من مشيتو صار اصفر لونهه
بيا قميص امكم ترد عيونهه
ولا خبر منكم لفاهه... ايدهه مچلبه بگفاهه
................
ينتظر يعگوب يدري يرجع اوليده عدل
هالرسايل من قراهه سيوف مابيهه ونبل
بالصبر طابت جروحه وارتوه بلم الشمل
لا خيم محترگه عنده ولاحبال ولاهزل

وحيد ما ظل وغريب بداره
ويل هوه يوسف يودي اخباره
كربله يخنگ هواهه... ولاخبر منكم لفاهه
...........................
يل مشيتو اعزاز كلكم وابد ما تتعوضون
امكم محدب ظهرهه مناطره ترد الظعون
من تچل المغربيه مصيبه مايحملهه كون
بدارهه وصارت غريبه وينكم يل ماتجون

ما رجعتو والحزن هد حيلهه
بكثر ونهه الدنيه شيب ليلهه
الوالده غالي ظناهه ... ولاخبر منكم لفاهه
...........................
مات كلشي من مشيتو والمصايب خضرن
يل وراكم بالمدينه عيون وشموع انطفن
الليل يگضي والعجيبه دموع امكم ماگضن
اصبحت غربه المدينه حسين چان الهه الوطن

حدبت والفرگه باگت حيلهه
ولا ولد للغاليه يتچيلهه
البلوفه يشعشع ضياهه... ولاخبر منكم لفاهه
.........................
مناطره ظلت تتاني وعالدرب تشبح نظر
اتصيح من شوغت گلبهه يل گمر وين الگمر
شيبت حتى السوالف منين احصلي خبر
لوشفت ناگه اركض الهه ورد مكسور ظهر

يتميتوهه وابد ما صايره
هاي امكم بالمصايب حايره
الارض تبچي الهه وسماهه... ولاخبر منكم لفاهه
..........................

بصفنتچ يل حنينه ياصور تتخيلين
لو رسمتي صورت الطف خاف ماتتحملين
نار وخيول وحوافر تسحگ بصدر الحسين
صرتي يعگوب الزمانچ انتي يا ام البنين

ياعشيره الفارگته عيونچ
محد يگلچ ييمه شلونچ
كربله شخلت وراهه ... ولا خبر منكم لفاهه
........................
تاكل الساعات عمرچ مثل شجره بلايه ماي
چنتي فيّ عله المدينه وهسه يل مالچ فياي
بچلمه يرجعلچ خضارچ وايسي من الچلمه هاي
كربله سمعي نداهه ماكو هذا حسين جاي

تحضري اتلگي الظعن رد خالي
ام عون تمشي لاحرس لاوالي
عالنهر طايح لواهه ... ولاخبر منكم لفاهه
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

((آخر ماتبقى))

مــــدري شحامـل وممشاك رقه
وتحاچيهم صرت والجيش فرقه
هـــــــذا الــطفــل آخــــر ماتبقه ..

"""""""""""""""""""""""""""""""""""'''''''''''

مــن خيـــمةّ ربابك
جبت دمعةّ مصابك .. والـــدللول
يبـو روح الچـــبيره
الورد جبته بحريره .. تزرع الچول

عطـش مابين جفينك حـملته
وهوه يناغي بيك أبسمه سكته
يريد إيگـول احبك وانته گـتله
احبك بـابـا عـبدالله وحضـنته

حضنته وچانت الحضنه اشاره
يعني الجـيش مــايملك قــراره
(الله) يــــريـدك تـصير المناره ..

"""""""""""""""""""""""""""""""""""'''''''''''

جرح ويصيح حيلي
ست أشـهـور ويــلي .. ذابـــل العين
ذابل جَــــف حليبه
وضل يـنزل مصيبه .. دمع الحسين

الهوى مــابي بخـــت طَـــير ثيابه
بهاي الساعه مدري الهوى شجابه
وبــــانت شمس الله مـــن رگـبته
السهــــم شنگــله مــايسـوه عتابه

ومن أگـماطه مفلوله چفوفه
منصور وأبـــد ماعـنده خوفه
يريد إيگول أنه ناصر طفوفه ..
                """""""""""""""""""""""""""""""""""'''''''''''

رجع والكسره خيبه
وبحضـــنه حبـــيبه .. محني الضلوع
هدوء وخيـمـه وَنَت
بحيث الريح وگفت .. بـــس الدموع

شـــــايف من ترد بخبار اليموت
رد حسين گـــــوه يطلع الصوت
عبدالله الرضيع بحضنه مذبوح
اباب الخيمه ضل مايگدر يفوت

احمر ثـــــوبه مــن دم المنيه
وصارت بالخيم نوح وشجيه
عبــدالله غــده ويـــلي رميه ...
           """""""""""""""""""""""""""""""""""'''''''''''

طب والخيمه لمه
حسين وگـعد يمه .. حمـــره العيون
ظل يصـيح زينب
شيب البيه شـيب .. خويه ي ام عون

كل ساعه واجيبن ليـــچ واحد
اعذرينـي يـــزينب آنـــــه فاگد
المثلي يموت بس ليهسه صابر
تمشي الــــــروح بيه وآنه گاعد

ترست اخيامچ بـــدم الغوالب
وبعد ساعه تشوفـيني بتـرايب
وانتي بهزله والمسكن خرايب ..

