متى الفرج:
#تراث

محمد تنشد على حسين ... راح حسيـن يامحمد
شـــال على الرمـح راسه ... وجسمه بكربلا إمدد

ـ***

يامحمد يابن حيدر
             شلون أگدر اخبرنك
وإنت بالمرض مصيوب
             وصوبني سهم ونك
يامحمد أخاف عليك
             سهامي لا يصـوبنك
خواتك للوطن ردن
            لاچـــن بالهضم جنك

هاك أخبار بيه اشصار ... ريتك حاضر وتشهد

-----

يامحمد عماني البين
                  من رد المهر خـــالي
طارت روحي للميدان
                  تحــــوم تدور الوالي
شفته على الأرض مطروح
                 وحدره إفرشت دلالي
وصار يحرك شفافه
                 ويطلب والطلب غالي

هاك اخبار بيه شصار ... ريتك حاضر وتشهد

-----

يامحمد أخوك حسين
                  متوسد على التـــربان
ومن كثر الجروح البيه
                 ومن نار العطش ثگـــلان
وينادي بضعيف الصوت
                وجدي المصطفى عطشان
بس آنه احضرت يمه
               وعليــه دايـــره الــعــدوان

هاك أخبار بيه شصار .. ريتك حاضر وتشهد

-----

محمد خويه واحتاريت
                  من صـــار الشمر يمه
جسمي رميته فوگ حسين
                  أفدي برگبتي جسمه
صوته الشمر گومني
                  وصار الوالدي يشتمه
وحكم بالنحر سيفه
                 وگـصـه وخضبه بدمه

هاك أخبار بيه شصار ... ريتك حاضر وتشهد


-----

يمحمد وجت الخيل
             تركض وسحگت صدره
وماظل عظم سالم بيه
          وتكـــســـرت خـــرز ظهره
خويه وسلبوه الگوم
          الله شــصـــعــــب أمـــــره
وظل عاري ثلثة ايام
         موســـد عالرمل نــــحــــره

هاك أخبار بيه شصار ... ريتك حاضر وتشهد

-----

ذبحوه وإكتفوا منه
              راسه على الرمح شالوه
من الكوفه للشامات
             وبطشت الذهب خــلــوه
محمد وبمجلس يزيد
            وما بين العـــدى نصبــوه
عيني بالعمى ولاشوف
           راسه بالعصى يضــــربــوه

هاك أخبار بيه شصار.. ريتك حاضر وتشهد

-----

يمحمد نشدني يزيد
                واليــچ يازينب وين
وراسچ بيمن تشيلين
               راح وما يعود حسين
وفوگ العلگوم العباس
               نام مگطع الچفـــيــن
خويه وانه محتاره
                 وعالغربه أدير العين


الشاعر الشيخ
سامر الخفاجي الكربلائي

#اللهم_عجل_لوليك_الفرج

https://www.tg-me.com/asaadshaker

مو غريبات .. اچفوف من عالگاع ذني .. موغريبات
موغريبات .. چـنهـن اچـفوف الكـفلني .. موغريبات
صحت يابالفضل
اذا بـعــدك عـدل
حاچيـني يعباس
____

الشــمس مــنـي امــراد اخــذت حالــها حـال البقيه
ســـَلمـت بـس ســـلمـتـني جـــثه بــــيد المـــغــربيه
اويه الظلام الشوگ اخذني وچان يسحب حيـل بيه
صحــت وينــك يبــو فاضــل ساكــت ومـــارد عـليه

زينب ايصيح..ردت بس احچايه منه.. زينب ايصيح
زينب ايصيح..ويـسمــع الــون الأونه.. زينب ايصيح
شفت گتله الحبل
اذا بـعـــدك عـدل
حاچيني يعـباس

          ماتت الزهرة بحزنهه.  بس علي الحاظر دفنهه.
گبر ماعدهه هيه بهاي الوطان.... والسبب اهل السقيفه فلان وفلان
        بس علي الحاظر دفنهه..... بس علي الحاظر دفنهه

يعينك الله يا علي بذيج المصيبة
صعبة والمحبوب يغسل الحبيبة
  تنهظم بوجودك الزهرة عجيبة
قصتك آه يا علي قصه رهيبة
راحت من ايدك يحيدر..... والضلع منهه تكسر
محسنك وياهه رايح وسط الحزان.... والسبب اهل السقيفه فلان وفلان
بس علي الحاظر دفنهه


