لم يبقى سوى شهرين لمحرم ولا نعلم سنخدم هذه السنه ام لا
امروتك ياحسين لتعوفنا
                    ------------------------

بقن يالغالي شهرين
ومحرم يبدي يحسين
واحنه ابين امرين
حياره
1

مابين القبول ورفض خدمتنه
محتارين احنه وتجري دمعتنه
نحس يحسين كل الدنيه عافتنه
اذا انته عفتنه بهاي شدتنه
بعدك ياضوه العين
وين انروح بعدين
واحنه ابين امرين
حياره
2

بسوء اعمالنه يمكن تجازينه
مو انته السبب كل السبب بينه
احلفك يابو الاكبر انه بسكينه
اذا انت اطردتنه من يلفينه
خافن عدنه وجهين
يحسين المفر  وين
واحنه ابين امرين
حياره
3

اقرب انته لله وكلها شو يمك
وفوگ الدنيا احنه ونستغل همك
اذا اعمالنه يحسين الي تألمك
هالمره سماح اعليك ضلع امك
اعرف هنه دربين
لو  شيطان لو  دين
واحنه ابين امرين
حياره
4
تجردنه وعبرنه احدودك اهوايه
ونعرف غايتك بس دسنه عالغايه
نمشي اعليك احنه صاحب الرايه
صدگ مانخدم ولنروح مشايه
اشهر صار  مينين
مو هم بينه همين
واحنه ابين امرين
حياره
5

علينه دير وجهك يا أبو الرحمه
نعمه انته ونخافن تنچفي  النعمه
غيرك تدري ماعدنه يبو اليمه
نظره انريد منك احنه لو كلمه
الك نعتذر عذرين
الك يبن الميامين
واحنه ابين امرين
حياره
6

حاشه اتسدها بابك وانته ابو الفقره
بوجه خدامك اليبچون وبعبره
سؤال الكل گلب من يسأل ايعصره
معقوله بعد منشوفها الحضره
اخافن مو  مواليين
وعالخدمه بعيدين
واحنه ابين امرين
حياره
7

حاشه اتعوفنه وبرغم احزانك
الرحمه والعطف يحسين عنوان
ماتشبه ابد بالكون اقرانك
بچيت انته وخفت حتى اعله عدوانك
خدم وياك باقين
بنهج نبقه ماشين
واحنه ابين امرين
حياره

الشاعر السيد رياض الرسل الجابري

خادمك ممنونك...إي وحگ اعيونك
ياابا عبدالله...يااباعبدالله

لايذ ابشباچك وحظرة عضيدك
دوم اضيع ودوم اريد اتمدلي إيدك
بالرخاء وابشدِّتِي مولاي اريدك
اشكبره حظي وعبد أصبح من عبيدك
سيدي وترعاني...اشعندي غيرك آني
يااباعبدالله....يااباعبدالله

ماطفت لمصيبتك بِيِّه الحراره
وليلة الجمعه ألوب اعله الزياره
خذني يمك أرد اصد اعله المناره
ولمَّن ادخل حظرتك دمعي ايتجاره
ابمرقدك خليني...أجري دمعة عيني
يااباعبدالله....يااباعبدالله

فتره لوما جيت الك يبن الزچيه
أحس هاي الدنيا كلهه اتضيگ بيه
كربلائك جَنَّة الباري الزِّهِيَّه
ايزول هَمَّي لو وصلت الغاضريه
لوصلت آعتابك...ترد روحي ابَّابك
يااباعبدالله....يااباعبدالله

أدعي بين الحَرَمين ابدمعة العين
الله لا يحرمني من عباس وحسين
أحس گلبي يطمئن بين المَقامين
ياللي حُبكُم خيمه واتلم الموالين
أبقه اصيح اهواكم...والهج ابطرواكم
يااباعبدالله....يااباعبدالله

غيرك اشعندي يمحبوبي ابحياتي
يادعائي ويارجائي وياصلاتي
يالخدمتك صارت اجمل ذكرياتي
شوفِتَك هِيَّه الأمَل ساعة مماتي
أقره الك تلگاني...حاشه لن تنساني
يااباعبدالله....يااباعبدالله

