گلبي بفرگتك ذاب   بعدك يالولد شاب
يبني ياعلي                   ياريحة هلي
             بعدك يالولد شاب
                    ****
يانبضة گلبي  شمعة دربي  ولب حشاي
جانت احلامي  كل ايامي  تضل وياي
الطف اجاني منين فرهد غوالي
جيت بضعن مهيوب تالي شبقالي

ماحِسبت اعوفك       مذبوح ابني اشوفك
ماعندي ولي                   ياريحة هلي
             بعدك يالولد شاب
                    ****
يااحلى ايامي   وبيك احلامي  من اصباك
يالاكبر تدري   النار بصدري  من فركاك
موسهله يبني تروح وبتالي عمري
جمر الهجر ذباح ودموعي تجري


دمعاتي الجريه     يل رحت امن اديه
ونتي تعتلي              ياريحة هلي
             بعدك يالولد شاب
                    ****
الطف فرهدكم  من عطشكم  يهل الزود
يالب احشاي  تريد الماي   جبدك ممرود
امنين اجيب الماي يوليدي منين
رد للحرب عطشان يبني وضوه العين

كلما انضر الكم    الطف ذبل وردكم
بفگدك مبتلي          ياريحة هلي
             بعدك يالولد شاب
                    ****
من كالو طاح  بطعن رماح  ابنج مذبوح
فزيت بدمعه وجيتك انعه  وكلي جروح
الفاكد ولد ياناس من حكه لو ناح
راسك اشوفه شلون رافعته الأرماح


موتك عذباني   يازهرة زماني
جرحي الأولي    ياريحة هلي
           بعدك يالولد شاب
                    ****
طولك انضرله   مگطع كله  يالمذبوح
فايض من دمك  يابعد امك  ليش تنوح
من جابوه ابوه حسين بين المجاتيل
حنيته شيب الراس من دمه اليسيل


ياجرحي بغيابك   شلون احمل مصابك
تشمت عاذلي          ياريحة هلي
             بعدك يالولد شاب
                    ****
يادمعي الماجف  وجروح الطف ينبي هواي
ابني مگطعينه اشتاق لعينه مو للماي
اشتاگ الك والروح يلهب جمرها
المثلي افگدت أعزاز شينفع صبرها


المر اتجرعيته   ابني ضيعيته
بعدك ياهو الي   ياريحة هلي
             بعدك يالولد شاب
                    ****
علي محسن الفرطوسي

#نزله
#شور


قمر العشيره
قمر العشيره
يا عباس
يا عباس يا عباس ادخيلك
يا عباس ادخليك
،،،،،،،،،،،،،،،،،،،،،،،،،،،،،،
عباس هذا لو علي البلميدان
فرسان ضلت تلبد بسد فراسان
عباس گالو هذا مو ياهو الچان
من جماله ولونه گمر گمر
ياحلات عيونه. گمر گمر
والدرع بمتونه گمر گمر
ماكو بجماله
حتئ بخياله
هيبه وشجاعه
يصطر وقاره
،،،،،،،،،،،،،،،،،،،،،،،،،،،،،،،،،
ياجيش هذا اليگدر اعله العباس
ويازلمه هذا الماطگه الوهواس
أمثال تضرب ببو فاضل للناس
من علي وولاده كفو كفو
عگال روس الساده كفو كفو
هيه هاي القاده كفو كفو
ماكو مثيله
حتئ ويجيله
محد يشبها
بطكته الثجيله
،،،،،،،،،،،،،،،،،،،،،،،،،،،،،،،،،،،،،،،
صوبين هدت ما تهمه الصوبين
اول وتالي الجيش كلهم ميتين
عباس زين شلون لو طب حسين
الله بي يتباها فحل فحل
بيا علي تلگاه فحل فحل
الرايه ماذباها فحل فحل
راعي الشهامه
قام القيامه
يم الشريعه
مامش سلامه
،،،،،،،،،،،،،،،،،،،،،،،،،،،،،،،،،،،،،،،
الاف تشرد منه وتموت الاف
ولا زلمه بيهم وصل يمه وماخاف
عباس لو طــب للعرك ماينشاف
ماتشوفه الوادم هوه هوه
علي وبيده الصارم هوه هوه
المنتصر والقائم هوه هوه
كلشي بقدرته
الماي بعضمته
خلا ابوفاضل
يمشي بأمرته
،،،،،،،،،،،،،،،،،،،،،،،،،،،،،،،،،،،،،،،،،،
عباس هيل واحله چا شنهي الهيل
عباس من عينه الله اخذ لون اليل
اكحيل هوه وطلع من ضهر كحيل
چانو يصيحوله علي علي
چنه مابي لوله علي علي
وبعلي يلولوله. علي علي
حيل الله حيله
هوه الوسيله
ماعدنه غيره
احنه دخيله
،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