نزل جبرائيل ينعه بذيج الحزان
هوه بدموعه التجارت يقرة قران
تبجي وياه الملائك دمع غدران
لجل روح ام الحسن تحزن الكوان
يحزن العالم لجلهه.    وتنذكر طيحة طفلهه
ورة الباب  العصرهه يبقه خسران..... والسبب اهل السقيفه فلان وفلان
بس علي الحاظر دفنهه


ريت شهر اوداعهه ما هل هلاله
اه يحيدر والحسن سولفلي حاله
بمصاب امه حسين احجيلي شجراله
والعقيلة العاشت بذيج الكفاله
زينب اتنوح الزجية.... والحسن عاش المنيه
وحسين يندب هااا ييمه هالوعد حان... والسبب اهل السقيفة فلان وفلان
بس علي الحاظر دفنهه

كلهه حضرت يمهه من چانت تصارع
لچن وحدهه العقيلة من تباوع
بكربلة وعن الحرم ضلت تدافع
عله حسين وية السبايا تهل مدامع
وسفه والشمر يحديهه..... وردت مچتفين اديهه
وحسين باقي عالثرة و الجسم عريان... والسبب اهل السقيفه فلان وفلان
بس علي الحاظر دفنهه


عباس اخوهة وللسبي محنية راحت
من سبوهه تمنت اوية الزهرة ماتت
مصايب امهه والابو وخوتهه شافت
وعالشريعة الكافل اخته الحرة عافت
تنادي والكافل سمعهه.... عالرمح شاف الدفعهه
مو مرة المسبية لا بل هاي قرآن.... والسبب اهل السقيفه فلان وفلان

الشاعر علي رزاق المسلماوي


https://www.tg-me.com/asaadshaker

بحق الصديقه فاطمه ((ع))


بين الضلع بيـن الـدمــع خلص عمرهه
ام النــبـي وزهرة علي جهلوا قدرهه

حملت دفعت الباب * حتى اتصون الحجاب

*---------------*---------------*

تحجّبت بالباب واتهشّم صدرهــه
حتى ليشوف الدفعهه والعصرهــه
غالي عدهه وما تساوم عالخدرهه
بس علي الكرار نظرتله ونظرهــه

عين السمه لدم فاطمه ينزف دماهه
لجل الستـر شافت كسر بـضـعة اباهه

كسر الزهره ما طاب

*---------------*---------------*

ضحّت الزهره بعمرهه للقضيه
رادت الـعـفـه اتـخـلّـد فـاطـميـه
صارت القدوه الزچيه والضحيه
انطت ادروس ومواقـف واقعيـه

اصل الشرف بيهه انعرف بضعة نبينه
نعـجـز تـره نْوصْف الجره وشما حچينه

ضلع الطاهره أنصاب

*---------------*---------------*

لجل الحجاب المقدس ولغلاته
ضحت بأجمل عمرهه وبحلاته
حفظته مثل اليحافظ عالصلاته
اتحمّلت چف السطرهه ونايباته

لاذت خجل واهل الدجل هجموا عليهه
خدهه انسطر ضـل الاثــر سوط بإديهه

لبست همهه جلباب

*---------------*---------------*

مضرب امثال بصبرهه وبحيــاهــه
يغضب الباري بغضبهه وبرضاهــه
ويله من الله الظلمهــه وحاربــاهــه
و ويله بالعتبه العصرهه وما رعاهه

شنهي الجنت واتمحنت تعصـر عجيبـه
تـاج العــلـه ومعلعله الزهره النجيبه

صبرت ام الاطيباب

*---------------*---------------*

صاحت بصوت الزچيه يا جنيني
مودع الله وبالسلامه لا تجيــنــي
شلي بنفاسي الاشمهه وبسنيـني
ما أطوّل لوعفتني وتغفه عينـــي

