يــا اول واخــــر عــشگ
شو بـس الك گلبي يدگ
حســين      بــس الك عاطفتي
حســين      يامـــلح ســالفــتي
حســين      يــا ابـا عـــــبدالله
 
***

حبـــتك ويـدري الله شـگد حبـي يابــواليمه
الحد ما وصلت المرحله الوادم يگلولي اعمه
ماشــوف غيـــرك ســيدي والحــمدلله نـعمه
هــوه اليعيـــش ابعالـمك مــيريد ايــد تلزمه
 
عيــشـــنـي مــولاي بــولـع
خليني احس معنى الجزع
حــسين        ولا ماتفارگ شفتي
حــسين        ياملــح ســالفـــتي
حــسين        يـــاابــا عـــــبدالله
 
***

اتنفـــسك باللـــحـظات واتلــــذذ ابأنــــفاسي
 نص ســاعه اذا ماارثيك اعتبر روحي قاسي
انسه امي صَدگ مرات وشخصك ابد ماناسي
غـــيرك وحـــق العباس مــحد يعيــش براسي
 
يالمنتشلني امن العدم
اغزلني بخيوط الخيم
حسين        وكثر بمـعرفتي
حسين        ياملح ســالفتي
حسين        يـــاابا عـبدالله
 
***

عطشان بس مو للماي عــطشان للــون والنوح
محتاجـلك يامـــولاي يالمــجلسك يروي الروح
بهالحاله وانته اعله الگاع وللدنيا چفك مفتوح
مذبوح وتــلم الناس اشحال انــته لو مامذبوح
 
بين الحوافر والرمل
وتوزع اثـياب الطفل
حسين        يابعـد طايفتي
حسين        ياملح سـالفتي
حسين        يــا ابا عبـدالله
 
***

يقــرون گـدامي أســماء وما يرف جفني اعليها
وحاء اسمك امن يذكرون يفز گلبي من طاريها
كـــلمة احـــبك والله ثـــق بـس الـك حاچـــيها
الـماشـافتك نــور ونـــار ياابــو علـــي اعمـــيها
 
ارزقني مـــن نــارك لهب
ونطيني توفيق ام وهب
حسين       بهذي انته التفتي
حسين       يامـــلح سالــفتي
حسين       يـــا ابـــا عبـدالله
 
***
 
يالماخذ اگلوب الناس ارحمني ياابو ارقيه
مجنــونك وما اخفــيك مــولاي تعلـــم بيه
الالــف وتســعمية جرح بــيهــن امــر ليليه
ودمعة عيوني سيدي بخـدي احس مسبيه
 
يالراســك بــراس الرمح
الدمعه عله مصابك ربح
حسين     الروحي اگول اشفتي
حسين     يــاملـــــح سالــــفتي
حسين      يـــاابــــا عـبـــــدالله
***
حيدر تركي الكربلائي

منطق  الامامه
تعتلي الزعامه
........مدرسة محمد
صادق بكلامه
****
اقره  تاريخ  وتشاهد عندي عنوان
من ابوطالب حضاره  علمه  برهان
ماخذ  ادوار  الامامه  وجهه  قران
جعفر الصادق معاني يغذي الابدان

حير  الفلاسف
تشهد المواقف
...........ترتوي  اليالي
بدمعته اليتامه
*
جامعه الصادق تميز بس مدارس
تركع اكباله  المناقب والنوارس
تناولت سيرة حياتك بالمجالس
صرت مجنون بغرامك جني عابس

عاشك الشهاده
منهج  السعاده
........جعفري هويتي
عالم الشهامه
****
سيرة    الصادق   نهج  للجعفريه
تناولت  اصل  التشيع   والقضيه
صرت شيعي وافتخر هاي هويه
رافضي وطبعي الرفض يناصبيه

تشهد المذاهب
سيد   المناقب
.......جعفري انتمائي
واضح العلامه
*
جعفري ثابت يظل ديني ويقيني
بايعت  حيدر علي خاتم  جبيني
راسم بلطم صدر خطي حسيني
بدمعتي اكتب عهد  يشهد ونيني
 