سيد علي الموسوي

شربت الماي ريت الماي        يمرة
وتشب بالروح من فركاك       يمرة
اله الكون شاء وراد              يمرة
على راس رماح وعيالي سبية
..1
اخوي إلي تعنة الموت          ما هاب
خلس حتة الهوة العباس        ما هاب
سهام رماح حتي سيوف       ما هاب
نحره وطاح مصيوب ورمية
..2
سؤالك كولة على خوان       سل سل
بيد الموت الهم سيف           سل سل
يا جيش اليظمهم بحر          سل سل
يكسر خشومة ويضووك المنية

..3
بصمتلك يا أبو اليمة          بدم حار
عليك وحارت جروحي       بدم حار
اريد الموت وتاسة              بدم حر
البذل لحسين دم نحره هديه
..4
علي صيوان التميمي

السلام عليكم ياخدام الحسين
عليه السلام

اخواني القصيدة لسيد محمد الصافي
موجودة عاليوت يووب

امي كلش صافيه // امي هيه العافيه
ومن تغمض عيونها // انه اموت بدونها
****
امي طيبه وتحلف الناس بختها
امي واليشبها بس امي شفتها
امي جم مره بحياتي تعبتها
وصوتي عليته عليها وزعلتها

اتكلي روح امسامحه // وهاي لجلك طايحه
ام هله ايسمونها // انه اموت بدونها
***
امي ما ادري شسولفلك عليها
امي ضحكتها اختفت من كد بجيها
امي طيبه وما ترد الي يجيها
امي جانت تفرش افراشي بديها

جانت اتغطيني // امن ابرد ادفيني
التعب هد امتونها // انه اموت بدونها
*****

البيت اذا ما شوفن امي ايصر ظلمه
صحت الله ابعون كلمن يفكد امه
امي يا بعد الهوه الكل لحضه اشمه
امي موزونه وحجيها كله حكمه

كمت اشم اثيابها // واكعد بصف بابها
الوكت دوم ايخونها // انه اموت بدونها
***
كلمت اليمه تره ماكو احله منها
امي ممزوجه المحنه وي لبنها
امي من امرض جنت يسهر جفنها
امي يعكوب النبي احتار بحزنها

يم سوالف مالحه // شو اشوفج رايحه
هسه روحي اشلونها // انه اموت بدونها
***

من سبع فدوات امي اندار الها
امي بالدنيه وعلي ماكو مثلها
الله خله جنته جوه رجلها
كمت من اجهبها ما ادري شكلها

الخبره حلوه امن يدها // وانه اعز اوليدها
وربعي ما ينسونها // انه اموت بدونها
****
امي جانت تكعد بكل مغربيه
اتفرع الشيله بدمعها وتدعي اليه
جنت من اطلع ترش الماي هيه
امي حته امن الهوه خافت عليه

اشلون امي انساها // وعمري عشته اوياها
لمن ايدفنونها // انه اموت بدونها
***

امي كلش صافيه // امي هيه العافيه
ومن تغمض عيونها // انه اموت بدونها
****
امي طيبه وتحلف الناس بختها
امي واليشبها بس امي شفتها
امي جم مره بحياتي تعبتها
وصوتي عليته عليها وزعلتها

اتكلي روح امسامحه // وهاي لجلك طايحه
ام هله ايسمونها // انه اموت بدونها
***
امي ما ادري شسولفلك عليها
امي ضحكتها اختفت من كد بجيها
امي طيبه وما ترد الي يجيها
امي جانت تفرش افراشي بديها

جانت اتغطيني // امن ابرد ادفيني
التعب هد امتونها // انه اموت بدونها
*****

البيت اذا ما شوفن امي ايصر ظلمه
صحت الله ابعون كلمن يفكد امه
امي يا بعد الهوه الكل لحضه اشمه
امي موزونه وحجيها كله حكمه

كمت اشم اثيابها // واكعد بصف بابها
الوكت دوم ايخونها // انه اموت بدونها
***
كلمت اليمه تره ماكو احله منها
امي ممزوجه المحنه وي لبنها
امي من امرض جنت يسهر جفنها
امي يعكوب النبي احتار بحزنها

يم سوالف مالحه // شو اشوفج رايحه
هسه روحي اشلونها // انه اموت بدونها
*****

ضلت يابو صالح بالگلب حسره
اشلون انعيش والصادق بلا حظره

هاي اسنين عشناهه ابحزن واهموم
من يوم انخلقنه هالجرح لليوم
يامهدي گلبنه اعله الزياره ايحوم
وانت ابهالأمر يبن الحسن أدره