الشاعر مصطفى الصالحي بصوت حسين عدنان الكوبعي

گلبي بفرگتك ذاب   بعدك يالولد شاب
يبني ياعلي                   ياريحة هلي
             بعدك يالولد شاب
                    ****
يانبضة گلبي  شمعة دربي  ولب حشاي
جانت احلامي  كل ايامي  تضل وياي
الطف اجاني منين فرهد غوالي
جيت بضعن مهيوب تالي شبقالي

ماحِسبت اعوفك       مذبوح ابني اشوفك
ماعندي ولي                   ياريحة هلي
             بعدك يالولد شاب
                    ****
يااحلى ايامي   وبيك احلامي  من اصباك
يالاكبر تدري   النار بصدري  من فركاك
موسهله يبني تروح وبتالي عمري
جمر الهجر ذباح ودموعي تجري


دمعاتي الجريه     يل رحت امن اديه
ونتي تعتلي              ياريحة هلي
             بعدك يالولد شاب
                    ****
الطف فرهدكم  من عطشكم  يهل الزود
يالب احشاي  تريد الماي   جبدك ممرود
امنين اجيب الماي يوليدي منين
رد للحرب عطشان يبني وضوه العين

كلما انضر الكم    الطف ذبل وردكم
بفگدك مبتلي          ياريحة هلي
             بعدك يالولد شاب
                    ****
من كالو طاح  بطعن رماح  ابنج مذبوح
فزيت بدمعه وجيتك انعه  وكلي جروح
الفاكد ولد ياناس من حكه لو ناح
راسك اشوفه شلون رافعته الأرماح


موتك عذباني   يازهرة زماني
جرحي الأولي    ياريحة هلي
           بعدك يالولد شاب
                    ****
طولك انضرله   مگطع كله  يالمذبوح
فايض من دمك  يابعد امك  ليش تنوح
من جابوه ابوه حسين بين المجاتيل
حنيته شيب الراس من دمه اليسيل


ياجرحي بغيابك   شلون احمل مصابك
تشمت عاذلي          ياريحة هلي
             بعدك يالولد شاب
                    ****
يادمعي الماجف  وجروح الطف ينبي هواي
ابني مگطعينه اشتاق لعينه مو للماي
اشتاگ الك والروح يلهب جمرها
المثلي افگدت أعزاز شينفع صبرها


المر اتجرعيته   ابني ضيعيته
بعدك ياهو الي   ياريحة هلي
             بعدك يالولد شاب
                    ****
علي محسن الفرطوسي

لعب بيه الشمر ياعلي ٠٠٠٠يوله

لا هاشم اجت لاخوتي ٠٠٠٠٠يوله

عندك علم شدني بحبل ٠٠٠يوله

وخله الناس تتفرج عليه

✍نور الولايه الفاطميه

متى الفرج:
( شباب اليمه)  استشهاد الامام الجواد ع

……………………………………………………………

اهل الظلم    . شدوا عزم
ابموت الولي . صدرو حكم
من شمع فاطم يطفون • سمّوا شباب اليمه

……………………………………………………………

مـثل السـقيفه المعتصم سواها
وي بت اخوه ام الفضل عقداها
ابيت الـولي نار الحـقد شعلاها

عاده و سِمه •• شُرب الدمه
لضنوة علي •• و لفاطمه
بين السبي و المذبوح • والشرب منهم سمّه

……………………………………………………….……


مثل الحسن وبيومه يشبه جده
و ام الفضل بالغدر تـشبه جعده
بالسم نحل حيله و تگطّع چبده

سمهم قوي •• جمر وچوي
من الألم    •• ظل ملتوي
و الدنيا من كثر الاه • بعيونه صارت ظلمه

……………………………………………………………


صعب اليموت بغربه مـو يم ناسه
مو حضن اخو فوگ الترايب راسه
هاللحظه سـيف و تذبح بأحساسه

