الاربعين

ياهله ابريحة اهلنه ياهله
يابو فاضل رد ضعنّه الكربله
     +++++++++
ياهو بينه ايگوم يتلگه الضعن
اشلون ملگاگ الچفوف اتگطعن
اليوگف اعله التله يتلگه الاجن

ياهو بينه والضعن استقبله
     +++++++++
وينه لينسيهن الآم السفر
شلونواصيحن ياهله من النحر
لو اجت شتگول زينب يالگمر

چف اخو لا ضل يلاگي امدلـله
      ++++++++
الحمد لله اعله السلامه مالگت
بيها روح وعدله زينبنه اجت
من بعيد اسمعته صوت اختك بچت

صوت وينك من بعيد اترتله
      ++++++++++
اشلون ياعباس من اتمر عليك
والضعن عطشان يالكافل يجيك
خويه من تراب گبرك شيل اديك

منظر اسكينه صعب تتحمله
      ++++++++
ابني عبد الله فتح عينه وگعد
من بُعد يسمع دللو يالولد
لسه عطشان ودليله المابرد

بس حضن امه اليحل المسأله
      +++++++
ماكو رايه اتلاگي اختنه لا علم
وين مگعدهن منو الينصب خيم
فوگ گبري تگعد الحره بالم

من دموع الحره گبري اتبلـله

ثائر الربيعي

أويلي من لفت زينب يم حسين واليهه
تريد تگله جابو نوگ هزله وحيل مابيهه

تگله أگعد يبعد اختك أختك صارت بحيره
من سمعت عدوك صاح باچر تمشن الديره
وناخذچن أبدرب الشام ماألچن درب غيره

مهضومه وأجت لحسين تترجاه يباريهه
تريد تگله جابو نوگ هزله وحيل مابيهه
0000000000000000000000
مو بس الزلم والخيل تگله هدت علينه
تتراگض ورانه النار همهه توصل أعبينه
حفاي وسحگنه أرماد خدر الچان يحمينه

وبنيتك رقيه الگوم جروهن تراچيهه
تريد تگله جابو نوگ هزله وحيل مابيهه
0000000000000000000000
مدنگه وبعتب مذبوح يمه يجري مدمعهه
تشكيله المتون السوط حيل هواي أوجعهه
وتحسه من السحگ تعبان مابيه حيل يسمعهه

تگله أرتاح يبن أمي وگلبه تحس يحاچيهه
تريد تگله جابو نوگ هزله وحيل مابيهه
0000000000000000000000
يگلهه المعذره يم عون والله كلفه الحچايه
(سبيه الدللاهه حسين) عزيزه وغاليه هوايه
الچانت مايفارگهه تمشي بجاله وفيايه

كلفه زينب يگلهه حبل الشام ياذيهه
تريد تگله جابو نوگ هزله وحيل مابيهه
0000000000000000000000
راحـــــت للشريعه تلوب يم الكافل تگله
بـاچـر هيبة العباس گـوه تـركــب الهزله
شلون أبميلت المحمل ياچف تنطر يعدله

شلون أبحالهه أمن أطيح منهو اليفزع عليهه
تريد تگله جابو نوگ هزله وحيل مابيهه
0000000000000000000000
رسول رياض

٢٨٤- رجوع السيدة زينب (عليها السلام)

بأربعينك ٠٠ خويه جبت اعيالي
بأربعينك ٠٠ جيت اسولف حالي
وارد احلفك بالزچیه
لا تناشد عــــن رقيه
ــــــــــــــــــــــــــــــــ
حسين خويه حسين فك باب الگبر
ٱنه زينب جيت ســـــــاندني الصبر
خـــــاطري لتظــــــن عگبکم ینجبر
الف عــــــــــام اشعر اخذ بيه الكُبر

بالصحاري ٠٠ عفتك اويه جروحك
بالصحاري ٠٠ اويـــاي ظلّت روحك
وهم دريت شصار بيه
لا تناشد عــــــن رقيه
ــــــــــــــــــــــــــــــــــ
يلي خــــــــلّو راسك ابسن الرمح
وغصب عنّي عفتك ابوادي الذبح
جيت اسولفلك يخـويه چم جرح
وآنه حرمه اچببره مکسورة جنح

عالهزيله ٠٠ رچبونـي بلا اخو
عالهزيله ٠٠ ينظر اعليه العدو
آه يا شمّــــــــات اميه
لا تناشد عــــــن رقيه
ــــــــــــــــــــــــــــــــــ
عــــــازة الخوّان عازه بكل وكت
وآنه رحت بلا اخو ودمعي يكت
ادروب ياخويه طويلات اسلكت
شلون عن حـالي يخويه ينسكت