چان الضخر واصل الغدر خيّب املهه
حملت محن ام الحســن محد حملهه

كشفت غدر الاذناب

*---------------*---------------*

✍بقلم خادم الحسين ع
الشاعر رعد الچريخي

(تابعي اتعرفون)
.....................
ماأهــــم تـدرون ** لوكطعتـــو راسي
تابعـي اتعرفــون ** لوكطعتـــو راسي
,,,,,,,,,,,,,,,,,,
آنــا ابـــن اجبيـــر انــا. كلكــم اتعرفوني
مغرم بحب الصميــده. وأعشكــه تدروني
أبد ماعـوف الاحبــه. حتـــى لــو ذبحوني
هو مالي العين هو. ابغيره تعمه اعيوني
عاشكه ومجنــون** لو كطعتو راسي
,,,,,,,,,,,,,,,,
تابع الحيدر أمامي. وامشـي انـــا بنهجــه
نصبه البـاري علينــه. والي هــــو وحجـه
تدري بطــاه محمـــد , كال اتبعــه وتنجــه
فدوه للكرار راسي. وافدي لجله المهجــه
هسه واتشوفــون ** لو كطعتو راسي
,,,,,,,,,,,,,,,


من حجـــر اتعلــم انــا. كل ولائـي الصادق
وميثـــم التمــــار يبقــــه. بهـالولايـه سابق
كطعو ألسانـه الاعادي. وماسكت ظل ناطق
ابعلـــي اصبـــح كلامـه. وبالكفـــر ماوافـق
بالولـــي مفتــون** لو كطعتو راسي
,,,,,,,,,,,,,,
انا ضد الظلــــم ثائـر. واليجـور انبـدلـــه
حسين علمنـــه بثورتـــــه. مانطــخ للذله
لازم انكــــوم ونجاهــد. من نشاهـــد خله
انصيح ياحجاج اوكف. وظالـم انتـه انكله
كلا يا ملعـــون ** لو كطعتـو راسي
,,,,,,,,,,,,,,,,,
الديــــن بركـاب النشامـه. امنــــــاه بارينه
والنبي وصــه بحديثــــه. والفحـــل والينه
نوكف بوجه اليمسه. انصير شوكه ابعينه
واجب أنثور ونجاهـــد. هـذا حـــق اعلينه
كلكم اتسمعــون ** لو كطعتـــو راسي
,,,,,,,,,,,,,,,,,,,
الشاعر: حيدر كامل العبودي




ليلة ٢٥/ربيع الاول /١٤٤٦هجري
السبت 28\9\2024 ليلة
استشهاد الصحابي الجليل
سعيد إبن جبير رض
#قصائد__محرم_١٤٤٦_ه‍

ليلة ٢٥/ربيع الاول /١٤٤٦هجري
السبت 28\9\2024 بصوت
خادمكم الرادود ابو هاشم
الربيعي ليلة استشهاد الصحابي
الجليل سعيد إبن جبير رض
#قصائد__محرم_١٤٤٦_ه‍

(تابعي اتعرفون)
.....................
ماأهــــم تـدرون ** لوكطعتـــو راسي
تابعـي اتعرفــون ** لوكطعتـــو راسي
,,,,,,,,,,,,,,,,,,
آنــا ابـــن اجبيـــر انــا. كلكــم اتعرفوني
مغرم بحب الصميــده. وأعشكــه تدروني
أبد ماعـوف الاحبــه. حتـــى لــو ذبحوني
هو مالي العين هو. ابغيره تعمه اعيوني
عاشكه ومجنــون** لو كطعتو راسي
,,,,,,,,,,,,,,,,
تابع الحيدر أمامي. وامشـي انـــا بنهجــه
نصبه البـاري علينــه. والي هــــو وحجـه
تدري بطــاه محمـــد , كال اتبعــه وتنجــه
فدوه للكرار راسي. وافدي لجله المهجــه
هسه واتشوفــون ** لو كطعتو راسي
,,,,,,,,,,,,,,,


