حرق بيت الإمام الصادق (ع)

عليك الدهر يالصـــادق تراها
وملامح كــربله عيونك تراها
النـــــــار الشبّت بـدارك تراها
نفس نــــار الخيم بالغاضريه

فراس المحمداوي

ضريحك كل وكت چنه نطوفه.
وهسه بالصور صرنه نشوفه.
اشتاگينه الك مولاي.
شوگ الورد للماي.
................................... ١
من بعيد الحبيب انزوره ماترهم.
ومانشبگ ضريحه والعطر نشتم
گطع بينه البعد والروح تتألم.
ليل نهار يمته نزوره نتحلم

صرنه بكربله نحلم نطبهه
ويم شباچك الدمعة نصبهه.
الگلب مشتاگله هواي.
شوگ الورد للماي
..............................٢
لون بچفوف تگضي چفوف ننطيهه
لجل زيارتك ارواح نفديهه.
لاچن هالمصيبة الطال تاليهه.
ومانعرف نحلها شلون نگظيهه

عندك حلها يامولاي حلهه.
احبابك تعلگ بيك املهه.
حنين الگصد مشاي.
شوگ الورد للماي
..........................٣

ندري ذنوب عدنه وخاف حجبتنه.
عنك سيدي من النعمة حرمتنه.
لاچن يبو اليمة أنته رحمتنه.
افراگك نار بس حسرات دنيتنه.

ومجالس ماكو ونفرغ حزنه.
الطرق مسدوده يمك ماوصلنه..
اليگصد ألك شچاي،
شوگ الورد للماي.
........... ...٤

أيام المضت نحسدهه هم ترجع..
ترد أحبابك ولزيارتك تطلع.
ونجي مشاية ونشوف الگبر يسطع،
ورايتنه بأسم عباس هم نرفع.


وهلا بزوار أبو اليمه ينادون.
خدامك وننظرهم يخدمون.
نتعناك حفاي،
شوگ الورد للماي.
........................٥


كلش مو حلو هذا الوكت يحسين.
مانگدر نزورك واحنه متعودين.
محرومين منك وانت نور العين.
يمته تلم شملنه سيدي متانين.،

يمته بگبتك نقره الزياره.
ندري هالأمر عندك قراره.
بگلب الزاير الجاي..
شوگ الورد للماي.

...............................

حيدر موسى الرميثي.


https://www.tg-me.com/asaadshaker

كافي من اذنوبي
ياروحي توبي
وصيحي يامحبوبي
يامهدي
ليش اسوي اذنوب وابعدها المسافه
وتالي الومن نفسي واكتب ياحساف
بشنو احسن مني غيري وراح شافه
غير عنده بالعشگ طاعه وترافه
شلت حبه ابگلبي
راحمني ربي
وشمعه تضوي ادروبي
يامهدي
..........
اليحب لأجل يحب كلشي يعيفه
وخدمة المهدي يحس أشرف وظيفه
گلبي من يذنب امنعه مو ابكيفه
اختار اگله يم علي لو بالسقيفه
ومن اصفي احسابي
ابيض أكتابي
ويبقى أعز مطلوبي
يامهدي يامهدي
..........
ليش أذنب واني ادري راح اجرحه
ليش مو وقت الصلاه أوگفه والمحه
راح افتح بالعشگ وياه صفحه
بليلي اسلم اعليه ومن اگعد اصبحه
سيدي الله ايعينك
دليني وينك
واحس بيك ابصوبي
يامهدي يامهدي
..........
راح اعوفن كلشي بالدنيه الدنيه
لو الدنيه بأيدي راح افتحه اديه
خاطر يصير العشگ أشرف قضيه
شما تصير العيشه بس راضي عليه
يصير حبك زادي
وغاية مرادي
وحلو خادم ثوبي
يامهدي يامهدي
.... ...
الراد يذنب لايسولف بأنتظاره
اليبجي نحر احسين ليلجمه بحجاره
المهدي رايد بالتحب وادم غياره
راد وادم ليلها تسبح سهاره
اليساهر ليله
يلگاه خليله
وصبره كون ايوبي
يامهدي يامهدي
..........
كون احس بيًّ جرح عمته رقيه
واحس زينب أعز من امي وسبيه
خاطر ابجي مثله دم للغاضريه
واندب حسين بألم صبح ومسيه
واليعيش الحاله
يلگاه اگباله
وكربله مشروبي
يامهدي يامهدي