وحگ جرح البقيع وسوره التهدَّم
عدنه اعله الأئمه اگلوب تتألم
من نعتب لأن بِعتابنه تِفهم
وبس انت الوضعنه سيدي اتقَدرَه

وحگ زينب تَره الخِدَّام مِشتاگه
تضل نار البُعُد مولاي حَرَّاگه
لحد ما بالبقيع اهناك نِتلاگه
وانقيم العزاء ابدِيِرَةِ الزهره

يايوم اليجينه ونعقد النِّيَّه
ونگصد يم اهلكم بالعَلانِيَّه
نون للصادق الوَنَّه العراقيه
ويم أم البنين اشمحله هالعَبرَه

لگبور الوفه الأحباب تلفيهه
وحشه ماتضل والوحشه نمحيهه
نحييهه المجالس غاد نحييهه
والگبر النِّبي هَم نِگصِد ونقره

يضل هذا الحِلم من خادم الخادم
ندعي وهالدُّعاء ابكل وكت دايم
( أللهُمَّ عَجِّل فَرَجَ القائِم )
أمل يوم الظهور وكلنه ننتظره

سيد علي الموسوي

اليوم برووس اهل زينب يهوسون
        *---------------*---------------*
وحيده اليوم زينب محد وياهه
كفال الظعن من مات خلاهه
تتنخه بدمع  وونوح غطاهه
وصاحت وينكم يهلي من لظعون
اليوم برووس اهل زينب يهوسون
        *---------------*---------------*
صاحت وينكم شو محد وياي
حركوا خيمتي وتشمت عداي
وانه خلافكم ماظل بعد راي
وفزعوا للمخيم هل يحرگون
اليوم برووس اهل زينب يهوسون
        *---------------*---------------*
فزعوا للخيم سلبوهه الاطفال
وماظل كلشي لي ومعذبه الحال
حملي اليوم مايل والدمع سال
وعدواني كفر لا مايرحمون
اليوم برووس اهل زينب يهوسون

        *---------------*---------------*
اليوم الروس شالوها اعله لرماح
يهوسون بجفافي وشامت صاح
وين حزام ضهرج عافج وراح
بنضرات الحقد ضل يضحكون
اليوم برووس اهل زينب يهوسون
        *---------------*---------------*
مااصدك اخوتي الشالوا الراس
فوك رماح شالوهم يالهناس
راس حسين راس الفحل عباس
ينضرون وعلينه تدمع عيون
اليوم برووس اهل زينب يهوسون
        *---------------*---------------*
✍باقر جبار الشويلي
✍ابو سلام الجابري

ميمر للامام الصادق عليه السلام

كاظي العمر     هم وصبر
بنار الخيم     كلبك جمر
وامنيتي يالصادق يوم نمشيلك برجلينه
==
يلصادق اهواي القصور انكلك
ابديها باليقرالك ويكتبلك
ما وفو وعاذرهم انت بفضلك

حته اللطم     من الخدم
شنسوي بس   كلبك رحم
وتاج اعله خلك الله نصير غيرك منو يسوينه

يانور آل المصطفى واعلامه
اليخدم طلب يتحققن احلامه
افتح سجلك واكتب اللطلامه

فرح كلب    كلمن يحب
بمجلس عزاءك ينتحب
ومن سمع عنك مسموم بالدمعه هلت عينه
==
بفضلك تره التمينه هاي النعمه
وبلمجلس بصوت الخدم هل كلمه
انت وهلك وجه الله واهل الرحمه

صوت بسمه    يافاطمه
حضري عزه    الصادق ضمه
وخلينه نلطم وياج وبدفترج سجلينه

شمحله اللطم والدمعه بيه وننحب
راحه التعب للصادق اشما نتعب
تحضر عزانه ام البنين و زينب

القاسم يجي    بصوته الشجي
الله يصيح   اعله الحجي
بيته يعيده الرادود نتعب بعد خلينه
==
رمز العلم والمعرفه يوصفونه
خيمتنه بالمحشر هله يرحمونه
الجعفريه احنه تره يسمونه

هو الشفع    كلمن دمع
من بيته للمجلس طلع
نلتم بمجلسهم هاذ وبلمحشر يلم بينه
==
بالمحشر اليشفع اولاد الزهره
و الكوثر مخلي جزاء العبره
صدور الخدم مختومه كلها حمره

هذا الختم    بس للزلم
التحضر مئاتم تنحرم
الاوجوه كلها من النار الجنه تدور اعلينه
========================


الشاعر حسام البهادلي