تم ولله الحمد نشر اجمل قصائد لمحرم 1446
https://www.tg-me.com/al_hassanen

بصوت سيد حسين الموسوي الناصري

قصيدة من الملمع ، مسيرة العشق
ـــــــــــــــــــــــــــــــــــــــــــــــــــــــــــــــ


نبكــيكَ بالدماءِ
يامهجةَ الزهراءِ

لو قطّـــــعوا أرجــلنا يا سيـــدي
نأتيكَ يا ٱبنَ المصطفى على اليَدِ

حسيناً واحسينا

:؛؛؛؛؛؛؛؛؛؛؛؛؛؛؛؛؛؛؛؛؛ــــــــــــــــــــــــــــــــــــــ

يحسين اجينه وكل محب يعلن غرامه

جمرة مصــابك واگــدة ليوم القـــيامة

لطمه ودمعته عللوجن أوضـــح علامة

مجنون بيك ويحتــمل كل المــلامة

بصرخةِ الولاءِ ،،، يا مهجةَ الزهراءِ

يعلو الندا في الأربعينِ يا حسين
جحافلاً تدوسُ أنف الظــالمين

حسيناً واحسينا .

؛؛؛؛؛؛؛؛؛؛؛؛؛؛؛؛؛؛؛؛؛؛؛ــــــــــــــــــــــــــــــــــــــ

منك تعلمنه الصبر يبن الزچية

يا سيدي ودانت الك كل البرية

دمك حفظ دين النبي بالغاضرية

زحفاً إجت وتبايعك هالرافضية

يا منبعَ العــطاءِ
يا مهجةَ الزهراءِ

لولاكَ ماءُ الوجهِ قد تبددا
ونرتضي إذلالنا مِنَ العِدَا

حُسيناً واحُسينا .

؛؛؛؛؛؛؛؛؛؛؛؛؛؛؛؛؛؛ ـــــــــــــــــــــــــــــــــــــــــــ

حبك تملك هالنـــفس غذه الــشرايين

وگلب اليحبك سيدي ظل ينبض حسين

والناس من حبهم الك صاروا مـــجانين

كلهم مثل عابس غدوا بالموتة راضـــين

يـــتوقُ للـــفداءِ
يا مهجةَ الزهراءِ

ما ضَرّهم لو أنهم إنْ أصبحوا
أضاحياً في كُلّ يوم يُذبحوا

حسيناً واحسينا .

؛؛؛؛؛؛؛؛؛؛؛؛؛؛؛؛؛؛؛؛ ــــــــــــــــــــــــــــــــــــــــــ

واللي نهج نهجك أخذ باليمنه الكتاب

والما نهل من ثورتك بالتالي ينـعاب

يحسين والناصب الك بالذلة ينصاب

ملعون بلسان النـــبي وبالدنيا مرتاب

هاكَ استمعْ ندائي
يا مهجةَ الزهــراءِ

يا ليتنا في كربلا كنا معك
نُذيقُ حَرَّ سيفِنا مَنْ نازعَك

حسيناً واحسينا .

؛؛؛؛؛؛؛؛؛؛؛؛؛؛؛؛؛؛؛؛؛ ــــــــــــــــــــــــــــــــــــــــ

يا ريت ينصابن عمه الما يبچن علـيك

وياريت رجلي مكسرة لو ما مشت ليك

خادم أظل طول العمر ولساني ينعيك

ما تنسى خدامك أبد ما تنـسى ادريك

حسينُ يا رجائي
يا مهجةَ الزهراءِ

أبكيكَ صُبحاً سيدي وفي المَسَا
بشاطيءِ الإجلالِ قلبي قد رَسَى

حسيناً واحسينا
ــــــــــــــــــــــــــــــــــــــــــــــــــــــــــ

الاستاذ ستار عذاب الحچامي .