وكت الاجل •• دمعه انهمل
يربي النظر •• مامش اهل

يريد اليشيعونه اخوان • ويهوّس ابنيّ عمه

……………………………………………………………


عشـرين و شويه الجـواد اسنينه
من زغزه ضيم وقهر شافت عينه
لا ليله نشفت دمعته اعل حسينه

يذكر خدر    •• ناگة يسر
سوط ومتن •• خيمه وجمر
و يگلها كـون الـبسوط • متني ابدالج عمه

……………………………………………………………


يكول الخبر ايام ظل عل غبره
لاچفن لا مـاي الغسل لا سدره
مـثل التوزّع بالـحوافر صـدره

بس مو ذبح •• راس ابرمح
الف وتسع •• مية جرح
وماله رضيع وعطشان • بچفوفه ناثر دمه

……………………………………………………………


اسـمه الجـواد و يـكرم بـوفاده
معزّب و ماخذ شمره من اجداد
كلمن يطب للحضره جاب مراده

ميرد ابد    •• كلمن گصد
ينطي شكثر •• وبلا عدد
ويشفه المريض من الاه • لمن ضريحه يلزمه

………………………………………………………….
✍️ ( سيد خضر الزاملي )

https://www.tg-me.com/asaadshaker

الك يحسين جمره بكلبي ما تطفه
وجرح لمصيبتك للموت ما يشفه
----------------------------------------
وحك اجروحك الالف وتسمعية
يمر ذكرك علي يحسين يومية
يظل ذكراك ما دام النفس بية
مصيري ابلايه حبك والله ماعرفه
----------------------------------------
يبعدني هوى الدنيه و ترجعني
لو غيرك ترى من ازمان يطردني
رغم كلشي اذا انخاك تسمعني
ألوذ ابخيمتك يحسين بالكلفه
----------------------------------------
اذا تنسه الشمس فد يوم ما تطلع
ما انساك ابد يشهدلك المدمع
معروف اليحبك طاهر المرضع
من الذر هواك ابكلبي مو صدفة
----------------------------------------
امل من روحي انه وما امل منك
فضل منك توفقني اخدمنك
اذا حبك عذاب ونار اتبعنك
تره الجنة بدونك عندي مختلفه
----------------------------------------
يمن جرحك جمرته ابروحي لهابه
عاشور الحزن من يفتح ابوابه
اصيح ابصوت آيحسين ومصابه
مثل جرحك دليلي مابطل نزفه
----------------------------------------
اشما اصفن افكر بيك واتصور
جسد فوك التراب وبالدمه معفر
اه اعليك انادي يا ابو الاكبر
الحبيبه ابلا نحر عيناه ما تغفه
ـــــــ ـــــــ ـــــــ ـــــــ ـــــــ ـــــــ ـــــــ ـ
حسن بشير السوداني

ميمر للجواد

لو عكست الدنيه وياك.   الكبر الجواد اتعنه
****
هذا الكريم الما يرد خطاره
محد اجه وما بشراه ببشاره
صبح ومسيه ايرحب بزواره

للحضره لو بس طبيت    جنك تطب للجنه
****
خل يكصد الكبره اليطيح بشده
والصفه كلبه ونيته حاشه يرده
باب المراد امراد اخذ من عنده

جم مره زرته وصليت.   وما خيباها الضنه
***
وين الصعب مرضه وعجز دكتوره
خل يعتني الكبر الجواد ايزوره
والصيدليه كبته المشهوره

اكبر طبيب ابغداد.  واسأل الوادم عنه
*
عندي يقين بسيد الحنيه
ايشافي المريض ويرزق الذريه
وكبته يا ناس بذهب مطليه

والعنده متصير اطفال.  خل يمشي يطلب منه
****
هذا الجواد وكلها تحجي بجوده
وبالكاظميه سفرته ممدوده
وكت الشدايد وكفته مشهوده

وكل عاشك اعله الشباج.  يشبك عمر يتمنه
**
باب المراد ويفرح بخدامه
وحي الله صاح المهدي باللطامه
احيو يشيعه بالدموع ايامه

لمصيبته نبجي اليوم.   ونجذب بكبره الونه
***
تمت
تحسين الخفاجيhttps://www.tg-me.com/asaadshaker

ياحسين 😭

ليل ودربي ماشوفه منالدموع
وانا مضيعتلي ميت راسه مگطوع
انا ادريبك تگلي هنا تعالي
منصيحن ياحسين بصوت عالي
بس يبن امي صوت الليل مسموع
ــــــــــــــــــــــــــــــــــــــ
اجيت اعثر واگومن واعثر اردود
ودمع العين يحفر وسط الخدود
حيهم ردت اصيح وگلت ماصيح
اليستاهل الحيهم  فاگد زنود