اكشخ بدموعي
ياعلي بظلوعي
.......خادم الصميده
كلمن  ومرامه
*
شيعي ما اتنازل ويبقى افتخاري
حر اعيش بعمري باقي  بختياري
منهج الحب والوفه كاتب شعاري
رافضي الحد العظم اعلن مساري

شيعي  بالهويه
شاعر   القضيه
......سجلت  نفوسي
حتى بالقيامه
*
حلم  كاعد  بالبقيع  وفوكي  قبه
تذبح الاهات روحي بحاله صعبه
چني واكف بالضريح ويمي عتبه
حلوه زاير  بالبقيع  وكلها صحبه

يا هلا  ومراحب
صاحت المواكب
........تعتني  الزياره
ترجع بسلامه
*
تمت بعون الله وبركاته
يوسف الفتلاوي


https://www.tg-me.com/asaadshaker

يا إمام حماسية للصادق ع الشاعر قاسم الساعدي المندلاوي
***
يا إمام الرافظي وعنوانه
موتك الجَدّد عليه أحزانه
****
يا إمام الرافظة جرحك كلف
نزفه من اگلوبنه لا ما يجف
اشما تمر ذكراك يرجع ينكشف
الصَبر يمك ينهدم بنيانه
******
جرحك الجدّد علينه چم حزن
من ألم سمّك إلى وكت الدَفن
غَصة غَصة اوياهن الفگدك يون
والدموع ابكل وكت ديدانه
******
هَل شهر شوّال أول يومه عيد
واحنه للمجلس نحضّر من جديد
من اهل هالبيت يا سابع شهيد
حتى بالعيد ابحزن تلگانه
*****
نحضَر المأتم نعزي الفاطمة
تعتني ابدم الحسين اموسّمة
تنعه بالمجلس بدور امخذّمة
اوياهه زينب عالخبر وحزنانة
****
أهل بيتك يمك وكل الأهل
حين حانت سيدي اعلوم الأجل
اشلون حال احسينكم حين انچتل
خشبة يابس من ضماه السانه
****
إنته حِملوك ابنعش حين الوفاة
وهوّه ظل اثلاثة من بعد الممات
ابكل عزاء اتعيد أمّه الذكريات
يوم ثالث حُضرته الدفانة

بين المصايب والون والهموم
خلاني وكتي بعدك يمسموم
اجري الدمع .. يالمنفجع ...آنه الزجيه
ـــــــــــــــــــــــ
حزينه وخلصوا اولادي .... ذبح لوجبد المسمم
ياهو الّي احضرنّه ... اشوفه اعليه اثر للدم
واحد سمموا جبده ... وواحد ضلعه التهشّم
من يوم السقيفه الضيم ... ياوسفه عَلَي خيّم
جبد الحسن سال دمّه يويلي
وآنه اعله الحسين هدّمت حيلي
كَلبي انفطر ... لا ماصبر ... لجل الرزيه
اجري الدمع .. يالمنفجع ...آنه الزجيه
ـــــــــــــــــــــــ
يعين الوالده العدهه ... ولد محّد سلم منهم
اضل محتاره ماادري ... شجاوب للنشد عنهم
ليش بياسبب ولدي ... اشوفن ينسفك دمهم
موته ولو اجيت ابجي ... شلون ابحالي احضنهم
مااكَدر اصبر ودموعي تجري
احضنهم شلون يلجمني صدري
هذا الفعل ... ما ينحمل ... عظم الرزيه
اجري الدمع .. يالمنفجع ...آنه الزجيه
ـــــــــــــــــــــــ
اجيت وكَلبي يلهب نار ... ودنياتي صفت مرّه
اجيت بحاله من حاله ... وكَصدت الارض سامرّه
سمعت الصوت ناداني ... وبقيت ابدمعي متحيّره
واعرفت الحسن مسموم .. منّه الجبده متوذّره
بالهم تعنّيت يوليدي انادي
واعله الحسن حيل ذايب فؤادي
دمعي يصب ... ذاب الكَلب ... دموعي جريه
اجري الدمع .. يالمنفجع ...آنه الزجيه
ـــــــــــــــــــــــ
يم العسكري من جيت ... شفت امصابي بعيونه
ومن كثر الالم والسم ... وجهه منخطف لونه
ليش وياسبب ناديت ... عدوانه يسمّونه
ويتلوّع بطول اليوم .... وبداره يخلّونه
ضل صوتي مبحوح وبهيده ونّي
آن هامّك وجيت حاجيني يبني
يبني صحت .... حيل ونحت ... والجمره بيّه
اجري الدمع .. يالمنفجع ...آنه الزجيه
ـــــــــــــــــــــــ
تمنّيته يفز ويكَوم .... بمصابه يحاجيني
وبيده الطاهره ياريت ... يمسح دمع البعيني
ليش الحسن بمصابه ... هالساعه يأذيني
ومفجوعه اضل للدوم .... مويعرف يخلّيني
ريت آنه اصد ليه ويصدلي بالعين
ويكَلّي يمّه خل نبجي لحسين
للمنذبح يبقى الجرح او للسبيه
اجري الدمع .. يالمنفجع ...آنه الزجيه
ـــــــــــــــــــــــ
الشاعر محمد حسن ضيغمhttps://www.tg-me.com/asaadshaker