)               * مَشّايَّه * )
كل سَنه إِنزور حسين مَشّايه
مــانِغَـيِّـر لِلموت هـالــســايـه
*
إبـدَرب أَبـو اليِّمَّه مِشينه * آنـه وبـنـي الـنـاذريـنـه
               إِمـن الوِلاده لِلذخـر
ناذرينه أُوليدي يِمشي * وِبخَفايَّه أشـواﮔـه يِـفـشي
               أَرد أَوَّفّـيـلـه الــنـذر
بالعَلَـﮓ شـدِّيـت راسه * حسين تَـرنـيـمَـة أَنفاســه
               إِي وَحَق أُم الصَبـر
ثـوبـه أَسوَد مِثِل رَبعه * يِـبـݘـي عالمَذبوح طَـبعـه
               لومِشه إبدَربه شِبِر
إِيداعِب النَجم الطاش بالرايه
مـــانِغَـيِّـر لِلموت هـالــســايه
*
الرايـه ماعافَـت يَمينه * أُولا مِـسَـحها إِدموع عينه
               أُولا تَـعَـب مِـن الـدَرب
بالـﮕـلب مَسجوره جَمره * والدَليل إِعـيـونـه حَمره
               مـاطُفَت نـاره الـتِـشِـب
أُوليدي راضعها الـشَـهامه * مـايـفَـكّـر بـالــسَـلامه
               يِـفـدي روحـه لِـلـمُحِب
يِـمـشي ݘَـنَّه إِطـويـر جَنَّه * بـالـدَرب يِـنـثـر مَحَـنَّه
               روحـي إِبني والـﮕـلـب
زينَة الدنيَّه إِتـﮕـولهـا الآيه
مـانِغَـيِّـر لِلموت هـالــســايه
*
سِــرنـه والمَنظَر بَـهَـرنـه * والمَواكِب تِـنـتـظـرنـه
                لِـلـخِـدامــه تِـسـتِـعـِـد
صـاحَـوا إتـفَـظَّـل يَـزايِـر * إِحـنـه خِـدام الـشَـعـايِـر
                نِـخـدِم الـعِــطـره وَرِد
ضِيف تِـتـفَـظَّـل عَـلـيـنه * الخِدمِتك كل إِحنه إِجينه
                نِحـمِـل الـحَـر والـبَـرِد
يِـرتِـفِـع وَالله قَـدري * ضـيـفـنـه يـــــابَـعَـد عُـمري
                وُطلُب إشتِهوى أُوتِوِد
حَقّق إلنَّه يـاضيف هـالغايه
مـانِغَـيِّـر لِلموت هالــســايه
*
شفنه حِلويـن الشَمايِل * الـدَّمع عـالـوَجـنـه سـايِـل
                والـﮕـلب قِطعَـة عَطف
إِسـتَقبِلونـه ݘَـن أَهَـلـنـه * والـخِـيَّـم يـانـاس جَـنَّـه
                بـيهـا يِسهَـل كل كَـلِـف
قَــدِّمَــوا أَكـلـه هَـنـيَّـه * يِــشــبِـع الـمـاعـون مـيَّـه
                الضَّدنه بـيهـا يِعـتِـرِف
رَحُّـبَـوا حَـد مـاغُـفـيـنه * نِمنه بـالخيمه أُودِفـيـنـه
                الخِدمه أَبَد ماتِنوُصف
هـذا طَـبـع الـخـدّام وَفـايــه
مـانِغَـيِّـر لِلموت هالــسايــه
*
أَذَّن الصُبـح إِشـحَـلاتـه * كـل مُحب نـال أُمـنِـيـاتـه
                 صَلَّه وّيَّه الزائـريـن
ذولـه عـشّـاق أَبـوالـيِـمَّه * سِكنَوا إِمن المَهَد قِـمَّه
                ذولـه زوّار الحُـسـين
عـطـر كل الجنَّه بـيهُم * سِحـﮕَـوا الموت إِبمَشيهُم
                مــارِكَع لِلذِل جَـبـيـن
وَدّعـيـنـاهـا الـكـواكـب * أّعـنـي خـدّام الــمَـواكـب
                جَوهَر الحب والحَنين
الجَنَّة إحسين إبروح شَرّايه
مــانِغَـيِّـر لِلموت هالــســايه
*
سرنه والرايَّه تِرَفرِف * والـمَـسـيـره كلها تِـهـتِـف
                 إحنه عـشّـاق الـذَبـيح
إݘـفـوفـنه مَـحَّـد لـواهه * إِي وَحَـق مَحـبـوب طـه
                 إِحسينَّه الوَجه الفَليح
لِلتَعَب لاماعـرَفـنـه * مِن عَـذب صـافي إِرتِـشَـفـنـه
                 مِن وصَلـنه لِلضَريح
إرتـشَـفـنـاهـا الـسـعـاده * والـﮕـلـب حَـقّـق مُـراده
                 يَم سَـنَدنه يِـسـتِـريح
كل سَنه أُوليدي إيزور وَيّايه
مــــانِغَـيِّـر لِلموت هالــســايه
  (( الشاعر سيد هاشم النوري المبرقع ))
 