وبرگبتي ٠٠ خويه چم طفله وطفل
وبرگبتي ٠٠ وبيدي ملتف الحــــبل
وافـــرك براحات اديه
لا تناشد عــــــن رقيه
ــــــــــــــــــــــــــــــــــ
الكوفه چانت بالوصي اجمل وطن
والليالـــــــي البيض ياوسفه مضن
دخلــــــــــــونه والعده تبره الظعن
واليتيمات اعلـــــــــه واليهن بچن

وينه عباس ٠٠ ینظر الهذا الوضع
وينه عباس ٠٠ عالشريعه منصرع
العده ماعدهم حميه
لا تناشد عــــــن رقيه
ــــــــــــــــــــــــــــــــــ
الشام آه يالشام ماخـــــلّتلي روح
من دخلنه وروســـكم گامت تلوح
بالحجر رامونه من فوگ السطوح
همه فرحــــانين واحنه بس ننوح

زينه واطبول ٠٠ واحنه ربات الوحي
زينه واطبول ٠٠ حــرم كلنه نستحي
ريت وافـــتني المنيه
لا تناشد عــــــن رقيه
ــــــــــــــــــــــــــــــــــ
الحچي هواي وبعد ماعندي حيل
والزمـن رضني مثل رضت الخيل
وآخر جـــروح الخرابه وچان ليل
وعن رقيه احچیلك وبالروح ويل

لا تناشد ٠٠ آنه احچي اللي جره
لا تناشد ٠٠ ينهــــــدم حيلي تره
بالظعن ازغـــــر سبيه
لا تناشد عــــــن رقيه
ــــــــــــــــــــــــــــــــــ
فـــــــــزت الطفله رقيّه ياحسين
اتصيح ياعمّه ابـــوي الغالي وين
واعله راسك حيل شبگت بالإدين
ماتت بساع الحنينه اعله الحنين

الثوب جبته ٠٠ ذكره اخلي عالگبر
الثوب جبته ٠٠ يشرح هموم اليسر
هاي ياخــويه القضيه
لا تناشد عــــــن رقيه
ــــــــــــــــــــــــــــــــــ

فراس المحمداوي
٢٧ محرم ١٤٤٦ هـ

#نعي

مرينه اعلى جسمك لحظة وداع
بس مرة سبايه ومستعجلين..
الله وياك كتلك خويه عباس
طلع موكب خواتك ماكلت وين
اشو ماناشدتني اعللهزل ليش
ولاگتلي يزينب وين تردين
ومالحكنه نوكف نلطم عليك
وسلمنه اعلى جسمك واحنه ماشين..
نخيتك ماكمت مستحيه رديت
واكل للروح ميت لاتعتبين..
على كلن طلعنه بدك الطبول
ومشه موكب الروس وقائده حسين
وطلع موكب عزانه ومشه استعراض
موكب بس منصاته الدواوين..
وجمهور اليعاين موش جمهور
شماته تكول حسبالك مجانين..
نلطم يالطم زنجيلنه السوط
واللطامه زينب والنساوين..
الفشل كل الفشل من طبت السوك
شكثر صعبه اعلى بنت الهاشميين..
شفت نسوانهم تضحك يعباس..
كلها تكول حامي ضعونجن وين..
صدگ عافج يزينب ستر الخدور
وينه الگالج بحماي تمشين
صرت مجبورة ادنگ من ينشدون
افزعه شلون زحمة لماله جفين
وخلصنه العزه وانتهه الزنجيل
بس بظهورنه ظلت نياشين..
ونصبنالك عزه بنص الخرابات..
بس شلون تعزيت مساجين..
ونعيتلكم نواعي تشيب الراس
لما ماتت رقيه بكثر الونين..
ولمن حسيت راسك صاح كافيج..
عميتيها يزينب هيه بس عين..