باجر  المهدي  يذيع
 بكربله نبني  البقيع
.............يمتى يالصادق نطوف
 أنه   خطب  فضيع
*
باجر  الغرقد يعود ينبني اكبر مزار
تعتلي  راية علي  للسمه تصبح نهار
سيد المذهب تشوف مرقده يشع الخضار
وجهه يتفتح ورود  عمره  يتحول ثمار

صادق العتره سلام
انت   قران   الغرام
     ....... ظلمتك ناس الحرام
حامي الدين  الرفيع
**&**
منعو الزاير يطوف  بيه جم حسره وألم
يرتفع صوت الغيور  ينتهي  عصر الظلم
مدرسه صادق تشوف سيد المذهب علم
ينصب الصادق عزاء يذكر احتركت الخيم

يا   سلام  الله    عليك
سيدي بروحي افتديك
  ..........ينصب بروحه العزاء
يذكر الطفل الرضيع
* انت لدين الحنيف مدرسه وخط
مستقيم
مكه تشهدلك  سماء انت بيت الله العظيم
جابر  استلهم  دروس منك تعلم يهيم
علمت موسى النجاة انت دستور  الكليم
في  جبل طور اعتناك
موسى يدري بمستواك
 ........حجة الله  عله الوجود
نصبك رب البديع
*
زمره عاشت  بالظلال وجوهم بس الغدر
عمله باعو جم ضمير مبدأ  الذل والكفر
عاشو الدين بغطاء وينه منصور العصر
شاهد الصادق حياة وجهه مصباح  الفجر

يعتلي  باجر منار
يبني   اكبر  مزار
...........الدين من بعدك مصاب
 والبقيع اصبح فجيع
*
يشرب الماي ويشوف جده مات من العطش
بلا نحر ظل وصريع جسمه عالغبره انفرش
تلعب  الخيل  وتجول  لا ولا شالو نعش
يامصاب الطف يصيح  هزت اركان العرش

جرح    اكثر    ألمك
امتون زينب تلجمك
.......... دمعتك شفت الطفوف
جسمه عالغبره  صريع
****
نقره مجلس بالبقيع  ننصب هناك العزاء
دمعتي صارت طفوف تنزف بفيض الدماء
يالثارات  البقيع  يرفع   المهدي الواء
جفوف ابو الغيره تطوف تعتنيكم كربلاء

رايه من وسط الضريح
ينبني    المرقد  تصيح
.............ترجع نشوفك سماء
راسم اشواكه الربيع
****
خادمكم يوسف الفتلاوي


https://www.tg-me.com/asaadshaker

خادم ولمصابك اتهل دمعتي
وارتجيتك يا وسيلة غايتي
رايدك تحضرني ليلة وحشتي
من يلقن جثتي دفاني