اغلى من روحي --- بس الچ نوحي--- رقيه
انطيني آلامچ -- وحرگة اجدامچ -- رقيه
----
عايشه بروحي مصيبه من الطفوف
يارقيه وحبلچ ادري ايأذي الچفوف
انتي من ضربة شمرهم صحتي ماشوف
شكثر حملت من ضربهم ذيچ الچتوف
صحتي يا عمي -- ماگطع دمي --- رقيه
بجمرة اخيامچ -- وحرگة اجدامچ رقيه
------
موقف الخلّاهه تنزف دمعة العين
يم ابوها گعدت وتشكيله جرحين
تگلّه ترضى متوني زرگه بويه يحسين
وأذني بويه ايصب دماها وزاد الونين
أذني مدميّه -- بلايه ترچيه – رقيه
حسين جدّامچ -- وحرگة اجدامچ – رقيه
-----
معصّبه العين وطريق البي سبي اطويل
وتچوي ظهر الناگه دمعتها لما اتسيل
حسين راسه اعله الرمح والهودج ايميل
خوفه عالطفله تتطيح وچلچل الليل
دمعته تنادي -- لبّة افادي – رقيه
گاصده الشامچ -- وحرگة اجدامچ --- رقيه
-----
مدللت والدها تسكن بالخرابه
بعد عزها ويلي تغفى اعله الترابه
ويّ كل دمعه التصب اتنادي بابا
ليش عني والدي طوّل غيابه
وين ابو اليمه -- تنادي ياعمه -- رقيه
بداعة ايتامچ --- وحرگة اخيامچ -- رقيه
-----
من كثر ما بالخرابه تهمل العين
لن اجوا جابو طشت بي راس الحسين
شافته وصاحت يبويه اتأخرت وين
شبگت الراس واخذها بشبگته البين
المدمع اتهلّه -- ماتت الطفله – رقيه
تشهد ايامچ --- وحرگة اجدامچ --- رقيه
-----
الشاعر محمد حسن ضيغم