"""""""""""""""""""""""""""""""""""''''''''''

خلي اتشمه أمه
لو تنطي اضمه .. بمهجةّ الروح
يادمعةّ خـــواته
نايم وشحــلاته .. وهـوه مذبوح

زينب خـويه نــــاغيله بمصــــابه
هلبت لــــن يفـــز ويصيــــح بابا
حتى اترس الطف شموع ودموع
ولـــو ماظل الـــي خـــوه وگـرابه

لاخوه البگتلي التـــوگـــف ويـاي
ولا اولاد عندي اتجيـــبلي الماي
جيشي انكسر خويه وطايح ألواي ..


عبد زينب
محمد الابراهيمي

حسين منك خاف اتيهن حيل جلب بيدي
انت گايل للخدمني يصير مثل وليدي

وين اروحن لو عفتني
وع مجالس علمتني

لا تهدني لا تهدني
...........

علمتني اعله المجالس والبواجي واللطم
مدلل وياك انه عايش بس تهدني اشبع هضم
الله لا يحرمني منك خلني من كلشي انحرم
كلبي كل ذنوب اترسه ومن اجيلك ينعصم

انت جنه بلا مقابل
انت والد وانه جاهل

لاتهدني لا تهدني
...........

شلون غرگان ويدور ع الجرف نسمة هوه
هيج حالي بلا مجالس انه واليغرك سوه
عيوني لو مابيهه دمعك عميه تبقه بلاضوه
حسين انت اول طبيب ايداوي عله بلا دوه

اليلطم ويبجي بنحيب
بمجلسك رأسآ يطيب

لا تهدني لا تهدني
.........

شيخ من اكعد واسولف بيك عنواني انعرف
انه اول خادم اكعد بالصدر مو بالطرف
شما اذل روحي بخدمتك انترس رفعه وشرف
دمعتك تغسل ذنوبي بمجلسك كلبي نضف

ياهو غيرك يسوه دمعي
تنومست بيك ويه ربعي

لاتهدني لا تهدني
........

حسين سهلهن علينه العَشره والمشايه
تسوه عندي الدنيا كلهه من اسمع الملايه
لذت سنيني بحياتي اعليك اسوي اقرايه
كلشي ماريد ارد اجيلك حافي شايل رايه

واطب تعبان الضريحك
حتى تحضرني من اصيحك

لا تهدني لا تهدني


.......

حسين يردوني اعوفك كطعو اعليه الدرب
لذة العاشك حبيبه يصير لليعشك صعب
مادرو بيك انت كاعد منتجي بنص الكلب
ايردن سنيني وشبابي بنص ضريحك من اطب

شنهي هذا الحب عجيبه
وانه اعرفك بس مصيبه

لا تهدني لا تهدني
..........

الخادم موسى البطلي

اللهم صل على محمد وآل محمد السلام عليك يابقية الله في ارضه قصيدة لمولاتي فاطمة العليلة عليها السلام
✍✍✍
يالعليلة ... ليش عافوج بنزلهم
يالعليلة ...الكربلة شالوا حملهم
شو غريبة اليوم جنج
واهلج امحملين عنج
يالعليلةيالعليلة
✍✍✍
عين تنظر عالضعن وعين اعلة ابوهة
راحوا احبابج يرؤحي الدللوهة
صاحت بصوت الهظيمة وماتنوهة
صاحت وعلت بجاهة
حسين ينظرهة واجاهة
يالعليلة يالعليلة
✍✍✍
بوية تانوني ابضعنكم خل اودعة
افراكم يصعب عليه ومااجرعة
صوت الموادع وياكم انة اسمعة
يصعب افراك الغوالي
اشلون اصد للبيت خالي
يالعليلة يالعليلة
✍✍✍
اشلون عفتوني عليلة او وحدي بالدار
بيوم رحتوا اه يبوية القلب شب نار
وحدي ضليت بنزلكم ماكو اخبار
عيوني ذبلهة السهر
والقلب يلهب جمر
يالعليلة يالعليلة
✍✍✍
وحدي رديت النزلكم والقلب ذاب
اه يفراك النحبهم بكلبي الصؤاب
اليوم كل اهلي مشوا وفاكدة احباب
عيوني ذبلهة الحزن
ليلي كله بس اون
يالعليلة يالعليلة
✍✍✍
صحت يحبيبة ييمة تعالي لية
شوفي الفراك يبمة شسؤة بية
من عكب عين الاهل ظلمة الدنية
صحت بوية يالحنين
سافريتوا يهلي وين
يالعليلة يالعليلة
✍✍✍
بقلمي المتواضع العلوية والشاعرة ام حسام