لو مسيت بحفرتي والعمر غاب
وفوك جسمي انهال يحسين التراب
وعله كبري قروا فاتحة الكتاب
والعزيز من الأهل خلاني


لو يخلوني الأهل وامسي وحيد
هناك يابو اليمه تحضرني أريد
خايف من اذنوبي تتقيد الأيد
وحطب للنار الجدم مشاني


عمري خلص خادم وعاش بعزاك
وابحماك العاش ،، بالموت بحماك
ضامي كالوا ،، جبت دمعي وكلت هاك
حسين يَ اول حزن مالك ثاني


انه الجان لحزنك يوزع ثواب
وانه الجان البلعزه لازم الباب
امحرم وبعده صفر عاش العذاب
الروحه مسبيه ويه ضعنك .. آني


يجي امحرم والحزن ويّاه جاي
و بلون ليل اهدعش البسلك رداي
حتى طعم الماي يفرق على الماي
الما رواك اشتعتقد روّاني ؟!


هذا . دمعي اعليك . أمانه ياحسين
اترجعه ليلة وحشتي مدمع العين
آنه من دونه شأرد عالملكين
دمعي سر توحيدي يا قرآني


شكد عله امصابك لطمت آنه الصدر
ترضه فوگه اتصير ضغطات الگبر
عندي ليلة عاشرك ليلة قدر
كون ليلة موتي تتلگاني


كون نعشي بالگبر تستقبله
وكون يابن فاطمه تشفع اله
بكثر خطواتي بزيارة كربله
وبكثر ما ناعيك بچّاني


وابگلب لهفان وابطول الزمان
حاضره اتدور عزاك ابكل مكان
فاطمه اسأل عني لو مجلسك حان
كلي اصيرن عين يا برهاني


لكطعت الخنصر دليلي شكثر ناح
وصيحة الحره اعله ذبحك صوتي صاح
طيحتك بوداع اخيّك دمعي طاح
وجمر حرگ اخيامك الچواني


ناركم ناري يهل بيت النبي
حزني بالدنيه چتلكم والسبي
ولو متت بالگبر رايد مطلبي
كون تبقه احزاني نفس احزاني

(سعد هادي الشمري)

https://www.tg-me.com/asaadshaker

قصيدة رئيسية في رثاء الإمام جعفر الصادق عليه السلام


ياأيُهاالصادقُ نَنعاكْ في القلبِ عهداً لن نَنساكْ
عَلّمتَنا ... أَرشَدتَنا ... حَررتَنا ... ياسيدي


الك ياجعفر الصادق فضائل نعجز انعدها
مدارس اسست للدين تذكرك وانت سيدها
بحورك بالعلم طفحت ولا واحد وصل حدها
المذاهب سيدي منك خذت يالصادق العدها
يَكفي لَهُم قَولُ النُعمانْ. قد هَلَكَ لوَلا السَنَتانْ
لولاكَ ذَلْ ... لا لَمْ يصلْ ... مِنكَ انتَهلْ ... ياسيدي


تفجّر علمك الواسع مليت الدنيه بفكارك
يجعفر سيدي الصادق تظل للمحشر اخبارك
امام عله الأنس والجان الله بحكمته اختارك
بقت دار العلم والجود يجعفر سيدي دارك
قَلبُكَ مَخزنُ للأسرار والكونُ في كَفّيكَ يُدار
خُذ عَهدَنا ... من عِشِقِنا ... يامَجدَنا ... ياسيدي


الاهك سيدي رادك عقول الناس تهديها
مثل جدك رسول الله تعلّمها وتزكّيها
اذا ما علمك ونورك تضيع ومن يدليها
رسالة جدك الهادي توضّح كل معانيها
هذهِ علُومُكَ في الآفاق في كُلِ علمٍ عِلمُكَ فاق
سُبحانَ مَنْ ... فيكَ أتَمَنْ ... حُكمُ