الموشح
النار لهبت راحت اصواويني 
وذيج طفله ابنار شافت عيني
لن رقيه خايفه اتناديني 
وين شاطي العلگمي دليني
•••••••••••••
عمه لتركضين مچوية جدم 
عمه خاف ايصيب دلالج سهم
اتگلي دليني إعله شيال العلم
عمي من هاي العده يحميني
•••••••••••••
يارقيه اجدامج اينزفن دمه
يابسه إرياگج يعمه امن الظمه
يم ابوفاضل اتريد اتكلمه
اتگله اديه گامت اتچويني
•••••••••••••
ركضت وانه وراها عمه اصيح
گام تعثر بالحجر كل سا تطيح
اتريد يم عباس تگعد تستريح
اتصيح ياعباس وتبجيني
•••••••••••••
يارقيه الخيل هجمت والزلم
لايضربونه ابرمح للينهزم
اتگلي ايم عباس أحسن بالسلم
يمسح ارماد اللي تارس عيني
•••••••••••••
دللتها وعلمتها اعله الدلال
اجت من نار الخيم ماعدها حال
فوگ چوي امتونها سوط الانذال
تگلي يم المشرعه اتلاگیني
..........................
لاتحيريني وتعذبيني شچاج
وانه اشوفن سوطهم يركض وراج
لو ابو فاضل على الحاله لگاج
ليش چان يگلج اتأذيني
•••••••••••••
ليش تاذيني ولو جابج الخوف
ونبله وسط العين متخليني اشوف
اتچوه وجهچ وانه اشم چوي الچفوف
الموت بينج يارقيه وبيني
•••••••••••••

الخادم
كريم التميمي

قصيدة بحق ابو الفضل العباس عليه السلام



العفت كلشي اعله موده    دعيت الله يعودة
اوصيه اعله حالة      الدمع فاض اعله جودة
---------------------------------------------------------
اللاهي يا مجـيب المضطر   وتعلم بـحالي
يموت من الحزن كَلب المشوا  عنه الغــــوالي
غالي ولــــــو رحــــت مايــــنكَطع   عنك سؤالي
حد كَطع النفــس عايــــش تظل  دوم بخـيالي
يربي انخاك احرسة     وطن بالغربة احسة
وطن ماكو مثالة    الدمع فاض اعله جودة
__
عزيـزك يا كَلـــب من يعتني  صوب المنية
تحظر يا كَلب لا ترتـــجي من  عـــــــــدة جــــــية
شبه ميتة صـــرت من ودعت  راعي الحمية
اشم بيه واون وعلـــــيه درت   باثنــــــين ادية
بدمع رشيتة مكَفاه      واصيحن الله وياه
مشة وكَلبي برالة   الدمع فاض اعله جودة
___
عطــــــشانة الك كَاع لمــــــطر  اروىٰ بحـــناك
يا كلـشي الي يا ابا الفـضل  واحد زمانك
احــــذر وانــتبه مـن العطـش  يابس لسانك
محـتاجة ترد خـوف الكَلب  هـــــــــذا اوانك
لو طحت اعله التراب  اخاف ايطيح الحجاب
من اذكرة بالكفالة   الدمع فاض اعله جودة
___
ياساقي العطاشة امن العذب اروي دلـيلك
يم جــــرف النهـر من تمـــــتنع  موتك يجيلك
يا بحـــــر الوفه بـين البـشر  ماكو مثيلك
ما بين العطش ســـيف وحرب  كَوة الله حيلك
اريدك ساعة الضيج    يخوية بلل الريج
صفكَ يمنة بشمالة    الدمع فاض اعله جودة
__
عيني يالرحت تــــربي اللوة  وصوبك اصدها
كَلبي منخمش مدري شحصل  روحي شمردها
لصوب المشرعة حسين ايعثر  راح وكَصـدها
رد محـني الضهر ولخيمتك  طـيح عمـدها
فكَد يسرة واليمين    يكَلي وطافية العين
او ودالچ رسالة    الدمع فاض اعله جودة
***
أسالكم الدعاء رائد الاسدي

متى الفرج:
قصيدة للإمام الرضا  (عليه السلام )