رائد الناشي

#اللهم_عجل_لوليك_الفرج

نوح ومدامع...رحلة سبينه
ابنفس المواجع...رحنه وإجينه

زينب آنه وشرد اسولف ياجرح ياهَم
وآنه نار ابگلبي تشبه نار المخيم
ابلوعتي التاكل ابروحي خالقي يعلم
الشاف مثلي حگه يجري دمعته من دم
لگبور الاحباب...بالهم لفينه
ابنفس المواجع...رحنه وإجينه

اطلعنه من الغاضريه وحيل مابينه
عفنه الاجساد ومشينه ابروس اهالينه
بالسَّبي صَب المصايب صَبَّت اعلينه
والهظم زايد علينه ابيوم ردينه
حمول النوايب...ثگلت علينه
ابنفس المواجع....رحنه وإجينه

أربعين امن الليالي فارگيناكم
من بعد رحلة سبينه اليوم اجيناكم
يكسر الخاطر وضعنه اخلاف عيناكم
والأشد واصعب علينه من وصلناكم
شفنه المگابر...واشگد بچينه
ابنفس المواجع...رحنه وإجينه

إلكم احچي اهموم گلبي يهلي خلوني
چم مصيبه وچم رزيه شافت اعيوني
لو أموت امن البواچي لا تلوموني
گبلي هم ماتت رقيه وخابت اضنوني
بالحسره والآه...هالعاودينه
ابنفس المواجع...رحنه وإجينه

ريت اموت اليوم يمكم ها يولياني
ولا أرد لرض المدينه ابلايه خُوَّاني
راح يشتبهون بيه امن اوصل اوطاني
من كثر ماغيِّرتني اهمومي واحزاني
واتهيج الاجروح....برض المدينه
ابنفس المواجع....رحنه وإجينه

سيد علي الموسوي

اذا تحب ترفع قصائدك على استوري الفيس والانستا توصل ويانة خاص
@ahmed_alziwar0
واتساب
07732320742

من المــــــــخيم للنحــــــر عــــذاب
طــــول الدرب نتــــــعثر بشــــباب
الرادت تــــــودع وليدهه
حبل الــسبي يكص يدهه
عذاب. عذاب
***
بــعد ساعه الــسبينه وجــابو الهزال
جــنهه مــتيهه اجتنه وجنهه ماتندل
بــحوافرهه اجــت تســــحك بلمدل
عفــيه وراي عدي وعــــقلي مايختل
عثرن بلاخــــــــو كبالي
وشوفنه بــــجه الحالي
كتله خلافه هيج نصير
بيك حتــــــــــار دالالي
والشوغه شــــــــوغه تزيدهه
الرادت تــــــــــــودع ولديهه
عذاب. عذاب .

لأستشهاد الرسول صلى الله عليه وعلى آله  السيده الزهراء عليها السلام على القبر الشريف ،،،،،

****
يم   گبر   الابو   لحضات   ودوني
اريد  احچيله  هاي المره  بعيوني

*

اريد اوصل لابوي الطوول افراگه
واشم   اتراب گبره  بيوم  الملاگه
يبعد  التعباهه    الموت   مشتاگه

بقيت   بلا نفس لحظه ويدفنوني
اريد  احچيله  هاي المره  بعيوني

***


يماي  تموت ليش وروحي  عطشانه
وحگ شيبة  لحيتك    والله   تعبانه
دگوم    من  الگبر  يمك وصلت  آنه

يم   اهل    المحنه   هنانه خلوني
اريد  احچيله  هاي المره  بعيوني

****

تعبني  الدهر  جيتك  واريد  انخاك
اذا يمك  مچان  احظني اريد  وياك
تره  الشيبني  بويه  شما يمر طرواك

واگلهم    مي  ورد علگبر  رشوني
اريد  احچيله  هاي المره  بعيوني

**

اريد  الوحدي  ويمك  واسولف  كون
واگلك من وكت اهل الوفه  يروحون
يدافي  الشبگه ماتت ما تگلي  شلون

الهلا  يطمهه  التراب شلون حاچوني
اريد  احچيله   هاي    المره  بعيوني

***

اريد  ابچي  اعله  گبرك  هلبت تجاوب
جاباني    حنانك     بويه  ما     اعاتب
يحاضر   بالنفس   بس  بالگبر    غايب

صرت    ام    الحزن  بعدك   يسموني
اريد  احچيله   هاي    المره  بعيوني

***

أگلك   چلمه  وامشي  لعالم  احزاني
التفگد     والد  لحد  موتهه      أتاني
واگلك  ما  وفيت   وهالاجيت   آني

مشتاگه  الچفوفك  تمسح    أمتوني
اريد  احچيله   هاي    المره  بعيوني


كلمات الخادم /  رعد الفريجي

قصائد استشهاد الرسول (ص)
نــزلــه
.................................................................
فارگيناك    والفراگ    يبويه شگد صعب
.................................................................
انـــــه بنتك تدري بيه من الزغر حبيتك
انـــــه بنتك هايبويـــــه لاتضن ناسيتك
ساكن بگلبي يبويــــه بگلبي هالضميتك
بويه من يوم العفتني وحشه صاير بيتك