متى الفرج:
نزله لمسلم ابن عقيل ع……

السيف لايگ بيدك… والمعاره اتريدك… هاي ساعة عيدك…
يابو المراجل
*
ونعــــم منــــك يمسلم يل وفيت أوعــــودك
ما يصــح مثلك سفــــير ولا مثل مجـــهودك
يا بطل اديـــت حقــــك مـا خلفت اعـــهودك
اصرارك وعزمك خذتهن من علي ومن عودك

دافعت عن دينك… ماخذلت احسينك… قدمتله اسنينك…
يابو المراجل
*
المعاره اتريـد مثلك كون فــــارس باسـل
يسرج اظهور المنايه ولجـل اميره ايقاتل
يوگف ابوجه الجيـــوش ويرتجـز وينازل
وسيفه مايختل ابقمده وكون بالكر عادل

ونته شاطر سيفك… وصار كلشي بكيفك… الموت اصبح ضيفك
يابو المراجل
****
اهــواي ماتو من خزرتك مـن دخلت الكوفه
جندي ضل يردم ابجندي ويرتعد من خوفه
ابـن جوشن گام يسئل بالبقه امــن اصفوفه
مـــوت لو صمصام هـــذا الشايلاته اچفوفه

عجبنه افعالك… ضل يهاب اخيالك… افعل اليحـــلالك…
يابو المراجل
*
مثل فـر الشات فـــرو بالحـرب گـــدامك
ارواحهم تطلع يمسلم لو طلع صمصامك
ها علــــيهم يابو طاهـر لا تفل احــزامك
لمهم ابزودك يحــــيد ودوسهم بجدامك

اتصدر الملزومه… ابعزمك اطوي الحومه… أليل طفي انجومه…
يابو المراجل

ابـــد ليهمك عــــددهم كلــــهم ايهابونك
انته صح واحد ولاكن عسكر ايشوفونك
اتورطو ويـاك ورطـه وخــافو ايلاگـونك
قـابض الارواح كلهــــم گامـــو ايسمونك

حيدري ابحملاتك… صاعقه ابضرباتك… اتخلدن وگفاتك…
يابو المراجل
**

   الخادم
كامل السعيدي

https://www.tg-me.com/asaadshaker

طاحت الرايه  وما وصل مايه
وصوت من صوب الشريعة خويه خويه
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
صاحب الخوة الاصيل بخوته
الغيور الماكو غيره بغيرته
الوفي الكل الحياء بگصته
طاح يم النهر هو ورايته
عطشت الخوه   ومنه تتروه
وصووت هز الدنيا كلها   خويه خويه
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
ظلمت الدنيا بوگعته اعله النهر
حگها تظلم طاح يم الشط گمر
الكون كله وي الحسين انكسر
الطاح مو هين تره احزام الظهر
شدة الشده  حسين ظل وحده
وچانت اخر كلمة منه   خويه خويه
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
اعتناله حسين  صوب المشرعة
ايد فوگ الظهر وايد بمدمعه
شافه بيا حال حاله مروعه
راسه مهشوم وچفوفه مگطعه
گاعد بصفه   ويمسح بچفه
قبل چفوفه ويگله  خويه خويه
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
گوم ياعباس احلفك بالوفه
يا خو زينب گوم زينب خايفه
گوم هالوادم علي متحالفه
الدمي هاي سيوفهم متلهفه
هسه يالغالي  ظهري ظل خالي
گوم شيل الرايه بيدك  خويه خويه
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
من طحت ياخويه قلت حيلتي
وگام ياعباس يضحك شامتي
لا تخليني وحيد بغربتي
ليش افزعك ماتگوم لفزعتي 
يا ابو الغيره    حسينك بحيره
گوم حط ايدك بديه  خويه خويه
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
يابو فاضل نابت بعينك سهم
السهم صح بيك بس بيه الالم
صعبة يالعباس ياراعي الشيم
شلون ارد لوحدي لصوب الخيم
شلون اردلها  شراح اگللها
هاا يزينب راح اخونه  خويه خويه
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
حسين كاظم الطائي

طاحت الرايه 💔