متى الفرج:
مجلس عزائك  عايش  بخيره
ما عندي غيره و لا ردت غيره
مجروح ادگ ابابك
رايد دمع  لمصابك
################
يالماگل اخدودك رمل
                        و حر الشمس فيالك
بمجلس عزائك سيدي
                         الطم و اريد اقرالك
و رايد بعد ابچي صدگ
                       و انحب و ادگ لحالك
عطشانة عيني للدمع
                       بگد ما  عطش  دلالك

مجمورة تلهب بسمك اجروحي
و  لمن  تذكرك  تختنگ  روحي
اطلب طلب بثوابك
رايد  دمع  لمصابك
ما عندي غيره و لا ردت غيره
###################
ما انسى لحظة مصيبتك
                        و ادريك ما تنساني
عن صافي نية بس الك
                       صليت فرض احزاني
ممنون منك سيدي
                       بگلبي گلت و الساني
الفضل كله لمجلس
                       صاحب بخت سواني

طير  المجالس   اهلي  سموني
لنِّي بخدمتك   عالي    شافوني
يالما نسيت احبابك
رايد  دمع  لمصابك
ما عندي غيره و لا ردت غيره
‏####‎################
الخدمة عندي اكبر شرف
                         لابسها تاج اعله الراس
من حقي اذا بيها افتخر
                           كلها ترافة و احساس
بس لازم احصل عالشرط
                          حتى اختلف عن الناس
كاس  الوفى  اتذوقه
                         من چف  ادين  ام عباس

مثل ام عضيدك ارد اضحيلك
و بگد   دمعها   رايد   ابچيلك
فدوة رحت  لترابك
رايد   دمع لمصابك
ما عندي غيره و لا ردت غيرك
‏##################‎###
من اختنگ تصبح هوى
             و لو اعطش تصير الماي
اسمك سلب مني الفرح
             يا سبب نوحي و مَبچاي
مرات اشوفنك ضوه
                تارس  دليلي و عيناي
و مرات اشوفنك جرح
                ياگل و  يشرب  وياي

عايش حبيبي جرحك ابالي
تبراله عيني و عينه  تبرالي
ما يشفى جرح اصوابك
رايد   دمع     لمصابك
ما عندي غيرة و لا ردت غيرة
#######################
انطيني من طولك جرح
                        رايد  احس   بالامك
يا ليتني ابطفك چنت
                     تسحگ عليَّ بچدامك
بالف و تسعمية گلب
                      انزف  هضم  جدامك
و بحافر الخيل انمرد
                      و احترگ مثل اخيامك

يا ريته  مني  ينسلب   ثوبي
و عالگاع انام ابدال محبوبي
ريت انخضب بخضابك
رايد   دمع    لمصابك
ما عندي غيره و لا ردت غيره
####################
دمعة مصابك سلوتي
                      تجلي المرارة البيه
افرح اذا ابچي الك
                      و استلذ باللطمية
لغيرك اذا اگصد عزه
                     تختلف عندي النية
لمجلسك تاخذني رگض
                      غصباً عليَّ  رجليه

مجلس عزائك  عالارض. جَنة
و مثل العسل ما ينشبع منه
باقي انتظر لجْوابك
رايد  دمع  لمصابك
ما عندي غيره ولا ردت غيره
####################
الحمدلله
علي حسين الكناني

1441هـ

https://www.tg-me.com/asaadshaker

مابين الضمه وكسر الخواطر
لاهل بيت النبي دير النواظر

╌────═❁═────╌

لهلها بت علي الناضر تديره
بهمها محيره وشلون حيره
ويمها حسينها وبدر العشيره
تهم لو گضى اليل ويجي باجر

╌────═❁═────╌
اليا محنه تصير ويا مصيبه
بالطف بت علي تمسي غريبه
وفوگ الگاع چم جثه سليبه
وتشاهد چم ضلع يطحن الحافر

╌────═❁═────╌

وتشوف النار من تحرگ خيمها
حرم واطفال عدها ومن يلمها
تهجم خيل و تسلب زلمها
وبس عدوان يمها وما كو ناصر

╌────═❁═────╌

ضلام وتچوي گاع الغاضريه
وتخاف اعله الجمر تسحگ رقيه
طفله ابلايه والي ولا حميه
بيش تلوذ ترعبها العساكر

╌────═❁═────╌

من الخيم تگصد للمعاره
وعله التل توگف تحشم الغياره
ترى ارباب الخدر ضلن حياره
عليهن ماكو خيمه ولاكو ساتر