يضل ذكراك    يبويه    عايش بنص الگلب
.................................................................
بويـــه مــن يوم العفتني بگلبي ضلت خوفه
وروحــي تسعرنار بيها روحـــي الك ملهوفه
صحت ياموت اعلى هونك خل ابوي وعوفه
خله بس لحظات أليه مشبعت مـــن شوفــه

فگـدناك        يغالـي     انته يااغلى محب
.................................................................
بنتك وتـــــدري انتـــــه بيــه مااعيش بدونك
وعينــــي بغيابك يبــويــــه ماتصد لعيـــونك
ريتني ميته يبويه ولاشفتهم بـــويه يدفنونك
كون گبلك ميته أنه ولاشفتهم بويه يشيعونك

دفناك      حرامات     تاليها وبنص الترب
.................................................................
ماتوقعتك يبويــه انتــه عــن عينـــي تغيب
يادواي وياطبيبي انتــه لجـروحـــي طبيب
ياحبيبي الغيره مااحب أنتـه يااغلى حبيب
مـن تغيب انته يبويه جروحي صدگ ماتطيب

ودعيناك  والوداع     شفت بيه العجب
.................................................................
بغيبتك تدري يبويه وحشه صارت دنيتي
بالبچي عمري يخلص النوح صاير سلوتي
چنت رفعت راسي انته بويه وانته هيبتي
بغيبتك تـدري يبويه صعبه صارت حالتي

لويمر طرواك     تراني   ابچي والمدمع يصب
.................................................................
بغيبتك عايفني وحدي لناس ماعدها رحم
بغيبتك هجموا عليــــه بويــــه اشباه الزلم
بلايه غيـــره بلاحميــه ناس ماعدهم شيم
ترضاها يابويــــه عليه تالي عمـــري انشتم

هجموا اعداك       عليه    جمعوا ابابي الحطب
.................................................................
الشاعر  عماد محمد الدراجي
الجمعه          2022/9/23

يــريــت الــغــاب بــحـــوالــي ٠ يريته
يــعــلــم دم جــفــن عــيـنـــي ٠ يريته
آنــه الــبــسـمــار مــن صـدري ٠ يريته

اشـيـجــر الــبـاب ظــل واگع عــلــيــه

رباط ⬇️
اتــعــدو  فــوگــي اتــعــدو
مــحــد دنــگ  شــال  الــبــاب

يا ضواها الدنيه ضلمه بلا ضوه
يا نفسها الزهره مختنكه بهوه
:::::-----:::::
يارسول الله الصحابه ماحصل منهم نفع
خانو الصحبه الجليله اتفقو بكسر الضلع
الما رعو بيت الرساله كون نافيهم شلع
كون من عينك تذبهم مثل ماتبجي الدمع
صدك لو كالو عصابه قاتله
من تفكرها جبيره المسأله
بغضه كلبك يارسول الله نجوه
:::::-----:::::
يا رسول الله بغيابك فاطمه ضلت توون
على فكدك يبو القاسم ماطبك الها جفن
ذبل من بعدك عمرها ماتت بليل الحزن
جان خيمه يضلل الها العافها بهم الزمن
انته بيدك رسم خطيت السلام
ما نسيتك الله شاهد مو كلام
ياطبيب الجرح يا احسن دوه
:::::-----:::::
يا علم دين الله يا راعي الرساله الطاهره
الله خصك بالرساله ودين طييب مضهره
بغيبتك خليني اخبرك بالطفوف الي جره
من غبت سيد الرساله حسين كطعو منحره
ليش نكروها الوصيه وخالفوك
فدك رادوها بغيابك مارعوك
دفع باب وكطعت للخنصر سوه
:::::-----::::::
بحزن املاك اعله فكدك وفاطمه ماتت الم
بجت بس فضه عليها حيدره حيله انهدم
تبجي لمصابك يبوها و ذبلت بكثر الندم
ضاكت الدنيا عليها وتحلم بشوفك حلم
تنوح لمصابك البضعه طاهره
الحال يا حاله علينا حيدره
بالمصايب كلب حيدرنه ارتوه
:::::-----::::::
الليل لوجاها بهمومه الزهره ماتطبك جفن
انطوه ياضهر الزجيه و عمت عين ام الحسن
ناحت اعليك وجفنها ماغمض ساعه وسكن
تبجي والزهره ضلعها انكسر يم باب الفتن
ياذخرها يبو القاسم فكدتك
انته ضلها وللشدايد رادتك
كلب بتك بس مصايب بي حوه
:::::-----:::::

حسن صالح العيساوي

🔻استشهاد الرسول الأعظم
محمد صل الله عليه وآل وسلم

الزهراء عليها السلام
ظلم 💔
ـــــــــــــــــ ❁ ❁ ❁ ــــــــــــــــــ

ظلم  .. بعدك يبويه بكل حقد داري يحركون
ظلم .. ما تطفه ناري بغيبتك وتصب العيون

واطفيها ناري بدمعتي
واشكيلك انه بحسرتي
بعـدك شفت يا خيمتي
ظلم ..