محتارة الحرم تنطي الوجه وين
وكلها اتصيح احركوا خيام الحسين
طلعنه اركاض هلبت نلگه فزاع
لگيناهم لحرگ الخيم جايين

كلها تريدنه نموت   
نشوف الدنيا تابوت
غريبة والحجر يبجي اعلى حالي
منصيحن ياحسين بصوت عالي
بس يبن صوت الليل مسموع
ــــــــــــــــــــــــــــــــــــــ
اجيتك من خدرنه الجان محروس
الفشل والخوف خله الصوت محبوس
واگول شلون اعرف حسين بالليل
وهمه البحرب كلهم بلا روس

وينك خويه اصيح بصوت مخنوگ
بهذا الليل ادور جابني الشوگ
بس اتذكريتك بيك نيشان
بس انت الوحيد بخيل مسحوگ

الماله ضلوع معروف    
بس العتب ع الشوف
رجيجه عيوني ماشوفك يوالي
منصيحن ياحسين بصوت عالي
ــــــــــــــــــــــــــــــــــــــ
گلي بيا حچاية توصف الحال
التدورلها اعلى ميت صاير اوصال
لا تندل ولا تگدر تخليه
رچيچ الشوف بس الشوگ چتال

اجت والجدم يعثر بالجدم گام
عميه عيونها بدخان الخيام
تشد الحيل بيش الفاگده الحيل
الگطعو نحر اخوها منيلها حزام

ابد ماحاسبه حساب     
هيج يطول الغياب
هيج فراگ ماجان اعلى بالي
منصيحن ياحسين بصوت عالي
ــــــــــــــــــــــــــــــــــــــ
اجيت احجي ويروحي شلون وشلون
التطشره الخيل وين تشوفه العيون
اول مرة اشوفن ميت يصير
درب للمشتهين اعليه يسحگون

بعد نيشان بيك استاهد انوب
من دون الجثث ع الوجه مگلوب
كلها هدومها عليها المجاتيل
بس حسين گالو ثوبه مسلوب

 محد يشبه حسين      
بس دوري الجثث زين
ضايع وين يـاعزي ودلالي
منصيحن ياحسين بصوت عالي
ــــــــــــــــــــــــــــــــــــــ
اذا بين الجثث عينج  تضيعه
تلگين الاصابع عنده تسعه
واحد سلب هديماته من طاح
وواحد ماخذ المحبس واصبعه

اذا كل ذني بيه وضايع اعليج
ولو صحتي علكيفج ما يحاجيج
واذا من ذني كلهن ما لگيتيه
يزينب ريحة امج بي تدليج

ماكو بغيره مذبوح   
ريحة فاطمة تفوح
يتيهه شلون المضيعله غالي
منصيحن ياحسين بصوت عالي
ــــــــــــــــــــــــــــــــــــــ
جبت نار الخيم بذيال الهدوم
واجيتك عود احشمك هلبت تگوم
الدرب هذا الگصير منالخيم ليك
وحكگ صار خويه اببعد النجوم

امشي وخايفة منللخيل والناس
گبل من امشي يمشي وياي عباس
جنت مدللـه وماحاسبه حساب
يجي يوم الدلال بخيل ينداس

ماصارت گبل هاي         
اطلــع محد ويــاي
هضيمة عيونهم شافت خيـالي
منصيحن ياحسين بصوت عالي
ــــــــــــــــــــــــــــــــــــــ
لگيتك رغم ذاك الليل والخوف
يشوف بگلبه كل شي الجاي ملهوف
اثاري السالفة مويم العيون
عيونك تعمه اذا مو گلبك يشوف

لگيتك والعتب يمك حله وطال 
وشبگت الظال منك ولو ماظال 
اثاري مفرهدينك جسد وهدوم
حصيرة يريد جسمك يله ينشال

بعدلك خنصر وراس    
   خـذتهن منك النـاس
بعد ياهو اليردهن ليك تالي
منصيحن ياحسين بصوت عالي
بس يبن امي صوت الليل مسموع

رائد الناشي

ابوذيه حول العليله ع



يردك صوتي المبحوح هلبت
خطيه وكلت بيها داي هلبت
كضت يبتوت كلبي وضال هلبت
يتكطع من يشح وصلك عليه




💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي ✍