من حجـــر اتعلــم انــا. كل ولائـي الصادق
وميثـــم التمــــار يبقــــه. بهـالولايـه سابق
كطعو ألسانـه الاعادي. وماسكت ظل ناطق
ابعلـــي اصبـــح كلامـه. وبالكفـــر ماوافـق
بالولـــي مفتــون** لو كطعتو راسي
,,,,,,,,,,,,,,
انا ضد الظلــــم ثائـر. واليجـور انبـدلـــه
حسين علمنـــه بثورتـــــه. مانطــخ للذله
لازم انكــــوم ونجاهــد. من نشاهـــد خله
انصيح ياحجاج اوكف. وظالـم انتـه انكله
كلا يا ملعـــون ** لو كطعتـو راسي
,,,,,,,,,,,,,,,,,
الديــــن بركـاب النشامـه. امنــــــاه بارينه
والنبي وصــه بحديثــــه. والفحـــل والينه
نوكف بوجه اليمسه. انصير شوكه ابعينه
واجب أنثور ونجاهـــد. هـذا حـــق اعلينه
كلكم اتسمعــون ** لو كطعتـــو راسي
,,,,,,,,,,,,,,,,,,,
الشاعر: حيدر كامل العبودي




ليلة ٢٥/ربيع الاول /١٤٤٦هجري
السبت 28\9\2024 ليلة
استشهاد الصحابي الجليل
سعيد إبن جبير رض
#قصائد__محرم_١٤٤٦_ه‍

نعي حول فراق الوالده



ماشايف امي صار شكثر ماشايف امي
ماهيه يمي  وحشه  النزل  ماهيه يمي
كثران  همي  من افراكها  كثران  همي



مابيه اشيله جدمي وعلي مابيه اشيله
ركدان  حيله اليوم الكلب ركدان حيله
ليله  اعله ليله ويفراكها ليله اعله  ليله



والبيت خالي مابيه اطب والبيت خالي
وحشه اليالي يمه وعلي  وحشه  اليالي
لبيتج   تعالي   يالوالده   لبيتج    تعالي



ونه  اعله ونه يترادفن  ونه  اعله ونه
كلبي الجمنه هدومج ترى كلبي الجمنه
يلتم  شملنه  ماضن  بعد  يلتم  شملنه



بيتج  عماني يمه وعلي  بيتج  عماني
آمنين اجاني فراكج غفل آمنين اجاني
لو  ذكراني  شسوي النزل  لو   ذكراني



لا ما انحمله فراكج صعب لا ما انحمله
ولا بعد يحله  بيتج ترى  ولا بعد يحله
من شالواهله شحال الكلب من شالو اهله



ام كرار الساعدي

قناة جروح عاشوراء
یوسف الزهراء 💔

نعي للام#

*--*--*--*--*--*--*--*--*--*--*--*--*--*--*--*--*
انه اليوم كلبي محمل اعتاب
للعافت بزرهاا وغفت بتراب
متلوكلج نومة السرداب

*--*--*--*--*--*--*--*--*--*--*---*--*--*--*--*--*
حاجيني اسئلج ياضوه العين
شلج بنوم الكبر مو زين
خرب معاني وجوه حلوين

*--*--*--*--*--*--*--*--*--*--*--*--*--*--*--*--*
يمه تعاي بس ردي عليه
وكولي بقت عندي ابنيه
تشتاكلي وكت المسيه

*--*--*--*--*--*--*--*--*--*--*--*--*--*--*--*--*
رحتي ييمه وطال الافراك
وماكلتي البنيه خاف تشتاك
يهضمونهاا وتكعد على الراك

*--*--*--*--*--*--*--*--*--*--*--*--*--*--*--*--*--*
يهضمونهاا وتدخل غرفتج
وتفرش مصلاج وسبحتج
عليه هضم وتكول ردتج

*--*---*--*--*--*--*--*--*--*--*--*--*--*--*--*--*--*
ردتج سند للوكت لو خان
تضيفيني لو ملتني الاخوان
وهسه صفيتي ابين تربان

*--*--*--*--*--*--*--*--*--*--*--*--*--*--*--*--*--*
يمه
بعد وين اشزفن نور عيناج
وابجي دمعتي فوك يمناج
يذبني الوكت وافرش مصلاج

*--*--*--*--*--*--*--*--*--*--*--*--*--*--*--*--*--*
واذكر محاجيج ييمه
وابجي شكثر واشبع مغمه
اكول اشلونها والكبر ضلمه

*--*--*--*--*--*--*--*--*--*--*--*--*--*--*--*--*--*
بالكبر كوليلي شلونج
من ترابه خافن خرب لونج
اضن الكبر ذبل عيونج

*--*--*--*--*--*--*--*--*--*--*--*--*--*--*--*--*--*
خرب معانيج والارسوم
وماتنحمل نومة المردوم
عليه هضم بسج من النوم