╌────═❁═────╌

✍نور الولايه الفاطميه

■نعی وحدت زینب■

یوجعنی الگلب لو صحت یا یمه

من اصدالغرفتج والگاها ظلمه

مهظوم الگلب زاید علیه هظمه
☆☆☆☆
ظلمه غرفتج وحشه وتهدالروح

ماطاب الگلب من شوفها مجروح

وعیونی انعمت مابطلت النوح
☆☆☆☆
کل روحی توجعنی یم حسین

ادورعلیج واصیحن وین رحتی وین

ییمه علی فرگتج والله عمیانه العین
☆☆☆☆
آه تعرفین یمه گلبی من الزغرهمه

شگدظیم شفت من رحتی یایمه

اه وچم آه اجر الفرگتج یا ضواء الظلمه


تدری بس زینب  صبحت نایمه امها بلمگبراء



تمت بعون الله

✍علویه ام فاضل

❌غیر مبری الذمه یحذف اسم الشاعره❌🏴أنت المعزى سيدي يا صاحب الزمان ... عظم الله اجوركم💔

من تلطم لحسين اتذكر . جرح حسين بلطمك يزغر
وكلبك مرهون .. لـ خوان ام عون .. بلطمك يزغر
__
بالك تأذي حبيبك طهره كلبك كافي تحقد
كلنا نغلط هذا جائز شوف روحك يله تنقد
كبريائك لا يعثرك من الحسين شلون تشرد

نضفهه اذنك واسمع الزين
مايرضه ع الخدام الحسين

لا تاخذ غيبه ع اليقره.. رادود ويقره ع الزهره
وجهك يا لون .. لـ خوان ام عون .. بلطمك يزغر

___
لازم تعرفه مكانك المو الك ماتستحقه
كون مو كد المكانه لا تقيس الذهب فضه
صير منصف ولو مره وكلمن انطي بيده حقه

لا توكف وتكتب نشازات
تكضي العمر بس بالخسارات

محد يهتملك من تكتب .. بطرف الوادم ضل مجلب
وانت الممنون .. لـ خوان ام عون .. بلطمك يزغر

___
تعلم من حسين منطق بظهره لا تحجي التكرهه
الباطل تكله انت باطل النار تاكل بالحدرهه
الجمره خليهه بخدمتك لا تميل عن جمرهه

اعكد السانك ع اليخدمون
كاضيهه بس شلون وشلون

ارضي حسين وعوف الوادم .. مايحجي ع الخادم خادم
والطم لعيون .. لـ خوان ام عون .. بلطمك يزغر

__
من يخلص مجلس الكم اعتذر من الحجيته
واعتذر من امنه زينب وارضي الحسين واخيته
ودمعك المضموم فيضه يسوه دمعك لو بجيته

مولاي يقبل كونك اتوب
مو وره المجلس ترجع ذنوب

حر صير وارجع لحسينك .. يتقبل زينك وي شينك
لتكول شلون .. لـ خوان ام عون .. بلطمك يزغر
___
تمت
عباس_القلعاوي

#قصيدة_العليله

كلمن متاعه اتحضر السفرهم
واني نسوني جني ماني بتهم

عمري بقاله ليله
ورويحتي عليله
------------------------------------------------------
حملن نوگ الفواطم ربي مدري اشحملن
ياهو انشده يدير وجهه گلبي من صدري انسحن
شفت ابوي ايلم خواتي وعمي اليشد بالضعن
اجويعده اويدي اعله خدي والهوه ويايه صفن


عيني اعله ابويه يگلي يلا گومي
مثل البنات اركض ولم اهدومي

نضراته الي ثجيله
ورويحتي عليه
------------------------------------------------------
اجويعده وعيني عليهم دمعتي تحرگ حجر
امتاعي حضرته ابشليلي وعيني موتهه النضر
حسبوو اليمشون باجر قسموو ادوار السفر
وانه شو محد حسبني اومامش المنهم ذكر


اشفافي بيضه ولرجيف اخذني
من دون كل اخواني ماحسبني

عيني الدمع تسيله
ورويحتي عليله
-------------------------------------------------------
اجفوفي خلصن من فركهن والقلق بيه انتشر
بلحضه شفت حسين ابويه الشيب البراسه كثر
هضمه بعيونه شفتهه وگلبي حدق بالخطر
منهه وانه افهمت كلشي والهوه بريجي عثر


اعرفت انه ليه مامش روحه
موكب ابويه بينت جروحه

جفوني غدت نحيله
ورويحتي عليله

-------------------------------------------------------
صاح يلا الكل خواتي صوت ابوي انه اسمعت
ومن حجرتي لباب داري ميت عثره انه اعثرت
گتله بويه ولعليله طاري إلهه ماجبت
ناوي تمشي اتعوف بنتك بهاي ابد ماحسبت