الفاتحة الى شرف النبي واله الطيبين الطاهرين والى رؤح ابنتي الشابة سلوى بت علي ذمة عدم مسح الاسم

،
https://www.tg-me.com/asaadshaker

أعكيلي
لذكرى أستشهاد الأمام جعفر الصادق عليه السلام
.......................
عا لصادق هلن دمعاتي
.....................
مجلس هاي الليله أبذكره
هنياله البي وسم صدره
يلطم باليمنه أو باليسره
سجلها الحبك لطماتي
...................
يابو الكاظم حبك بيه
من درة أمي الشيعيه
صار أبدمي أو صرت أبضيه
أتنور بيه أبظلماتي
..................
أصل الدين أو كل أفروعه
ساري السم أبين أضلوعه
حكي أشعر هاليله أبالوعه
وندب يا فاطم مولاتي
.....................
يا لصادق يا شيخ المذهب
شيعي أو بخلاقك أتأدب
و بمصابك لازم أتعذب
وتضيك الوسعه أبنظراتي
.....................
سادس نور أتغيب أنواره
والنار أتشب أبنص داره
يا ويله اليجهل مقداره
باجر لو كامت ثاراتي
..................
نفسه السمك عاد أبجرمه
ضدك نفذ حقده أو ظلمه
قبرك مهدوم أبيا تهمه
أسئل وتجوه أبحسراتي
.....................
يا ويله أو ويله أو يا ويله
كلمن جند ضدك حيله
جف الحشد الشيعي أيشيله
ترجيه أبأذنه أحجاياتي
.....................
باجر رايه أبصف الرايه
أو حفاي أتروح المشايه
تندب يالصادق مولايه
بالمحشر أحضر شداتي
......................
خادم أهل البيت
الشاعر : أسماعيل الجوراني
الخميس : 27/6/2019.

https://www.tg-me.com/asaadshaker

#نزله سريعة
#لشهادة مولاتي زينب عليها السلام

.
أنتي بضعة فاطمه
عالـمــنايه معلـمه
يالعقيله .... يالعقيله
.
.
يا الهــي خلي عمري ابگـــد عمـر نوح
حــتى أندب عالعقـــيله بدمعه وجروح
خلـــي بتــراب المجالس دمي مسـفوح
حتى عطر الخدمه يبقى بدمعتي يـفوح
.
ما  توفـي  دمـعـتي
ولاجروحي وعبرتي
يالعقيله ... يالعقيله
.
.
يــا أذان الله التـــرتل بــــرض الطــفوف
ياجــرح يمشي اعله طوله بين الصفوف
يرتــجز هــل مـن مبــارز وين السـيوف
ينزف وكـل گطـره منه تـخـضر أچفوف
.
يمچ  الهــم  ينجلي
فزعــتچ فـزعة علي
يالعقيله ...  يالعقيله
.
.
ردت اعلــيـــچ الـــرزيه ودفــــعة البـاب
ويلــي باب الغــاضريه چم ضـلع صاب
يوسفچ دامي وقمـيصه مخضب اخضاب
سحگــت اعليه الحـــوافر فــوگ التراب
.
نحره يتـنفس ذبح
بي الف طعنة رمح
يالعقيله ...   يالعقيله
.
.
موقــفچ يــوم الـــرزيه حــير النــاس
بهيبتچ تمــشي اليـتامه ابلايه حراس
زينب الـما عنده زينــب ستره ينداس
شلــتي هم الدنيا كلها وصـرتي عباس
.
انتي سبع الگنطره
هــا يحــرة حيدره
يالعقيله ....  يالعقيله
.
.
الله كلم موســى نــدري بجانب الطور
وأنتـي ارســلچ رســاله بذبــح النـحور
هالـــدمه الطـــاهر يــزينب لابد يثـور
ينهــض الهاي المهــمه المهدي مذخور
.
بيده  سيف  الزلزله
يطفي جمــرة كربله
يالعقيله ......يالعقيله
.
.
ساكــته وصمــتچ تكــلم حكمه واسرار
ما نطــقتي بــس نظـــرتچ نظرة أحرار
بحضــرتچ أخــرس يـزيد وفكره محتار
يستــمع منـــچ بـــلاغة حـــامي الجار
.
أنتي أقدس مدرسه
يا هــوه الاتنـــفسه
يالعقيله ......يالعقيله
.
.
النـــهر يـــوم الـــرزيه قـصر اهـــواي
مـا زحـف صــوب الـمخيم ضيع الراي
اتوسل ونـال الشـفاعه بدمعـــتچ هـاي
واصــبحت لعـنة يــزيد بشربة الـماي
.
وآنه  الـوذ بدمعـتچ
يالحــزينه وعبــرتچ
يالعقيله ......يالعقيله
.
.
لا تنسوني ووالدي من فضل دعائكم المبارك