بصوت. مسلم المطيري

اغله من روحي

كلمات الشاعر
محمد حسن ضيغم

متى الفرج:
ع الوجه كمنه نحط جفوفنه
للستر خاف الغريب يشوفنه
ــــــــــــــــــــــــــــــــــــــ
نوگ هزلة ومامش عليها غطه
والضعون يسوگ بيها ابن الخطه
وين حامي ضعونه اعلينه بطه
شلون بيد الما رحمنه يعوفنه
ــــــــــــــــــــــــــــــــــــــ
نمشي ممشه نياگهم مانستريح
نخاف خاف گبالهم وحدة تطيح
وانتم ابين الموذر والذبيح
خلص طفكم واحنا هاي اطفوفنه
ــــــــــــــــــــــــــــــــــــــ
ناس تضحك ناس تشتمنه وتروح
وناس ترمي حجار من فوگ السطوح
واحنا مابين المجتف والينوح
والسياط انطبعت اعلى چتوفنه
ــــــــــــــــــــــــــــــــــــــ
بالنهار يصير مسراها الضعون
وعمده باوساط المدن بينه يجون
يساره واعلينه الخلگ يتفرجون
بلايه والي ونرتجف من خوفنه
ــــــــــــــــــــــــــــــــــــــ
بلا غطة وشي حافيه وشي اعلى نوگ
والهزل چتالكم بيهن يسوك
عمده كل ما يضعن يمر اعلى سوگ
بلايه غيره وبالسواگ يطوفنه
ــــــــــــــــــــــــــــــــــــــ
مالهم نخوه ويضربون الاسير
وبالطبول الناس تتلگه المسير
طحنه بيد الماكو عدهم مايصير
وانولينه ولا غيور يروفنه
ــــــــــــــــــــــــــــــــــــــ
بالشتم والضرب گضينه الطريج
وحالنه يبچي العدو گبل الصديج
درب غربه ومامش ويانه رفيج
وتاكل احبال السبي بجفوفنه
ــــــــــــــــــــــــــــــــــــــ
گبال باب الساعة وگفنه يزيد
مچتفين تشوفنه الوادم يريد
ويذبح بسجادكم طوگ الحديد
ويم هذاك الباب طال وگوفنه
ــــــــــــــــــــــــــــــــــــــ
وما انسى شما طولت بيه السنين
شلون للمجلس دخلنه مربطين
يزيد سبنه وضحك مروان اللعين
وسلت الكوفة علينه سيوفنه
ــــــــــــــــــــــــــــــــــــــ
يا آل هاشم ابد ما عالبال جان
يزيد بينه گبال مروان استهان
ويضرب شفاف السبط بالخيزران
وعاف ملتنه ونكر معروفنه

رائد الناشي

#اللهم_عجل_لوليك_الفرج

https://www.tg-me.com/asaadshaker

قصيدة ما بعد انتهاء الخدمة من المواكب (طور اهوازي)


يا وسفة اعله احلى ايام   بالخدمة گظيناها
انتانيها اعله طول العام   هالخدمة عشگناها
حد الموت خدامة    حد الموت خدامة
=======================
نعمتنة الچبيرة حسين   يربي ادوم هالنعمة
عشنا بخدمتك ايام   مثل الشهد هالخدمة
خلصت وانگظت ياحيف  مرت مرت النسمة
المحبة الضاعت من سنين  بالخدمة لگيناها
حد الموت خدامة    حد الموت خدامة
=====================
الچبير وگوة يلله يگوم    وروحة هواي خلصانة
وي الشاب ابو العشرين    گام و يركض ويانة
من خلصت بقى مهموم   عينة دموع غرگانة
يرد محني الظهر للبيت   حالة هواي شفناها
حد الموت خدامة    حد الموت خدامة
==========================
مو من العمر هيهات   ايام الگضت منة
عشناهن سوة ويحسين  وچن عشناهن بجنة
كل واحد تشب بي نار   زوارك مشوا عنة
للعام اليجينة انوب   ايامك نطرناها
حد الموت خدامة    حد الموت خدامة
=======================
عزلنة المواكب حيف   دمعة تسابكَ بدمعة
وحشة الدنيا عالزوار   وضاگت سيدي الوسعة
لجلك رخصينا ارواح   والشيعي اتعرف طبعة
يرخض روحة لجل حسين   عالفطرة عرفناها
حد الموت خدامة    حد الموت خدامة
=========================
خلصت خدمت الزوار   وضلت بالگلب حسرة
كل خادم صبح مكسور   گلبة ويستعر جمرة
ما يبرد لهيب النار   لمن نوصل  الحضرة
گطرة دم لبو السجاد  ما نوفي احنا گلناها
حد الموت خدامة    حد الموت خدامة
======================
اسالكم الدعاء رائد الاسدي