بويه المن ابقه گلي لو تسافر
لو رحت عني شلون اعيشن باجر

جسمي نزف كل حيله
ورويحتي عليله
------------------------------------------------------
ناوي تمشي امودع الله بس تنفذ طلبتي
تعوف عبد الله الزغير يبقى ليه سلوتي
ادموع وفراگ وعليله شلون اخلص ليلتي
ليلي وحشه ابلايه اهلي بويه اموت بحسرتي


تدري العليل اينام ليله گاعد
مو بس عليله اعزاز گلبي فاگد

دروب السفر طويله
ورويحتي عليله

---------------------------------------------------
علي سليم الحسناي

#محرم_الحرام

https://www.tg-me.com/asaadshaker

قصيدة وعظيه ملمع. بين القوسين فصحى (وزن الحدي)

(إبْكِي عَلَى شَبَابِي . ياقارئاً كِتَابي )
( ياقارئاً كِتَابي )
★★★★★
ضم اللحد مني الجسم. ضليت بس صوره ورسم
ونخط على گبري الاسم. عمر وگضه مثل الحلم
(لوقلت ماجوابي.    ياقارئاً كتابي)
★★★★★
جاستني شوغات الأجل  واتعطلوا عني الأهل
شاغل خذاهم لوملل.  الچانوا الي نور وأمل
( لاينتهي عذابي.   ياقارئاً كتابي )
★★★★★
باللحد آنا. اووحشتي. وهمي وعذابي وغربتي
راحت. يصاحب راحتي وجاهي ومكاني وهيبتي
(عُفِّرتَ بِالتُرابِ.  ياقارئاً كتابي)
★★★★★
بجنازتي لمن أجوا  وساعات يم گبري بچوا
خلوني تاليها ومشوا.  بحالي بعدهم مادروا
(كم لوعة اغترابي.  ياقارئاً كتابي)
★★★★★
يم گبري يلجيت ورحت  عبره أخذ من الوكت
تنسئل مثلي اشحضرت .   لو بالگبرمثلي صرت
(في ساعة الحساب.  ياقارئاً كتابي)

الشاعر حسن لعيبي الحريشاوي

✍حسن لعيبي الحريشاوي

نهض مسلم تلثم        وتلون سيفه بالدم

تنخه بيا علي             تنخه بيا علي
*****
سحب سيفه وتوضه ونتده يا راعي الكلافه
يقتال العرب ياعمي يا سيد الخلافه
وحيد وماله ناصر والعطش يبس شفافه
صفه بديره غريبه بوحده والله حسافه

شهر سيفه وندبهم           وذبح خيرة زلمهم

تنخه بيا علي           تنخه بيا علي
*****
اصيل وابن اصايل طيب وطاهر حليبه
خنك ريت هواهم والشرد منهم يصيبه
علي معلمه المعارك والحرب عرسه ونصيبه
حمت والحومه صارت حمره من شدت لهيبه

اصيل وسيفه غاضب           لوه بجفه الشوارب
تنخه بيا علي             تنخه بيا علي
*****
فتح باب المعارك ورتجز وسط العساكر
شمر جثه اعله جثه وصفن عقول العشاير
ولا زين التدنه لمسلم ومن يمه عابر
اليجي ويوصل حدوده خل يحسب راسه طاير

الكتايب كلها تخضع       الكرب يمه يتكطع
تنخه بيا علي               تنخه بيا علي
*****
سليل من الهواشم بالفخر والغيره مجده
تسرفن للمعصيه وارتجز واحزامه شده
تخاوه ويه المنايه وزعل السيف اعله غمده
نزل طول وعرض بيهم ولا واحد يرده

بلا خوذه يقاتل           ملك للحومه نازل
تنخه بيا علي               تنخه بيا علي
*****
بجت عين اليالي وطفو انوار المدينه
وبده يستنكي بيهم يذبح الي وينه وينه
صبغ دربه بدماهم والنعم سلمت يمينه
صفت بس بالاشاره انتبه بالك يجينه

هلك جيش بجموعه          تهلهل يمه طوعه
تنخه بطا علي               تنخه بيا علي
*****
عذر ما خله ليهم بارز القاده وذبحها
ونعم يابو حميده خالط الليل وصبحها
يمنبع للشهامه وريحت الغيره وملحها
خزر عين التجي بعينه وتناوشها وشلعها

ذبح جا باها ما مل         السبع يمه يتزلزل
تنخه بيا علي                تنخه بيا علي
*****
الشاعر عبدالله علوان

#ابوذية

العمر فلسين ما يسوه بلا حسين
وبلاوي الناس ما توصل بله حسين
صار سنين انه مجلب بالحسين
ومن حسين متروسات اديه

عدي الكعبي

#اللهم_عجل_لوليك_الفرج