. رفعة الراس.   نبع الاحساس
غيرة الكون.    ابني عباس

ماكو مثل ابني يدنيه.   بزوده ماظن واحد
وتشهد بزوده المعاره.  القائد ابن القائد
ايكور الجيش بيمينه  من يرف الساعد
وتعثر اكباله المنايه.   والزلم تتشارد

اهلال البنين.     ذخر  الحسين.
مضرب الزود.     ابني عباس

من الزغر واعيونه تجدح   من يصد للرايه
وجان يحسب ساعه ساعه  . للفرات ومايه
جان ما تغفاله عين  ورايته امتجايه
وابني مايرضه يتحـــــــلم.    الا بمسنايه

  سبع الضعون.  كحل العيون
ليث الاصعاب  ابني عباس

علمه احسين الشجاعه.  واخذ منه الغيره
ورث من الحسن طبعه.    وشمرته وتفكيره
الكون لو يوكف كباله.   بطرف ايده يديره
ولو سمه اتصير المعاره     بعينه تبقى ازغيره

اتعده الحدود.     راعي الجود
وكل الاوصاف.   ابني عباس

بيه يفرح كلب زينب.    جانت من تشوفه
وجانت تخليله رايه.     من تبوس جفوفه
تگله كون وياي تبقى.   من اطب عالكوفه
جان ظليت بعزوتي.   والاسر ماشوفه

وتفرح اهواي.    وتحجي وياي
تگلي بي زود.   ابني عباس


اتمنه كون الزهره.يــــَمه.    من يطب لطفوفه
ومن يذل الجيش كون.   تعاين اعله اجفوفه
ابني زلزال المنايه.     بحلگه چن سالوفه
وللفرات انطيت زلمه.   يردمه ويه جروفه

شبلي  صنديد      يعيد بعيد
بلهو الحروب.   ابني عباس

اسئل الحومه وتگلك.    عن ثبات الكافل
جان يخسفها بيمينه.   من يطب  يقاتل
اليوصل السيفه احسبه.  يرد بس موكامل
عالفرس ترجع الجثه وراسه فوگ النابل

افتخر بيه.   وهوه يكفيه
وفه لحسين.   ابني عباس


خادم الزهراء ع ابو احمد الطائي

#للعليله..

طفله   محرومه من ريحـة هلي    طفله
          گلـبي ابجفــــاهم مبتلي    طفله
         مجبورهه اعيش ابلا ولي   طفله
      ـــــــــــــــــ ❁ ❁ ❁ ــــــــــــــــــ

من حده الحادي ابسفرهم
گلبي رفرف ـــ چن حمامه  ـــ وي ضعـنهم

بس جسد ضليت اعيشن
من بعدهم ـــ واني ضلت ـــ روحي عدهم

علتــي أوحشــت ديـاري
عذبـــــني  ـــ وگمت اساهر ـــ مـن بعدهم

احلم   يرجعلي ابوي امن السفر    احلم
         من بعده مكســـورة ظهر     احلم
         ويگلــي بويـــــــه ادللــي    طفله
       ـــــــــــــــــ ❁ ❁ ❁ ــــــــــــــــــ

غيبتـك وســــهام هجرك
صوبـــــني ـــ وگمت اسولف ـــ ويـه روحي

كون أطـــول ما اشــوفك
تعمه عيني ـــ ولحظه ماضن ـــ يهده نوحي

اجروحي بسمك سجلتهن
يمته ترجــع ـــ حتى يشفن ـــ كل جروحي

وينك   اعيوني مشتاقات الك   وينك
           يمـــــته ترد وتنفسـك   وينك
           لا انته اجيت ولاعلي    طفله
     ـــــــــــــــــ ❁ ❁ ❁ ــــــــــــــــــ

ذبلت احــــلامي العشته
وبنتضــارك ـــ روحـي ورده ـــ وذبلتهه

يبست قصـــني وتنــــاثر
فـوگ دربك ـــ وي دمعـــتي ـــ النزلتهه

اشلون اعيش ابلا وجودك
يل وجودك ـــ يمي فرحه ـــ وضيعتهه

حزني   ماينوصف بعدك صبح   حزني
           بالدنيه كسرلي الجنح   حزني
           يابويه غيرك ياهو الي   طفله
       ـــــــــــــــــ ❁ ❁ ❁ ــــــــــــــــــ