ـــــــــــــــــ ❁ ❁ ❁ ــــــــــــــــــ

يابويه فگدك من رحت شمسوي بيه
مـن غمضت عيـنك تـره دارو   عليه
بابي احترگ والنار اجت حرگة اديه
ما رف ابـد الهـم گلب وگالـو خطيه

حچي.. يابويه شحجيلك بعد بعيوني دمعي
حچي.. حرمه ويتيمه بلا ابو وما اكدر ادعي

ريتـك تشـاهـد حالـتي
واشكيلك انه بحسرتي
بعـدك شـفت يا خـمتي
ظلم ..

ـــــــــــــــــ ❁ ❁ ❁ ــــــــــــــــــ

لمـن وگع مـني الطفل وبخـدي سطره
ماعايـش ايامه وخـلص بالعتـبه عمره
كلما يجي ابالي اختنگ تخنگني عبره
ذبلنـي يـابويه الـوكت عايـفـني زهـره

متت.. ذبـلانه ابقـه بروحتك ظل عودي محني
متت..يابويه اجوني بكل حقد كسرولي غصني

بفگدك متـت ياشجرتي
واشكيلك انه بحسرتي
بعدك شفت يا خيمتي
ظلم ..

ـــــــــــــــــ ❁ ❁ ❁ ــــــــــــــــــ

يالكاسر جناح الگلب كسـره شيضمده
ذابحني يـا بويه البعد چـي  ماكو رده
مجبـوره ظـميـت الدمـع عـالخـد تبده
مثل الحمامه بچف طفل ما منه شرده

خنگ.. بجفـوفه يكسرلي ضـلع لمن خنگني
خنگ.. خلاني اطيحن عالارض لمن سطرني

انه طحت مـن سطرتي
واشكيلك انه بحسرتي
بعدك شفـت يا خيمتي
ظلم ..

ـــــــــــــــــ ❁ ❁ ❁ ــــــــــــــــــ

هم شايف بنية نبـي وكسـرو ضلعها
وتنـادي يافـضه بقهـر مـحد سمـعها
معقوله ما كسرة كلب جف الصفعها
مقهوره ويظل عالوجن ينزل دمعها

تهل .. دمعاتي مـن بعـدك نهر مايهده يجري
تهل .. يابويه بس نوح ودمع خلصته عمري

ودموعي حفرت وجنتي
واشكيـلك انـه بحسرتي
بعـدك شفـت يا خيمتي
ظلم ..

ـــــــــــــــــ ❁ ❁ ❁ ــــــــــــــــــ

ابشع جريـمه تسجلت يوكع جنيني
كلـما امـر بالباب احس يكثر ونيني
ما اريد اشوفن عتبته اعميها عيني
يابويه ردتك بالحلم اغـفه وتجيني 

حلم .. يالشوفتك صارت حلم اغفه واشوفك
حلم .. يا ريته ما يخلص ابد ما اريد اعوفـك

ما اريد افز مـن نومتي
واشكيلك انه بحسرتي
بعدك شفـت يا خيمتي
ظلم..

ـــــــــــــــــ ❁ ❁ ❁ ــــــــــــــــــ

خلينـي اشمك ياهـوه واترسها ريتي
يا نسمه مـن صوب الكبر لمن اجيتي
حملتي ريحة والـدي وبيـها اعتنيتي
يا نسمه بنفاسي اختنگ لمن مشيتي

هوه .. ما اريد اشم نسمة هوه ما بيها عطرك
هوه .. لمـن يجي ردته يمـر بويه اعلـه كـبرك

عطرك اريـده بشهگتي
واشكيلك انه بحسرتي
بعدك شـفت يا خيمتي
ظلم..
ـــــــــــــــــ ❁ ❁ ❁ ــــــــــــــــــ

🖊️كلمات

عباس فاضل الشمري

https://www.tg-me.com/asaadshaker