه تسجلت يوكع جنيني
كلـما امـر بالباب احس يكثر ونيني
ما اريد اشوفن عتبته اعميها عيني
يابويه ردتك بالحلم اغـفه وتجيني 

حلم .. يالشوفتك صارت حلم اغفه واشوفك
حلم .. يا ريته ما يخلص ابد ما اريد اعوفـك

ما اريد افز مـن نومتي
واشكيلك انه بحسرتي
بعدك شفـت يا خيمتي
ظلم..

ـــــــــــــــــ ❁ ❁ ❁ ــــــــــــــــــ

خلينـي اشمك ياهـوه واترسها ريتي
يا نسمه مـن صوب الكبر لمن اجيتي
حملتي ريحة والـدي وبيـها اعتنيتي
يا نسمه بنفاسي اختنگ لمن مشيتي

هوه .. ما اريد اشم نسمة هوه ما بيها عطرك
هوه .. لمـن يجي ردته يمـر بويه اعلـه كـبرك

عطرك اريـده بشهگتي
واشكيلك انه بحسرتي
بعدك شـفت يا خيمتي
ظلم..
ـــــــــــــــــ ❁ ❁ ❁ ــــــــــــــــــ

🖊️كلمات

عباس فاضل الشمري

گالتلي يوجعني الظلع     گلت انه هم اذاني
روحين احنه ابفد جسد واحد يحس بالثاني
اخ الظلع اخ… اخ الظلع اخ
…… .
غير انتي ظلعي ابدنيتي  والبيچ كلهن بيه
يم حسن كل اليوجعچ يوجعني هم ليليه
مخنوگه من جرت النفس وانه اختنگ يوميه
جيبي الونين انقسمه نص الچ والنص ليه

صعبه اليشاهد بالنضر نص منه گام ايعاني
روحين احنه ابفد جسد واحد يحس بالثاني
اخ الظلع اخ.. اخ الظلع اخ
…… .
مو چني حيدر وانعرف اشهگ واموت بحسره
ماادري شنهي البنفس موجوعه ثاري الزهره
مو عصره وحده واكتفي باليوم مية عصره
يالزهره بمصابچ صرت امشي واطيح ابعثره

عثرني دمعچ من نزل كثر علي احزاني
روحين احنه ابفد جسد واحد يحس بالثاني
اخ الظلع اخ ……. اخ الظلع اخ
…… .
كل ونه بظلوعچ جرح توجعني واشهگ بيها
يا احله زهره ابهالعمر محزونه روحي اعليها
المشتركه وياي ابنفس ليش النفس ياذيها
تبچين نتباچه سوه وعيني الدمع يغطيها

اليدفنله نص من الگلب شيضل بعد ويتاني
روحين احنه ابفد جسد واحد يحس بالثاني
اخ الظلع اخ ……. اخ الظلع اخ
…… .
ينلچم گلبي ابشوفتچ والدمع وسط عيونچ
البچاچ بچاني اشكثر من شفت اصفر لونچ
بحساسي عشتي وبالذهن شمعه ونفخ يطفونچ
كسروا ظلوعي ابطيحتچ من گاموا ايدفعونچ

حالچ يبت المصطفى شل حالي وبچاني
روحين احنه ابفد جسد واحد يحس بالثاني
اخ الظلع اخ …… . اخ الظلع اخ
…… .
من حيلي حيلچ يستند يالبيچ اشد احزامي
يالچنتي زهره وسلوتي وكلشي حلو بيامي
بعد الرسول وغيبته يمچ رسيت الامي
اليكتلني كل هذا الوجع صار وحصل گدامي

وصلت وصيتچ للأذن من گلتي لاتنساني
روحين احنه ابفد جسد واحد يحس بالثاني
اخ الظلع اخ ……. اخ الظلع اخ
…… .
علي الحاج الصبيحاوي

ودوني لخوتي بساع ودوني
اريد اعله الجفوني اعميهن عيوني

انه ام الخدر ما تخلص احزاني
اجيت الكربله ومضيعه اخواني
شو محد فتح كبره وتلكاني
تدرون المصايب غيرت لوني

اسيره وعالوجن تهمل دموع العين
وكلها اتكلي زينب وين وجهج وين
وصيح بحيرتي ودوني يم حسين
من الناكه ارمي بنفسي خلوني
*
اجيت اعله الهزل والناكه بيه تميل
ودرب الشام يخواني يهد الحيل
انه حرمه وغريبه اشلون انام الليل
امشي وروسكم بيها تحرسوني
*
اشلون الماي اضوكه وراح طعم الماي
درب الشام اخذ يحسين مني اهواي
رقيه ما جبتها الكربله وياي
بالشام ادفنتها وخابت ضنوني
*
افتر بالمكابر والدمع يجري
وفراك الحنين اشكد كسر ضهري
ما ادري اروحن وين ما ادري
بكبر ابن امي اصيح بعبره دلوني
"
تمت
تحسين الخفاجي