الدنيه غابه واني وحدي
والرزايــــه ـــ اتحــيط بيه ـــ وگلـــبي حاير

كافي يا دنيــه مئاســي
صبري خلص ـــ عل مصــايب ـــ گــوه اكابر

گصرني عمـري النوايب
والبواچي ـــ وكلشي وحشه ـــ ابعيني صاير

شهگه  غـــرگانه يل ردتـك تمـــــر    شهگه
          يالعــــايش اويـاي العمــــر    شهگه
          بعدك اويه ادموعي اختلي    طفله
       ـــــــــــــــــ ❁ ❁ ❁ ــــــــــــــــــ

عطلت ميل الثـــواني
من كثر ما ـــ بيه احسب ـــ يمته ترجع

حتى لو بحلامي ردلي
ارد اشمك ـــ بلكي منك ـــ بويه اشــبع

املت روحـــي بلقائك
ياحبــيبي ـــ خــبر منك ـــ يمته اسمع

ترجع   لحضاني ماضنك بعـد    ترجع
          ايست مـنك يالعــــمد    ترجع
          بالدنيه من بعدك شلي   طفله
       ـــــــــــــــــ ❁ ❁ ❁ ــــــــــــــــــ

     الخادم
كامل السعيدي

.
ريض بهونك يمن تحدي الضعن
شافن عيوني شكثر ضيم ومحن
.
ريص بهونك يحادي لو سريت
مرني بالكافل اكلله مشيت
وخلي اكلله عليش اتعطليت
ليش جفينك يخويه اتكطعن
.
ريض بهونك تمرني اعله الكفيل
مرني للعباس ابو درع الثجيل
ادري مايقبل على دمعي يسيل
خلي اودعنه ولم جسمه بجفن
.
ريض بهونك يحادي اعله الهزل
ناكه عرجه و خاف كفالي زعل
عفيه كلبه اشلون عباس احتمل
من خواته وي غرب كمن مشن
.
ريض بهونك و نصي كلمتك
ولو سمع عباس يكطع ركبتك
انته بايعها الشهامه و غيرتك
انته لو تعرفني ياهي وبت امن
.
ريض بهونك يحادي انطي صبر
ناكه عرجه وخاف بالممشه تعثر
ومن اطيحن اشتكي يم الكمر
انطي اسمك وانته دبرلك مفر
ادري تشرد ما اشوفك خاطبن
.
ريض بهونك و راجع قصتي
عل شريعه ودعت كل اخوتي
ضلي ما ينشاف شافو دمعتي
عتبي موش اعليك اعتب عالزمن
.
حسن صالح العيساوي

الليالي الجعفريه شهادة الامام الصادق عليه السلام قصيده سريع

الـله يعـيـن گلبه شـلـون
بــيـده يـغـمـض اعيونـه



Π÷Π÷Π÷Π÷Π÷Π÷Π

شـحـال الـكـاظـم الليــلـه
يـشـــوفـه يـودع الـعيلـه
يـوصي ومـدمـعه يسلـه
واجـو كلـهم يـودعـــونـه

Π÷Π÷Π÷Π÷Π÷Π÷Π

گـاعــد يــمـه ويـحــاچـيـه
وسـاعـه ايـقبـله ابـرجلـيـه
دمـعـه عـالوجـن يـجــريـه
الـعـمـر مـيفـيد مــن دونـه



Π÷Π÷Π÷Π÷Π÷Π÷Π

بـخـده حـفـرن الـدمـعات
صـابـن گـلـبـه الـچـمـــات
بــيــده غــمـضـاه ومــات
بـگه يلـطم عـالـمـتـــونــه

Π÷Π÷Π÷Π÷Π÷Π÷Π

شــمـه وسَـبـل أيـديـــــنه
امن المدمع عمـت عــينه
بـالـه سـرح بحســـــــينـه
مــــن رادو يـدفـنــــونـه


Π÷Π÷Π÷Π÷Π÷Π÷Π

اذكر جــده الســــــــجاد
بيوم الرجـــع للأمجـــاد
لگاهه امطرحه الأجساد
منهم خابت اضـــــنونـه

////////////////////

تم بعون الله وبركاة الامام المهدي عج
✍✍✍ام زين العابدين اللامي


أسألكم الدعاء لي وللوالدي


https://www.tg-me.com/asaadshaker

٩٧٨- على قبر الحسين (ع)

اعله گبرك ما ابطل النوح وتراك
وعيني اتشــوفـك تمنيت وتراك
سبونه اعداك سبيت روم وتراك
ولا راعــــــــو بخت سيد البريه

✍ فراس المحمداوي

حيل ايدوس بيه ياركاني
زماني و من اذيته ياركاني
بعد جم يوم اصيرن ياركاني
يحيدر بالكبر عينك عليه
.
حسن صالح العيساوي
https://www.tg-me.com/asaadshaker