*--*--*--*--*--*--*--*--*--*--*--*--*--*--*--*--*--*
عليه هضم واليوم جيتج
طبيت دارج مالكيتج
من جرح كلبي عاتبيتج

*--*--*--*--*--*--*--*--*--*--*--*--*--*--*--*--*--*
بقلم الشاعره نورس الحلفي

موشح الليالي الفاطمية الروايه الثالثه 1441
@@@@@@@@@@
شلون حيدر بالگبر واراها
وزينب بدار الحزن خلاها
**•*
عظم آلله اجرج يبت حامي الحمه
الليله بيت المرتضئ بلا فاطمه
الليله ظلمه بعينج عيون السمه
واندفن طيب الحنان وياها
****
وياها مدفونه الاماني وفرحتج
غَرْكّت الدنيا يزينب دمعتج
بثكل حيل الباب صارت حسرتج
اذن جا شنهو الگلب جراها
****
طفله بعدج والعمر عمر الورد
بين ضيم والم گلبج ينمرد
ياگلب حيدر دفن وسط اللحد
فاطمه وگلب العقيله وياها
****
دفن دنيا وكمره وي ليل بكبر
رجع يمج يالعقيله ومنكسر
اخ صاح المرتضئ بگلبه جمر
شلون زينب بالدمع لاگاها
****
غذتج بس حب حنان وعاطفه
نعِم والله الزهره هيج مخلفه
تالي ماتالي بكسر گلبج صفه
وشفتي من حيل النذل اذاها

****
شفتي ضيم هموم وامرار وحزن
شفتي دنيا وانعمه منها الجفن
ازرك من السوط شفتيه المتن
وحيل بسياطه الزنيم ادماها
****
تمت ولله الحمد/ المقصر مع الحسين
علي النائلي

(درب الأستشهاد)
................
درب الأستـشهـاد ألنـــه مـو جديـــد 
حسيـن بالطـف ثبتـــه بـدم الوريــد
,,,,,,,,,,,,,,,,,,,,,,,,,,,,,,,,
يوم ثــار حسيـن في وجــه الطغات
صاح أبو السجاد حي اعله الممات
أبـــد ماتنـعــــــاش بالذلـــــه الحيــات
أحرار نبقــه أنريــد مانبقـه عبـيـــد
,,,,,,,,,,,,,,,,,,,,,,,,,,,,,,,
بدمـه أبو السجــاد خـط هـذا المسيـر
وكال سيرو اعليــه والجنـه المصيـر
درب الأستشهـــاد عـــد اللــــه جبيـر
تحضى بالفردوس من ترحل شهيـد
,,,,,,,,,,,,,,,,,,,,,,,,,,,,,,,,
وأحنـه بعـد حسين سرنه بهالمسار
هالـدرب شفنـــاه واضـــح كالنـهـار
بيـه شهــاده اتنـول وتنـول انتصــار
وشـوف عاش حسيـن ودمر يزيــد
,,,,,,,,,,,,,,,,,,,,,,,,,,,,,,
بهالدرب ألنه مشت أعظـم رجـال
بالقياده وبالشجاعـه أفضـل مثــال
هالــــدرب ولاد بـاقـــي ومايــزال
ايموت واحد يرد واحد من جديـد
,,,,,,,,,,,,,,,,,,,,,,,,,,,,,
بهالطريـق اتسيــر قادات وجنود
ايروح نصرالله يرد غيره ويعود
أبــد لاتفـرح يصهيونــي الحقـود
مانطــخ هيهـــات كيـد اشمـا تكيد
,,,,,,,,,,,,,,,,,,,,,,,,,,,,,
ها يظــلام العصـر يهــل الفجـور
ماتظــل أن شـااللـه هيـج الامـور
قـرب الموعـــود وأيـــام الظهـور
وثار كل مظلـوم لصحابــه يعيــد
,,,,,,,,,,,,,,,,,,,,,,,,,,,,

الشاعر: حيدر كامل العبودي
07815363696

ليلة ٢٦/ربيع الاول /١٤٤٦هجري
الاثنين 30\9 \2024 استشهاد
السيد حسن نصر الله
#قصائد__محرم_١٤٤٦_ه‍