----------------------------------------

واتلاگه گلبي  ويه  الضريح اتلاگه
يا ضامن الروح   الاجت   مشتاگه
آخيرآ   يمك  ابدارك
اجيتك وآنه خطارك
أمامي ،، أمامي

-----------------------------------

سوالف شوگ ،، نفس مخنوگ ،، گلب محروگ ،،  وصلتك يا علي

ضريحك نور  ،،  گبب وطيور ،، عليك أتدور   ،،  يبعد آنه وهلي

اجيتك  زاير    ومحتار    بأحساسي
امانه   وياي  جايب من  تعب ناسي
دخيلك  يالرضا  والحرگه   بانفاسي
لزمت آنه الضريح   ودنگت    راسي

بچيت هواي
واريدن راي 

والله ادري بيك وياي تسمع  شحچي
وانه اطلب  الحاجات  منك   وابچي
ضعت ما بين  زوارك
اجيتك  وآنه خطارك
أمامي ،، أمامي

-------------------------------------

احسك دار  ،، ولا محتار ،، برد كل نار ،،
امان زيارتك 

هوى المحبوب ،،  خريف ذنوب ،، اجه المتعوب ،، دخيل بحضرتك

شگلك والتعب  من  شفتك اتلاشى
واعرفك ما ترد    اليگصدك  حاشى
اليزورك  ما   يهيد  الليل    بفراشه
يظل  مشتاگ  الك  يا جنح  فراشه

يريد   وياك
يچلمة  هاك
  
يا  ملجأ  الحاجات  واسمك  شافي
ها يا علي  وأدريك     للهم    كافي
يهنيال  الصبح   جارك
اجيتك   وآنه خطارك
أمامي ،، أمامي

-----------------------------------------


اروحن وين  ،، يعطر حسين ،، يشوف العين ،، انيس الوحشتي

يرفعة راس ،، چثيره الناس ،،  صعب تنباس   ،، وأگلك حاجتي

سلام ويه الدموع  الترسن الحضره
اجيت وي  الرسايل  گاطع  الصحره 
بوجه الضيف تقره  الحاجه  والنظره
حچيت بدمع  عيني  وشوغة  الفقره


يمدت   أيد
بعد   وتزيد

مگضيه    ادريهه     وعلي    مگضيه
گلبي اطمأن       والروح    ردت  بيه
خذتني العالم   انوارك
اجيتك   وآنه خطارك
أمامي ،، أمامي

-------------------------------------------

غريب إبطوس ،،  الصحن فانوس ،،  المناره دروس  ،،  الجنان ابمرقدك

عظيم الشان  ،، الرضا السلطان  ،، ترى العنوان ،، الامان ابمشهدك

بعدني  ابحضرتك   والشوگ   كاتلني
ما اريد   ابتعد      مولاي      لتهدني
گمت  اكره  طريق الرجعه   ساعدني
لان  منك  احسه     ايريد     يبعدني

اروح    شلون  ؟
واغمض عيون 

كلما   اغمض    عين    تطلع   صوره
عن حضرتك  وتصيح  خل    انزروه
حبيب  وناطر  اخبارك
اجيتك   وآنه  خطارك
أمامي ،، أمامي


-----------------------------------------


وداعك موت  ،، حنين ابيوت ،، ظهر تابوت  ،، طريق المگبره
رحيل ارواح ،، عزيز  وطاح ،، اريد ارتاح ،، يناري أموجره

اروحن   وين  منك   يلعشت   بيه
اسافر  من ضريحك وانطر   الجيه
واظل  اندار   الك  للملگى   يوميه
بعيد   هواي   بس   متفضل  أعليه

أمام    وتاج
الك  محتاج

راح ابقى  يمك والجسد  خل  يمشي
خليتلك  روحي  ودمعتي    أبرمشي 
اردلك    يوم   المبارك
اجيتك  وآنه   خطارك
أمامي ،، أمامي


كلمات الخادم /   رعد الفريجي

https://www.tg-me.com/asaadshaker

#شهادة_الامام_الصادق_عليه_السلام

رسالتنه الرســـــالة العَمَلية
أصلها من علومه الجعفرية
و لجل فقه المجـالس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
شمس المعــــــرفة بين العَوَالم
أمام و چان هم لحسـين خادم
گال ابكل عزه موجـودة فاطم
و هيه أديـر بيديـــــــها المــأتم