لسان حال مولاتي فاطمة العليلة ع بعد رحيل والدها


حاچـيـني يادار ابـهلچ ويـن
عافـونه بس عافـونه ميتين
تعبنه حيل افراگ اهلنه
يوميه ماخذ حيل مـنـه


ناشـدتچ وگلبي انـفطر ياعلـة اونيـني
يادار وين اهلي مشو بلكت تحاچيني
معقولة ماخذهم زعل المافارگو عيني
چالـيش لو طبـيت الچ محد يلاگـيني

من ابتوت گلبك لو شخص راح
تگـضـيهـا ونـة وكـضـة اصـفـاح
يمرون لا اهل المـحـنة
يومية ماخذ حيل منة

٭٭٭٭٭٭٭٭٭٭٭٭٭٭٭٭٭٭٭

الـيـمـد چـفـه اعـلـه الـحـلم لابـد يـرد خـالـي
والـصـور ماتـشـفـي الگلب بلكت تجي اگبـالي
عــايـفـني شــلـي بالـعـمر مـــن رحـت يالـغـالي
غـير البـچــي والـمـگـبـرة عـگـبـك بـعـد مـالــي

وكل ما افز من دگت الباب
عـبـالي ردو لـيـة الاحـبـاب
شمحلة الابو لمن تحضنة
يـومــيـه ماخـذ حيل منة

٭٭٭٭٭٭٭٭٭٭٭٭٭٭٭٭٭٭٭

ياعـطـرك اشتمه ابكـثر عطاب گلبي وهجرك
يالمامخلي امچان الي مو راح ناقص ضعنك
لا مـو عـلـيلـة وداعـتــگ لـمـن اكـضـن چفك
الـعـافـيـة تـردلي تـرة لوعـيني شافت وجهك

يابـوية لمن تـگـعد وياي
حنية اشبع واشبع افياي
وعـيـوني كل مادورنه
يومية ماخذ حيل منه

٭٭٭٭٭٭٭٭٭٭٭٭٭٭٭٭٭٭٭

ضمة اهدومك مو حرز ضـمـة عتب خليها
بحجة الي ترجع الي كل ساعة اسفط بيها
البنية من تفگد ابـو مـن ابـعـيد بان اعليها
غير الابـو مـن الهـضم ياهـو بـعـد يحـميها

ابكثر الدلال العايفة هناك
اتمنة اشوفك واگعد وياك
يابوية رد غير انتة جنه
يومية ماخذ حيل منه

٭٭٭٭٭٭٭٭٭٭٭٭٭٭٭٭٭٭٭
ضـاعـت بـيـاغـرهـم هـلـي ورفـت عليها اجفوني
وعــزاز گـلبـي الــغـربـو بـيـمـن اكــحـل اعـيونـي
شگد صوتي بـح لـمـن مشو بس همه ماسمعوني
يانـاس رحـمـوني مـتـت بلـكـي لـهـلـي تـودونـي

يادارنة العـطـشانة للعين
شيطبچ ومابيچ الحسين
اخبار ماوصلـتني عنه
يومية ماخذ حيل منه




حسين الگرغولي

وين اليوجعك حاچيني وارتاح
يـبن امـي شـشد وكـلك اجراح


أبــدي مـنـيـن شَــبـدي وكـلك مـوذر
امسح دم رگـبـتك شـو عـظـم ينـجر
شسوي وزينب الگامت تلچمك حيف
امد ايدي اعله صدرك چفي بيه يعثر

الحوافر فوگ صدره شلون تنزاح
ويـن الـيـوجعك حاچـيني وارتاح

٭٭٭٭٭٭٭٭٭٭٭٭٭٭٭٭٭٭٭

اعله ريحت امي خويه حسين شميتك
عــثـرة ابـعــثـرة گـــــوة وانــتــدلـيـتـك
مـطـشـرينك بـحيث الدرب كلـه حسين
ابـعـباتـي وخـوتـك يـحسـيــن لـمـيـتـك

جسمك ماكمل منه شكثر راح
يبن امي ششد وكلك اجراح
٭٭٭٭٭٭٭٭٭٭٭٭٭٭٭٭٭٭٭

ويـن اهـدومـك الحـلوات يـمسـلب
مگـطع وانته ميت ليش چـا تنسب
وجفك بيه نقص عبد الله لوخنـصر
ترة خلافك بچت زينب على زينب