حسن الموالي الفاطمي

https://www.tg-me.com/asaadshaker

لسان حال الامام الصادق ع عندما احرق المنصور داره .

…………………………………………………………………

من شبوا النار 
بعيوني عرضت عمتي  .. من شبو النار
  بالعايله شـلون
واحتارت ام عون   ..   من شبو النار

………………………………………………………………..

ينار الظلمه بله شعندج ويانه
تحزمتي الحركنه بشغف ولهانه
شبع هالموت منّه وانت جوعانه
لحگتي اطفالنه البالعطش ذبلانه

ما عندج احساس
اعليهم تمطرين بجمر .. ماعندج احساس
بالبر يتيهون
واحتارت ام عون   .. من شبوا النار

…………………………………………………………………

بدت وي الزجيه النار قصتها
ذكرت شلون خلف الباب لهبتها
وادين الماله ابو اعالباب عصرتها
ينار الردت اردود اتحرگ بتها

و اتكمل الدور
من فاطمه لأم الخدر .. وتكمل الدور
   گامو يزيدون
واحتارت ام عون  .. من شبوا النار

………………………………………………………………
انه الصادق يشيعه وسبب دمعاتي
مو بيتي و لا لمراكـض ابناتي
شفت بالنار سوده اجدام عماتي
ولذيال العبي المحتركه اهاتي

لو جمره لو شوچ
تسحكهن ارقيه بجدم .. لو جمره لو شوج
و تهل العيون
واحتارت ام عون   .. من شبوا النار

…………………………………………………………………

هلي وخافن صدك بس انا وياهن
ولا ميمون خالي ويصهل احذاهن
و لا سوط الشمر بالمتن اذّاهن
ولا وحده اعله وحده بحبل شداهن

لا صعدن النوگ
لا شبعن احجار وشتم .. لا صعدن النوگ
بيهن يفرّون
واحتارت ام عون   .. من شبوا النار

………………………………………………………………

احترك بيتي لچن الغرف موجوده
موش تراب بيها البسط ممدوده
مو ليل اهدعش والخيم مفكوده
هيمه وليله من غير الكمر سوده

والحامي سلّاب
ناهب قميصه و خنصره .. والحامي سلّاب
ما ظن يرحمون
واحتارت ام عون ..   من شبوا النار

…………………………………………………………………

يشيعه الگال منكم اتبع الصادق
لازم للمجالس من صدك عاشق
يدافع عالشعائر كل وكت ناطق
وي الفعل حچي الخادم ايطابق

هالعالم يگول
ادّبت جعفر شعيتك .. هالعالم يكول
للطف تحزنون
واحتارت ام عون .. من شبوا النار
………………………………………………………………..
✍️ ( سيد خضر الزاملي )


#اللهم_عجل_لوليك_الفرج


https://www.tg-me.com/asaadshaker

نعي للامام جعفر الصادق ع


تسعر بالـــــــگلب نيــران لــهابه
على صادق العتره وشدة امصابه
جِبيره مصيبته وكلفه وتهد الحيل
مثل اجداده جعفر يوجع صوابه

مثل حيدر علي هم ضلت ايتامه
ومثل الحسن بالسم مات بألامه
َمثل ام الحسن حرگو عليه الدار
مثل حسين جدّه احترگة اخيامه

على الصادق اجروح الگلب ما تلتم
وكل شيعي انجرح بمصابه و تيتم
ليله دموع من دم كون نبجي اعليه
وكون ابكل گلب ننصب عليه مأتم



✍️ علي كاظم المنصوري

#ابوذيات

لسيدي ومولاي الأمام جعفر الصادق
(عليه السلام) :


بديه النار اطفيها •• وألمها
حرگ داري سلب روحي •• والمها
حرت بـ الـ لا اخو وياها •• ولا امها
ومتت من اذكرت ركضه رقية


بناتي بدارهن فرن •• ووراهن
ولا شاااااامت نظر الهن •• وراهن
لجن عمااااتي من ركضن •• وووراهن
جمر وحجار يتگاطف سويه


خالد عبدالساده البدیری

#اللهم_عجل_لوليك_الفرج

https://www.tg-me.com/asaadshaker