هاي الونة گِلـــها سَجِّليها
يم الباب تگعد ندري بيها
و أمامك يَمــها جالس
فتح حوزة و مدارس
من عــــــدها عرفنه نقره لطمية
ـــــــــــــــــــــــــــــــــــــــــ
كُــل (أصل و فرع) ينبوعه منه
و آلاف الكُتُــب مـنقــــولة عنـه
دمعــة وحــــدة گــال و أَكَّـدلنه
بگد جنح البعوضة تصيــر جنه

دَمِعتَك من عله حسينك تهلها
أقل من جنة لتصــدّگ فضلها
أبشروا يالعَـــــــوَابس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
مشاعر صادقة الصـــادق كتبها
مجالســــكم يگول شگـد احبها
يطلع خالي مــــن ذنبـه اليطبها
و يلگه شگد كرامة ابنص دربها

يتحول شخـــص جداً مثالي
و بجنح الخِدَامة يطير عالي
مثل طيـــر النـوارس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
يخدام الحُســـــــين أحيـــوا أمرنه
قالَ الصـــــــادق و أحنـه ألتـــزمنه
مجالسهم شـــــــرف بالنســـبة ألنه
و يرخص كُلشي من خاطر شرفنه

أُمَرنه الصادق و گلـناله حياك
و ابلطم الصدر نكحلها عيناك
عله الخـدمة ننـــافس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
عايـــــــش كربله ليـوم التـلاقي
و ابعينه الدمــــــع ما خَلّه باقي
صاحب ذوق و الاحساس راقي
و يحب نقراله بالطـــور العراقي

يسمع كل تفاصيــــل القصيدة
و يعجبه المُستهل كلما نعيده
ثياب الخـــدمة لابس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
ثق يا مَنْ عليه دمعــك تِجــاره
عبـرتك هاية عنــــد الله تجارة
رضاة الزهرة حَصِّلها ابجــدارة  
و عِندْ ام الحسن ماكو خسارة 

دگ باب الزچية و گلها رايد
لجروح السبية ادموع فاگد
گلــــــبها بِينه حاسس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ

الشاعر علي_حسين_الكناني






ليلة استشهاد الإمام
جعفر الصادق عليه السلام
٢٥ /شوال /١٤٤٥هج
السبت 4 \5 \2024

ليلة استشهاد الإمام جعفر الصادق عليه السلام ٢٥ /شوال /١٤٤٥هج السبت 4\5 \2024 بصوت خادمكم الرادود ابو هاشم الربيعي

رايحه العباس اگله ايجيبلي الماي
هذا اخوي المايردني إوذخر دنياي
،،،،،،،،،،،،،،
وين صايود الشريعه إيطرهه ويفوت
إزغار بخيامي عطاشه إوتندب إبصوت
عمه والله العطش مرنه طحنه بالموت
إو صار يا عمه إلمثلنه الموت منعوت

والله ياعمه الاعادي ما كفت من هاي
إو خاف همه إيتمونه إيخوف إلجاي
،،،،،،،،،،،،،،
شايله إهمومي الثگيله إعتيگ وجديد
شافني إو حالن تبسم وإگبل العيد
إو صاح حياها العقيله مني شتريد
إچفوفي اقدمهن هديه إوياهن إوريد

خويه ياخويه إجيتك وانته رجواي
گوم جيب الماي يالله ها يمنواي
،،،،،،،،،،،،،،
طول عمري إوكل حياتي ماشفت شين
لان كلك خويه نخوه إو تارس إلعين
أسد وآنه أختك عرفتك ياسند لحسين
گوم شو روي العطاشه إبهاي إلايدين

انت انت إوماكو غيرك انت سلواي
اقسم إبأم البنين الوگفت إوياوي
،،،،،،،،،،،،،،،،
الله وكبر  من ظلم هايه الجيوش
إلما خطتنا إسهامهه خطره إو تنوش
يالله خويه إتنكه حط روس إبنعوش
صول خل دفانهه إيلم إو يطوش

خويه دمعات الهضم ظلن وراي
إوهل اجيتك آنه زينب لا سواي
،،،،،،،،،،،،،،،
✍حيدر ناصر شداد
الاثنين8/5/2023