بالطف كلشي صار ابعيني ذباح
يـبن امـي شـشد وكـلك اجـراح

٭٭٭٭٭٭٭٭٭٭٭٭٭٭٭٭٭٭٭

مو مـن عـاتك خـويه تجـافيني
اجـيت اركـض الك يالماتلاگيني
حيلك ذاكه ويـنه باكـتـه ياخيل
واحچي وياك وانته ماتحاچيني

صوت ضلوعك ابأذني شكثر طاح
يـبـن امـــي شــشد وكـلك اجـراح

٭٭٭٭٭٭٭٭٭٭٭٭٭٭٭٭٭٭٭

لا غـيـمـة الـتـفـيي فـوگـك ولا ضــلّ
وجـرحـك من نزيفـه شو رمـل ينـزل
رگد كلشي ابحلاتك حته شيبك طاح
سـمـوم الـضـهـر خوية وداعتك تكتل

حـته ابنومتك ماضنه ترتاح
يبن امي شَشد وكلك اجراح

٭٭٭٭٭٭٭٭٭٭٭٭٭٭٭٭٭٭٭

يالمثگل الرمح من فيظ دم راسك
شـيـال الرمـح ماشـايـل احساسك
كل ساعه تطيح امنالرمح يحسين
مـن تـشـوف طـايـح راس عباسك

تـعـبـان اشـثـكر من گـد الارماح
يـبن امـي شــشـد وكـلك اجـراح


الخادم حسين علي الگرغولي

حسره  اهاتي
وشكد لوعاتي
لجروح الخيمه
لو عماتي
*******
جروحي لو تمر غيمه
شفتهه تحترك خيمه
دمع عيني .... جرح كلبي.......عذابي

اشوف  النايبه ابعيني
ونيني ولوعة اسنيني
انه العشته ....ولا صاير.......مصابي

اسولف حزني وهمومي
عذابي  غير   ارسومي
شفت ناري....وشاهدهه....عله بابي

اجتني فاطمه الزهره
گعدنه والنعي حسره
تبچيني.......وابچيهه ......بجوابي

اصعب منظر
كلبي  اتحير
حرگو  بيتي
هذا  الأتي
*******
انفجعنه وكل شخص منه
يعيش .... الدمعه  والونه
عالموقف ...عتب يحمل.......جراحي

صور  بعيوني   راسمهه
بحياتي صعبه اهضمهه
الجره عليه......يعذبني.........رواحي

ونيني  اهوايه  يحچيلي
وانه  بچف  الصبر ليلي
على احوالي...وانه اتجلد....صباحي

متت  من   اول  اسنيني
بچيت شكد عله حسيني
هدم حيلي...وانه بعالي ....مناحي

شفت اطفالي
بهيمه اعيالي
ترگض بالبر
يا حسراتي
*******
طحت بدموعي عالعتبه
عشت  بالظلمه  والغربه
كلب ينزف.... جرح يهتف........عجيبه

يرووحي  من الحزن هيدي
انچوت طفله وخذت ايدي
طفل حاير.....صدع كلبي........نحيبه

رگضت  وتيهيت  دربي
اعله ناري وشكرت ربي
بعد اصعب ....صحت زينب...غريبه

اظنهه  من المشي ماتت
مصاب الشام ما  عاشت
تون تنحب....عله اخوتهه.....مصيبه

ماتت   روحي
بيها اجروحي
انه الصادق
يا مأساتي
*******
يهون الي جره  اعليه
مصابي  ولوعة البيه
انه ابدمعي....صحت زينب......خيمهه

تون  والما  سمع  يسمع
عليهه خيول بس تفزع
نهب صاير.... اظن طايح........علمهه
تحير بيا كتر  حيره
تحشم راعي الغيره
سهم بالطف....اخذ كلشي.......سهمهه

اويلي  رگضت العسكر
خيام    اتفرهدت بالبر
رمح واگف ....كلب زينب.....لچمهه

شلون المنحر
شاف  الخدر
دمعة زينب
من دمعاتي
*******
تشوف   الخيل   ملتمه
تدوس بجسم ابو اليمه
تلم جسمه.....بقت يمه......عظيمه

ذبحهه المنحر الدامي
تبلل  شفت  الضامي
تكله اگعد....اسولفلك........يتيمه

رقيه   كامت   وطاحت
عله اتراب الحرك نامت
بقايا الطف.....تون سكته.....اليمه

ذبحني موقف الحيره
تنادي وين ابو الغيره
يبو فاضل...بچت زينب....هضيمه

اصعب حاله
سبي اعياله
شفت المنظر
من  وناتي
*******
تمت بعون الله تعالى
خادمكم..... يوسف الفتلاوي